Nrpakxmrlz Kx Yr Mak 4:14 - Natqgu

¹⁴ Drtwr ngr nzycmne-ebzpxngr kc nide sele: Nra wit kcng tqarlx ncblo ngi natq Gct.

Nrpakxmrlz Kx Yr Mak 4:14 Iomraidhean Croise

Matiu 13:19

Nra drtwr ngrde nrpa kx Gct sa tqvectrple leplz bade mz nzngini-krde King rdr. Drtc' kc pwx ngi nqmq kr leplz. Murde leplz kcng nardr tryrplatitrlru natq Gct nzapulr lrpzki lc drtc' ngrde tqmqngi, murde Setzn kc Tqdrka'ngr vzm x katxpxbzle nrpa lc mz nabzdr.

Matiu 13:3

Yapwxtipxbzle badr kzdung nzycmne-ebzpxngr mz nzalvztr-krde nidr da kxkqlu. X mz zbq lcde, Jiszs yapwxtipxbzle badr nzycmne-ebzpxngr lcde seleng. Rpibzle kx, “Lalztqmamu bange! Kzdq mzli kzdq kc ncblo oliqtile drtc' ngr nrlanc nyzde. Zbz sc tqarlxpele nra wit nyzdeng. X mz nibrde rpile nayrkqlvzoleng mz drtc'.

Matiu 13:37

Rpim Jiszs bagr kx, “Ncblo kc tqarlx nra kxmrlz drtwr ngrde ninge, Mrlx Leplz.

Nrpakxmrlz Kx Yr Mak 2:2

Zbz sc tzyrkrpebzng mz ma kc tqmnc-ngrde. Nznulvzlr ma kc x nzyrlwrtrpz kcng yz. Mzli kc Jiszs tqyapwxtipx-ngrbzle Nrpakxmrlz badr, ncblo nzpwxng nzvzmqng, nzglqmlr kc ncblo kx nrkrdrtqde bz. Nzglqtimlr nqni.

Nrpakxmrlz Kx Yr Mak 4:13

Kctipx Jiszs trnzkrlz-krdru nzycmne-ebzpxngr lc, sc tqrpipebzle badr kx, “?Tryrplatitru narmu nzycmne-ebzpxngr lc? Nzmu kx tqmule lcde, sa narblxbz bamu nztwz-krmu drtwr ngr nzycmne-ebzpxngr amrlx.

Nrpakxmrlz Kx Yr Mak 4:15

Drtc' pwx ngi nqmq kr leplz. Lrpzki lc drtc' ngrde tqmqngi, drtwr ngrde leplz kcng nardr tqmqngi mz nzxlr-krdr natq Gct. Murde mzli kznikeng nzxlr-ngrdr nrpa ngr Gct, Setzn vzm x katxpxbzle badr.

Nrpakxmrlz Kx Yr Mak 4:3

“Lalztqmamu bange! Kzdq mzli kzdq kc ncblo oliqtile drtc' ngr nrlanc nyzde. Zbz sc tqarlxpele nra wit nyzdeng, murde rpile nayrkqlvzle mz drtc' mz nibrde.

Nrpakxmrlz Kx Yr Luk 8:11

Rpibz Jiszs kx, “Drtwr ngr nzycmne-ebzpxngr kc nide sele: Nra wit kcng tqarlx ncblo kc ngi natq Gct. Drtc' kc pwx ngi nqmq kr leplz.

Aposol 8:4

Mz nzmu-krde lcde, krkcng tzlxngitilr Jiszs nzaodalitipeng, x nzvzkilr me yctxp tzyapwxtipxlr Nrpa ngr Jiszs.