2 ತಿಮೊತಿ 4:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ಚೊ಼ಕಾವೊನೆ ಮಳಾನಿ ಜಿತನಿ ಮಾಲಾ ಹಮ್ನಾ ಮನೆ ತಯ್ಯಾರ ಥೈಸ. ಚೊ಼ಕೊ ರ‍್ಹಯಲ ನ್ಯಾಯ ಕರಾಲೊ ಪ್ರಭು ಮನೆ ತೆ ದಿನಮಾ ದಿವಸ. ಮನೆ ತೆಕ್ಲುಜ಼ ನೈಸೊ ತೆ ಆವಾನು ಆಸ ಕರಿನ ತಿನಾಹುತಿ ಮಯಾಕ್ಹು ಕೈದಾವಾಲಾವೊನೆ ಎ ದಿವಸ.

2 ತಿಮೊತಿ 4:8 Iomraidhean Croise

ಮತ್ತಾಯ 24:36

ತೆನೈಸೊ ತೆ ದಿನೊ ವರಿ ತೆ ಟೈಮನಾ ಹಹುತಿ, ಮಾರಾ ಬಾನೆ ಯಕ್ಕಜ಼ ಗ್ವತ್ತ ಛೆ ಬಿಜಾ಼ ಕಿನೆಜ಼ ಗ್ವತ್ತ ನತ್ತಿ. ಪರಲೊಕಮಾ ರ‍್ಹಯಲ ದುತೊನೆಬಿ ಗ್ವತ್ತ ನತ್ತಿ, ದಿಕ್ರಾನೆಬಿ ಗ್ವತ್ತ ನತ್ತಿ..

ಮತ್ತಾಯ 7:22

ಲಾಸ್ಟನಾ ದಿನೊಮಾ ಘನ್ನಾ ಜ಼ನಾ ಮನೆ, ತುಜ಼ ಮಾರೊ ಪ್ರಭು ವ್ಹೈ! ತಾರಾ ವಿಶಯಮಾ ಹಮೆ ಬೊಧನೆ ಕರ‍್ಯಾಸ.ತಾರಾ ನಾಮನಾ ಮಿಲ ಭುತ್ಡಾವೊನೆ ಛೊಡಾಯಾಸ ವರಿ ಘನ್ನಾ ಅದ್ಬುತ ಕಾಮೊ ಕರ‍್ಯಾಸ ಕೈನ ಕವಸ.

ಲುಕ ಬರ್ದಲ ಸುವಾರ್ತಾ 10:12

ಮಿ ತುಮೊನೆ ಕ್ಹರಿಜ಼ ಕೌಸ. ಕ್ಹುದಾನಿ ನ್ಯಾಯ ಫೈಸಲಾನಾ ದಿನಮಾ ತೆ ಮನಕ್ಹೊನಿ ಗತಿ ಸೊದೊಮ ಗಾಮ್ನಾ ಮನಕ್ಹೊನಿ ಗತಿತಿಬಿ ಕಠಿಣ ಥಾವಸ ಕದ್ಯೊ,

ರೊಮಾಪೂರ 2:5

ತೆನೈಸೊ ತುಮೆ ಘಟ್ಟ ಮನಸನಾ ವರಿ ಮಂಡ ಚಾಳಿನಾ ಥಯಾಸ. ತಿನಾಹುತಿ ತುಮೊನೆ ಆವಾನು ರ‍್ಹಯಲ ಶಿಕ್ಷಾ ತುಮೆ ಹೆಚ್ಕಿ-ಹೆಚ್ಕಿ ಕರಲಿವಾಡ್ಯಾಸ. ಕ್ಹುದಾ ತಿನಿ ಶಿಟ್ಟ ದೆಕಾಡಾನಾ ಟೈಮಾ ತುಮೊನೆ ತೆ ಶಿಕ್ಷಾ ಥಾವಾಸ. ತೆ ದಿನ್ಮಾ ಕ್ಹುದಾನಿ ನ್ಯಾಯನಿ ಫೈಸಲೊ ಮನಕ್ಹೊ ದೆಕಸ.

ರೊಮಾಪೂರ 8:23

ಸೃಷ್ಟಿ ಯಕ್ಕಜ಼ ನೈ, ಅಪೆಬಿ ಅಪ್ನೊಮಾ ದುಖ ಕ್ಹು ನೆಳ್ತಾ ಕೈದಾಡ್ಯಾಸ. ಕ್ಹುದಾನಿ ವಾತನಿ ಪೈಲಾನೊ ಭಾಗ ಥಯಲ ಕ್ಹುದಾನಿ ಆತ್ಮಾನೆ ಅಪೆ ಹೊಂದಿಲಿದ್ಯಾಸ. ಅಪೊನೆ ತಿನಾ ಸ್ವಂತ ಬಚ್ಚಾ಼ ಥೈನ ಕರಿಲಿವಾನೆ ಕ್ಹುದಾ ಕರತೊ ರ‍್ಹಯಲ ಕಾಮ ಪುರಾ ಥಾವಾನುಜ಼ ಕದ್ಯಾಮ, ಅಪ್ನಾ ಅಂಗನೆ ಥಾವಾನೆ ಬಿಡುಗಡೆಜ಼ ಅಪೆ ಕೈದಾಡ್ಯಾಸ.

1 ಕೊರಿಂಥ 2:9

ಪವಿತ್ರ ಗ್ರಂಥಮಾ ಅಮ್ಮ ಬರ್ದ್ಯಾಸ; "ಕ್ಹುದಾ ತಿನೆ ಮಯಾ ಕರಾಲಾವೊನಾ ಹುತಿ ತಯ್ಯಾರ ಕರಲ ಕ್ಹಾರು ಡೊಳಾ ದೆಕ್ಯಾ ನೈ, ಕಾನೊ ಐಕ್ಯಾ ನೈ, ತೆನೈಸೊ ತೆ ಮನಕ್ಹನಾ ಮನಸ್ಸಮಾ ಗಯು ನೈ"

1 ಕೊರಿಂಥ 3:13

ತೆನೈಸೊ ಹರ ಯಕ್ಲಾನು ಕಾಮ ಕರೆಟ್ಟ ದಿಕ್ಹಸ; ಕಾಕದ್ಯಾಮ, ಕ್ರಿಸ್ತ ಆವಾನು ಫೈಸ್ಲಾನೊ ದಿನ್ನ ತೆ ದೆಕಾಡಸ. ತೆ ದಿನ್ನ ಆಗನಾ ಕ್ಹಾತೆ ಹುಟ್ಟಸ. ತೆ ಆಗ ಹರಯಕ್ಕ ಮನಕ್ಹನಾ ಕಾಮೊ ಪರಿಕ್ಷಾ ಕರಸ. ವರಿ ಚೊ಼ಕು ಗುಣಮಟ್ಟ ದೆಕಾಡಿನ ದಿವಸ.

1 ಕೊರಿಂಥ 9:25

ಖೆಲ ಖೆಲಾನೆ ಆಯಲವಾಲಾ ಕ್ಹಾರಾ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿವಸ. ನಾಶ ಥಾವಾನಾ ಬಹುಮಾನ ಲಿವಾನಾಹುತಿ ಕೊಶಿಶ ಕರಸ. ಅಪೆ ತುಬಿ ಹಮೆಶಾನು ಬಹುಮಾನ ಲಿವಾನಾ ಹುತಿ ರಾಬಿಯೆಸ.

2 ಕೊರಿಂಥ 5:2

ಅಪೆ ಹಮ್ನಾ ಎ ಅಂಗಮಾ ಸುಸ್ತ ಥೈ ಗೈಯಾಸ. ಪರಲೊಕಮಾ ರ‍್ಹಯಲ ಅಪ್ನೊ ಘರ ಕ್ಹುದಾ ಅಪೊನೆ ಕೆಳಾಮಾ ದಿವಸ ಕೈನ ದೆಕಡ್ಯಾಸ.

ಫಿಲಿಪ್ಪಿ 3:11

ಇಮ್ಮ ರ‍್ಹೈಮ್ಮ ಮರಲವಾಲಾ ದಕ್ಹಾಜ಼಼ನಾವೊನೆ ಥಾವಾನು ಪುನರುತಾನು ಅನುಭವ ಮನೆ ಬಿ ಥಾಸ.

ಕೊಲೆಸ್ಸೆ 1:5

ತಮೊನೆ ನಿರಿಕ್ಷೆ ರ‍್ಹಯಲನಾಹುತಿ ಕ್ರಿಸ್ತನಾ ಪರ ಬರೊಕ್ಹೊ ಮ್ಹೆಲ್ಯಾ ವರಿ ಕ್ಹುದಾನಾ ಮನಕ್ಹೊನೆ ಮಯಾ ಕರ‍್ಯೊ. ತಮೆ ನಿರಿಕ್ಷೆ ಕರಾನು ತಮಾರಾಹುತಿ ಸ್ವರ್ಗಲೊಕಮಾ ತಯಾರ ಕರ‍್ಯಾಸ ಕವಾನು ತಮೊನೆ ತಿಳ್ದಾಸ. ತಮೊನೆ ತಿಳ್ಸಾಯೆಲ ಕ್ಹರಿ ವಾಕ್ಯ ಕದ್ಯಾಮ ಸುವಾರ್ತೆನೆ ತಮೆ ಪುಚತ್ತಾಮ್ಮಾ ತೆ ನಿರಿಕ್ಷೆನಾಹುತಿ ತಿಳದಿಲಿದ್ಯಾಸ.

1 ಥೆಸಲೊನಿಕ 1:10

ಕ್ಹುದಾನೊ ದಿಕ್ರೊ ಸ್ವರಗತೊ ಆವಾನು ದೆಕಾನಾ ಹುತಿ ತುಮೆ ಇಮ್ಮ ಕರ‍್ಯಾ. ಕ್ಹುದಾಜ಼ ತಿನಾ ದಿಕ್ರಾನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ತೆಜ಼ ಯೆಸು ವ್ಹೈ. ಅಗು ಥಾವಾನಿ ಕ್ಹುದಾನಿ ಶಿಟ್ಟನೊ ಫೈಸಲಾಕ್ಹು ತುಮೊನೆ ವಚಾ಼ಡಾಲೊ ಎಜ಼ ವ್ಹೈ.

1 ಥೆಸಲೊನಿಕ 5:4

ತೆನೈಸೊ ಭಾಯೊ ವರಿ ಭೆನೊ, ತುಮೆ ಅಂದಾರಾಮಾ (ಪಾಪಮಾ) ರ‍್ಹವಾಡ್ಯಾ ನತ್ತಿ. ತೆ ದಿನ್ನ ತುಮೊನೆ ಚ್ವಟ್ಟಾ ಲಿಂಗತ ಯಕ್ಕದುಮ ಆತೊ ನೈ.

2 ಥೆಸಲೊನಿಕ 2:8

ಧರಮನೆ ವಿರೊದ ರ‍್ಹಯಲವಾಲೊ ದಿಕ್ಹಸ ಪ್ರಭು ಥಯಲ ಯೆಸು ಆತಾಮಾ ತಿನೆ ಮ್ಹೊಡಾನಾ ವಾರಾಕ್ಹು ಖಲಾಸ ಕರಿಪಾಡಸ. ತಿನಿ ದಿಕ್ಹಾನಿ ಮಹಿಮಾಕ್ಹು ತಿನೆ ಹಾಳ ಕರಸ.

1 ತಿಮೊತಿ 6:19

ತೆಳಾಮಾ ತ್ಯುನೆ ಸ್ವರ್ಗಮಾ ಯಕ್ಕ ಗಾಟ್ರು ಭಾಂದಿನ ಮ್ಹೆಲಲ ಲಿಂಗತ ಥಾವಸ. ತೆ ಗಾಟ್ರುಜ಼ ತ್ಯುನಿ ಅಗ್ಲಿ ಜಿವನಾನೆ ಘಟ್ಟ ಫಾಯಾ ವ್ಹೈ. ಇಮ್ಮ ತ್ಯುನೆ ಕ್ಹರಿನಿ ಜಿವಿತ ಪಡದಿಲಿವಸ.

2 ತಿಮೊತಿ 1:10

ತೆ ಮರಗಾ ನ್ಹ್ಯಾಲಕ್ಕಕಾ ಅಪೊನೆ ದೆಕಾಡಿನ ದಿದ್ಯೊ ನತ್ತಿ. ಅಪೊನೆ ರಕ್ಷಕ ಥಯಲ ಯೆಸು ಕ್ರಿಸ್ತ ಆಯಲ ಪರ ತೆ ಅಪೊನೆ ದೆಕಾಡಿನ ದಿದ್ಯೊ. ಯೆಸು ಮರಣ ನಾಶ ಕರಿನ, ಅಪೊನೆ ಜಿವ್ತಾ ರ‍್ಹವಾನಿ ವಾಟ ಸುವಾರ್ತೆನಾ ಮುಲಕ ದೆಕಾಡಿನ ದಿದ್ಯೊ.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 1:18

ತೆ ದಿನಮಾ ಒನೆಸಿಫ್ರೊನ ಪ್ರಭುಕ್ಹು ಕರುಣಾ ಮಳಾದೆ. ಎಫೆಸಮಾ ರ‍್ಹತಾಮಾ ತೆ ಮನೆ ಘನ್ನಿ ತರಕ್ಹು ಆಸ್ರೊ ಕರ‍್ಯೊಸ ತುನೆ ಗ್ವತ್ತ ಛೆ.

2 ತಿಮೊತಿ 2:5

ನ್ಹಾಟಾನು ಖೆಲಮಾ ಝಿತ್ತು ಕದ್ಯಾಮ, ನ್ಹಾಟಾಲೊ ಕ್ಹಾರಾ ನಿಯಮೊ ಪಾಲಸು.

2 ತಿಮೊತಿ 4:1

ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

ಇಬ್ರಿಯ 12:11

ಕೈಬಿ ಶಿಕ್ಷಾ ರ‍್ಹವಾದೆ ದಕ್ಹಿಯೆಳಜ಼ ಸುಖಾ ದಿನ ಹಮೆಶಾಬಿ ದುಖಜ಼ ದೆತಿಜ಼ ರ‍್ಹವಸ. ತೆನೈಸೊ ತೆ ಥಯಲ್ಪರ ತೆ ಶಿಕ್ಷಾಕ್ಹು ಅಪೆ ಶಿಕ್ಕಿನ ಯೊಗ್ಯ ರ‍್ಹಯಲ ಜಿವನ ಶುರು ಕರಾನಾ ಮುಕಾಂತರ ಅಪೊನೆ ಸಮಾಧಾನ ಮಳಸ.

ಇಬ್ರಿಯ 9:28

ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.

ಯಾಕೊಬ 1:12

ಕುನ್ನ ಕಷ್ಟ ತಡ್ದಿಲಿವಸ ಕ್ಹಾವಸ ತೆ ಆಶಿರ್ವಾದ ವ್ಹಂದಿಲಿದಲವಾಲೊ ವ್ಹೈ. ತೆ ಪರಿಕ್ಷಾಮಾತೊ ಬ್ಹಾರೊ ಆಯಲ್ಪರ ಕರ್ತಾ ತಿನೆ ಮಯಾ ಕರಲವಾಲಾವೊನೆ ಕದಲ ಲಿಂಗತಜ಼ ಹಮೆಶಾನು ಜ಼ಲಮನು ಕಿರಿಟ ವ್ಹಂದಿಲಿವಸ.

1 ಪೆತ್ರಾ 1:4

ಕ್ಹುದಾ ತಿನಾ ಬಚ್ಚಾವೊನೆ ದಿವಾನೊ ಆಶಿರ್ವಾದಮಾ ಆಸ ಛೆ. ತೆ ತುಮಾರಾ ಹುತಿ ಪರಲೊಕಮಾ ಮುಕ್ಕಲ ಛೆ. ತೆ ಹಾಳ ನೈ ಥಾತು ವರಿ ನಾಶ ಥಾತು ನೈ. ತಿನಿ ಸುಂದರ್ತಾ ಜವೈಲೆತು ನೈ.

1 ಪೆತ್ರಾ 5:4

ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹತಾಮಾ, ತುಮೊನೆ ಮಾತಾಪರ ಕಿರಿಟ ಮಳಸ. ಮ್ಹೊಟಿ ತಾಕತಮಾ ರ‍್ಹಯಲ ತೆ ಕಿರಿಟ ತಿನೆ ಕಳಾ ಜ಼ವೈಲಿತಿಜ಼ ನೈ.

ಪ್ರಕಟನೆ 1:7

ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ"

ಪ್ರಕಟನೆ 19:11

ಪಾಚಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ.

ಪ್ರಕಟನೆ 2:10

ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.

ಪ್ರಕಟನೆ 22:20

ಎ ಕ್ಹಾರುಜ಼ ಕ್ಹರಿ ವ್ಹೈ ಕೈ ಕವಾಲೊ ಯೆಸುಜ಼ ವ್ಹೈ" ಹೊ "ಮಿ ಭೆಗಿನಜ಼ ಔಸ" ಕೈನ ಕವಸ. ಆಮೆನ! ಪ್ರಭು ಯೆಸು, ಆ!

ಪ್ರಕಟನೆ 4:10

ಇಕ್ಹಪರ ಚಾರ ಮ್ಹೊಟಾ ಶಾನಾ ಮನಕ್ಹೊ ತ್ಯುನೆ ಘಾಲ್ಲಿದಲ ಕಿರಿಟೊ ಕಾಡಿನ ಬಾಜು಼ಮಾ ಮ್ಹೆಲಿನ, ಸಿಂಹಾಸನ ಪರ ಬೈಟಲವಾಲಾನೆ ಉಂದಾಗುಡಗಾ ಘಾಲ್ಲಿನ ಪಗೆಪಡಿನ, ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತಿನೆ ಆರಾಧನಾ ಕರತಾ ಅಮ್ಮ ಕದ್ಯಾ;

ಪ್ರಕಟನೆ 4:4

ತೆ ಸಿಂಹಾಸನ್ನಾ ಸುತ್ತೆ ಇಕ್ಹಪರ ಚಾರ ಶಾನಾ ಮನಕ್ಹೊ ಬೈಟ್ಯಾತಾ. ತ್ಯುನೆ ಧೊಳಾ ವಣ್ಣಾ ಘಾಲ್ಲಿದ್ಯಾತಾ. ತ್ಯುನಾ ಮಾತಾಪರ ಕ್ಹೊನಾನಾ ಕಿರಿಟೊ ವ್ಹತ್ತಾ. ಎ