ಪ್ರಕಟನೆ 2:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ.

ಪ್ರಕಟನೆ 2:3 Iomraidhean Croise

ಮಾರ್ಕ 15:21

ತೆಳಾಮಾ ಖೆತರನಿ ವಾಟಮಾತಾ ಜಾ಼ತಾಮಾ ತೆಜ಼ ವಾಟಮಾತೊ ಯಕ್ಕ ದಾಣಗೊ ಆವಾಡ್ಯೊತೊ ಯೆಸುನಿ ಶಿಲುವಿ ಉಚೈಲೆ ಕೈನ ತಿನೆ ಜ಼ಬರದಸ್ತಿ ಕರ‍್ಯಾ ತೆ ಕುನ್ನ ವ್ಹೈ ಕದ್ಯಾಮ ಅಲೆಕ್ಸಾಂಡರ ವರಿ ರುಫಸನೊ ಬಾ ಥಯಲ ಸಿಮೊನ ಕವಾಲೊ ಕುರೆನ ಗಾಮವಾಲೊ ವ್ಹೈ.

ಲುಕ ಬರ್ದಲ ಸುವಾರ್ತಾ 14:27

ಮಾರಾ ಪಾಚೊ಼ ಆವಾಲೊ ತಿನಿ ಶಿಲುವಿ ತೆಜ಼ ಉಚೈಲಿನ ಜಾ಼ವಾಲೊ ಮಾರೊ ಶಿಷ್ಯೊ ಥಾವಾನೆ ಸಾದ್ಯ ಛೆ ಕದ್ಯೊ.

ಲುಕ ಬರ್ದಲ ಸುವಾರ್ತಾ 18:1

ನಿರಾಶ ಥಯಾವಾಚಿ ಕೆಳಾಮಾಬಿ ಪ್ರಾಥನಾ ಕರು ಕೈನ ಯೆಸು ತಿನಾ ಶಿಷ್ಯಾವೊನೆ ಯಕ್ಕ ಸಾಮ್ಯ ಲಿನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 21:19

ತುಮೆ ತಮಾರಾ ಬರೊಕ್ಹಾಪರ ಘಟ್ಟ ರ‍್ಹಯಾಮ ತಮಾರಾಕ್ಹು ತುಮೆ ವಚಾ಼ಡಿ ಲಿವೊಸಿ.

ಲುಕ ಬರ್ದಲ ಸುವಾರ್ತಾ 5:5

ತೆಳಾಮಾ ಸಿಮೊನ, ಯೆಸುನೆ "ಗುರು, ಹಮೆ ಕ್ಹಾರಿ ರಾತ ಕಷ್ಟಪಡದ್ಯಾತಬಿ ಯಕ್ಕ ಮಚ್ಲಿ಼ಬಿ ಮಳಿ ನೈ. ವರಿ ತು ಕದಲ ಹುತಿ ಹಮೆ ಬಲಿ ಪಾನಿಮಾ ಘಾಲಾಡ್ಯಾಸ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 8:15

ತೆನೈಸೊ ಚೊ಼ಕಿ ಜಿಮಿನ್ಪರ ಪಡಲ ಬಿಯ್ಯಾ ಕದ್ಯಾಮ, ವರಿ ದಕ್ಹಾ ಜ಼ನಾ ಕ್ಹುದಾನಿಯೊ ವಾತೊ ಐಕಿನ ಚೊ಼ಕಾ ಮನಸ್ಮಾ ಮುಕ್ಕಕಿಲಿನ ತಡ್ದಿಲಿನ ಫಲ ದಿವಸ.

ಯೊಹಾನ 15:21

ಮನಕ್ಹೊ ಮಾರಾ ರ‍್ಹಯಲ ಹುತಿ ಎ ಕ್ಹಾರು ತುಮೊನೆ ಕರಸ. ಮನೆ ವಳಾಯಲವಾನೆ ತ್ಯುನೆ ತಿಳ್ದಿಲಿದ್ಯಾ ನತ್ತಿ.

ರೊಮಾಪೂರ 12:12

ತುಮೊನೆ ನಿರಿಕ್ಷೆ ರ‍್ಹವಾಕ್ಹು ಖುಶಿ ರ‍್ಹವೊ. ತುಮೊನೆ ತ್ರಾಸ ರ‍್ಹತಾಮಾ ತಡ್ದಿಲಿನ ರ‍್ಹವೊ. ಕ್ಹಾರಾ ಟೈಮಮಾ ಪ್ರಾಥನಾ ಕರೊ.

ರೊಮಾಪೂರ 16:12

ತ್ರುಫೈನಳನೆ ತ್ರುಫೊಸಳನೆಬಿ ಮಾರು ನಮಸ್ಕಾರ ಕವೊ. ತ್ಯುನೆ ಪ್ರಭುನಾ ಹುತಿ ಘನ್ನು ತ್ರಾಸ ಖೈನ ಸೆವಾ ಕರ‍್ಯಾಸ. ಮಾರಿ ಮಯಾನಿ ಭೆನ ಥಯಲ ಪೆರಸಿಸಳನೆ ಮಾರಾ ನಮಸ್ಕಾರ ಕವೊ. ತೆಬಿ ಪ್ರಭುನಾ ಹುತಿ ಘನ್ನಿ ತ್ರಾಸ ಖೈನ ಸೆವಾ ಕರಾಡಾಸ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

ರೊಮಾಪೂರ 8:25

ತೆನೈಸೊ ಅಪೆ ಹಜು಼ನಬಿ ನೈ ಹೊಂದಿಲಿದಲ ರ‍್ಹಯಲ ಆಸ ಕರತಾ ತಡ್ದಿಲಿನ ತಿನಾ ಹುತಿ ಕೈದಾಡ್ಯಾಸ.

1 ಕೊರಿಂಥ 13:7

ಮಯಾ ಕ್ಹಾರುಜ಼ ತಾಳ್ಮೆಕ್ಹು ಸ್ವಿಕಾರ ಕರಸ; ಕೆಳಾಮಾಬಿ ಬರೊಕ್ಹೊ ಕರಸ; ಕೆಳಾಮಾಬಿ ನಿರಿಕ್ಷೆ ಕರಸ; ಕೆಳಾಮಾಬಿ ಘಟ್ಟ ಥೈನ ರ‍್ಹವಸ.

1 ಕೊರಿಂಥ 16:16

ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ಸೆವೆಮಾ ಹಮೊನೆ ಮದತ ಕರಾಲಾ ವರಿ ಕೊಶಿಶ ಕರಾಲಾ ಕ್ಹಾರಾ ಜ಼ನಾವೊನೆ ತುಮೆ ವಪ್ಸಿನ ದಿವೊ.

2 ಕೊರಿಂಥ 10:15

ಅಪೆ ಹೆಮ್ಮೆ ಹಮಾರಾ ಕಾಮೊ ಹುತ ಹುತಿ ಆದರಣೆ ಥಯಾಸ. ಬಿಜಾ಼ ಮನಕ್ಹೊ ಕರಲ ಕಾಮೊ ಹುತ ಹುತಿ ಅಪೆ ಹಮೊನೆ ಅಪೊನೆ ಹೆಮ್ಮೆ ನೈ. ತಾರ ಬರೊಕ್ಹ ಕಿಮ ಘಟ್ಟ ಕರ್ಲ ಹಮ್ನಾ ಕಾಮ ಹಜು಼ನ ಖುಶಿ ರ‍್ಹಯಲ ವಿಷಯಮಾ ಕವಾಲಾ. ಕವಾನು ಬರೊಕ್ಹ ಹಮೊನೆ ಅಪೊನೆ ಆಸ ಛೆ ಕೈನ.

2 ಕೊರಿಂಥ 11:23

ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ..

2 ಕೊರಿಂಥ 4:1

ತಿನಾಹುತಿ ಕ್ಹುದಾ ತಿನಿ ಮರ್ಗಾಕ್ಹು ಎ ಸೆವಾ ದಿದ್ಯೊಸ. ತಿನಾಹುತಿ ಅಪೆ ಬುಚಕ್ತಾ ನೈ.

2 ಕೊರಿಂಥ 4:16

ತಿನಾಹುತಿ ಅಪೆ ಬಲಹಿನ ಥೈನ ರ‍್ಹತಾನೈ. ಅಪ್ನು ಭಾರಲ್ಯು ಅಂಗನೆ ವೈಸ ಥಾವಸ ವರಿ ಬಲಹಿನ ಥಾವಸ ಅಪ್ನು ಅಂತರ್ಯ ದಿನ್ನೆ ದಿನ್ನೆ ನೌ ಥಾವಸ.

2 ಕೊರಿಂಥ 5:9

ಕ್ಹುದಾನೆ ಮೆಚ್ಚೆಸಾನು ಯಕ್ಕಜ಼ ಅಪ್ನು ಉದ್ದೆಶ ವ್ಹೈ. ಅಪೆ ಅಪ್ನಾ ಅಂಗಮಾ ನ್ಹ್ಯಾ ರ‍್ಹತಾಮಾಬಿ ಪ್ರಭುನಾ ಕ್ಹಾತೆ ತ್ಯಾ ರ‍್ಹವಾನೆ ತಿನೆ ಮೆಚ್ಚೆಸಾನು ಯಕ್ಕಜ಼ ಉದ್ದೆಶ ವ್ಹೈ.

2 ಕೊರಿಂಥ 6:5

ಜೆಲ ಎ ಕ್ಹಾರ. ಅಂಗ ಭಾಗಿನ ಕಾಮ ಕರಾ. ನಿಂದರ ನೈಸೊ. ಭುಕ್ಕ ಟೈಮ ಮಾ ಬಲಹಿನ ಮಾ ಭುಕ್ಕ. ಎ ಕ್ಹಾರ ರ‍್ಹಯಲ ವಿಷಯಮಾ ಘನ್ನ ಸಮಾಧಾನ ದೆಕಾಡ ದಿವ;

ಗಲಾತ್ಯ 6:2

ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.

ಗಲಾತ್ಯ 6:9

ಅಪೆ ಚೊ಼ಕಾ ಕಾಮೊ ಕರಾಮಾ ಬೆಜ್ಜಾರ ಥೌ ನೈ. ಕರೆಟ್ಟ ಟೈಮಮಾ ಅಪೆ ಹಮೆಶಾನು ಜ಼ಲಮ ಪಡ್ದಿಲಿವಸ. ತಿನಾಹುತಿ ಚೊ಼ಕಾ ಕಾಮೊ ಕರಾನು ಛೊಡುನೈ.

ಫಿಲಿಪ್ಪಿ 2:16

ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

ಫಿಲಿಪ್ಪಿ 4:3

ಮಾರಾ ದೊಸ್ತ, ತು ಮಾರಾ ಕ್ಹಾತೆ ಕಾಮ್ಮಕರಾವಾಲೊ ಥೈನ ಸೆವೆ ಕರೊತೊ ರ‍್ಹೈಹುತಿ ಯೆ ಬಾಕಡಿನೆ ಬಿ ಮದತ ಕರು ಕೈನ ತುಕನ ಮಾಂಗಿಲ್ಯುಸ. ಯೆ ಬಾಕಡಿಯೊ ಮಾರಾ ಕ್ಹಾತೆ ಸುವಾರ್ತೆನಾ ಹುತಿ ಸೆವೆ ಕರಿಯೊಸ. ಮಾರಾ ಕ್ಹಾತೆ ಸೆವೆ ಕರಾತ್ತಾ ರ‍್ಹಯಲ ಕ್ಲೆಮನ್ಸ ವರಿ ಬಿಜಾ಼ ಸೆವಕೊನೆ ಕ್ಹಾತೆ ಯೆ ಬಾಕಡಿಯೊ ಸೆವೆ ಕರಿಯೊಸ. ಯೆ ಬಾಕಡಿಯೊನು ನಾಮ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ.

ಕೊಲೆಸ್ಸೆ 1:11

ತಿನಿ ಮಹಿಮಾನಿ ತಾಕತ ಲಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,

1 ಥೆಸಲೊನಿಕ 1:3

ಅಪ್ನೊ ಬಾ ರ‍್ಹಯಲ ಕ್ಹುದಾಕನ ಪ್ರಾಥನಾ ಕರ್ತಾಮಾ ತುಮಾರೊ ಬರೊಕ್ಹಾ ಕ್ಹು ವರಿ ಮಯಾಕ್ಹು ಕರಲ ಕಾಮೊಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತಮಾ ಅಪೊನೆ ರ‍್ಹಯಲ ಆಸಕ್ಹು ತುಮೆ ಘಟ್ಟ ಥೈನ ಹುಬ್ರಯಲಕ್ಹು ಹಮೆ ತಿನೆ ಹಮೆಶಾಬಿ ಸ್ತುತಿ ಕರಿಯೆಸ.

1 ಥೆಸಲೊನಿಕ 2:9

ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.

1 ಥೆಸಲೊನಿಕ 5:12

ಭಾಯೊ ವರಿ ಭೆನೊ, ಹಮೆ ತುಮೊಕನ ಮಾಂಗಿಲಿಯೆಸ,ಹಮ್ನಾ ತುಮೊಮಾ ಮ್ಹೈನತಕ್ಹು ಕಾಮ ಕರತಾ ತುಮೊನೆ ಪ್ರಭುನಿ ವಾಟಮಾ ಚ಼ಲಾವಾಲಾವೊನೆ ವರಿ ಉಪದೆಶ ಕರಾಲಾವೊನೆ ಮರ್ಯಾದಿ ದಿವೊ.

2 ಥೆಸಲೊನಿಕ 3:13

ಹಮಾರಾ ಭಾಯೊ ಭೆನೊ, ಚೊ಼ಕು ಕರಾಮಾ ಕೆಳಾಮಾಜ಼ ಬೆಜ್ಜಾರ ಥಾವೊ ನಕೊ.

2 ಥೆಸಲೊನಿಕ 3:5

ಕ್ಹುದಾನಿ ಮಯಾನಿ ತಿಳವಳಿಕಿ ವರಿ ಕ್ರಿಸ್ತಮಾ ತಡ್ದಿಲಿವಾನೆ ತುಮಾರಾ ಗ್ಯಾನಮಾ ಪ್ರಭುಜ಼ ಅಗೊ ಚ಼ಲಾವಾದೆ ಕೈನ ಹಮೆ ಪ್ರಾಥನಾ ಕರಿಯೆಸ.

2 ಥೆಸಲೊನಿಕ 3:8

ದೊಕ್ಡಾ ದಿದ್ಯಾವಾಚಿ ಕಿಕನಜ಼ ಅನ್ನ ಖಾದ್ಯಾ ನ್ಹೊತಾ. ತುಮೊಮಾ ಕಿನೆಜ಼ ತ್ರಾಸ ಥೌ ನೈ ಕೈನ ರಾತ ದಿನ್ನ ಛೊ಼ಡ್ಯಾವಾಚಿ ಕಾಮ ಕರ‍್ಯಾ.

1 ತಿಮೊತಿ 4:10

ತಿನಾಹುತಿ ಅಪೆ ಕಷ್ಟಕ್ಹಾವಾಡಾಸ,ಪ್ರಯಾಸ ಕರಾಡಾಸ,ಕಾಕದ್ಯಾಮ್ಮ ಕ್ಹಾರಾ ಮನಕ್ಹೊನೆ, ವಿಶೆಷ ಕರಿನ ಬರೊಕ್ಹೊ ಕರಾವಾಲಾವೊನೆ, ರಕ್ಷಕ ಥಯಲ ಜ಼ಲಮ್ಮ ರ‍್ಹಯಲ ಕ್ಹುದಾನಾ ಉಪ್ಪರ ಹಮೆ ಬರೊಕ್ಹೊ ಮ್ಹೆಲಾಲಾ ಥಯಾಸ.

1 ತಿಮೊತಿ 5:17

ಸಬೆನೆ ಚೊ಼ಕಿತರಾ ಚ಼ಲೈನಿಂಜಾ಼ವಾಲಾ ಮ್ಹೊಟಾ ರ‍್ಹಯಲವಾಲಾ ಮರಯಾದಿನೆ ವರಿ ಬೆ ಪಟ್ಟ ಪಗಾರನೆ ಯೊಗ್ಯ ವ್ಹೈ. ಖಾಸ ಕರಿನ ಉಪದೆಶ ವರಿ ಶಿಕ್ಲಾವಾನು ಕಾಮ ಪುರಾ ಮನಸೆ ಕರಾಮಾ ಹಮೆಶಾ ತಿಮಾ ರ‍್ಹಯಲವಾಲಾ ಮ್ಹೊಟಿ ಮರ್ಯಾದಿ ದಿವಸ.

ಇಬ್ರಿಯ 10:36

ತುಮೆ ಕ್ಹುದಾನಿ ಚಿತ್ತ ಪುರಾ ಕರಲಪರ ವಾಗ್ದಾನ ವ್ಹಂದಿಲ್ಯು ಕದ್ಯಾಮ ತುಮೊನೆ ತಾಳ್ಮೆನಿ ಜ಼ರುರತ ಛೆ.

ಇಬ್ರಿಯ 12:1

ತಿನಾಹುತಿ ಅಪ್ನಾ ಸುತ್ತೆಬಿ ಬರೊಕ್ಹಾಮಾ ರ‍್ಹಯಲ ಘನ್ನಾ ಮನಕ್ಹೊ ಛೆ. ಬರೊಕ್ಹೊ ಸು ವ್ಹೈ ಕವಾನು ತಿನಿ ಜಿವಿತನಿ ಸಾಕ್ಷಿಜ಼ ಕವಸ. ತಿನಾಹುತಿ ಅಪೆ ತ್ಯುನಾ ಲಿಂಗತಜ಼ ರ‍್ಹೌ. ಅಪ್ನಾ ಕ್ಹಾಮಿ ರ‍್ಹಯಲ ಗುರಿ ಮುಟ್ಟಾನೆ ನ್ಹಾಟು ವರಿ ಅಪ್ನಿ ಕೊಶಿಶ ಹುಬ್ರಾಡು ನೈ. ಅಪೊನೆ ತರಬಾನಾ ಕ್ಹಾರಿಯೊ ಸಂಗತಿಯೊ ಅಪ್ನಾ ಜಿವಿತಮಾತು ಕಾಡಿಪಾಡು. ಅಪೊನೆ ಆಸಾನಕ್ಹು ಧರ್ಲಿವಾನಾ ಪಾಪಕ್ಹು ಛೊ಼ಡೈಲ್ಯು.

ಇಬ್ರಿಯ 13:13

ತಿನಾಹುತಿ ಅಪೆ ತಿನಾ ಮುಲಕ ಥಯಲ ತ್ರಾಸಮಾ ತಡ್ದಿಲಿವಾಲಾ ಥೈನ, ಪಾಳಿನಾ ಭಾರಾ ತಿಕನ ಗೈಪಡೆ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

ಇಬ್ರಿಯ 6:12

ತುಮೆ ಸೊಮಾರಿಯೊ ಥೈನ ರ‍್ಹೌ ನೈ ಕೈನ ಹಮಾರಿ ಆಸ ನ್ಹವೈ. ಕ್ಹುದಾನಿ ವಾಗ್ದಾನನಿ ಫಲ ಲಿವಾಲಾ ಮನಕ್ಹೊ ಲಿಂಗತ ತುಮೆ ರ‍್ಹೌ ಕೈನ ಹಮಾರಿ ಆಸ ವ್ಹೈ. ತೆ ಮನಕ್ಹೊನೆ ಬರೊಕ್ಹೊ ವರಿ ತಡ್ದಿಲಿವಾನು ರ‍್ಹಯಲ ಹುತಿ ತ್ಯುನೆ ಕ್ಹುದಾನಿ ವಾಗ್ದಾನನಾ ಲಿಂಗತ ಫಲ ಪಡ್ದಿಲಿದ್ಯಾ.

ಇಬ್ರಿಯ 6:15

ಅಬ್ರಹಾಮ ಎ ವಾತ ಪುರಾ ಥಾಯೆಲಕ್ಕಾ ತಡ್ದಿಲಿನ ರ‍್ಹಯೊ. ಪಾಚಲ್ತೊ ಕ್ಹುದಾನಿ ವಾಗ್ದಾನನು ಫಲ ಮಳ್ಯು.

2 ಪೆತ್ರಾ 1:6

ಗ್ಯಾನನೆ ದಮೆ ದಮೆನೆ ತಾಳ್ಮೆ ತಾಳ್ಮೆನೆ ಕ್ಹುದಾನೆ ಸೆವಾ

ಪ್ರಕಟನೆ 1:9

ಯೊಹಾನ ಕವಾಲೊ ಮಿ ಕ್ರಿಸ್ತಮಾ ತುಮಾರೊ ಭೈ ವ್ಹೈ. ಅಪೆ ಕ್ಹಾರಾ ಮಳಿನ ಯೆಸುನಾ ಹುತಿ ತ್ರಾಸಮಾ ರಾಜ್ಯಮಾ ತಡ್ದಿಲಿವಾಮಾ ವಾಟೊಲಿವಾಲಾ ಥಯಾಸ. ಮಿ ಕ್ಹುದಾನಿ ವಾಕ್ಯಾಮಾ ಯೆಸುನಿ ಸಾಕ್ಷಿಮಾ ರ‍್ಹಯಲ ಹುತಿ ಪತ್ಮೊಸ ಕವಾನಿ ಜ಼ಗಾಮಾ ವ್ಹತ್ತೊ.

ಪ್ರಕಟನೆ 3:10

ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.