ಫಿಲಿಪ್ಪಿ 4:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಕ್ಹುದಾನಾ ಕ್ಹಾರಾಮನಕ್ಹೊನೆ ಕ್ರಿಸ್ತಮಾ ಮಾರಿ ನಮಸ್ಕಾರ ಕೈನ ಮಾರಾ ಕ್ಹಾತೆ ಭಾಯೊ ಭೆನೊ, ತುಮೊನೆ ನಮಸ್ಕಾರ ಕರ‍್ಯಾಸ.

ಫಿಲಿಪ್ಪಿ 4:21 Iomraidhean Croise

ಮತ್ತಾಯ 5:47

ತುಮೆ ತುಮಾರಾ ದೊಸ್ತೊನೆ ಯಕ್ಕಜ಼ ಚೊ಼ಕಾ ರ‍್ಹಯಾಮ,ತುಮೆ ಬಿಜಾವೊತಿ ಚೊ಼ಕಾ ಸು ನ್ಹವೈ. ಕ್ಹುದಾ ನೈ ವಳಕ ಮನಕ್ಹೊಬಿ ತ್ಯುನಾ ದೊಸ್ತೊನೆ ಚೊ಼ಕಾ ಥೈನ ರ‍್ಹವಸ.

1 ಕೊರಿಂಥ 1:2

ಕ್ರಿಸ್ತ ಯೆಸುಮಾ ಪವಿತ್ರ ಥೈನ ಕರಲ ಕೊರಿಂಥನಾ ಕ್ಹುದಾನಾ ಸಬೆವಾಲಾವೊನೆ ಎ ಪತ್ರ ಬರ್ದಾಡೊಸ. ತುಮೆ ಕ್ಹುದಾನಾ ಪವಿತ್ರ ಮನಕ್ಹೊ ಥಾವಾನೆ ಬಲಾಯಲವಾಲಾ ವ್ಹೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನಾ ಕ್ಹಾತೆ ತುಮೆಬಿ ಬಲಾಯಲವಾಲಾ ಥಯಾಸ. ಯೆಸು ಕ್ರಿಸ್ತ ತ್ಯುನೊನೆಬಿ ವರಿ ಅಪೊನೆಬಿ ಪ್ರಭು ಥಯೊಸ.

ಗಲಾತ್ಯ 1:2

ಮಿ ವರಿ ಮಾರಾ ಕ್ಹಾತೆ ರ‍್ಹಯಲ ಕ್ಹಾರಾ ಭಾಯೊ ಎ ಪತ್ರ ಗಲಾತ್ಯಮಾ ರ‍್ಹಯಲ ಸಬೆವಾಲಾವೊನೆ ಸು ಬರ್ದಾಡ್ಯೊಸ ಕದ್ಯಾಮ;

ಗಲಾತ್ಯ 2:3

ತಿತಾ ಮಾರಾ ಕ್ಹಾತೆ ವ್ಹತ್ತೊ. ತೆ ಗ್ರಿಕವಾಲೊ ವ್ಹತ್ತೊ. ತೆನೈಸೊ ತೆ ಸುನ್ನಿತಿ ಕರೈಲ್ಯು ಕೈನ ಕುನ್ನಜ಼ ಜ಼ಬರದಸ್ತಿ ಕರ‍್ಯುನೈ.

ಎಫೆಸ 1:1

ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ಮಿ ಕ್ಹುದಾನಿ ಆಸನಿಂಗತ ಅಪೊಸ್ತಲ ಥಯೊಸ. ಎಫೆಸ ಗಾಮ್ಮಾ ರ‍್ಹವಾಲಾ ವರಿ ಕ್ರಿಸ್ತ ಯೆಸುಪರ ಬರೊಕ್ಹೊ ಮ್ಹೆಲಲ ಪರಿಶುದ್ಧ ಕ್ಹುದಾನಾ ಮನಕ್ಹೊನೆ ಮಿ ಎ ಪತ್ರ ಬರ್ದಾಡ್ಯೊಸ.

ಫಿಲಿಪ್ಪಿ 1:1

ಯೆಸು ಕ್ರಿಸ್ತನೊ ಆಳ ಥಯಲ ಪೌಲಾ ತಿಮೊಥಿ ಫಿಲಿಪ್ಪಿವಾಲಾವೊನೆ ಬರ್ದಾನು ಪತ್ರ. ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪರಿಶುದ್ಧ ರ‍್ಹಯಲ ಮನಕ್ಹೊನೆ ಕ್ಹಾರಾ ಮ್ಹೊಟಾ ಮನಕ್ಹೊನೆ ಸಭೆಮಾ ಸೆವೆ ಕರಾಲಾವೊನೆ ಹಮೆ ಎ ಪತ್ರ ಬರ್ದಾಡ್ಯಾಸ.

ಫಿಲಿಪ್ಪಿ 4:7

ಕ್ಹುದಾನಿ ಶಾಂತಿ ಕ್ರಿಸ್ತಯೆಸುಮ್ಮಾ ತುಮಾರಾ ಮನಸೊನೆ ಕಾಯಿದಸ. ಕ್ಹುದಾ ದಿವಾನಿ ಯೆ ಶಾಂತಿ ಅಪೆ ನೈ ತಿಳದಿಲಿವಾನಾಕ್ಲು ಘನಿ ಮ್ಹೊಟಿಶೆ.