ಪ್ರಕಟನೆ 15:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಪಾಚಲ್ತೊ ಸ್ವರ್ಗಮಾತೊ ಬಿಜೆಕ ಅದ್ಭುತ ಮಿ ದೆಕ್ಯೊ. ತೆ ಘನ್ನು ಘಾಬ್ರು ಥಾವಾ ವರಘು ವ್ಹತ್ತು. ಕ್ಹಾತ ತ್ರಾಸ ಲಾವಾನು ಕ್ಹಾತ ದೆವದುತೊ ತ್ಯಾ ವ್ಹತ್ತಾ. ಕ್ಹುದಾನಿ ಶಿಟ್ಟ ತ್ರಾಸೊ ಕ್ಹು ಖಲಾಸ ಥಾತು ರ‍್ಹತಾಮಾ ತೆ ಲಾಸ್ಟನಾ ತ್ರಾಸೊ ವ್ಹತ್ತಾ.

ಪ್ರಕಟನೆ 15:1 Iomraidhean Croise

ಪ್ರಕಟನೆ 10:3

ವರಿ ಶಿಯ್ಯೊ ಅಡ್ಡಲ ಲಿಂಗತ ಜೊ಼ರ ವದರ‍್ಯೊ. ತೆ ಥಯಲಪರ ಕ್ಹಾತ ಡೊಂಗ್ರೊ ಬೊಲ್ಯಾ.

ಪ್ರಕಟನೆ 11:14

ಬೆಂವಾ ಮ್ಹೊಟು ಮುಸಿಬತ್ತ ಖರ‍್ಯು. ತನ್ವಾ ಮ್ಹೊಟು ಭೆಗಿನ ಆವಸ.

ಪ್ರಕಟನೆ 14:10

ತೆ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿವಸ. ಕ್ಹುದಾನಿ ಶಿಟ್ಟ ಕವಾನಾ ಕುಂಡಾಮಾ ಎ ದ್ರಾಕ್ಷಿಯೊನು ರಕ್ಹ ತಿನಿ ಪುರಾ ತಾಕತಕ್ಹು ತಯ್ಯಾರ ಕರ‍್ಯಾಸ. ತಿನೆ ಪರಿಶುದ್ಧ ರ‍್ಹಯಲ ಕ್ಹುದಾನಾ ದುತೊನಾ ವರಿ ಬಕ್ರಾನು ಬಚ್ಚು಼ ರ‍್ಹಯಲವಾಲಾನಾ ಕ್ಹಾಮಾ ಆಗನಾ ಲಾಲ ಕೆಂಡಾವೊಕ್ಹು ತ್ರಾಸ ದಿವಸ.

ಪ್ರಕಟನೆ 14:19

ತೆ ದೆವದುತ ತಿಕನ ರ‍್ಹಯಲ ದಾತಡು ಜಿಮಿನಪರ ನಾಕ್ಕಯೊ, ಕ್ಹಾರಿಯೊ ದ್ರಾಕ್ಷಿಯೊ ಮಳೈನ, ಕ್ಹುದಾನಿ ಶಿಟ್ಟ ಕವಾನು ದ್ರಾಕ್ಷಿಯೊನಾ ಮಳಾಪರ ನಾಕ್ಕಯೊ.

ಪ್ರಕಟನೆ 16:1

ಪಾಚಾ಼ತು ಆಲಯಮಾತು ಯಕ್ಕ ಮ್ಹೊಟು ಆವಾಜ಼ ಮನೆ ಐಕು ಐಯು. ತೆ ಆವಾಜ಼ ಕ್ಹಾತ ಕ್ಹುದಾನಾ ದುತೊನೆ"ತುಮೆ ಗೈನ ಕ್ಹಾತ ಸಾಮನೊಮಾ ರ‍್ಹಯಲ ಕ್ಹುದಾನಿ ಶಿಟ್ಟನೆ ದುನಿಯಾಪರ ರಿಚಾ಼ವೊ "ಕೈನ ಕದ್ಯು.

ಪ್ರಕಟನೆ 17:1

ಕ್ಹಾತ ದೆವದುತೊಮಾನೊ ಯಕ್ಲೊ ಮಾರಾ ಕ್ಹಾತೆ ಬೊಲ್ಯೊ. ಕ್ಹಾತ ಸಾಮನೊ ವ್ಹಂದಲ ವಾಲಾವೊಮಾನೊ ಎಬಿ ಯಕ್ಲೊ ವ್ಹತ್ತೊ. ತೆ ದೆವದುತ"ಆ, ಘನ್ನಿ ಪ್ರಚಾರ ಥಯಲ ಯಕ್ಕ ಧಂದೊ ಕರಾಲಿ ಬಾಕ್ಡಿನೆ ದಿವಾನಿ ಶಿಕ್ಷಾ ಮಿ ತುನೆ ದೆಕಾಡುಸ. ಘನ್ನಾ ಪಾನಿಪರ ಬೈಟಲವಾಲಿ ತೆಜ಼ ವ್ಹೈ.

ಪ್ರಕಟನೆ 19:15

ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ‍್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ಲಿಂಗತ ಚಿಕ್ಕಲಿ ಪಾಡಸ.

ಪ್ರಕಟನೆ 21:9

ಲಾಸ್ಟನಾ ಕ್ಹಾತ ತ್ರಾಸಸೊ ತ್ಯುನಾ ಸಾಮ್ನೊಮಾ ಭರಲಿದಲ ಕ್ಹಾತ ದೆವದುತೊಮಾ ಯಕ್ಲೊ ಮಕನ ಐನ ಮಾರಾ ಕ್ಹಾತೆ ಬಕ್ರಾನು ಬಚ್ಚು಼ ಥಯಲವಾಲಾನಿ ಬೈಕೊನ ಥಾವಾಲಿನ ನೌರಿನೆ ಮಿ ತುನೆ ದೆಕಾಡುಸ" ಕೈನ ಕದ್ಯೊ.

ಪ್ರಕಟನೆ 8:13

ಮಿ ದೆಕಲಲಿಂಗತ ವಾಯುಮಂಡಲಮಾ ಘನ್ನು ಉಚ್ಚಾ಼ಪರ ಯಕ್ಕ ಗರುಡ ಪಕ್ಕಷಿ ಉಡಾನು ಮಿ ದೆಕ್ಯೊ ತೆ ಪಕ್ಕಷಿ ಝೊರ ಅವಾಜ಼ ಕ್ಹು ತ್ರಾಸ! ತ್ರಾಸ! ಜಿಮಿನಪರ ರ‍್ಹಯಲ ಮನಕ್ಹೊನೆ ತ್ರಾಸ; ಬಿಜಾ಼ ತನ್ನ ದೆವದುತೊ ತ್ಯುನಿಯೊ ತುತ್ತುರಿಯೊ ವಜಾ಼ಡ್ತಾಮಾ ತ್ರಾಸ ಆವಾನು ಶುರು ಥಾವಸ ಕೈನ ಶುರು ಥಾವಸ ಕೈನ ವದ್ರಾನು ಐಕ್ಯೊ.

ಪ್ರಕಟನೆ 8:2

ಕ್ಹುದಾನಾ ಕ್ಹಾಮು ಕ್ಹಾತ ದೆವದುತ ಹುಬ್ರಯಲ ಮಿ. ದೆಕ್ಯೊ ತ್ಯುನೊ ನೆ ಕ್ಹಾತ ತುತ್ತುರಿಯು ದಿದ್ಯಾತಾ.

ಪ್ರಕಟನೆ 8:6

ಪಾಚಾ಼ತಾ ತೆ ಕ್ಹಾತ ಜ಼ನಾ ವರಿ ದೆವದುತೊ ಕ್ಹಾತ ತುತ್ತುರಿಲಿನ ವಜಾ಼ಡಾನೆ ತಯಾರ ಥಾವಾಡ್ಯಾತಾ.

ಪ್ರಕಟನೆ 9:20

ಎ ತ್ರಾಸೊ ಕ್ಹು ಮರ‍್ಯಾವಾಚಿ ವಾಚ಼ಲ ಮನಕ್ಹೊ ತಿವ್ನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಪ್ಹರ‍್ಯಾ ನೈ. ತಿವ್ನಾ ಸ್ವಂತ ಹತೊಕ್ಹು ತಯ್ಯಾರ ಕರಲ ಮೊರತಿಯೊನೆ ಛೊಡಿಪಾಡ್ಯಾ ನೈ. ತ್ಯುನೆ ಭುತ್ಡಾವೊನೆ ಪುಜಾ ಕರಾನು ಛೊಡ್ಯಾ ನೈ. ಕ್ಹೊನು, ರುಪ್ಪು, ತಾಂಬು, ಡಗ್ಡಾಕ್ಹು ವರಿ ಝಾಡೊಕ್ಹು ಕರಲ ನೈ. ಚಾ಼ಲಾನು ನೈದೆಕಾನುವರಿ ನೈ ಐಕಾನು ಮೊರತಿಯೊನೆ ಪುಜಾ ಕರಾನು ತ್ಯುನೆ ಛೊಡ್ಯಾ ನೈ.