Biblia Todo Logo
Bìoball air-loidhne

- Sanasan -




ಪ್ರಕಟನೆ 3:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

8 ತು ಕರಾನಾ ಕಾಮೊ ಮನೆ ಗ್ವತ್ತ ಛೆ. ತಾರಾ ಕ್ಹಾಮೊ ಬಾಕಲ ಖುಲ್ಲಾಜ಼ ಕರಿನ ಮುಕ್ಕಯೊಸ. ತೆ ಕುನ್ನಜ಼ ಝಾಕ್ಕತುಜ಼಼ ನೈ. ತು ಕಮ್ಜೊ಼ರ ಮನಕ್ಹ ವ್ಹೈ ಕೈನ ಮನೆ ಗ್ವತ್ತ ಛೆ. ವರಿಬಿ ತು ಮಿ ಕದಲ ಭೊದನೆ ಲಿಂಗತ ಚಾ಼ಲ್ಯೊ. ತು ಮಾರು ನಾಮ ಲಿವಾನೆ ಭುಚ಼ಕ್ಕಯೊ ನೈ.

Faic an caibideil Dèan lethbhreac




ಪ್ರಕಟನೆ 3:8
25 Iomraidhean Croise  

ವರಿ ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ನ್ಹವೈ ಕದ್ಯಾಮ, ಮನಕ್ಹನೊ ದಿಕ್ರೊ ತಿನೆ ದೆವದುತೊನಾ ಕ್ಹಾಮೊ, ತೆ ಮನಕ್ಹನೆ ಮಾರೊ ನ್ಹವೈ ಕೌಸ.


"ಸೆವಕ ತಿನಾ ಮಾಲಕತಿ ಮ್ಹೊಟೊ ನ್ಹವೈ "ಕೈನ ಮಿ ತುಮೊನೆ ಕದಲ ವಾತ ಶೆ ಕರಿಲಿವೊ. ಮನಕ್ಹೊ ಮನೆ ತ್ರಾಸ ಕರಲ ಲಿಂಗತ ತುಮೊನೆ ತ್ರಾಸ ಕರಸ ವರಿ ಮಾರಿ ಉಪದೆಶನೆ ವಿಧೆಯ ಥಯಾಮ ತುಮಾರಾ ಉಪದೆಶನೆ ವಿಧೆಯ ಥಾವಸ.


"ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ.


ಪೌಲಾ ಬಾರ್ನಬ ನ್ಹ್ಯಾ ಆಯಲ್ಪರ, ಸಭೆವಾಲಾ ಕ್ಹಾರಾವೊನೆ ಮಳೈನ, ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ತ್ಯುನೊನೆ ಕದ್ಯಾ. ವರಿ "ಬಿಜಾ಼ ಜನಾಂಗವಾಲಾಬಿ ಬರೊಕ್ಹೊ ಕರೆ ಲಿಂಗತ ಕ್ಹುದಾ ಬಾಕಲ ಕಾಡ್ಯೊಸ" ಕೈನ ತಿಳ್ಸಾಯಾ.


ಕಾಕದ್ಯಾಮ ಸೆವೆನೆ ಅನುಕುಲ, ಸಫಲತಾ ಥಯಲ ಮನೆ ಮ್ಹೊಟೊ ಮೌಕೊ ಛೆ. ತಿನಾ ಲಿಂಗತಜ಼ ವಿರೊಧಿಯೊ ಘನ್ನಾ ಜ಼ನಾ ಛೆ.


ಕ್ಹುದಾ ಮಾರಾ ಹುತಿ ಬಾಕಲ ಕಾಡ್ಯೊಸ ಕೈನ ವಿಚಾರ ಕರಲಿನ ಕ್ರಿಸ್ತನಿ ಸುವಾರ್ತೆ ಕವಾನೆ ಮಿ ತ್ರೊವಾ ಕವಾನಾ ಗಾಮೆ ಆಯೊ.


ಕ್ರಿಸ್ತನಾ ಮುಲಕ ಕ್ಹಾರಾ ಕಾಮೊ ಕರ ಸಕುಸ. ಕಾಕದ್ಯಾಮ ತೆ ಮನೆ ತಾಕತ ದಿವಸ.


ಕ್ರಿಸ್ತನಿ ಅಸಲಿ ಅರ್ಥ ಕದ್ಯಾಮ ಕ್ಹಾರಾ ಮನಕ್ಹೊನೆ ಹಮೆ ಸುವಾರ್ತಾ ಕವಾನೆ ಕ್ಹುದಾ ಬಾಕಲ ಕಾಡು ಕೈನ ಪ್ರಾರ್ಥನಾ ಕರೊ. ಆ ಸುವಾರ್ತಾನಾ ಹುತಿಜ ಮಿ ಜೆಲಮಾ ಶೆ.


ಕಯೊಬಿ ತಿನಾ ಸ್ವಂತ ಮನಕ್ಹೊನೆ ವರಿ ತಿನಾ ಸ್ವಂತ ಘರವಾಲಾವೊನೆ ನೈ ರಾಕ್ಯೊಮ ತೆ ಕ್ಹರಿಕ್ಹು ಚಾ಼ಲಾಲೊ ನ್ಹವೈ. ತೆ ಬರೊಕ್ಹೊ ನೈ ರ‍್ಹಯಲ ಮನಕ್ಹತಿ ಕೆಟ್ಟ ವ್ಹೈ.


ಖೆಲಮಾ ಮಿ ಚೊ಼ಕೊ ಖೆಲ್ಯೊ. ವರಿ ಮಾರಿ ನ್ಹಾಟ ಕ್ಹರಾಯೊಸ; ಮಾರಾ ಬರೊಕ್ಹೊನಾ ವಚಾ಼ಡಿಲಿದ್ಯೊಸ.


ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.


"ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ.


"ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.


ಮಿಜ಼ ಯೊಹಾನ. ಮಿ ಎ ಕ್ಹಾರು ಐಕ್ಯೊ ವರಿ ದೆಕ್ಯೊ. ಮಿ ಎ ಕ್ಹಾರು


ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ.


ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.


"ತು ಕರಾನು ಕ್ಹಾರು ಮನೆ ಗ್ವತ್ತ ಛೆ. ತು ಉನ್ನೊಬಿ ನತ್ತಿ ವರಿ, ಥಂಡೊಬಿ ನತ್ತಿ! ತು ಉನ್ನೊತಬಿ ರ‍್ಹವಾನು ವ್ಹತ್ತು ನೈತೊ ಥಂಡೊತಬಿ ರ‍್ಹವಾನ ವ್ಹತ್ತು!


ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.


Lean sinn:

Sanasan


Sanasan