Nrpakxmrlz Kx Yr Mak 1:5 - Natqgu

⁵ Leplz kxkqlu zlwz mrkc Jerusalem x mz provins kc Judiz, vz zvz nzvzpx-krmlr mz nzlalztq-krbzlr mz Jon. Nzplxtitxpxbzlr alwx ngrdrng, x sc tqawrkxtrpeleng mz LueJodzn.

Nrpakxmrlz Kx Yr Mak 1:5 Iomraidhean Croise

Sam 32:5

Pnzpe drtwrnge kx naplzpxbo alwx rngeng bam. X mz nzplzpx-krboleng, trpnzngr kx yrlq-kapqbo bam. Delc tqipqpe-ngrn ninge, X katxpx-ngrbzme nzmrlepukr alwx rngeng amrlx.

Matiu 4:25

Mzli lc, zbo ngr leplz kxetu sc tzma-nqblqtipelr Jiszs, kxmule-esz' nznginidr lr Jiu o kxtrngiulrJiu, murde namclr da kx na-alele. Leplz lcng nzprpxmqng mz nrlarnrlc kcng mz taon kcng nzpnu-esz', mz Provins kc Gzlili, Provins kc Judiz, x mzteadau Jerusalem x mz nrlar LueJodzn kc tqprkilzm nepi.

Nrpakxmrlz Kx Yr Mak 1:4

Zbz mz nzatutr-krde Nzryrngrkxtr lc, Jon Kxawrkxtr tupxm lzke mrkc Provins kc Judiz. X yapwxtipxbzle nrpa lcde seleng, “Tekqtramu nqmq nr drtwrmu kxtrka. X rlr-lzbq-ngrmamu mz nzawrkxtr-krbo nimu mz nzaelwapx-krmu nzvzkr drtwrmu mz alwx ngrmu, murde Gct naipqle nimu.”

Nrpakxmrlz Kx Yr Mak 1:6

Jon vz-nqblqnepwzle nqmq kr ncblo kx tr-rngibau, da kc tzwai profet kcng bqnc. Pxine-ngrpwzle lrpz kx nzwzngr mz nrpnr kamel. X amqngitr-ngrde lrpxi rde nrkalo kx nzwzpx-ngrm mz bekzu. X dakxnzng nade ngi txpwz dalr lzke, krlcng kionabr x hane.

Nrpakxmrlz Kx Yr Jon 1:28

Da lcng nzalelr mz nrlar LueJodzn kc tqprkilzm nepi, yc-aepztrpz mz mztea Betzni kzble mrkc tqawrkxtrngr Jon.

Nrpakxmrlz Kx Yr Jon 3:23

Mzli lc Jon sc tqaotr ncte nzawrkxtrngr, murde tradwatrka Herot Antipas mz presin. Awrkxtr mrkc vaulz Aenon, yc-aepztrpz mztea Salim, murde mrlcde ycngr vaulz kxkqlu. X leplz nzvzbzng mrlcde mz nzawrkxtrkr Jon nidr.

Aposol 19:18

Mzli lcde nzkqlung mz krkcng tzlxngiti-atelr Jiszs, sc tzplzpxpebzlr da kxtrka kx nzaleti-pnzng.

Aposol 2:38

Zbz rpibz Pita kx, “Natekqtramu nqmq nr drtwrmu. X na-awrkxtrpzkr nimu mz drtq Jiszs Kxnzmcpx, murde Gct naipqpxbzle alwx ngrmung. X sa naka-nrbalqbzle bamu Mqngrkxtr.

Jemes 5:16

Mz nzmu-krde lcde, plzpxbzmu alwx ngrmung mz kztemung, x krka'-lzbq-ngrnamu, murde namrlz-mouamu. Murde nzkrka'kr doa kxtubqbz mz nzobqkr Gct matq-esz'ngr x ngidati kz.