Nrpakxmrlz Kx Yr Mak 6:24 - Natqgu

²⁴ Zbz doa olvz kc sc tqvzpebz mz lxede, rpibzle kx, “?Nike narlxtibo mz King?” Rpibz lxede kx, “Rlxtibz nar Jon Kxawrkxtr.”

Nrpakxmrlz Kx Yr Mak 6:24 Iomraidhean Croise

Sam 27:2

Mzli kc kxdrka'-ngrng natz-ngrdr ninge mz nznibq-krdr ninge, Enqmi lcng sa nataong.

Sam 37:12

Ili! Kxnztubqng x kxtrnzrngiscung na-aclvetio-lzbqng Murde kxdrka'-ngrng nzglalzpelr toki r vea x popz' scdr. Ili! A' kxdrka'-ngrng na-aclvetio-lzbq-kzng murde toki r vea scdr sa nanibq-moule nidr, X Yawe sa naplameitibzle popz' scdr. Jzs Yawe krkcng tzryrlqng drtwr kx na-atrkati-ngrdr kxnztubqng X nzmadqti-zvzbzlr nqngidr badr. Jzsle nidr mz nzodati-krde nidr, X yrpalelvz-zvzle nidr murde trpnzngr nzxplr-krdr.

Matiu 14:8

X mz nzvz-nqblq-krde natq lxede, rpibzle kx, “Suti drtwrnge nalakipxbzme nar Jon Kxawrkxtr x katim dis bange mzli ka, murde nakrlzx kx bz-angidrpe.”

Matiu 3:1

Mzli lcde, Jon Kxawrkxtr vzpxm lzke ngr Judiz Provins, x sc tqryapwxpebz mz leplz.

Nrpakxmrlz Kx Yr Mak 6:25

Doa olvz kc ngrlrbz mz King, rpibzle kx, “Suti drtwrnge nalakipxbzme nar Jon Kxawrkxtr x katim dis bange mzli ka, mz nzkrlz-krnge kx bz-angidrpe.”