Nrpakxmrlz Kx Yr Mak 13:7 - Natqgu

⁷ “X mou, bzkq nelzmu tzprlzm mz nzxlr-krmu nrpa ngr nzotangr mz vea kx esotrpq x nrpa ngr vea kx ycm rlru. Da kxnzmulr lcng naprtzti-kaing, a' trngiu drtwr ngr nzyrkrpxpe-krbz mz nrlc.

Nrpakxmrlz Kx Yr Mak 13:7 Iomraidhean Croise

Sam 112:7

Obqtipx-zvzle Yawe x Prlxpxle kx nabzde trtaprlzpuu mz nrpa kxtrka.

Sam 27:3

Kxmule-esz' ami kxetu navzm mz nzoti-krmlr ninge, a' trpnzngr nzmwxlr-krnge. X kxmule-esz' otakr badr, a' drtwrnge sc tqabrtr-zvzbo bam.

Matiu 2:3

King Herot mz nzxlrpe-krde nrpa lc, nabzde kc tqtalvzope, murde king lc mzte tzmc ate ma tqmyaszlzle nide. X nabz lr Jerusalem amrlx talvzo kz, murde nzmwxlrtilr nzngyakr drtwr King Herot.

Nrpakxmrlz Kx Yr Mak 13:6

Ncblo nakqlung sa navzmqng mz drtqnge, narpibzlr mz leplz kx, ‘Ninge Kxnzmcpx.’ X leplz nakqlung kalr nalxngitilr nidr mz nzpokia-krdr.

Nrpakxmrlz Kx Yr Mak 13:8

Murde mrkcng kqlu mz nrlc sa napnz-lzbqng. Nengq kxetuting sa navzmqng, x dzbi kxetuting sa navz-kzpqng. A' da lcng naprtzting nzapulr nztangqgx-zlwzkr olvz kxyr, mzli kc tqvz-ebir-ngrm nimz ngr doa kxtopwz, x sc tqrmika ate.

Nrpakxmrlz Kx Yr Jon 14:1

Jiszs rpi-mople bagr kx, “Bzkq nelzmu taprlzm. Abrtrpzmu drtwrmu mz Gct x abrtr-kzpa'mu drtwrmu bange.

Nrpakxmrlz Kx Yr Jon 14:27

“Amnqlvz-ngrne nimu nzmnc-zpwxngr kc tqycm bange. Murde nzmnc-zpwxngr kc tqkabo bamu, trapuleu nzmnc-zpwxngr mz nrlc, a' yc-amqngi zvz. Bzkq nelzmu taprlzm x ayo, x bzkq mwxlramu.

Aposol 17:3

Aopxbzle Nzryrngrkxtr badr mz nzaelwa-krbzle kx Kxnzmcpx drtqde naetq, nabz x natulz-mop mz nzbzngr. Rpibz Pol badr kx, “Jiszs lc tqyapwxtipxbo bamu nide kc tqngi Kxnzmcpx.”