ಪ್ರಕಟನೆ 4:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ "ಹಮಾರಾ ಪ್ರಭು, ಹಮಾರಾ ಕ್ಹುದಾ! ತು ಪ್ರಭಾವ, ಮರ್ಯಾದಿ, ಹರಿ ಯಕ್ಕನೆ ಯೊರಗ್ಯ ವ್ಹೈ. ಕ್ಹಾರು ತಯ್ಯಾರ ಕರಲವಾಲೊ ತುಜ಼಼ ವ್ಹೈ. ತಾರಿ ಮರ್ಜಿ ಲಿಂಗತ ಎ ಕ್ಹಾರು ವ್ಹತ್ತು; ವರಿ ಕ್ಹಾರು ತಯ್ಯಾರ ಥಯು"

ಪ್ರಕಟನೆ 4:11 Iomraidhean Croise

ಅಪೊಸ್ತಲೊ 14:15

"ಮನಕ್ಹೊ ತುಮೆ ಎ ಕಾಮೊ ಕರಾನು ಶಾನೆ? ಹಮೆ ಕ್ಹುದಾವೊ ನ್ಹವ್ಹೈ. ಹಮೆ ತುಮಾರಾ ಲಿಂಗತ ಮನಕ್ಹೊಜ಼ ವ್ಹೈ. ತುಮೊನೆ ಸುವಾರ್ತೆ ಕವಾನಾ ಹುತಿ ಹಮೆ ಆಯಾಸ. ವ್ಯರ್ಥ ರ‍್ಹಯಲ ಕಾಮೊ ತುಮೆ ಛೊಡಿ ಪಡೊ; ಜಿವ ಸ್ವರುಪ ಥಯಲ ಕ್ಹುದಾ ಕನ ಫರೊ. ಹಬಾಳನೆ ಜಿಮಿನನೆ ಸಮುಂದರನೆ ವರಿ ತೆ ಕ್ಹಾರಾವೊಮಾ ರ‍್ಹವಾನು ಹರಯಕ್ಕನೆ ತಯ್ಯಾರ ಕರಲವಾಲೊ ತೆಜ಼ ವ್ಹೈ.

ಅಪೊಸ್ತಲೊ 17:24

ಜಗತ್ಮಾ ವರಿ ತಿಮಾ ಕ್ಹಾರು‍ ಸೃಷ್ಟಿ ಕರಲ ಜಿಮಿನ ಆಕಾಶನೊ ಒಡೆಯೊ ಥೈಯೆಲ ತೆ ಹತೆ ಬಾಂದೆಲ ಗುಡಿಯೊಮಾ ವಾಸ ನೈ ಕರತೊ. ತೆಜ಼ ಕ್ಹಾರಾವೊನೆ ಉಸುಲ ಜಿವಸಾವೊನೆ ಕ್ಹಾರು ದಿವಾಲೊ ಮನಕ್ಹೊನ ಹತೆ ಮದತ ಕರಲೆವಾಲೊ ನ್ಹವೈ.

ರೊಮಾಪೂರ 11:36

ಹೊ, ಕ್ಹುದಾ ಕ್ಹಾರುಜ಼ ಸೃಷ್ಟಿ ಕರ‍್ಯೊ. ಕ್ಹಾರು ಕ್ಹುದಾನಾ ಮುಲಕ ಕ್ಹುದಾನಾ ಹುತಿಜ಼ ವ್ಹೈ. ಕ್ಹುದಾನೆ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ್.

ಎಫೆಸ 3:9

ದಡಿನ ರ‍್ಹಯಲ ತಿನಾ ವಿಚಾರೊ ಕ್ಹಾರಾ ಮನಕ್ಹೊನೆ ತಿಳಸೌ ಕವಾನು ಕಾಮ ಕ್ಹುದಾ ಮನೆ ದಿದ್ಯೊ. ಪೈಲಾನಾ ಕಾಲ್ತು ತೆ ಕ್ಹುದಾ ಕನ ದಡಿನ ವ್ಹತ್ತು. ಹರಯಕ್ಕ ಸೃಷ್ಟಿ ಕರಲವಾಲೊ ಕ್ಹುದಾಜ಼ ವ್ಹೈ.

ಇಬ್ರಿಯ 1:10

ವರಿ ತೆನೈಸೊ ಕ್ಹುದಾ ಅಮ್ಮ ಕವಸ, ಕರ್ತಾ ಆದಿಮಾ ತು, ಜಿಮಿನನೆ ಫಾಯಾ ಘಾಲ್ಯೊಸ ವರಿ ಹಬಾಳತೊ ತಾರಾ ಹತನು ಕಾಮ ವ್ಹೈ.”

ಇಬ್ರಿಯ 1:2

ತೆನೈಸೊ, ಎ ಲಾಸ್ಟನಾ ದಿನ್ನೊಮಾ ಕ್ಹುದಾ ಅಪ್ನಾ ಕ್ಹಾತೆ ತಿನಾ ದಿಕ್ರಾನಾ ಮುಕಾಂತರ ಬೊಲ್ಯೊಸ. ತಿನಾ ದಿಕ್ರಾಕ್ಹುಜ಼ ಕ್ಹುದಾ ಪುರಾ ದುನಿಯಾಮಾನು ಹರಯಕ್ಕ ಸೃಷ್ಟಿ ಕರ‍್ಯೊ, ವರಿ ಹರಯಕ್ಪರ ತಿನೆ ಅದಿಕಾರ ದಿದ್ಯೊ.

ಪ್ರಕಟನೆ 1:6

ಅಪೊನೆ ಯಕ್ಕ ರಾಜ್ಯ ಕರಿನ ಅಪೊನೆ ತಿನೊ ಬಾ ಥಯಲ ಕ್ಹುದಾನೆ ಸೆವೆ ಕರಾಲಾ ಯಾಜಕೊ ಕರ‍್ಯೊ. ಯೆಸುನೆ ಹಮೆಶಾಬಿ ಮಹಿಮಾ ವರಿ ಅದಿಕಾರ ರ‍್ಹವಾದೆ! ತಿಮ್ಮ ಥಾವಾದೆ.

ಪ್ರಕಟನೆ 10:6

ತೆ ದೆವದುತ ಯುಗ ಯುಗಮಾ ರ‍್ಹಯಲವಾಲಾನೆ ವರಿ ಹಬಾಳ ವರಿ ತಿಮಾ ರ‍್ಹಯಲ ಕ್ಹಾರುಜ಼, ಜಿಮಿನಪರ ರ‍್ಹಯಲ ಕ್ಹಾರುಜ಼, ಸಮುಂದರ ವರಿ ತಿಮಾ ರ‍್ಹಯಲ ಕ್ಹಾರುಜ಼ ತಯ್ಯಾರ ಕರಲ ವಾಲಾನಿ ತಾಕತಕ್ಹು ಅಮ್ಮ ಕದ್ಯೊ; "ಹಬ್ದಾ ಕೈದಾನಿ ಜ಼ರುರತ್ತ ನತ್ತಿ.

ಪ್ರಕಟನೆ 14:7

ತೆ ಕ್ಹುದಾನೊ ದುತ ಜೊ಼ರ ಆವಾಜ಼ಕ್ಹು"ಕ್ಹುದಾನೆ ಭುಚ಼ಕೊ. ತಿನಿ ಸ್ತುತಿ ಕರೊ. ಕ್ಹಾರಾ ಮನಕ್ಹೊನೆ ಕ್ಹುದಾ ಫೈಸಲೊ ದಿವಾನೊ ಟೈಮ ನಜಿ಼ಕ ಆಯೊಸ. ಕ್ಹುದಾನೆ ಆರಾಧನಾ ಕರೊ. ಸ್ವರ್ಗನೆ ಜಿಮಿನನೆ ಸಮುಂದರನೆ ಪಾನಿನಾ ಧಡ್ಕಿಯೊನೆ ಸೃಷ್ಟಿ ಕರಲವಾಲೊ ತೆಜ಼ ವ್ಹೈ "ಕೈನ ಕದ್ಯೊ.

ಪ್ರಕಟನೆ 19:1

ಎ ಥಯಲ್ಪರ, ಸ್ವರ್ಗಮಾ ಘನ್ನಾ ಮನಕ್ಹೊನು ಘನ್ನು ಝೊರ ವದ್ರಾನು ಅವಾಜ಼ ರ‍್ಹಯಲ ಲಿಂಗತ ಅವಾಜ಼ ಐಕ್ಯೊ. ತೆ ಮನಕ್ಹೊ ಅಮ್ಮ ಕವಾಡ್ಯಾತಾ" ಹಲ್ಲೆಲುಯಾ, ಪ್ರಭಾವ ಅದಿಕಾರ ಹಮಾರಾ ಕ್ಹುದಾನೆಜ಼ ವ್ಹೈ.

ಪ್ರಕಟನೆ 5:12

ಎ ದೆವದುತೊ ಜೊ಼ರ ಆವಾಜ಼ಕ್ಹು ಅಮ್ಮ ಕದ್ಯಾ; "ಖಲಾಸ ಥಯಲ ಬಕ್ರಾನು ಬಚ್ಚು಼ ಅದಿಕಾರ, ಆಸ್ತಿ, ಗ್ಯಾನ, ತಾಕತ, ಮರ್ಯಾದಿ, ಪ್ರಭಾವ, ಸ್ತೊತ್ರಾ ಲಿವಾನೆ ಯೊಗ್ಯ ಛೆ!

ಪ್ರಕಟನೆ 5:2

ತಾಕತವರ ಥಯಲ ದೆವದುತ ಜೊ಼ರ ಆವಾಜ಼ಕ್ಹು"ಎ ಶುರುಳಿನಾ ಮುದ್ರೆ ಕಾಡಾನೆ ಯೊಗ್ಯ ಥಯಲವಾಲೊ ಕುನ ವ್ಹೈ? ಕೈನ ಪ್ರಕಟನೆ ಕರ‍್ಯೊ.

ಪ್ರಕಟನೆ 5:9

ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ.