ಫಿಲಿಪ್ಪಿ 2:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಇಮ್ಮ ತುಮೆ ತಪ್ಪ ನೈಸೊವಾಲಾ ವರಿ ಯಕ್ಕಜ಼ ಮನಸ್ಸವಾಲಾ ಥೈನ ವಾಕಿ ಗ್ಯಾನ ಪಿಸಾಳಾವೊನಿ ಜಾತನಿ ವಚಮ್ಮಾ ಕ್ಹುದಾನಾ ತಪ್ಪ ನೈಸೊವಾಲಾ ಬಚ್ಚಾ ಥಾವೊಶಿ.

ಫಿಲಿಪ್ಪಿ 2:15 Iomraidhean Croise

ಮತ್ತಾಯ 10:16

ಐಕೊ! ನರಿಯೊನಾ ವಚ್ಮಾ ಬಕ್ರಾವೊನೆ ಛೊಡಲ ಲಿಂಗತ ಮಿ ತುಮೊನೆ ವಳಾವಾಡೊಸ. ತಿನಾಹುತಿ ತುಮೆ ಕ್ಹಾಪೊ ಲಿಂಗತ ಹುಶಾರ ಕ್ಹಬುತರ ಲಿಂಗತ ಕಪಟ ನೈಸೊವಾಲಾ ಥೈನ ರ‍್ಹವೊ.

ಮತ್ತಾಯ 17:17

ಯೆಸು, "ಅಯ್ಯೊ, ಬರೊಕ್ಹೊ ನೈಸೊ ಗ್ಯಾನ ನೈಸೊವಾಲಾವೊನಾ ಬಚ್ಚಾ಼ವೊ, ಹಜು಼ನ ಕೆಕ್ಲಾದಿನ್ನ ತುಮಾರಾ ಕ್ಹಾತೆ ರ‍್ಹೌ? ವರಿ ಕೆಕ್ಲಾ ದಿನ್ನ ತುಮೊನೆ ತಡ್ದಿಲ್ಯು? ತೆ ಪಟ್ಟಾನೆ ಮಕನ ಲಿನ ಆವೊ ಕೈನ ಕದ್ಯೊ.

ಮತ್ತಾಯ 5:45

ತೆಳಾಮಾ ತುಮೆ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನಾ ಕ್ಹರಿನಾ ಬಚ್ಚಾ ಥಾವೊಶಿ. ತುಮಾರೊ ಬಾ ಚೊ಼ಕಾವೊನಾಹುತಿಬಿ ವರಿ ಕೆಟ್ಟ ರ‍್ಹಯಲವಾಲಾವೊನಾಹುತಿಬಿ ಸುರ‍್ಯಾನು ಉಜಾಲು ದಿವಸ ವರಿ ಪಾನಿ ಆವಾ ಲಗಾಡಸ.

ಮತ್ತಾಯ 5:48

ತಿನಾಹುತಿ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಪರಿಪುರ್ಣ ಥೈನ ರ‍್ಹಯಲ ಲಿಂಗತ ತುಮೆಬಿ ಪರಿಪುರ್ಣ ಥೈನ ರ‍್ಹೌ.

ಲುಕ ಬರ್ದಲ ಸುವಾರ್ತಾ 1:6

ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ.

ಲುಕ ಬರ್ದಲ ಸುವಾರ್ತಾ 6:35

"ತಿನಾಹುತಿ ತುಮಾರಾ ದುಶ್ಮನೊನೆ ಮಯಾಕರೊ, ತ್ಯುನೊನೆ ಚೊ಼ಕು ಕರೊ, ತುಮೆ ತ್ಯುನೊನೆ ಸಾಲಾ ದೆತಾಮಾ ವರಿ ಫರಿನ ದಿವಸ ಕವಾನು ಆಸ ಮ್ಹೆಲೊ ನಕೊ. ತೆಳಾಮಾ ತುಮೊನೆ ಮ್ಹೊಟು ಪ್ರತಿಫಲ ರ‍್ಹಯಲ ರ‍್ಹವಸ, ವರಿ ಪರಾತ್ಪರ ಕ್ಹುದಾನಾ ದಿಕ್ರಾ ಥಾವೊಸಿ. ಕಾಕದ್ಯಾಮ ಕ್ಹುದಾ ಪಾಪಿಯೊನೆ, ಕೆಟ್ಟ ಮನಕ್ಹೊ ರ‍್ಹಯಲ ವಾಲಾವೊನೆ ಚೊ಼ಕೊ ವ್ಹೈ.

ಯೊಹಾನ 5:35

ಯೊಹಾನ ದಿವ್ವೊ ಲಾಗಲಲಿಂಗತ ವ್ಹತ್ತೊ ತೆ ಉಜಾಲು ದಿದ್ಯೊ, ವರಿ ತುಮೆ ತಿನು ಉಜಾಲಾನೆ ದಕ್ಹಾ ಟೈಮ ಖುಶಿಕ್ಹು ಅನುಭವ ಲಿವಾನೆ ದೆಕ್ಯಾ.

ಅಪೊಸ್ತಲೊ 2:40

ಪೆತ್ರಾ ಹಜು಼ನ ಘನ್ನಾ ವಾತೊಕ್ಹು ತ್ಯುನೊನೆ ಹುಶಾರ ಕರಿನ"ಎ ಕೆಟ್ಟ ಸಂತತಿವಾಲಾಕ್ಹು ಚು಼ಕೈಲಿವೊ" ಕೈನ ಮಾಂಗಿಲಿದ್ಯೊ.

ಅಪೊಸ್ತಲೊ 20:30

ಎನೈಸೊ ತುಮೊಮಾ ದಕ್ಹಾಜ಼಼ನಾ ಉಟಿನ ಸುಳ್ಳ ರ‍್ಹಯಲ ಭೊದನೆ ಕರಿನ ಶಿಷ್ಯಾವೊನಾ ತ್ಯುನಾ ಬಗಲ ಜಗ್ಗಿಲಿವಸ.

ರೊಮಾಪೂರ 16:19

ತುಮಾರಿ ವಿಧೆಯ ಕ್ಹಾರಾ ವಿಶ್ವಾಸಿಯೊನೆ ತಿಳದಲ ಛೆ. ತಿನಾಹುತಿ ತುಮಾರಾ ವಿಷಯಮಾ ಮಿ ಘನ್ನೊ ಖುಶಿ ಥೌಸ. ತೆನೈಸೊ ಚೊ಼ಕಿಯೊ ಸಂಗತಿಯೊನಾ ಹುತಿ ತುಮೆ ಶಾಣ್ಯಾ ಥೈನ ರ‍್ಹೌಕೈನ ವರಿ ಕೆಟ್ಟ ಸಂಗತಿಯೊನಾ ಹುತಿ ಸುಜ಼ ಗ್ವತ್ತ ನೈ ರ‍್ಹಯಲವಾಲಾ ರ‍್ಹೌಕೈನ ಮಿ ಆಸ ಕರುಸ.

1 ಕೊರಿಂಥ 1:8

ಯೆಸು ತುಮೊನೆ ಲಾಸ್ಟ ಲಕ್ಕಾ ವಚಾ಼ಡಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ನ್ಯಾಯನೊ ಫೈಸಲಾನಾ ದಿನ್ಮಾ ತುಮೆ ನಿರದೊಷಿಯೊ ಥಾವೊಶಿ.

2 ಕೊರಿಂಥ 6:17

ಕಿಮ ಮನಕ್ಹೊ ಕ್ಹುದಾನಿ ವಾಕ್ಯ ಬಿಜಾ಼ ಮಳೈ ವ್ಯಾಪಾರ ಕರಸ. ಅಪೆ ತೆ ನ್ಹ ಹೊಲಸ ರ‍್ಹಯಲ ಮುಟ್ಟ ನಕೊ ಕೈನ ರ‍್ಹಯಲ ಪ್ರಭು ಕವಸ.

ಎಫೆಸ 5:27

ಮಹಿಮಾನೆ ತಯ್ಯಾರ ರ‍್ಹಯಲ ಜಾಂಜಿಮಾನ ಲಿಂಗತ ರ‍್ಹವಾನಿ ಸಭೆ ತಿನೆ ದಿವ ಕೈನ ತೆ ಜ಼ಲಮ ದಿದ್ಯೊ. ಸಭೆ ದೊಶ ನೈಸೊ ಶುದ್ಧ ರ‍್ಹೌ ಕೈನ ವರಿ ಕೆಟ್ಟತನಾ ರ‍್ಹವಾದೆ ಪಾಪ ರ‍್ಹವಾದೆ ತೆನೈಸೊ ಬಿಜು಼ ಕಯುಜ಼ ತಪ್ಪ ರ‍್ಹವಾದೆ ಸಭೆಮಾ ರ‍್ಹೌ ನೈ ಕೈನ ತೆ ಜ಼ಲಮ ದಿದ್ಯೊ.

ಫಿಲಿಪ್ಪಿ 1:10

ಚೊಕ್ಹು ಕೆಟನು ವಳಕಾನು ಫರಕ ಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ.

ಫಿಲಿಪ್ಪಿ 3:6

ಆಸಕ್ತಿ ದೆಕ್ಯಾಮ್ಮಾ ಮಿ ಕ್ರಿಸ್ತನಾ ಸಭೆನೆ ತರಾಸ ಕರಲವಾಲೊ ವ್ಹೈ, ಧರಮಶಾಸ್ತ್ರನಾ ನಿಯಮನಾ ಪ್ರಕಾರ ದೆಕ್ಯಾಮ್ಮಾ ಮಿ ತಪ್ಪ ನೈಸೊ ವ್ಹೈ.

1 ಥೆಸಲೊನಿಕ 5:23

ಶಾಂತಿಕ್ಹು ರ‍್ಹಯಲ ಕ್ಹುದಾ ತೆಜ಼ ತುಮೊನೆ ಕ್ಹಾರಿ ತರಾಕ್ಹು ಶುದ್ಧ ಕರಾದೆ ಕೈನ ಪ್ರಾಥನಾ ಕರಿಯೆಸ. ಪ್ರಭು ಥಯಲ ಯೆಸು ಕ್ರಿಸ್ತ ಅಪೊನೆ ದಿಕ್ಹತಾಮಾ ತುಮಾರಿ ಆತ್ಮಾ, ಅಂಗ, ಜ಼ಲಮ, ಸುಜ಼ ಕೆಟ್ಟ ರ‍್ಹಯೆ ನೈಸೊ ಪ್ರಾಥನಾ ಕರಿಯೆಸ.

1 ತಿಮೊತಿ 3:10

ತ್ಯುನೊನೆ ತು ಪೈಲಾ ವಳಕೊ. ತ್ಯುನೆ ಕೆಟ್ಟ ಕಾಮೊಮಾ ನೈ ರ‍್ಹಯಾಮ ಸೆವೆ ಕರಸ ಕವಸ.

1 ತಿಮೊತಿ 3:2

ತೆ ಸಭೆನಾ ಮ್ಹೊಟಾ ಮನಕ್ಹೊನಾ ಕೆಟ್ಟ ವಾತೊಮಾ ಪಡೆನೈಸೊ ಚೊ಼ಕೊ ಥೈನ ರ‍್ಹೌ. ತುನೆ ಯಕ್ಕಲಿಜ಼ ಬೈಕೊ ರ‍್ಹೌ. ತೆ ಘನ್ನೊ ಗ್ಯಾನಿ ರ‍್ಹೌ; ಮನಕ್ಹೊ ಮರ್ಯಾದಿ ದಿವಾನೆ ಯೊಗೈ ರ‍್ಹೌ

1 ತಿಮೊತಿ 5:14

ತಿನಾಹುತಿ ಜಾಂಜಿಮಾನ ಮಾಟಿ ಮರಲವಾಲಿಯೊ ಹಿವಾ ಕರಲಿನ ಬಚ್ಚಾ಼ ಜ಼ನ್ನಾದೆ ವರಿ ತ್ಯುನಾ ಘರೊ ದೆಕಿಲಿವಾದೆ. ತೆಳಾಮಾ ತ್ಯುನೊನೆ ಕೆಟ್ಟವಾತೊ ಕುನ್ನಜ಼ ಬೊಲತು ನೈ.

1 ತಿಮೊತಿ 5:20

ಪಾಪ ಕರಾಲಾ ಮನಕ್ಹೊನೆ ಸಭೆಮಾ ರ‍್ಹಯಲ ಮನಕ್ಹೊನಾ ಕ್ಹಾಮೊಜ಼ ಬರ್ಬಡ. ತೆಳಾಮಾ ಬಿಜಾ಼ವೊನೆಬಿ ಎಚ್ಚರಕಿ ಮಳಸ.

1 ತಿಮೊತಿ 5:7

ಮನಕ್ಹೊನಾ ಕೆಟ್ಟವಾತೊನೆ ಗುರಿ ಥಾಯೆ ನೈಸೊ ತಿನೆ ರ‍್ಹವಾನು ಶಿಕ್ಲಾ. ತೆಳಾಮಾ ತ್ಯುನೆ ತಿನೆ ಕೆಟ್ಟವಾತೊ ಬೊಲಾನೆ ಥಾತು ನೈ.

ತಿತನೆ 1:6

ಸಭಾಪಾಲಕ ಥಾವಾಲೊ ಕೆಟ್ಟ ಮನಕ್ಹ ವ್ಹೈ ಕೈನ ಕವೈಲಿದಲ ರ‍್ಹೌ ನೈ. ತಿನೆ ಯಕ್ಕಲಿಜ಼ ಬೈಕೊ ರ‍್ಹೌ. ತಿವ್ನಾ ಬಚ್ಚಾ಼ ವಿಸ್ವಾಶಿಯೊ ರ‍್ಹೌ. ತ್ಯುನೆ ಕೆಟ್ಟ ವ್ಹೈ ಕೈನ ಕವೈಲಿದಲ ರ‍್ಹೌ ನೈ.

ತಿತನೆ 2:10

ತ್ಯುನೆ ಸಾಮನೊ ಚೊ಼ರಿ ಕರುನೈ ವರಿ ತ್ಯುನೆ ಬರೊಕ್ಹು ರ‍್ಹಯಲವಾಲಾ ವ್ಹೈ ಕೈನ ದೆಕಾಡಿನ ದಿವೊ. ಆಳೊ ಇಮ್ಮ ಚಾ಼ಲಿನ ಜಾ಼ತಾ ರ‍್ಹಯಾಮ, ತ್ಯುನೆ ಕರಾನಾ ಹರ ಯಕ್ಕ ಕಾಮಮಾ ಅಪ್ನೊ ರಕ್ಷಕ ಥಯಲ ಕ್ಹುದಾನು ಉಪದೆಶ ಚೊ಼ಕು ವ್ಹೈ ಕೈನ ದೆಕಾಡಾನೆ ಥಾವಸ.

ತಿತನೆ 2:15

ಎ ಸಂಗತಿಯೊ ಮನಕ್ಹೊನೆ ತಿಳಸಾವಾನೆ ತುನೆ ಪುರಾ ಅದಿಕಾರ ಛೆ. ಮನಕ್ಹೊನೆ ತಾಕತವರ ಕರಾನೆ ಎ ಅದಿಕಾರ ಬಳಸಿನ, ತ್ಯುನೆ ಕರಾನು ತಿಳಸ. ತ್ಯುನೆ ಖಾಸ ಥಯಲವಾಲಾ ನ್ಹವೈ ಕೈನ ದೆಕ್ಹಲ.

ಇಬ್ರಿಯ 7:26

ಯೆಸು ಅಪೊನೆ ಚಾ಼ಯೆ ಥಯಲ ಪ್ರಧಾನ ಯಾಜಕ ವ್ಹೈ. ತೆ ಪಾಪ ನೈಸೊ ಪರಿಶುದ್ಧ ನಿಷ್ಕಳಂಕಿ ಪಾಪಿಯೊನಾ ಪ್ರಭಾವನೆ ಮ್ಹೈ ಥಯಲವಾಲೊ ಹಬಾಳತಿ ಉನ್ನತ ಥಯೊಸ.

1 ಪೆತ್ರಾ 2:12

ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.

2 ಪೆತ್ರಾ 3:14

ಮಯಾನಾ ದೊಸ್ತೊ, ಇನಾಹುತಿ ಅಪೆ ಕ್ಹಾಮಾ ದೆಕಾಡ್ಯಾಸ. ತಿನಾಹುತಿ ತುಮೆ ಪಾಪ ನೈಸೊವಾಲಾ ಥೈನ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ಕ್ಹುದಾನಾ ಕ್ಹಾತೆ ಸಮಾಧಾನಕ್ಹು ರ‍್ಹವಾನು ಕರೊ.

ಪ್ರಕಟನೆ 2:5

ತಿನಾಹುತಿ ತು ಮುಕಂತೊ ದುರ ಥೈಗಯೊಸ ಕವಾನು ಶೆ ಕರಿಲೆ ಮನಸ ಬದ್ಲಿ ಕರಲೆ ತು ಪೈಲಾ ಕರಲ ಕಾಮೊಜ಼ ಕರ ತು ಬದಲಿ ನೈ ಥಯೊಮ ಮಿ ತು ರ‍್ಹಯಲ ಜ಼ಗಾ ಐನ ತಾರು ದಿವ್ವಾನೊ ಖಾಮ ತಿನಿ ಜ಼ಗಾಂತೊ ಕಾಡಿ ಪಾಡುಸ.

ಪ್ರಕಟನೆ 3:9

ಧ್ಯಾನ ದೆ! ತ್ಯಾ ಸೈತಾನನಾ ಗುಂಪವಾಲಾ ಛೆ. ತೆ ತ್ಯುತಾಕ್ಹು ತ್ಯುನೆ ಯೆಹುದಿಯೊ ವ್ಹೈ ಕೈನ ಕೈಲಿವಸ. ವರಿ ಬಿ ತ್ಯೊನೆ ಕೈಲಿವಾನು ಸುಳ್ಳ ವ್ಹೈ. ತ್ಯುನೆ ಕ್ಹರಿನಾ ಯೆಹುದಿಯೊ ನ್ಹವೈ. ತೆವಾ ಮನಕ್ಹೊ ತಾರಾ ಕ್ಹಾಮಾ ತಾರಾ ಪಗೆ ಪಡಾ ವರಕ್ಹು ಕರುಸ. ಮಿ ಮಯಾ ಕರಾನಾ ಮನಕ್ಹೊ ತುಮೆಜ಼ ವ್ಹೈ ಕೈನ ತ್ಯುನೆ ತೆಳಾಮಾ ವಳಕಸ.