Nrpakxmrlz Kx Yr Mak 5:2 - Natqgu

² Mzli kcpwz Jiszs tqpoo-ngrmle mz bot, vzm bade kc ncblo kx mncpx-ngrm drka'.

Nrpakxmrlz Kx Yr Mak 5:2 Iomraidhean Croise

Nrpakxmrlz Kx Yr Mak 1:23

Zbz kzdq kc ncblo kx mncpx-ngrm drka' sc tqdwatrpebz mz mangr-nzkrka'ngr. Sc tqnetxpxpe mz natqde kxwzpx.

Nrpakxmrlz Kx Yr Mak 1:26

X drka' kc arnrctitxde ncblo kc, netxpx, x sc tqprszpxpele nide.

Nrpakxmrlz Kx Yr Mak 3:9

Leplz kxnzyagoxng amrlx sc tzapetr-lzbqbzng mz zbo ngr leplz kcng mz nzbxtr-krbzlr nide. Murde nzrpilr na-amrlz-kzpzle nidr da kc tqwai nzamrlzpe-krde leplz kxkqlu. Zbz rpibzle mz ncblo nedeng kx naoliqtibzlr dq bot kx nadwatr-ngrmle dxbu mz nzalvztr-krde nidr. Murde ma tzolikilvztilr nide mz nzalvztr-krde.

Nrpakxmrlz Kx Yr Mak 4:1

Mz nibrde, Jiszs dwapx ma kc x sc tqvzope mz nabz drta' ngr Dxbu Gzlili. Zbz zbo ngr leplz kcng kxnzetunepxlr kc, sc tzyrlwr-ngalelvzpelr nide. X sc tqdwaope mou mz bot, mz nzalvztr-krde nidr kcng tzyrlwrpxbzng mepz.

Nrpakxmrlz Kx Yr Mak 4:36

Zbz sc tzrlaszpelr zbo ngr leplz kcng x sc tzprtzpe-kzpzng mz bot kxetu kc tqwxbuope-ngrm Jiszs, x sc tzalilvcopeng. X kzdung kz leplz nzvo-nqblqopebzlr nidr mz bot kcng tzdwa-kzng mrkc.

Nrpakxmrlz Kx Yr Mak 5:21

Jiszs badr ncblo nedeng nzalilvckio-moulr nrlar dxbu kc x zbo ngr leplz sc tzyrlwr-ngalelvzpe-moulr nide mz nabz drta'.

Nrpakxmrlz Kx Yr Mak 5:3

Dekc tqmncpx-ngrmle mz butqbr kx nzryrtzmqpx-ngrm namz ngr leplz. Apule ncblo kxayo, xplr-esz'ngrtx x rblx nzamnc-moungr nide x nzatolvangr. Nzwrde kqlupe kx nzpe-ngrbz mqde x nanycde mz nqvi x sen, a' zvz tqnikitileng x sa tqvz.

Nrpakxmrlz Kx Yr Mak 7:25

Kzdq olvz lr Taea, kx xlrle kc nrpa, sc tqvzpem bade, murde inyxde kxtopwz mncpx-ngrm drka' kxtrka. Olvz lc trngiulrJiu, sc tqyrngzopebz bade mz nzyrnitr-krbzle nzmaszlrpx-krbzle drka' kc mz inyxde.

Nrpakxmrlz Kx Yr Luk 8:27

Jiszs kx poobzle mepz, sc tqrmctipe kzdq ncblo ngr taon kc, kx mncpx-ngrm drka'. Mzli boipe, kx tqvznede la, x trpnzngr scde lrpz. X trmncpeu mrnyzde, a' mnctxpepwz mz butqbr kx nzryrtzmqngr kxnzbzng.

Nrpakxmrlz Kx Yr Luk 9:42

Doa ncblo kc kx vzmle, drka' kc sc tqrtcope-ngrde nide mz drtc' x sc tqngi-batrpebzle nzglqkr nimzle. Jiszs pnanatile drka' kc. Amrlzle doa ncblo kc, x sc tqavzpebzle mz trtede.