ಪ್ರಕಟನೆ 4:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ಹರಿ ಯಕ್ಕ ಜಿವಿನೆ ಛೆ ರೆಕ್ಕಯಾ ವ್ಹತ್ತಾ. ತೆ ಜಿವಿನಾ ಭಾರಲ್ಯಾ ಭಾಗ ವರಿ ಮ್ಹೈನಾ ಭಾಗನೆ ಡೊಳಾ ವ್ಹತ್ತಾ. ಎ ಚಾರೆ ಜಿವಿಯೊ ದಿನ್ನ ರಾತ ಛೊಡೆ ನೈಸೊ ಅಮ್ಮ ಕತ್ಯೊತ್ಯೊ"ಕ್ಹುದಾ ಥಯಲ ಪ್ರಭು, ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ. ತೆ ಮ್ಹೊಟಿ ತಾಕತ ವಾಲೊ ವ್ಹೈ. ತೆ ಭುತಕಾಲಮಾ ರ‍್ಹಯಲವಾಲೊ ವರತಮಾನ ಕಾಲಮಾ ರ‍್ಹಯಲವಾಲೊ ವ್ಹೈ. ವರಿ ಆವಾಲೊ ವ್ಹೈ.

ಪ್ರಕಟನೆ 4:8 Iomraidhean Croise

ಅಪೊಸ್ತಲೊ 20:31

ತಿನಾಹುತಿ ಮಿ ಡೊಳಾಮಾನು ಪಾನಿ ಕಾಡ್ತೊ ತನ್ನ ವರಕ್ಹ ದಿನ್ನ ರಾತ ಛೊಡ್ಯಾವಾಚಿ ಹರಿ ಯಕ್ಲಾನೆ ಗ್ಯಾನ ಕದ್ಯೊಸ ಕವಾನು ತುಮೆ ಶೆ ಕರ್ಲಿನ ಹುಶಾರ ಥೈನ ರ‍್ಹವೊ.

2 ಕೊರಿಂಥ 6:18

ಎನೈಸೊ ಅಪೆ ನೈ ತುಮ ವಿಧೆಯ ನೈ ಕರಾ ನೈ ತುಮ ಕುನ ಛೆ ಥಯೊಸ. ತುಮ ನೈ ಮನೆ ದಿಕ್ರ ಕ್ಹರಿ ಕೈನ ಸರವಶಕ್ಕತ ಲಿಂಗತ ರ‍್ಹಯಲ ಪ್ರಭು ಕೌ.

1 ಥೆಸಲೊನಿಕ 2:9

ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.

1 ತಿಮೊತಿ 4:16

ತಾರಿ ಜಿವಿತ್ಮಾ ತಾರಿ ಬೊಧನೆಮಾ ಹುಷಾರಕಿಮಾ ರ‍್ಹೆ. ಚೊ಼ಕಿ ತರಾನಿ ಜಿವ್ನಾ ಕರತೊ ಬೊಧನೆ ಕರತೊ ತೆಳಾಮಾ ತು. ತುನೆ ತಾರಿ ಬೊದನೆ ಐಕಾಲಾವೊನೆ ವಚಾ಼ಡುಸ.

2 ತಿಮೊತಿ 4:2

ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.

ಇಬ್ರಿಯ 13:8

ಯೆಸು ಕ್ರಿಸ್ತ ಕಾಲ ರ‍್ಹಯಲ ತಿಮ್ಮ, ಆಜ಼ಬಿ, ಹಮೆಶಾಬಿ ರ‍್ಹವಸ.

ಪ್ರಕಟನೆ 1:4

ಎಶ್ಯಾ ಪ್ರದೆಶಮಾ ರ‍್ಹಯಲ ಕ್ಹಾತ ಸಭೆನೆ ಯೊಹಾನ ಸು ಬರದಸ ಕದ್ಯಾಮ; ವರ್ತಮಾನ, ಭುತ, ಭವಿಷ್ಯತ ಕಾಲಮಾ ರ‍್ಹವಾಲಾನಾ ಹತೆ ವರಿ ತಿನಿ ಸಿಂಹಾಸನ್ನಾ ಕ್ಹಾಮೊ ಕ್ಹಾತ ಆತ್ಮಾವೊಕ್ಹು ವರಿ

ಪ್ರಕಟನೆ 1:8

ಪ್ರಭು ಥಯಲ ಕ್ಹುದಾ ಸು ಕವಸ ಕದ್ಯಾಮ" ಮಿಜ಼ ಆದಿ ವರಿ ಅಂತ್ಯ ವ್ಹೈ. ಮಿ ವರತಮಾನ ಕಾಲ, ಭುತಕಾಲ ವರಿ ಭವಿಷ್ಯತ ಕಾಲಮಾ ರ‍್ಹವಾಲೊ ವ್ಹೈ. ಮಿಜ಼ ತಾಕತವರ ವ್ಹೈ.

ಪ್ರಕಟನೆ 11:17

ತೆ ಶಾನಾ ಅಮ್ಮ್ ಕದ್ಯಾ; "ಪ್ರಭು, ಸರವಶಕ್ಕತ ರ‍್ಹಯಲ ಕ್ಹುದಾ, ಭುತಕಾಲಮಾ ರ‍್ಹಯಲವಾಲಾ, ವರತಮಾನ ಕಾಲಮಾ ರ‍್ಹವಾಲಾ, ತುನೆ ಕೃತಜ್ಞತಾಸ್ತುತಿ ಕರೆಸ. ತು ತಾರಿ ಮ್ಹೊಟಿ ಅದಿಕಾರ ಉಪಯೊಗ ಕರಿನ ತಾರಿ ಆಡಳಿತ ಶುರು ಕರಲಕ್ಹು ತುನೆ ಕೃತಜ್ಞತಾಸ್ತುತಿ ಕರೆಸ.

ಪ್ರಕಟನೆ 14:11

ತ್ಯುನಿ ತ್ರಾಸನೊ ಧವಾಂಡೊ ಕೆಳಾಮಾಬಿ ಆತೊಜ಼ ರ‍್ಹವಸ. ಕೆಟ್ಟ ಜಾನ್ವರನೆ ವರಿ ತಿನಿ ಮುರತಿನೆ ಆರಾಧನಾ ಕರಾಲಾ ವರಿ ತ್ಯುನು ನಾಮ ಗೊಂದನ ಘಾಲಿವಾಲಾ ಮನಕ್ಹೊನೆ ಪಾಟೆಬಿ ರಾತೆಬಿ ಅರಾಮ ಕವಾನು ನತ್ತಿಜ಼ ನತ್ತಿ"

ಪ್ರಕಟನೆ 14:3

ಮನಕ್ಹೊ ಸಿಂಹಾಸನ್ನಾ, ಚಾರ ಜಿವಿಯೊನಾ ವರಿ ಶಾನಾವೊನಿ ಸನ್ನಿದಿಮಾ ನೌ ರಿಕಾಡ ಕದ್ಯಾ. ಎ ದುನಿಯಾಮಾತಾ ಬಿಡುಗಡೆ ಥಯಲ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ಯಕ್ಕಜ಼ ಎ ಗಿದ್ದ ಶಿಕ್ಕಾನೆ ಶಕ್ತ ಛೆ. ಎ ಗಿದ್ದ ಬಿಜು಼ ಕುನ್ನಜ಼ ಶಿಕ್ಕತು ನೈ.

ಪ್ರಕಟನೆ 15:3

ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ.

ಪ್ರಕಟನೆ 15:7

ಚಾರ ಜಿವಿಯೊನಾ ಯಕ್ಕ ಜಿವಿ ಎ ಕ್ಹಾತ ದೆವದುತೊನೆ ಕ್ಹಾತ ಕ್ಹೊನಾನಿಯೊ ಪರಾತೊ ದಿದಿ. ಎ ಪರಾತೊಮಾ ಹಮೆಶಾಬಿ ಜಿವ್ನಾ ಕರಾಲೊ ಕ್ಹುದಾನಿ ಶಿಟ್ಟ ಭರಿತಿ.

ಪ್ರಕಟನೆ 16:14

ತೆ ಕೆಟ್ಟ ಆತ್ಮಾವೊ ಸೈತಾನಿನಿಯೊ ಆತ್ಮಾವೊ ವ್ಹತ್ತಿಯೊ. ತ್ಯುನೊನೆ ಮ್ಹೊಟು ಅದ್ಭುತ ಕಾರಾನಿ ತಾಕತ ಛೆ. ಎ ಅಶುದ್ಧ ಆತ್ಮಾವೊ ಕ್ಹಾರವೊತಿ ತಾಕವರ ರ‍್ಹಯಲ ಕ್ಹುದಾನಾ ಮ್ಹೊಟಾ ದಿನ್ನಾ ದಿನೆ ಥಾವಾನು ಯುದ್ದೊನೆ ಕ್ಕಹಾರಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಮಳಾವಾನೆ ಭಾರಿಯೊ ಜಾ಼ವಸ.

ಪ್ರಕಟನೆ 16:7

ಯಜ್ಞವೆದಿತಾ ಅಮ್ಮ್ ಕದಲ ಐಕ್ಯೊ; "ಹೊ, ಕ್ಹುದಾ ಥಯಲ ಪ್ರಭು, ಸರವಶಕ್ಕತ, ತಾರಾ ಫೈಸಲಾ ಕ್ಹಾರಾ ಕ್ಹರಿನಾ ವ್ಹೈ ವರಿ ನ್ಯಾಯನಾ ವ್ಹೈ"

ಪ್ರಕಟನೆ 19:15

ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ‍್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ಲಿಂಗತ ಚಿಕ್ಕಲಿ ಪಾಡಸ.

ಪ್ರಕಟನೆ 19:4

ತೆಳಾಮಾ 24 ಮನಕ್ಹೊ ಮ್ಹಹೊಟಾ ಮನಕ್ಹೊ ಚಾರ ಜಿವಿಯೊ ಸಿಂಹಾಸನ್ಪರ ಬೈಟಲಾವಾಲಾ ಕ್ಹುದಾನೆ ಅಡ್ಡ ಪಡಿ ನಮಸ್ಕಾರ ಕರ‍್ಯಾ. ಆರಾಧನಾ ಹಲ್ಲೆಲುಯಾ ಕರ‍್ಯಾ.

ಪ್ರಕಟನೆ 21:22

ಮಿ ಗಾಮ್ಮಾ ಯಕ್ಕ ಆಲಯಬಿ ದೆಕ್ಯೊ ನೈ. ಕ್ಕಹಾರಾವೊಕ್ಹು ತಾಕತ ವರ ರ‍್ಹಯಲ ಕ್ಹುದಾ ಪ್ರಭು ವರಿ ವರಿ ಬಕ್ರಾನು ಬಚ್ಚು಼ ಥಯಲ ತೆ ಗಾಮ್ನು ಆಲಯ ಥಯಾಸ.

ಪ್ರಕಟನೆ 3:7

ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.

ಪ್ರಕಟನೆ 4:4

ತೆ ಸಿಂಹಾಸನ್ನಾ ಸುತ್ತೆ ಇಕ್ಹಪರ ಚಾರ ಶಾನಾ ಮನಕ್ಹೊ ಬೈಟ್ಯಾತಾ. ತ್ಯುನೆ ಧೊಳಾ ವಣ್ಣಾ ಘಾಲ್ಲಿದ್ಯಾತಾ. ತ್ಯುನಾ ಮಾತಾಪರ ಕ್ಹೊನಾನಾ ಕಿರಿಟೊ ವ್ಹತ್ತಾ. ಎ

ಪ್ರಕಟನೆ 4:6

ಎನೈಸೊ ಸಿಂಹಾಸನಾ ಕ್ಹಾಮು ಕಾಂಚ಼ನು ಸಮುಂದರ ಲಿಂಗತ ದಿಕ್ಹಾನು ಸುಯ್ಯಕ ಸಾಮನ ವ್ಹತ್ತು. ತೆ ಘನ್ನು ಹಸಾ ವ್ಹತ್ತು. ತೆ ಸಿಂಹಾಸನಾ ಕ್ಹಾಮು ವರಿ ತಿನಾ ಹರಿ ಯಕ್ಕ ಬಗಲ ಚಾರ ಜಿವಿಯೊ ವ್ಹತ್ತಿಯೊ. ತೆ ಜಿವಿನಾ ಪಾಚಾ಼ ವರಿ ತಿನಾ ಕ್ಹಾಮಾ ಡೊಳಾ ಭರಿ ಗಯಾತಾ.

ಪ್ರಕಟನೆ 4:9

ಎ ಜಿವಿಯೊ, ಸಿಂಹಾಸನ ಪರ ಬೈಟಲ ವಾಲಾನೆ ಪ್ರಭಾವ ವರಿ ಮರ್ಯಾದಿ ವರಿ ಕೃತಜ್ಞತೆ ಕವಾಡಿಯೊತ್ಯೊ. ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತೆಜ಼ ವ್ಹೈ.

ಪ್ರಕಟನೆ 5:6

ಪಾಚಲ್ತೊ ಸಿಂಹಾಸನನಾ ವರಿ ಚಾರ ಜಿವಿಮೊ ವಚ್ಮಾ ಯಕ್ಕ ಬಕ್ರಾನಾ ಬಚ್ಚಾ಼ನೆ ಮಿ ದೆಕ್ಯೊ. ಮ್ಹೊಟಾಬಿ ತೆ ಬಕ್ರಾನಾ ಬಚ್ಚಾ಼ನಾ ಆಗಪಾಚಾ಼ ವ್ಹತ್ತಾ. ತೆ ಬಕ್ರಾನು ಬಚ್ಚು಼ ಖಲಾಸ ಕರಲ ಲಿಂಗತ ವ್ಹತ್ತು. ತಿನೆ ಕ್ಹಾತ ಶಿಂಗಡಾ ಕ್ಹಾತ ಡೊಳಾ ವ್ಹತ್ತಾ. ತೆ ಎ ದುನಿಯಾನೆ ವಳಾಯಲ ಕ್ಹುದಾನಾ ಕ್ಹಾತ ಆತ್ಮಾ ವ್ಹತ್ತಾ.

ಪ್ರಕಟನೆ 6:1

ಪಾಚಲ್ತೊ ಬಕ್ರಾನು ಬಚ್ಚು಼ ಕ್ಹಾತ ಮುದ್ರೆಮಾ ಯಕ್ಕ ಮುದ್ರೆ ಪ್ಹೊಡತಾಮಾ ಮಿ ಧ್ಯಾನ ದಿದ್ಯೊ. ತೆ ಚಾರ ಜಿವಿಯೊಮಾ ಯಕ್ಕ ಜಿವಿ ಬಿಜ಼ಲಿ ಲಿಂಗತ ಬೊಲಾನು ಮಿ ಐಕ್ಯೊ. ತೆ "ಆ! ಕೈನ ಕದ್ಯು.

ಪ್ರಕಟನೆ 6:6

ತೆಳಾಮಾ ಯಕ್ಕಲಾನೊ ಅವಾಜ಼ ಲಿಂಗತ ಅವಾಜ಼ ಐಕ್ಯೊ. ತೆ ಚಾರ ಜಿವಿಯೊರ‍್ಹಯಲ ಜ಼಼ಗಾತೊ ಎ ಅವಾಜ಼ ಭಾರು ಅಯು. ತೆ ಅವಾಜ಼"ಯಕ್ಕ ದಿನ್ನಾ ಕಾಮ್ನೆ ಯಕ್ಕ ಮಾಪ್ಟು ಘೌ ಯಕ್ಕ ದಿನ್ನಾ ಕಾಮನ್ಎ ತನ್ನ ಕಿಲೊ ಬಾರಲಿ. ತೆನೈಸೊ ತೆಲ ದ್ರಾಕ್ಷಿಯೊನು ರ‍ಕ್ಹ ಕೆಡ್ಸುನಕೊ ಕೈನ ಕದ್ಯು.

ಪ್ರಕಟನೆ 7:11

ಶಾನಾ ಮನಕ್ಹೊ ತ್ಯಾ ವ್ಹತ್ತಾ ವರಿ ಚಾರ ಜಿವಿಯೊ ವ್ಹತ್ತಿಯೊ. ತ್ಯುನಾ ಸುತ್ತೆ ವರಿ ಸಿಂಹಾಸನ್ನಾ ಸುತ್ತೆ ದೆವದುತೊ ಹುಬ್ರಯಾತಾ. ದೆವದುತೊ ಸಿಂಹಾಸನ್ನಾ ಕ್ಹಾಮಾ ಉಂದಾಗುಡಗಾ ಘಾಲ್ಲಿನ ಕ್ಹುದಾನೆ ಆರಾಧನೆ ಕರ್ತಾ,

ಪ್ರಕಟನೆ 7:15

ತಿನಾಹುತಿ ಎ ಮನಕ್ಹೊ ಹಮ್ನಾ ಕ್ಹುದಾನಾ ಸಿಂಹಾಸನ್ನಾ ಕ್ಹಾಮಾ ಹುಬ್ರಯಾಸ. ತ್ಯುನೆ ಕ್ಹುದಾನೆ ತಿನಿ ಆಲಯಮಾ ದಿನ್ನ ರಾತ ಆರಾಧನಾ ಕರಸ. ಸಿಂಹಾಸನ್ನಪರ ಬೈಟಲವಾಲೊ ತ್ಯುನೊನೆ ಜ಼ತ್ತನ ಕರಸ.