ಫಿಲಿಪ್ಪಿ 4:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ‍್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ.

ಫಿಲಿಪ್ಪಿ 4:1 Iomraidhean Croise

ಮತ್ತಾಯ 10:22

ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.

ಯೊಹಾನ 8:31

ತಿನಾಹುತಿ ಯೆಸು ತಿಪರ ಬರೊಕ್ಹೊ ಮ್ಹೆಲಲ ಯಹುದಿಯೊನೆ"ತುಮೆ ಮಾರಾ ಉಪದೆಶನೆ ವಿಧೆಯ ಥಯಲ ರ‍್ಹವತ್ತೊ, ತುಮೆ ಕ್ಹರಿಬಿ ಮಾರಾ ಪಾಚಾ಼ ಆವಾಲಾ ಥಯಾಸ.

ಅಪೊಸ್ತಲೊ 11:23

ಬಾರ್ನಬ ಚೊ಼ಕೊ ಮನಕ್ಹ ವ್ಹತ್ತೊ. ತೆ ಪವಿತ್ರ ಆತ್ಮಾಕ್ಹು ಭರಲ ವ್ಹತ್ತೊ ವರಿ ಪುರಾ ಬರೊಕ್ಹೊ ರ‍್ಹಯಲವಾಲೊ ವ್ಹತ್ತೊ. ಬಾರ್ನಬ ಅಂತಿಯೊಕ್ಯನೆ ಗಯಲ್ಪರ, ಕ್ಹುದಾ ತೆ ಮನಕ್ಹೊನೆ ಘನ್ನೊ ಆಶಿರ್ವಾದ ಕರಾನು ದೆಕ್ಯೊ. ಇಕ್ಹು ಬಾರ್ಬನನೆ ಘನ್ನಿ ಖುಶಿ ಥಯು. ಅಂತಿಯೊಕ್ಯಮಾ ರ‍್ಹವಾಲಾ ವಿಶ್ವಾಸಿಯೊನೆ ಕ್ಹಾರಾ ತೆ ಪ್ರೊತ್ಸಾಹ ಕರ‍್ಯೊ.

ಅಪೊಸ್ತಲೊ 14:22

ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.

ಅಪೊಸ್ತಲೊ 2:42

ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

1 ಕೊರಿಂಥ 15:58

ತಿನಾ ಹುತಿ ಮಾರಾ ಮಯಾನಾ ಭಾಯೊ ಭೆನೊ, ಘಟ್ಟ ಥೈನಬಿ ನಿಶ್ಚಲ ಥೈನ ರ‍್ಹವೊ. ಕಾಕದ್ಯಾಮ ತುಮೆ ಕ್ಹುದಾನಿ ಸೆವಾಮಾ ಕರಾನಿ ಕೊಶಿಶ ವ್ಯರ್ಥ ನೈ ಥಾತು. ತೆ ತಿಳ್ದಿಲಿನ ಕ್ಹುದಾನು ಕಾಮ ಹಮೆಶಾಬಿ ಘನ್ನಿ ಆಸಕ್ತಿಕ್ಹು ವರಿ ಹಮೆಶಾಬಿ ಶ್ರಧ್ದಾ ರ‍್ಹಯಲವಾಲಾ ಥೈನ ಕರಾಲಾ ಥಾವೊ.

1 ಕೊರಿಂಥ 16:13

ಹುಶಾರಕ್ಹು ರ‍್ಹವೊ, ಕ್ರಿಸ್ತನಾ ಬರೊಕ್ಹಾಮಾ ಘಟ್ಟ ಥೈನ ಹುಬ್ರ್ಯವೊ. ಧೈರ್ಯವಾಲಾ ಥಾವೊ, ತಾಕತವಾಲಾ ಥಾವೊ.

2 ಕೊರಿಂಥ 1:14

ತುಮೆ ಹಮೊನೆ ಕ್ಹಾಲಿ ನಕ್ಕರ ಕಳಿಲಿದ್ಯಾಸ ಲಾಸ್ಟಲಕ್ಕಾಬಿ ಒಪ್ಪಿಲಿವೊಶಿ ಕೈನ, ಅಪ್ನೊ ಪ್ರಭು ಥಯಲ ಯೆಸು ಆವಾನಾ ದಿನ್ನೆ ತುಮೆ ಹಮಾರಿ ಘಮಂಡ ಕರಾನೆ ಕಾರಣ ಥಯಲಲಿಂಗತ ಹಮೆಬಿ ತುಮಾರಾ ಘಮಂಡ ಕರಾನೆ ಕಾರಣ ಥಯೆಸ ಕೈನ ತುಮೆ ಒಪ್ಪಲಿವೊಶಿ.

ಗಲಾತ್ಯ 5:1

ಹಮ್ನಾ ಅಪೊನೆ ಸ್ವತಂತ್ರ ಛೆ. ಕ್ರಿಸ್ತ ಅಪೊನೆ ಸ್ವತಂತ್ರ ಕರ‍್ಯೊ. ತಿನಾಹುತಿ ಘಟ್ಟ ಥೈನ ರ‍್ಹವೊ. ಮನಸ ಬದಲಿ ಕರಲಿನ ವರಿಬಿ ಗುಲಾಮ ಗಿರಿಮಾ ರ‍್ಹವೊ ನಕೊ.

ಫಿಲಿಪ್ಪಿ 1:27

ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ.

ಫಿಲಿಪ್ಪಿ 1:8

ಕ್ರಿಸ್ತ ಯೆಸು ರ‍್ಹಯಲ ಮರಗಾಕ್ಹು ತುಮಾರಾಹುತಿ ಕೆಕ್ಲೊಕೆ ಆಸ ಕರುಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ.

ಫಿಲಿಪ್ಪಿ 2:16

ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

ಫಿಲಿಪ್ಪಿ 2:26

ತೆ ತಮಾರಾ ಹುತಿ ಮಾಯಾ ಕರಾಡೊತೊ ವರಿ ತೆಬಿ ಅರಾಮ ನೈರ್‍ಹಯಲ ಸುದ್ದಿ ತಮೆ ಐಕೆಲಕ್ಹು ತೆ ದುಖ ಕರಲಿದ್ಯೊ.

ಕೊಲೆಸ್ಸೆ 4:12

ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

1 ಥೆಸಲೊನಿಕ 3:13

ತುಮಾರಾ ಮನಸೊಮಾ ಘಟ್ಟ ರ‍್ಹವಾದೆ ಕರಿನ ಇಮ್ಮ ಪ್ರಾಥನಾ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ತಿನಾ ಪವಿತ್ರ ಮನಕ್ಹೊನಾ ಕ್ಹಾತೆ ದಿಕ್ಹತಾಮಾ ತುಮೆ ಬಾ ಥಯಲ ಕ್ಹುದಾನಿ ಸನ್ನಿದಿಮಾ ಪರಿಶುದ್ಧ ವರಿ ತಪ್ಪ ನೈಸೊವಾಲಾಥೈನ ರ‍್ಹವೊಸಿ.

2 ಥೆಸಲೊನಿಕ 2:15

ತಿನಾಹುತಿ ಮಾರಾ ಭಾಯೊ ಭೆನೊ, ಘಟ್ಟ ಥೈನ ರ‍್ಹವೊ ಹಮೆ ವಾತೊನಾ ಮುಲಕ ವರಿ ಪತ್ರನಾ ಮುಲಕ ತುಮೊನೆ ಕದಲ ಭೊದನೆ ಬರೊಕ್ಹೊ ಕರಿನ ರ‍್ಹವೊ.

2 ತಿಮೊತಿ 2:1

ಕ್ರಿಸ್ತ ಯೆಸುನಾ ಮಯಾನಾ ದಿಕ್ರಾ ತಿಮೊತಿ, ತು ಮಾರೊ ದಿಕ್ರಾ. ಕ್ರಿಸ್ತ ಯೆಸುಮಾ ಘಟ್ಟ ಥೈನ ರ‍್ಹೆ.

ಇಬ್ರಿಯ 10:23

ಅಪೆ ಅಪನಿ ಆಸಕ್ಹು ಕರಿಲಿದಲ ಮಾಂಗಿಲಿದಲನಾ ಹುತಿ ಚಂಚಲ ಥಯಾವಾಚಿ ಘಟ್ಟ್ಟ ಮನಸಕ್ಹು ಭಾಂದಿನ ಧರಲಿಯೆ, ಕಾಕದ್ಯಾಮ ವಾಗ್ದಾನ ಕರಲವಾಲೊ ಬರೊಕ್ಹೊವಾಲೊ ವ್ಹೈ.

ಇಬ್ರಿಯ 3:14

ಅಪೊನೆ ರ‍್ಹಯಲ ಪೈಲಾನೊ ಬರೊಕ್ಹೊ ಲಾಸ್ಟಲಕ್ಕಾ ಅಪೆ ಘಟ್ಟ್ಟ ಧರ‍್ಯಾರೆ ಅಪೆ ಕ್ರಿಸ್ತನಾ ಹಿಸ್ಸಾಮಾ ಭಾಗಿದಾರ ಥಯೆಸ.

ಇಬ್ರಿಯ 4:14

ಸ್ವರ್ಗೆ ಗಯಲ ಖಾಸ ಮ್ಹೊಟೊ ಯಾಜಕ ಯಕ್ಲೊ ಅಪೊನೆ ಛೆ. ತೆಜ಼ ಕ್ಹುದಾನೊ ದಿಕ್ರೊ ಥಯಲ ಯೆಸು ವ್ಹೈ. ತಿನಾಹುತಿ ಅಪೊನೆ ರ‍್ಹಯಲ ಬರೊಕ್ಹಾಮಾ ಘಟ್ಟ್ಟ ರೈನ ಅಗಾ ಬಡಿಯೆ.

2 ಪೆತ್ರಾ 3:17

ಮಯಾನಾ ಭಾಯೊ, ಇನಾಹುತಿ ತುಮೆ ತಿಳ್ದಿಲಿದ್ಯಾಸ. ತಿನಾಹುತಿ ತುಮೆ ಹುಶಾರಮಾ ರ‍್ಹವೊ ತೆ ಕೆಟ್ಟ ಮನಕ್ಹೊ ತ್ಯುನೆ ಕರಾನಾ ಕಾಮೊಕ್ಹು ತುಮೊನೆ ವಾಟ ಚು಼ಕೌನೈಸೊ ದೆಕಿಲಿವೊ. ತುಮೊಮಾ ರ‍್ಹಯಲ ಘಟ್ಟ್ಟ ಬರೊಕ್ಹೊ ಛುಟೆ ನೈಸೊ ಹುಶಾರ ಥೈನ ರ‍್ಹವೊ.