Nrpakxmrlz Kx Yr Mak 3:16 - Natqgu

^16-19 Krkcng nzpnu-esz'-nrade-li (12) tqmcpxleng nidr seleng: Saemon, kc tqyrlq-kzpz Jiszs drtqde Pita, Jemes nidr mz mzlede Jon kcng tznginidr mrlx Sebedi, x Jiszs kabzle badr drtqdr Boanrjis, drtwr ngrde mrlxng bzlrmei, murde nardr mrbc, Adru (mzle Saemon Pita), Filip, Batolomiu (mrlx Tolmai, kc kzdq drtqde Natzniel), Matiu (kc kzdq drtqde Livae), Tomas, Jemes kc tqngi mrlx Alfizs, Tadizs (kc tzrpi-kzpz Judzs, mrlx Jemes), Saemon kc tqprtr ena mz dzbede kc tzrpilr namaszlrtxpx-ngrdr gzpman ngr Rom mz nzmnc-krdr Israel, x Judzs Iskariot, kc tqamwabzle Jiszs mz enqmi rdeng.

Nrpakxmrlz Kx Yr Mak 3:16 Iomraidhean Croise

Nrpakxmrlz Kx Yr Mak 1:16

Kzdq zbq Jiszs kx vznede kc mz nrlar Dxbu Gzlili, sc tqrmctipele kc ncblo kxnzmwang nzling, Saemon nidr ncdr mzlede Adru. Tzmwaneng mz br scdr.

Nrpakxmrlz Kx Yr Mak 3:15

X narngiscng zmatq mz nzrmaszlrpx-krbzlr drka' mz leplz mz drtqde.

Nrpakxmrlz Kx Yr Luk 6:13

Zbz nrlc kx ngrlxopebzle, sc tqkqlepele ncblo nedeng. X mcpxle ncblo nzpnu-esz'-nrade-li (12). Krlcng rpibzle aposol.

Nrpakxmrlz Kx Yr Jon 1:42

X mzli kcpwz Adru sc tqvzmipemle mzlede Saemon mz Jiszs. Kx mc Jiszs Saemon, sc tqrpipebzle kx, “Nim Saemon mrlx Jon. Sa nangi drtqm Sifzs.” (Drtq lc dekcpwz tqngi Pita kc drtwr ngrde rplz.)

Aposol 1:13

Kx nzprtrpzlr kc Jerusalem, sc tzvzdzpeng mz nabz ma kc tqycpx wq, mrkc tzmnc-ngrdr. Nidr kcng tzmncng mrlcde deseleng: Saemon Pita, Jon, Jemes mzle Jon, Adru mzle Pita, x Filip, Tomas, Batolomiu, x Matiu kc tqngi kz drtqde Livae, nidr badr kzdq mou Jemes mrlx Alfizs, Saemon kc tqprtr ena mz dzbede kc tzrpilr namaszlrpx-ngrdr gzpman ngr Rom mrkc Israel, x Judzs kc tqngi kz drtqde Tadizs, mrlx kzdq ncblo drtqde kz Jemes.

1 Korint 1:12

Xlrx kx kzdung nimu nzrpilr kx, “Ninge vz-nqblqx Pol.” X kzdung nzrpilr kx, “Vz-nqblqx Apolos,” x kzdu-kzng “Vz-nqblqx Pita.” X kzdu-moung nzrpilr kx, “Vz-nqblqx Kraes.”

1 Korint 3:22

Murde atwzlr-ngrmle ninge, Apolos, x Pita mz nzalvztr-krgr nimu. X wz-ngrde da amrlx mz nrlc ka mz nzokatr-krdr nimu. Kxmule-esz' luamu o bzamu, a' sa namrlzbz bamu. X kxmule-esz' da kx prtzbz bamu mzli ka o mzli kc navzm, a' sa nabatrpz Gct mz nzokatr-krde nimu. Da lcng amrlx scmung.

1 Korint 9:5

Pita badr kzdu-kzng aposol, x mzleng Kxetu Jiszs nzvzminedr olvz rdrng mz nzayo-krdr mz nzwz-krdr x leplz nzaclvelr nidr amrlx. X takitrde kz nzaclve-krmu nigr badr olvz ngrdr kztengeng kcng tqvzminekr mz nzwz-krgr.

2 Pita 1:1

Ninge Saemon Pita, wztrpo mz Jiszs Kxnzmcpx x ni-kzpc' aposol nede. Ryrbo bamu, nimu kcng tztwzlr nzrlxngitingr kcpwz tqka-kzp Gct bagr, mz nzngini-krgr aposol. Murde nzrlxngitingr lc tutr mz nztubqkr Jiszs Kxnzmcpx kc tqngi Gct x Mevalu rgu.