Nzaelwapxngr 1:3 - Natqgu

³ Namrlzbz mz doa kx rlwxpxle natq lcng tqyrox mz buk lc. X namrlz-kzpz mz leplz kcng tzxlrlr x tzyrlq-angidrlr natq lcng. Murde sa nakrlz-angidrlr da lcng amrlx mzli kc tqycpe pipz nzprtz-krmlr.

Nzaelwapxngr 1:3 Iomraidhean Croise

Matiu 24:15

Rpi-mop Jiszs bagr kx, “Kxdrka'ngr kxmyapxbz kc tqtrka-esz'ngr sa navzm, mz nzatutr-krde da kx yro Daniel mz buk scde. X nimu kcng tzrlwxlr da lc nakrlz-angidramu drtwr ngrde. Murde Kxdrka'ngr lc sa natuom Mrkc Tqtr Mangr-nzangiongr Yawe, a' trtakitrdeu nide nztuo-krmle elr.

Nrpakxmrlz Kx Yr Luk 11:28

A' rpibz Jiszs kx, “Eu, a' sa namrlz-kzpz mz leplz kcng tzxlrng natq Gct x nzvz-nqblqlr!”

Nzryr-krbz Pol Mz Lr Rom 13:11

Nzmnc-krmu natubq, mz nzkrlz-krmu kx ycpe pipz nzyzlu-krm Jiszs mz nzvzmi-krde nigu Heven. Mz nzmu-krde lcde, bzkq amaamu, a' nawz-katopeamu mz nzwzngr kc tqkabz Kxetu bamu mzli ka tqyc-ngrbepz mzli. X bzkq vz-nqblq-zvzamu da kxtrka, a' vz-nqblq-alzuamu nzalvztrngr angidr.

1 Pita 4:7

Ycpe pipz nzyrkrpx-krbz nrlc ka. Mz nzmu-krde lcde, aclvetio-lzbqamu murde nzkrka'-krmu nawz-angidrng.

2 Pita 3:8

Mzlengeng x inwengeng, bzkq mrbrtr mz drtwrmu Nzryrngrkxtr kc tqrpile kx, “Kxetu, mz drtwrgr, yiz kx siu (1,000) mz nrlc ngi mzli kxboi, a' mz drtwrm mzli mrbcnepwz, apunede zbq kx esz' kx yrkrpxpe.”

Nzaelwapxngr 22:10

Bzkq yrlq-kapqq natq kcng tqpipx Gct mz Buk lc, murde ycpe pipz nzkaputr-krmqng.

Nzaelwapxngr 22:12

Rpi-mop Jiszs kx, “Ninge Jiszs. Lalztq-angidrmamu, murde mzli trnzboi-krdeu x ninge kc tqyzlupe-mopwc'. X sa natwzmc da kx nayrlq-ngrbo mq leplz amrlx, navz-nqblqle nzwz-krdrng, kxmule-esz' kxmrlz o kxtrka.”

Nzaelwapxngr 22:20

Jiszs kc tqycmnetr-ngrde da lcng amrlx rpile kx, “Da zpwxtx! Mzli trnzboi-krdeu x ninge kc tqyzlupe-mopwc'.” X kxnzrlxngiting amrlx nzrpibzlr bade kx, “Eu, angida! Vz-anim, kx Kxetu Jiszs!”

Nzaelwapxngr 3:11

Mzli trnzboi-krdeu x sa nayzlupe-mopwc'. Lolvz-amqngiamu nzlxngiti-krmu ninge murde ma tzangqngutilr, x sc tr-rtwzpewamuu da kxmrlz mz nzaovxio-krmu mz nzvecngr.