2 ತೆ ಜಾನ್ವರ ದೆಕಾನೆ ಚಿರತೆ ಲಿಂಗತ ವ್ಹತ್ತಿ. ತಿನಾ ಪಗೊ ರಸುಲನಾ ಪಗೊ ಲಿಂಗತ ವ್ಹತ್ತಾ. ತಿನು ಮ್ಹೊಡು ಸಿಂಯ್ಯಾ ಲಿಂಗತ ವ್ಹತ್ತು. ತೆ ಜಾನ್ವರನೆ ಮ್ಹೊಟೊ ಕ್ಹಾಪ ತಿನಿ ತಾಕತ ವರಿ ತಿನಿ ಸಿಂಹಾಸನ ವರಿ ತಿನೊ ಅದಿಕಾರ ದಿದ್ಯು.
ವರಿ ಕ್ಹುದಾ ಮಾರಾ ಕ್ಹಾತೆ ವ್ಹತ್ತೊ. ಮಿ ಸುವಾರ್ತೆ ಯಹುದ್ಯೊ ನೈ ರ್ಹಯಲವಾಲಾವೊನೆ ಕವಾನೆ ಕ್ಹುದಾ ಮನೆ ತಾಕತ ದಿದ್ಯೊ. ತೆ ಮನೆ ಮರಣಮಾತೊ ವಚಾ಼ಡ್ಯೊ.
ಯಕ್ಕಜ಼ ಮನಸ ವಾಲಾರ್ಹವೊ ವರಿ ಹುಶಾರ ಥೈನ ರ್ಹವೊ. ಸೈತಾನ ತುಮಾರೊ ದುಶ್ಮನ ವ್ಹೈ. ತೆ ವದ್ರಾನೊ ಶಿಯ್ಯಾ ಲಿಂಗತ ಕಿನೆ ಖೌ ಕೈನ ಹುಡ್ಕತೊ ರ್ಹವಸ ತೆ ಮನಕ್ಹೊನೆ ಹುಡ್ಕಾಡ್ಯೊಸ.
ತೆ ಮ್ಹೊಟಾ ಕ್ಹಾಪ್ನೆ ಜಿಮಿನಪರ ಡಕ್ಕಲಲ ತಿನೆ ಗ್ವತ್ತ ಛೆ. ತಿನಾಹುತಿ ತೆ ಕ್ಹಾಪ ಪಟ್ಟೊ ಜ಼ನ್ನಲಿ ಬಾಕ್ಡಿನೆ ತ್ರಾಸ ದಿವಾನಾ ಹುತಿ ಪಿಟ್ಟಲಾಗ್ಯೊ.
ತೆಳಾಮಾ ಕ್ಹಾಪ ತಿನಾ ಮ್ಹೊಡಾಮಾತು ನದಿನಾ ಲಿಂಗತ ಪಾನಿ ಭಾರು ಕಾಡ್ಯು. ತೆ ಪಾನಿನಿ ತಾಕತಕ್ಹು ತೆ ಬಾಕ್ಡಿನೆ ವೈನ ಜಾ಼ವಾದೆ ಕೈನ ತೆ ಕ್ಹಾಪ್ನು ಮನಸ ವ್ಹತ್ತು.
ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.
ಎ ಜಾನ್ವರ ಪೈಲಾನಿ ಜಾನ್ವರನಿ ಅದಿಕಾರ ಉಪಯೊಗ ಕರಾಡಿತಿ. ಜಿಮಿನಪರ ರ್ಹಯಲ ಮನಕ್ಹೊ ಪೈಲಾನಿ ಜಾನ್ವರನೆ ಆರಾಧನಾ ಕರಲ ಲಿಂಗತ ಇನೆಬಿ ಆರಾಧನಾ ಕರು ಕೈನ ತೆ ತಿನಿ ತಾಕತ ಉಪಯೊಗ ಕರಾಡ್ಯುತು. ಮರವಾನಿ ಸ್ಥಿತಿಮಾತೊ ಅರಾಮ ಥಯಲಜ಼ ಪೈಲಾನಿ ಜಾನ್ವರ ವ್ಹೈ.
ತೆ ಮ್ಹೊಟೊ ಕ್ಹಾಪ ತಿನಿ ಕ್ಹಾರಿ ತಾಕತ ತೆ ಜಾನ್ವರನೆ ದಿದಲ ಹುತಿ ಕ್ಹಾರಾ ಮನಕ್ಹೊ ತೆ ಜಾನ್ವರನೆ ವರಿ ತೆ ಮ್ಹೊಟಾ ಕ್ಹಾಪ್ನೆ ಆರಾಧನಾ ಕರ್ಯಾ"ಜಾನ್ವರ ತಿಬಿ ಬಿಜು಼ ಕುನ್ ತಾಕತ ವರ ಛೆ? ತಿನಾ ವಿರುದ್ದ ಕುನ್ ಯುದ್ದ ಕರಸ? ಕೈನ ಕವಾಡಾತಾ.
ಪಾಂಚ಼ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ್ಹಯಲ ತೆ ಕೆಟ್ಟ ಜಾನ್ವರನಾ ಸಿಂಹಾಸನನಾ ಉಪ್ಪರ ರಿಚಾ಼ಯೊ. ತೆ ಕೆಟ್ಟ ಜಾನ್ವರನಾ ರಾಜ್ಯಮಾ ಅಂದಾರು ಭರಿ ಗಯು. ಮನಕ್ಹೊ ದುಖಕ್ಹು ತ್ಯುನಾ ಜಿಬ್ಬೊ ಕಡ್ಡಿ ಲಿದ್ಯಾ.
"ತು ದೆಕಲ ದಕ್ಹ ರಾಜಾ಼ವೊನೆ ತೆಜ಼ ದಕ್ಹ ಶಿಂಗ್ಡಾ ವ್ಹೈ. ಹಜು಼ನ ತ್ಯುನಾ ರಾಜ್ಯ ಪಡ್ದಿಲಿದ್ಯಾ ನತ್ತಿ. ತೆನೈಸೊ ತ್ಯುನೆ ರಾಜ಼ ಕರಾನೊ ಅದಿಕಾರ ಜಾನ್ವರಾನಾ ಕ್ಹಾತೆ ಯಕ್ಕ ತಾಸ ಪಡ್ದಿಲಿವಸ.
ತೆನೈಸೊ ತೆ ಜಾನ್ವರನೆ ಸುಳ್ಳ ಪ್ರವಾದಿಯೊನೆ ಧರ್ಯಾ. ಎಜ಼ ಸುಳ್ಳ ಪ್ರವಾದಿ ಜಾನ್ವರನಾ ಹುತಿ ಅದ್ಭುತ ಕರಲವಾಲೊ. ಎ ಸುಳ್ಳ ಪ್ರವಾದಿ ಜಾನ್ವರನಿ ವಳಕ ಘಲೈಲಿದಲವಾಲೊ ವರಿ ತಿನಾ ಮೊರತಿಯೊನೆ ಆರಾಧನಾ ಕರಲ ಮನಕ್ಹೊನೆ ಮಳ್ಳ ಕರಾನಾಹುತಿ ಎ ಅದ್ಭುತ ಕರ್ಯೊ. ಎ ಸುಳ್ಳ ಪ್ರವಾದಿನೆ ಜಾನ್ವರನೆ, ಆಗನಿ ಇರಮಾ ಜಿವ್ತಾವೊನೆ ನಾಕಿಪಾಡ್ಯಾ.
"ತು, ಕಿಜ್ಗಾ ರ್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ್ಹಯಲ ಗಾಮ ಸೈತಾನನು ಗಾಮ ಥೈಯುಸ.
ತೆ ಜು಼ನ್ನೊ ಮ್ಹೊಟೊ ಕ್ಹಾಪನೆ ಧರ್ಯೊ. ತೆಜ಼ ಮ್ಹೊಟೊ ಕ್ಹಾಪಜ಼ ಸೈತಾನ ವ್ಹೈ. ದೆವದುತ ಸೈತಾನನೆ ಬೆಡಿಯೊಕ್ಹು ಭಾಂದಿನ ಯಕ್ಕ ಹಜಾ಼ರ ವರಕ್ಹ ಬಂದನಮಾ ಮ್ಹೆಲ್ಯೊ.