2 ತಿಮೊತಿ 4:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,

2 ತಿಮೊತಿ 4:1 Iomraidhean Croise

ಮತ್ತಾಯ 16:27

ಮನಕ್ಹನೊ ದಿಕ್ರೊ ತಿನಾ ಬಾನಿ ಮಹಿಮಾನಾ ಕ್ಹಾತೆ ತಿನಾ ದುತೊನಾ ಕ್ಹಾತೆ ಆವಸ. ತೆಳಾಮಾ ತೆ ಯಕೆಕ್ಲಾವೊನೆ ತೆ ಕರಲ ಕಾಮ ನಿಂಗತ ಪ್ರತಿ ಫಲ ದಿವಸ.

ಲುಕ ಬರ್ದಲ ಸುವಾರ್ತಾ 19:12

ಯಕ್ಲೊ ಚಾ಼ಯೆ ಥಯಲ ವಾಲೊ ಘನ್ನೊ ರಾಜ್ಯಾಧಿಕಾರ ಮಳಾನಾ ಹುತಿ ಬಿಜಾ಼ ದೆಶೆ ಗಯೊ. ವರಿ ರಾಜ್ಯಾಧಿಕಾರ ಮಳಲಪರ ಫರಿನ ಐನ ತಿನಾ ಮನಕ್ಹೊಪರ ಆಳು ಕೈನ ತಿನಿ ಆಸ ವ್ಹತ್ತಿ.

ಲುಕ ಬರ್ದಲ ಸುವಾರ್ತಾ 19:15

ತಿಮ್ಮ ರ‍್ಹಯು ತಬಿ ತೆ ಮನಕ್ಹ ರಾಜೊ಼ ಥಯೊ. ವರಿ ತೆ ತಿನಾ ದೆಶೆ ಫರಿನ ಆತಾಮಾ, ತಿನಾ ಕ್ಹೊನಾನಾ ಬಿಲ್ಲಾ ಲಿದಲ ವಾಲಾವೊನೆ ಬಲೈನ ತ್ಯುನೆ ತೆ ದೊಕ್ಡಾ ಕ್ಹು ಕೆಕ್ಕಲಾ ರಾಬ್ಯಾಸ ಕೈನ ಮಿ ದೆಕು ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 23:42

ಪಾಚಲ್ತೊ ತೆ ಚ್ವಟ್ಟೊ ಯೆಸುನೆ ತಾರೊ ರಾಜ್ಯ ಆತಾಮಾ ಮನೆ ಶೆ ಕರಿಲೆ"ಕದ್ಯೊ.

ಅಪೊಸ್ತಲೊ 10:42

"ಮನಕ್ಹೊನೆ ಬೊದನೆ ಕರು ಕೈನ ಯೆಸು ಹಮೊನೆ ಅಪ್ಪಣೆ ದಿದ್ಯೊ. ಜಿವ್ತಾ ರ‍್ಹಯಲ ಮನಕ್ಹೊನೆಬಿ ವರಿ ಮರಲ ಮನಕ್ಹೊನೆಬಿ ಕ್ಹುದಾಕ್ಹು ನ್ಯಾಯಾದಿಪತಿ ಥೈನ ಇನಿಲಿದಲ ಮನಕ್ಹ ತೆಜ಼ ವ್ಹೈ ಕವಾನು ಮನಕ್ಹೊನೆ ತಿಳ್ಸಾವೊ ಕೈನ ತೆ ಹಮೊನೆ ಕದ್ಯೊ.

ಅಪೊಸ್ತಲೊ 17:31

ಕಾಕದ್ಯಾಮ ತೆ‍ಸೃಷ್ಟಿ ಕರಲ ದಾಣಗಾನೊ ಹತಕ್ಹೊ ನಿತಿಕ್ಹು ಭುಲೊಕಮಾ ಫೈಸಲೊ ಕರನಾ ಹುತಿ ಎಕ ದಿನ್ನ ಗೊತ ಕರ್ಯೊ. ತಿನೆ ಮರೆಲ ಮಾತೊ ಜುತೊ ಕರಲ ವ್ಹೈ ಕೈನ ನಂಬಾ ಹುತಿ ಕ್ಹಾರಾವೊನೆ ಆ ಕಾನಿ ದಿದೊಸ ಕೈನ ಕದ್ಯೊ.

ರೊಮಾಪೂರ 2:16

ಮನಕ್ಹೊನು ಮನಸ್ಮಾ ದಡಿ ರ‍್ಹಯಲ ಸಂಗತಿಯೊನೆ ಕ್ಹುದಾ ಫೈಸಲೊ ಕರಾನಾ ದಿನ್ನೆ ಎ ಕ್ಹಾರು ಥಾವಸ. ಕ್ಹುದಾ ಯೆಸು ಕ್ರಿಸ್ತನಾ ಮುಲಕ ಮನಕ್ಹೊನೆ ಫೈಸಲೊ ಕರಸ ಕವಾನು ಸುವಾರ್ತೆ ಕೈನ ದಿವಸ. ಮಿ ಮನಕ್ಹೊನೆ ಕವಾನು ತೆಜ಼ ಸುವಾರ್ತೆ ವ್ಹೈ.

ಕೊಲೆಸ್ಸೆ 3:4

ತುಮಾರೊ ಜುವ ಥೈಯಲ ಕ್ರಿಸ್ತ ಆತಾಖು ತುಮೆಬಿ ತಿನಾ ಕ್ಹಾತೆ ಮಹಿಮೆ ಆವೊಶಿ.

2 ಥೆಸಲೊನಿಕ 2:8

ಧರಮನೆ ವಿರೊದ ರ‍್ಹಯಲವಾಲೊ ದಿಕ್ಹಸ ಪ್ರಭು ಥಯಲ ಯೆಸು ಆತಾಮಾ ತಿನೆ ಮ್ಹೊಡಾನಾ ವಾರಾಕ್ಹು ಖಲಾಸ ಕರಿಪಾಡಸ. ತಿನಿ ದಿಕ್ಹಾನಿ ಮಹಿಮಾಕ್ಹು ತಿನೆ ಹಾಳ ಕರಸ.

1 ತಿಮೊತಿ 5:21

ತು ವಿಚಾರ ಕರಾತಿ ಪೈಲಾ ತಪ್ಪ ಘಾಲ್ಯಾವಾಚಿ, ಪಕ್ಷಪಾತಕ್ಹು ಸು ಕರ‍್ಯಾವಾಚಿ, ಮಿ ಕದಲ ವಾತೊನಾ ಪ್ರಕಾರ ಚಾ಼ಲು ಕೈನ ಕ್ಹುದಾನಾ ಕ್ಹಾಮಾ, ಕ್ರಿಸ್ತ ಯೆಸುನಾ ಕ್ಹಾಮೊ, ಇನಿಲಿದಲ ದೆವದುತೊನಾ ಕ್ಹಾಮಾ ಕ್ಹರಿ ಕವಸ.

2 ತಿಮೊತಿ 1:10

ತೆ ಮರಗಾ ನ್ಹ್ಯಾಲಕ್ಕಕಾ ಅಪೊನೆ ದೆಕಾಡಿನ ದಿದ್ಯೊ ನತ್ತಿ. ಅಪೊನೆ ರಕ್ಷಕ ಥಯಲ ಯೆಸು ಕ್ರಿಸ್ತ ಆಯಲ ಪರ ತೆ ಅಪೊನೆ ದೆಕಾಡಿನ ದಿದ್ಯೊ. ಯೆಸು ಮರಣ ನಾಶ ಕರಿನ, ಅಪೊನೆ ಜಿವ್ತಾ ರ‍್ಹವಾನಿ ವಾಟ ಸುವಾರ್ತೆನಾ ಮುಲಕ ದೆಕಾಡಿನ ದಿದ್ಯೊ.

2 ತಿಮೊತಿ 2:14

ಮನಕ್ಹೊನೆ ಎ ಸಂಗತಿಯೊ ತಿಳಸ್ತೊ ರ‍್ಹೆ. ವಾತೊನಾಹುತಿ ವಾದ ಕರು ನೈ ಕೈನ ತ್ಯುನೊನೆ ಕ್ಹುದಾನಿ ಸನ್ನಿದಾನಮಾ ಹುಶಾರ ಕರ. ವಾದ-ವಿವಾದಕ್ಹು ಕಿನೆಜ಼ ಚೊ಼ಕು ನೈ ಥಾತು. ವಾದ-ವಿವಾದ ಐಕಾಲಾ ಮನಕ್ಹೊ ನಾಶ ಥಾವಸ.

2 ತಿಮೊತಿ 4:18

ಕುನಬಿ ಮನೆ ಕ್ಹಾರಾ ತ್ರಾಸೊ ದಿವಾನು ರ‍್ಹಯೊಮ, ಕ್ಹುದಾ ಮನೆ ವಚಾ಼ಡಸ ವರಿ ಕ್ಹುದಾ ಮನೆ ತಿನಾ ಸ್ವರಗಾಮಾ ಮಳೈಲಿವಸ. ಯುಗೊ ಯುಗೊಮಾ ಕ್ಹುದಾನಿ ಮಹಿಮಾ ಥಾವಾದೆ. ಆಮೆನ್.

2 ತಿಮೊತಿ 4:8

ಚೊ಼ಕಾವೊನೆ ಮಳಾನಿ ಜಿತನಿ ಮಾಲಾ ಹಮ್ನಾ ಮನೆ ತಯ್ಯಾರ ಥೈಸ. ಚೊ಼ಕೊ ರ‍್ಹಯಲ ನ್ಯಾಯ ಕರಾಲೊ ಪ್ರಭು ಮನೆ ತೆ ದಿನಮಾ ದಿವಸ. ಮನೆ ತೆಕ್ಲುಜ಼ ನೈಸೊ ತೆ ಆವಾನು ಆಸ ಕರಿನ ತಿನಾಹುತಿ ಮಯಾಕ್ಹು ಕೈದಾವಾಲಾವೊನೆ ಎ ದಿವಸ.

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

1 ಪೆತ್ರಾ 1:7

ತುಮಾರೊ ಬರೊಕ್ಹೊ ಘನ್ನೊ ಶುದ್ಧ ಛೆ ಕೈನ ದೆಕಾಡಾನಾ ಹುತಿ ತೆ ತ್ರಾಸ ಆವಸ. ತುಮಾರೊ ಬರೊಕ್ಹೊ ಚೊ಼ಕಾ ಕ್ಹೊನಾತಿ ಘನ್ನು ಮೊಗು ವ್ಹೈ. ಕ್ಹೊನು ಹಾಳ ಥೈ ಜಾ಼ವಸ ರ‍್ಹೈತಬಿ ತಿನೆ ಆಗ್ಮಾ ಕರಗೈನ ತಿನೆ ಸುಂದರತಾ ದೆಕಾಡಸ. ಯೆಸು ಕ್ರಿಸ್ತ ಅಪೊನೆ ದಿಖ್ತಾಮಾ, ತುಮಾರೊ ಬರೊಕ್ಹೊ ತುಮೊನೆ ಮರ್ಯಾದಿ ದಿಲಾವಸ.

1 ಪೆತ್ರಾ 4:5

ತೆನೈಸೊ ಬರೊಕ್ಹೊ ನೈಸೊವಾಲಾ ತ್ಯುನೆ ಕರಾನಾ ಕಾಮೊನಾ ಹುತಿ ತ್ಯುನೆಜ಼ ಕೌ ಲಾಗಸ. ಮರಿಗಯಲ ಮನ್ಹೊನೆ ವರಿ ಜಿವ್ತಾ ರ‍್ಹಯಲ ಮನಕ್ಹೊನೆ ಫೈಸ್ಲೊ ಕರಾನೆ ತಯ್ಯಾರ ರ‍್ಹಯಲ ಕ್ರಿಸ್ತನೆ ತ್ಯುನೆ ತಿನೆ ವಿಚಾರಣೆ ದ್ಯು.

1 ಪೆತ್ರಾ 5:4

ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹತಾಮಾ, ತುಮೊನೆ ಮಾತಾಪರ ಕಿರಿಟ ಮಳಸ. ಮ್ಹೊಟಿ ತಾಕತಮಾ ರ‍್ಹಯಲ ತೆ ಕಿರಿಟ ತಿನೆ ಕಳಾ ಜ಼ವೈಲಿತಿಜ಼ ನೈ.

2 ಪೆತ್ರಾ 1:11

ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಾ ರಾಜ್ಯಮಾ ತುಮೊನೆ ಮ್ಹೊಟಿ ಸ್ವಾಗತ ದಿವಸ. ತೆ ರಾಜ್ಯ ಹಮೆಶಾ ರ‍್ಹಯಲ ವ್ಹೈ.

2 ಪೆತ್ರಾ 1:17

ತೆ ಕ್ಹಾರಾವೊತಿ ಘನ್ನೊ ತಾಕತ ರ‍್ಹಯಲ ಕ್ಹುದಾನು ಅವಾಜ಼ ಐಕ್ಯೊ. ತೆಳಮಾಜ಼ ತೆ ತಿನೊ ಬಾ ಥಯಲ ಕ್ಹುದಾ ಕಂತೊ ತಾಕತ ವರಿ ಮಯಾಕ್ಹು ಮರ್ಯಾದಿ ವ್ಹಂದಿಲಿದ್ಯೊ "ಕೈನ ಕದ್ಯೊ. ತೆ ಅವಾಜ಼ ಆ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಘನ್ನು ಪಸಂದ ಕರ‍್ಯೊಸ.

1 ಯೊಹಾನ 2:28

ಹೊ, ಮಾರಾ ಮಯಾನಾ ದಿಕ್ರಾವೊ, ತಿನಾಮಾಜ಼ ರ‍್ಹಯ್ಯೆ. ಅಪೆ ಇಮ್ಮ ಕರ‍್ಯಾಮ. ಕ್ರಿಸ್ತ ಫ್ಹರಿನ ಆವಾನಾ ದಿನಮಾ ಅಪೆ ಭುಚ್ಕಾನಿ ಜ಼ರುರತ ನತ್ತಿ. ದಡಿ ರ‍್ಹವಾನಿ ಜ಼ರುರತ ನತ್ತಿ; ಸರಮಾವಾನಿ ಜ಼ರುರತ ರ‍್ಹತಿ ನೈ.

ಪ್ರಕಟನೆ 1:7

ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ"