ಎಫೆಸ 1:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ಮಿ ಕ್ಹುದಾನಿ ಆಸನಿಂಗತ ಅಪೊಸ್ತಲ ಥಯೊಸ. ಎಫೆಸ ಗಾಮ್ಮಾ ರ‍್ಹವಾಲಾ ವರಿ ಕ್ರಿಸ್ತ ಯೆಸುಪರ ಬರೊಕ್ಹೊ ಮ್ಹೆಲಲ ಪರಿಶುದ್ಧ ಕ್ಹುದಾನಾ ಮನಕ್ಹೊನೆ ಮಿ ಎ ಪತ್ರ ಬರ್ದಾಡ್ಯೊಸ.

ಎಫೆಸ 1:1 Iomraidhean Croise

ಲುಕ ಬರ್ದಲ ಸುವಾರ್ತಾ 16:10

ದಕ್ಹಾಮಾಜ಼ ಬರೊಕ್ಹೊ ರ‍್ಹಯಲವಾಲೊ ಘನ್ನು ರ‍್ಹಯಲ ಟೈಮಾಬಿ ಬರೊಕ್ಹಾವಾಲಾಲಿಂಗತ ರ‍್ಹವಸ. ದಕ್ಹಾಮಾಜ಼ ಅನ್ಯಾಯಮಾ ರ‍್ಹಯಲವಾಲೊ ಘನ್ನು ರ‍್ಹಯಲ ಟೈಮಾಬಿ ಅನ್ಯಾಯವಾಲೊ ರ‍್ಹವಸ.

ಅಪೊಸ್ತಲೊ 16:15

ತಿನಾ ಘರವಾಲಾ ಬಾಪ್ತಿಸ್ಮ ಕರೈಲಿದಲಪರ ತೆ ಕರ್ತಾನೆ ಬರೊಕ್ಹೊ ಕರಾಲಿ ವ್ಹೈ ಖಯನ ತುಮೆ ಮಾರಾ ಹುತಿತಿಳ್ದಿಲಿದಲ ರ‍್ಹವಾಮಾ ಮಾರಾ ಘರ್ಮಾ ಐನ ರ‍್ಹೌ ಕೈನ ಮಾಂಗಿಲಿನ ಹಮೊನೆ ವತ್ತಾಯ ಕರ‍್ಯೊ.

ಅಪೊಸ್ತಲೊ 18:19

ಎಫೆಸೆಯೆ ಆತಾಮಾ ತ್ಯುನೊನೆ ತ್ಯಾಜ಼ ಛೊಡಿನ ತೆ ಸಭಾಮಂದಿರ್ಮಾ ಮ್ಹೈ ಗೈನ ಯಹುದಿಯೊನಾ ಕ್ಹಾತೆ ವಾದ ವಿವಾದ ಕರ‍್ಯೊ.

ಅಪೊಸ್ತಲೊ 18:21

ತಿನಾಹುತಿ ತ್ಯುನೊನೆ ಕದ್ಯೊ ಕ್ಹುದಾನಿ ಚಿತ್ತ ರ‍್ಹೈ ಕದ್ಯಾಮ ಮಿ ತುಮೊಕನ ವರಿ ಹಜಿಯಕ್ಕ ಸಲಾ ಔಸ ಕೈನ. ತೆ ಥಯಲ್ಪರ ಎಫೆಸತೊ ಸಮುಂದರಪರ್ತೊ ಪ್ರಯಾಣ ಕರಿನ ಚಾ಼ಲ್ಯೊತೊ.

ಅಪೊಸ್ತಲೊ 9:13

ತೆ ವಾತೆ ಅನನಿಯಾ - ಪ್ರಭು, ತೆ ಮನಕ್ಹ ಯೆರುಸೆಲಿಮಮಾ ತಾರಾ ಪರಿಶುದ್ಧ ಮನಕ್ಹೊನೆ ಕೆಕ್ಲು ಕೆಟ್ಟ ಕರ‍್ಯೊಸ ಕವಾನು ಮಿ ಮನಕ್ಹೊನಾ ಮ್ಹೊಡಾತೊ ಐಕ್ಯೊಸ.

ರೊಮಾಪೂರ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಅಪೊಸ್ತಲ ಥಾವಾನಾ ಹುತಿ ಮನೆ ಬಲಾಯೊ. ಕ್ಹುದಾನಿ ಸುವಾರ್ತೆ ಕ್ಹಾರಾ ಮನಕ್ಹೊಕನ ಕವಾನಾ ಹುತಿ ಮನೆ ಇನಿಲಿದ್ಯೊ.

ರೊಮಾಪೂರ 1:7

ರೊಮಮಾ ರ‍್ಹಯಲವಾಲಾ ಕ್ಹುದಾನಾ ಸ್ವಂತ ಮನಕ್ಹೊ ಥಾವಾನಾ ಹುತಿ ಕ್ಹುದಾಜ಼ ಬಲಾಯಲವಾಲಾ ಥಯಲ ತುಮೊನೆ ಕ್ಹಾರಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ. ತುಮೆ ಕ್ಹುದಾನೆ ಮಯಾನಾ ಮನಕ್ಹೊ ಥಯಾಸ. ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.

ರೊಮಾಪೂರ 8:1

ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.

1 ಕೊರಿಂಥ 4:12

ಹಮೆ ಖಾವಾನಾ ಹುತಿ ಹಮಾರಾ ಹತೊಕ್ಹು ಕಷ್ಟ ಪಡ್ದಿನ ರಾಬಿಯೆಸ. ಮನಕ್ಹೊ ಹಮೊನೆ ಕ್ಹರಾಪಸ, ಹಮೆ ತುಬಿ ತ್ಯುನಾ ಹುತಿ ಆಶಿರ್ವಾದ ಮಾಂಗಿಲಿಯೆಸ. ಮನಕ್ಹೊ ಹಮೊನೆ ತ್ರಾಸ ಕರ‍್ಯಾ ತುಬಿ ತಡ್ದಿಲಿಯೆಸ.

1 ಕೊರಿಂಥ 4:17

ತಿನಾಹುತಿಜ಼, ಮಿ ತುಮೊಕನ ತಿಮೊಥೆನೆ ವಳಾವಾಡೊಸ, ತೆ ಪ್ರಭುಮಾ ಮಾರೊ ದಿಕ್ರೊ ಥಯೊಸ. ಮಿ ತಿನೆ ಮಯಾ ಕರುಸ. ತೆ ಬರೊಕ್ಹಾವಾಲೊ ಥಯೊಸ. ಮಿ ಕ್ರಿಸ್ತ ಯೆಸುಮಾ ರ‍್ಹವಾನಾ ತರಿಕಾನೆ ತೆ ತುಮೊನೆ ಶೆ ಕರಾವಸ. ಹರಯಕ್ಕಬಿ ಕ್ಹಾರಾ ಸಭೆಮಾ ಮಿ ತಿನಾ ನಿಂಗತಜ಼ ಜಿವ್ನಾ ಉಪದೆಶ ಕರುಸ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

ಗಲಾತ್ಯ 1:1

ಅಪೊಸ್ತಲ ಥಯಲ ಪೌಲಾ ಮಿ ಬರ್ದಾನು ಪತ್ರ. ಮನೆ ಅಪೊಸ್ತಲ ಕೈನ ಇನಿಲಿದಲ ಮನಕ್ಹೊ ನ್ಹವೈ. ಮನೆ ಮನಕ್ಹೊ ಮೊಕ್ಲಲವಾಲಾ ನ್ಹವೈ. ಮನೆ ಅಪೊಸ್ತಲ ಕೈನ ಕರಲ ಕುನ ವ್ಹೈ ಕದ್ಯಾಮ, ಯೆಸು ಕ್ರಿಸ್ತ ವರಿ ಬಾ ಥಯಲ ಕ್ಹುದಾ ವ್ಹೈ. ಯೆಸುನೆ ಮರಲವಾಲಾವೊಮಾತೊ ಉಟಾಡಲವಾಲೊ ಕ್ಹುದಾಜ಼ ವ್ಹೈ.

ಗಲಾತ್ಯ 3:26

ತುಮೆ ಕ್ಹಾರಾ ಕ್ರಿಸ್ತಮಾ ಬಾಪ್ತಿಸ್ಮ ಕರೈಲಿದಲಹುತಿ ಕ್ರಿಸ್ತಮಾಜ಼ ತುಮೆ ಛೆ.

ಗಲಾತ್ಯ 3:28

ಹಮ್ನಾ ಕ್ರಿಸ್ತಮಾ ಯಹುದಿ, ಗ್ರಿಕ ಕವಾನು ಫರಕ ನತ್ತಿ; ಸ್ವತಂತ್ರ ರ‍್ಹಯಲವಾಲಾ ವರಿ ಗುಲಾಮೊ ಕವಾನು ಫರಕ ನತ್ತಿ; ಬಾಕಡಿಯೊ ವರಿ ದಾಣಗಾಮಾ ಫರಕ ನತ್ತಿ. ತುಮೆ ಕ್ಹಾರಾ ಕ್ರಿಸ್ತ ಯೆಸುಮಾ ಯಕಜ಼ ಥಯಾಸ.

ಗಲಾತ್ಯ 3:9

ತೆ ಇಪರ ಬರೊಕ್ಹೊ ಕರಲ ಹುತಿ ಆಶಿರ್ವಾದ ಮಳಿ. ಎಜ಼ ನಿಯಮೊ ಹಜು಼ನಬಿ ಲಾಗು ಥಾವಸ. ತಿನೆ ಆಶಿರ್ವಾದ ಮಳಲ ಲಿಂಗತಜ಼ ಅಬ್ರಹಾಮನಾ ಕ್ಹಾತೆ ಬರೊಕ್ಹೊ ಮ್ಹೆಲಲ ಕ್ಹಾರಾ ಮನಕ್ಹೊನೆಬಿ ಆಶಿರ್ವಾದ ಮಳಸ. (ಧರ್ಮೊಪದೆಶಕಾಂಡ 27-26)

ಎಫೆಸ 1:15

ಕರ್ತಾ ತಿನಾಹುತಿಜ಼ ಮಾರಿ ಪ್ರಾಥನಾಮಾ ಮಿ ತುಮೊನೆ ಶೆ ಕರಿಲಿನ ತುಮಾರಿ ವಿಷಯಮಾ ಕ್ಹುದಾನೆ ಹಮೆಶಾಬಿ ಸ್ತೊತ್ರ ಕೌಸ ಪ್ರಭು ಥಯಲ ಯೆಸುಮಾ ತುಮೊನೆ ರ‍್ಹಯಲ ಬರೊಕ್ಹಾನಾ ಹುತಿ

ಎಫೆಸ 2:10

ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.

ಎಫೆಸ 2:13

ಹೊ, ತುಮೆ ಯಕ್ಕ ಟೈಮಮಾ ಕ್ಹುದಾಕ್ಹು ಘನ್ನಾ ದುರ ವ್ಹತ್ತಾ. ತೆನೈಸೊ ಹಮ್ನಾ ತುಮೆ ಕ್ರಿಸ್ತ ಯೆಸುನಾ ರಗತಕ್ಹು ಕ್ಹುದಾನಾ ನಜ್ದಿಕ ರ‍್ಹಯಲವಾಲಾ ಥಯಾಸ.

ಎಫೆಸ 2:6

ಕ್ಹುದಾ ಅಪೊನೆ ಕ್ರಿಸ್ತನಾ ಕ್ಹಾತೆ ಉಟಾಡಿನ ತಿನಾ ಕ್ಹಾತೆ ಸ್ವರ್ಗಮಾ ಸಿಂಹಾಸನನಾ ಉಪ್ಪರ ಬೈಟಾಡ್ಯೊಸ. ಕ್ರಿಸ್ತ ಯೆಸುಮಾ ರ‍್ಹವಾಲಾ ಅಪ್ನಾ ಹುತಿ ಕ್ಹುದಾ ಎ ಕರ‍್ಯೊ.

ಎಫೆಸ 6:21

ಅಪ್ನೊ ಮಯಾನೊ ಭೈ ಥಯಲ ತುಖಿಕನೆ ತುಮೊಕನ ವಳಾವಾಡೊಸ. ತೆ ಪ್ರಭುನಿ ಸೆವಾಮಾ ಬರೊಕ್ಹಾವಾಲೊ ಸೆವಕ ಥಯೊಸ. ನ್ಹ್ಯಾನಾ ಸಂಗತಿಯೊ ಕ್ಹಾರಿಯೊ ತೆ ತುಮೊನೆ ತಿಳ್ಸಾವಸ. ಮಿ ನ್ಹ್ಯಾ ಗಯೊಸ ವರಿ ಸು ಕರಾಡ್ಯೊಸ ಕವಾನು ತೆಳಾಮಾ ತುಮೊನೆ ಗ್ವತ್ತ ಥಾವಸ.

ಕೊಲೆಸ್ಸೆ 1:2

ಕೊಲೆಸ್ಸಮಾ ರ‍್ಹಯಲ ಕ್ಹುದಾನಾ ಮನಕ್ಹೊನೆ ಕದ್ಯಾಮ ಕ್ರಿಸ್ತಮಾ ಬರೊಕ್ಹೊವಾಲಾ ವರಿ ಪವಿತ್ರ ಥಯಲ ಭಾಯೊ, ಭೆನೊನೆ ಮಿ ಎ ಪತ್ರ ಮಾರೊ ಭಯ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಬರ್ದಾಡ್ಯೊಸ. ಮಾರೊ ಬಾ ಥಯಲ ಕ್ಹುದಾಕ್ಹು ತಮೊನೆ ಮರಗಾ,ಶಾಂತಿ ಮಳಾದೆ.

ಪ್ರಕಟನೆ 17:14

ತ್ಯುನೆ ಕ್ಹಾರಾ ಬಕ್ರಾನು ಬಚ್ಚು಼ ಥಯಲ ಕ್ಹಾದ್ದ ಕರಸ. ತೆನೈಸೊ ಬಕ್ರಾನು ಥಯಲ ವಾಲೊ ಪ್ರಭುವೊನೊ ಪ್ರಭು ರ‍್ಹಯಲ ಹುತಿ ರಾಜಾ಼ವೊನಪರ ರಾಜೊ಼ ರ‍್ಹಯಲ ಹುತಿ ತ್ಯುನೊನೆ ಸೊಲ್ಸಾವಸ. ತಿನಾ ಕ್ಹಾತೆ ತೆ ಬಲಾಯಲ ಮನಕ್ಹೊ ವರಿ ತಿನೆ ಬರೊಕ್ಹೊ ಕರಿನ ತಿನಾ ಪಾಚಾ಼ ಆಯಲ ಮನಕ್ಹೊ ವರಿ ತೆ ಇನಿಲಿದಲ ಮನಕ್ಹೊ ಬಿ ವ್ಹತ್ತಾ "ಕೈನ ಕದ್ಯೊ"

ಪ್ರಕಟನೆ 2:10

ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.

ಪ್ರಕಟನೆ 2:13

"ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ.