2 ತಿಮೊತಿ 4:18 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁸ ಕುನಬಿ ಮನೆ ಕ್ಹಾರಾ ತ್ರಾಸೊ ದಿವಾನು ರ‍್ಹಯೊಮ, ಕ್ಹುದಾ ಮನೆ ವಚಾ಼ಡಸ ವರಿ ಕ್ಹುದಾ ಮನೆ ತಿನಾ ಸ್ವರಗಾಮಾ ಮಳೈಲಿವಸ. ಯುಗೊ ಯುಗೊಮಾ ಕ್ಹುದಾನಿ ಮಹಿಮಾ ಥಾವಾದೆ. ಆಮೆನ್.

2 ತಿಮೊತಿ 4:18 Iomraidhean Croise

ಮತ್ತಾಯ 13:43

ತೆಳಾಮಾ ಕ್ಹರಿಕ್ಹು ರ‍್ಹಯಲವಾಲಾ ತ್ಯುನಾ ಬಾನಾ ರಾಜ್ಯಮಾ ಸುರ‍್ಯಾನಾನಿಂಗತ ಉಜಾಲಾವಾಲಾ ಥೈನ ದಿಕ್ಹಸ. ಐಕಾಲಾ ಕಾನೊ ರ‍್ಹಯಾಮ ಐಕಾದೆ ಕೈನ ಕದ್ಯೊ.

ಮತ್ತಾಯ 25:34

ತೆಳಾಮಾ ರಾಜೊ಼ ತಿನಾ ಶಿದಾ ಬಗಲ ರ‍್ಹಯಲವಾಲಾವೊನೆ, ಮಾರಾ ಬಾನೊ ಆಶಿರ್ವಾದ ಹೊಂದಲವಾಲಾ ಆವೊ, ಲೊಕಾಧಿತೊ ತುಮಾರಾ ಹುತಿ ತಯ್ಯಾರ ಕರಲ ರಾಜ್ಯ ತುಮಾರಾ ಹತ್ಮಾ ಪಡ್ದಿಲಿವೊ.

ಮತ್ತಾಯ 6:13

ಹಮೊನೆ ಶೊದನೆಮಾ ಪಡೆತೆ ಕೆಟ್ಟಕ್ಹು ಹಮೊನೆ ವಚಾಡ.

ಲುಕ ಬರ್ದಲ ಸುವಾರ್ತಾ 11:4

ಹಮೊನೆ ತಪ್ಪ ಕರಲವಾಲಾನೆ ಹಮೆ ಮಾಫ ಕರಲ ಲಿಂಗತ ಹಮಾರು ಪಾಪೊ ಮಾಫ ಕರ ಹಮೊನೆ ಶೊದನೆಮಾ ಪಾಡುನಕೊ.

ಲುಕ ಬರ್ದಲ ಸುವಾರ್ತಾ 12:32

"ನ್ಹಾನು ಮನಕ್ಹೊನು ಗುಂಪ ಭುಚ಼ಕೊ ನಕೊ, ತುಮೊನೆ ತೆ ರಾಜ್ಯ ದಿವಾನೆ ತುಮಾರಾ ಬಾನೆ ಆಸ ಛೆ.

ಲುಕ ಬರ್ದಲ ಸುವಾರ್ತಾ 22:29

ಮಾರೊ ಬಾ (ಕ್ಹುದಾ) ಮನೆ ಅದಿಕಾರ ದಿದ್ಯೊಸ. ಮಾರಾ ಕ್ಹಾತೆ ರ‍್ಹಯಲವಾಲಾ ತುಮೊನೆ ಮಿಬಿ ತೆಜ಼ ಅದಿಕಾರ ದ್ಯುಸ.

ಯೊಹಾನ 17:15

"ತು ಇವ್ನೊನೆ ಎ ದುನಿಯಾಮಾತೊ ಕಾಳ್ಯು ಕೈನ ಮಿ ಪುಚ್ಚಾಡೊ ನತ್ತಿ. ತೆನೈಸೊ ಇವ್ನೊನೆ ಕೆಟ್ಟಕ್ಹು ವಚ್ಚಾಡಿನ ಚೊ಼ಕಿ ಥರಾ ರ‍್ಹೌ ಕೈನ ಮಿ ಪ್ರಾಥನಾ ಕರಾಡ್ಯೊಸ.

ರೊಮಾಪೂರ 11:36

ಹೊ, ಕ್ಹುದಾ ಕ್ಹಾರುಜ಼ ಸೃಷ್ಟಿ ಕರ‍್ಯೊ. ಕ್ಹಾರು ಕ್ಹುದಾನಾ ಮುಲಕ ಕ್ಹುದಾನಾ ಹುತಿಜ಼ ವ್ಹೈ. ಕ್ಹುದಾನೆ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ್.

ರೊಮಾಪೂರ 16:27

ಯಕ್ಲೊಜ಼ ಗ್ಯಾನಿ ಥಯಲ ಕ್ಹುದಾನೆ ಯೆಸು ಕ್ರಿಸ್ತನಾ ಮುಲಕ ಕೆಳಾಮಾಬಿ ಮಹಿಮಾ ಥಾವಾದೆ. ಆಮೆನ್.

1 ಕೊರಿಂಥ 1:21

ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.

1 ಕೊರಿಂಥ 10:13

ಮನಕ್ಹೊಕ್ಹು ನೈ ಜಿತ್ತಾನಾ ಶೊಧನೆ ತುಮೊನೆ ಆಯಾ ನತ್ತಿ. ಕ್ಹುದಾ ದಿದಲ ವಾತ ಚು಼ಕ್ತೊ ನೈ. ನೈ ಜಿತ್ತಾನಾ ಶೊಧನೆನೆ ತುಮೊನೆ ಕೆಳಾಮಾಜ಼ ಘಾಲ್ತೊ ನೈ. ಶೊಧನೆ ಆಯಲ ಪರ ತಿಕ್ಹು ತಡ್ದಿಲಿವಾನಿ ತಾಕತ ಚು಼ಕೈಲಿವಾನಿ ವಾಟ ತೆಜ಼ ದಿವಸ.

1 ಕೊರಿಂಥ 15:50

ಮಯಾನಾ ಭಾಯೊ ಭೆನೊ, ಮಿ ಕವಾನು ಸುವ್ಹೈ ಕದ್ಯಾಮ, ಹಾಳ ಥಾವಾನು ಅಂಗ ಕ್ಹುದಾನಿ ರಾಜ್ಯನೆ ವಶಮಾ ನೈ ಕರಸಕ್ತು; ತಿನಾನ ಲಿಂಗತಜ಼, ಹಾಳ ಥೈನ ಜಾ಼ವಾನು ಅಮರತ್ವನೆ ಬಾದ್ಯ ಥಾವಾನೆ ಸಾಧ್ಯಾ ನತ್ತಿ.

2 ಕೊರಿಂಥ 1:10

ತೆ ಹಮೊನೆ ತೆಕ್ಲು ಖತರನಾಕ ಮೌತಕ್ಹು ವಚಾ಼ಡ್ಯೊ. ಅಗೊಬಿ ಕೆಳಾಮಾಬಿ ವಚಾ಼ಡಸ.

ಗಲಾತ್ಯ 1:5

ಹಮೆಶಾಬಿ ಕ್ಹುದಾನೆ ಮಹಿಮಾ ಥಾವಾದೆ ಆಮೆನ

1 ಥೆಸಲೊನಿಕ 5:23

ಶಾಂತಿಕ್ಹು ರ‍್ಹಯಲ ಕ್ಹುದಾ ತೆಜ಼ ತುಮೊನೆ ಕ್ಹಾರಿ ತರಾಕ್ಹು ಶುದ್ಧ ಕರಾದೆ ಕೈನ ಪ್ರಾಥನಾ ಕರಿಯೆಸ. ಪ್ರಭು ಥಯಲ ಯೆಸು ಕ್ರಿಸ್ತ ಅಪೊನೆ ದಿಕ್ಹತಾಮಾ ತುಮಾರಿ ಆತ್ಮಾ, ಅಂಗ, ಜ಼ಲಮ, ಸುಜ಼ ಕೆಟ್ಟ ರ‍್ಹಯೆ ನೈಸೊ ಪ್ರಾಥನಾ ಕರಿಯೆಸ.

2 ಥೆಸಲೊನಿಕ 3:3

ತೆನೈಸೊ ಪ್ರಭು ಬರೊಕ್ಹಾವಾಲೊ ವ್ಹೈ. ತೆ ತುಮೊನೆ ಘಟ್ಟ ಕರಸ ವರಿ ಕೆಟ್ಟ ಕ್ಹು ತುಮೊನೆ ವಚಾ಼ಡಸ.

1 ತಿಮೊತಿ 1:17

ಹಮೆಶಾ ರಾಜ಼ ಕರಾಲಾ ರಾಜಾ಼ನೆ ಮಹಿಮಾ ವರಿ ಮರ್ಯಾದಿ ರ‍್ಹವಾದೆ. ತಿನಾ ಹತೆ ನೈ ಥಾವಾನು ಕಯುಜ಼ ನತ್ತಿ. ತೆ ದಿಕ್ಹೆ ನೈಸೊ ರ‍್ಹವಸ. ಯಕ್ಕಲೊಜ಼ ಕ್ಹುದಾ ಥಯಲ ತಿನೆ ಮರ್ಯಾದಿ ವರಿ ಮಹಿಮಾ ಹಮೆಶಾಬಿ ಥಾವಾದೆ. ಆಮೆನ್.

1 ತಿಮೊತಿ 6:16

ಮರಣ ನೈಸೊವಾಲೊ ತೆ ಯಕ್ಕಲೊಜ಼ ವ್ಹೈ. ತೆ ಘನ್ನಿ ಉಜಾಲಾಮಾ ರ‍್ಹವಾಲೊ ರ‍್ಹಯಲಕ್ಹು ತಿನಾ ಕ್ಹಾಮಾ ಮನಕ್ಹೊ ಜಾ಼ವಾನೆ ನೈ ಥಾತು. ತಿನೆ ಹಜು಼ನ ಲಕ್ಕಾ ಕುನ್ನಜ಼ ದೆಕ್ಕಯು ನತ್ತಿ; ದೆಕಾನೆ ಥಾತುಬಿ ನೈ. ತಿನೆ ಮರಯಾದಿಬಿ ಅದಿಕಾರಬಿ ಹಮೆಶಾ ರ‍್ಹವಾದೆ. ಆಮೆನ್.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 4:1

ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,

ಇಬ್ರಿಯ 11:16

ತೆನೈಸೊ ಚೊ಼ಕು ರ‍್ಹಯಲ ಸ್ವರ್ಗನಾ ಹುತಿ ಕೈದಾಡಾತಾ. ತಿನಾಹುತಿ ಕ್ಹುದಾ ತಿನೆ ತ್ಯುನೊ ಕ್ಹುದಾ ವ್ಹೈ ಕೈನ ಸರಮ್ಯಾವಾಚಿ ತ್ಯುನಾ ಹುತಿ ಯಕ್ಕ ಗಾಮ ತಯ್ಯಾರ ಕರ‍್ಯೊ.

ಇಬ್ರಿಯ 12:22

ತೆನೈಸೊ ತುಮೆ ಚಿಯೊನ್ ಡೊಂಗರನೆ, ಜ಼ಲಮ ರುಪಮಾ ರ‍್ಹಯಲ ಕ್ಹುದಾನು ಗಾಮ ಥಯಲ ಪರಲೊಕನಾ ಯೆರುಸಲೆಮನೆ, ಉತ್ಸವ ಸಂಘಮಾ ಮಳಲ ಕೊಟಿ-ಕೊಟಿ ದೆವದುತೊ ಕನ,

ಇಬ್ರಿಯ 13:21

ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ.

ಯಾಕೊಬ 2:5

ಮಾರಾ ಮಯಾನಾ ಭಾಯೊ ಭೆನೊ, ಐಕೊ ಕ್ಹುದಾ ಆ ದುನಿಯಾಮಾ ರ‍್ಹಯಲ ಗರಿಬೊನೆ ಬರೊಕ್ಹಾಮಾ ಸೌಕಾರ ವರಿ ತಿನೆ ಮಯಾ ಕರಾಲಾವಾಲಾವೊನೆ ತೆ ಕದಲ ತಿಮ್ಮ ತಿನಾ ರಾಜ್ಯಮಾ ಕೆಳಾಮಾಬಿ ರ‍್ಹವಾನೆ ಇನಿಲಿದ್ಯೊಸ ಸು ನೈ?

1 ಪೆತ್ರಾ 1:5

ಕ್ಹುದಾನಿ ತಾಕತ ತುಮಾರಾ ಬರೊಕ್ಹಾನಾ ಹುತಿ ಕೈದಸ. ತುಮೊನೆ ರಕ್ಷಣೆ ಥಾಯೆ ಲಕ್ಕಾ ತುಮೊನೆ ಚೊ಼ಕಿತರಾ ಮುಕ್ಕಸ. ತಯ್ಯಾರ ರ‍್ಹಯಲ ಲಾಸ್ಟನಾ ದಿನ್ಮಾ ತುಮೊನೆ ಮಳಸ.

1 ಪೆತ್ರಾ 5:11

ಕ್ಹಾರೊ ಅದಿಕಾರ ತಿನೊಜ಼ ವ್ಹೈ. ಆಮೆನ್.

2 ಪೆತ್ರಾ 1:11

ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಾ ರಾಜ್ಯಮಾ ತುಮೊನೆ ಮ್ಹೊಟಿ ಸ್ವಾಗತ ದಿವಸ. ತೆ ರಾಜ್ಯ ಹಮೆಶಾ ರ‍್ಹಯಲ ವ್ಹೈ.

2 ಪೆತ್ರಾ 3:18

ತುಮಾರೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಿ ಮರಗಾ ಮಾ ವರಿ ತಿಳವಳ್ಕಿಮಾ ಬೆಳತ್ತಾಜ಼ ರ‍್ಹವೊ. ತಿನೆ ಹಮ್ನಾ ವರಿ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ.

ಯುದ ಬರ್ದಲ ಪತ್ರ 1:1

ಯೆಸು ಕ್ರಿಸ್ತನೊ ಸೆವಕ ಯಾಕೊಬ್ನೊ ಭೈ ಥಯಲ ಯುದನ ಕ್ಹುದಾಕ್ಹು ಬಲಾಯಲವಾಲಾ ಬಾ ಥಯಲ ಕ್ಹುದಾನೆ ಮಯಾನಾ ಥಯಲ ಯೆಸು ಕ್ರಿಸ್ತಮಾ ಚೊ಼ಕಿತರಾ ರ‍್ಹಯಲವಾಲಾವೊನಾ ಹುತಿ ಬರ್ದಾನು ಪತ್ರ.