Nrpakxmrlz Kx Yr Mak 6:16 - Natqgu

¹⁶ Kx xlr kz Herot nrpa ngr Jiszs, sc tqrpipele kx, “Jon Kxawrkxtr kc tqpibo mz ncblo ngr vea nengeng nalakipx-krbzlr narde, lupe mou.”

Nrpakxmrlz Kx Yr Mak 6:16 Iomraidhean Croise

Sam 53:5

A' mzli ka nzmwxlr-zlwz-krdr myaszpxpele mzli kc. Murde Gct sa napxtxpx-ngrde enqmi rgung. X drtqdr sa namya mz nzaovxio-alo-krgu nidr. X namz ngrdr sa narlxbuliane-ngrbz Gct mz nrlc.

Matiu 14:2

X sc tqrpipebzle mz kxnzawz nedeng kx, “Mwx ncblo lc, Jon Kxawrkxtr elc, tulzpe-mop mz nzbzngr. Dekc tqale-ngrde rkx kcng tqmatq-esz'ngr.”

Matiu 27:4

X rpibzle badr kx, “Alex alwx kxetu zlwz mz nzamwatx-krbo bamu ncblo kc trvz-rbru. X mzli ka sa nabzpe-ngrde da kc tqalex.” Nzayzlu-ngrbzlr natqde kx, “Trpnzngr scgr da kx yctrpz mz da la tqpiq. Krla me pnz drtwrm.”

Nrpakxmrlz Kx Yr Mak 6:15

Mz drtwr kzdung leplz Jiszs nide Profet Elaeja kc tqaleti rkx kxkqlu mzli kc bqnc. X kzdung leplz nzrpilr kx nide profet kxmrna kx apule profet kcng bqnc tzrngiscng zmatq.

Nrpakxmrlz Kx Yr Mak 6:17

Nzbzkr Jon kxmule sele. Herot twzle olvz r mzlede Filip. X Filip lc sc tqlube kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngi-alwxbz mz Gct nzyrlzti-krde olvz r mzlede. Natq lc ngyangr drtwr Herodizs x rpile nanibq-ngrde Jon. Zbz Herot atwzlr-ngrde ncblo ngr vea nedeng, nzlolvzlr Jon x na-adwatrlr mz presin. A' rblx nznibqkr Herodizs le, murde Herot mrlue mz drtwrde Jon x krlzle kx nide ncblo kxmrlz x tr, dekc tqamnc-zpwx-ngrdele. Suti drtwrde nzvz-krbz Jon bade mz nzlalztq-krbzle mz nzryapwx-krde, kxmule-esz' narde tryrplatrpwzu mz natqdeng amrlx.

Nrpakxmrlz Kx Yr Luk 9:9

Rpi Herot kx, “Nar Jon lakipxpe kzdung ncblo ngr vea. ?A' nelc krlc tqxlrx tqaleti da lcng?” X sc tqrpile namcle Jiszs.