Nrpakxmrlz Kx Yr Mak 1:42 - Natqgu

⁴² X mzli kcpwz lepz kc dwasztx-pnzle ncblo kc, x nrkrdrtqde mrlztx pnz.

Nrpakxmrlz Kx Yr Mak 1:42 Iomraidhean Croise

Sam 33:9

Murde wz-ngrde nrlc mz nzycmne-krde, X mz nzrkapx-krde natq dekc tqycngr.

Matiu 15:28

Zbz Jiszs rpibzle bade kx, “Olvz lc, nzbrtikr drtwrm ninge etu-esz'ngr! Sa na-alebo da kc tqsuti drtwrm.” X mzli kcpwz drka' kc sc tqprszpxpele inyxde x sc tqmnc-zpwxpe mou.

Nrpakxmrlz Kx Yr Mak 1:31

Jiszs vzbz bade, otibzle mqde x sc tqokatrpele nzatulz-krmlele. Zyagox kc yrkrtxpx pnz, zbz sc tqoliqtipebzle dakxnzng nadr.

Nrpakxmrlz Kx Yr Mak 1:41

Jiszs yctx pnz mz drtwrde mrlx kc. Kxmule-esz' mz Lou sc Mosis batrpzle trnztakitr-krdeu nide mz nzprtrngr mz nzangiongr, a' maletxtrpzle nide. Sc tqrpipebzle kx, “Mrlzm bange. Namrlzq.”

Nrpakxmrlz Kx Yr Mak 1:43

Zbz Jiszs rkabz natq, rpibzle bade kx, “Vzpe! X da lc, bzkq ena ncblo kx napi-nebanle. A' vz-kaipz mz pris, x pibz bade napwxlitibzle nim, kx namcpzle kx mrlzpeq. Zbz sa napipxbzle mz leplz, murde namnc-lxblr-mouamu badr. X kabz mz Gct blz kx nangi dalr nzamrlzngr nim, da kc tqwai nzpikr Lou sc Mosis le, x nakrlzngr leplz amrlx le kx tubqpeq mz Loukxtr.”

Nrpakxmrlz Kx Yr Mak 5:29

X mzli kcpwz mepyr ngr drtqde sc tqmingrtrpe x tqxngipebzle kx drtqde mrlzpe.

Nrpakxmrlz Kx Yr Jon 15:3

X mz nqmq kcpwz, natqnge alqtile x okatrle nimu mz nzale-krmu da kxmrlz.