2 ತಿಮೊತಿ 3:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ಯನ್ನ ವರಿ ಯಂಬ್ರನೊನೆ ಮೊಶೆನೆ ವಿರೊಧ ಕರ‍್ಯಾ. ಎ ಮನಕ್ಹೊ ಇವ್ನಾ ಲಿಂಗತಜ಼ ವ್ಹೈ. ತ್ಯುನೆ ಕ್ಹರಿನೆ ವಿರೊಧ ಕರಸ. ತೆ ಮನಕ್ಹೊನಾ ವಿಚಾರೊ ಕ್ಹಾರಾ ಗಲಿಬಿಲಿ ಥೈ ಗಯಾಸ. ತ್ಯುನೆ ಬರೊಕ್ಹೊಮಾ ಚಾ಼ಲಾನಿ ತ್ಯುನಿ ಕೊಶಿಶಮಾ ಹಾರಿ ಗಯಾಸ.

2 ತಿಮೊತಿ 3:8 Iomraidhean Croise

ಅಪೊಸ್ತಲೊ 15:24

ಹಮಾರಾ ಸಮುದಾಯನಾ ತಮನೊ ಕನ ಆಯೆಲ ದಕ್ಹಾಜ಼಼ನಾ ತಮನೊನೆ ದಕ್ಹಾ ಸಂಗತಿಯೊ ಕವಾನಾಹುತಿ ತಮನೊನೆ ತ್ರಾಸನೆ ಘನು ಕರಿನ ತಮಾರಾಮಾ ಗಲಿಬಿಲಿ ಕರಾನಾಹುತಿ ಸುದ್ದಿ ಹಮನೊನೆ ಗ್ವತ್ತ ಥಯು. ತಿನಾಹುತಿ ಇಮ್ಮ ಕರಾನಾಹುತಿ ಹಮೆ ತ್ಯುನೊನೆ ಕದ್ಯಾನ್ಹೊತ್ತಾ.

ರೊಮಾಪೂರ 1:28

ಕ್ಹುದಾನು ಕ್ಹರಿನು ಗ್ಯಾನ ಹೊಂದಿಲಿವಾನೆ ವಪ್ಪಿಲಿದ್ಯಾ ನೈ ತ್ಯುನೊನೆ ಕ್ಹುದಾ ತ್ಯುನೊನೆ ತ್ಯುನಾ ಅಯೊಗ್ಯ ಮನಸನೆ ವಪ್ಸಿನ ದಿದ್ಯೊ. ತಿನಾಹುತಿ ತ್ಯುನೆ ನೈಸೊ ಕರಾನಾ ಕಾಮೊ ಕರಸ.

ರೊಮಾಪೂರ 16:18

ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.

ಎಫೆಸ 4:14

ತಿನಾಹುತಿ ಅಪೆ ಹಮ್ನಾತಾ ಬಚ್ಚಾ಼ ಥೈನ ರ‍್ಹೌ ನೈ. ಸಮುಂದರನಿ ಧಡ್ಕಿಯೊ ಹೈತಿ ಜಾ಼ವಾನಾ ಹಡ್ಗೊ ಲಿಂಗತ ಗಲಿ ಬಿಲಿ ಥೌ ನೈ. ಅಪೊನೆ ಮೊಸ ಕರಾನೆ ಮನಕ್ಹೊ ಕವಾನಾ ಕಯಾಜ಼ ನವಾ ಉಪದೆಶೊಕ್ಹು ಅಪೆ ಕಳವಳ ಥೌ ನೈ. ಮನಕ್ಹೊನೆ ಮೊಸ ಕರಿನ ಕೆಟ್ಟ ವಾಟಮಾ ಚ಼ಲೌ ಕವಾನಿ ಉದ್ದೆಶಕ್ಹು ತೆ ಕೆಟ್ಟ ಬೊದಕೊ ಬಿಜಾ಼-ಬಿಜಾ಼ ತರಾನಾ ವಿಚಾರೊ ಕರಸ.

1 ತಿಮೊತಿ 1:19

ತಾರಾಮಾ ಬರೊಕ್ಹೊ ಘಟ್ಟ ಥೈನ ರ‍್ಹವಾದೆ, ತುನೆ ಚೊ಼ಕು ಲಾಗಲಜ಼ ಕರ. ದಕ್ಹಾಜ಼಼ನಾ ಇಮ್ಮ ಕರ‍್ಯಾನೈ. ತ್ಯುನೊ ಬರೊಕ್ಹೊ ಕ್ಹಾರೊ ಹಾಳ ಥೈ ಗಯೊ.

1 ತಿಮೊತಿ 4:2

ತೆ ಭೊದನೆ ಸುಳ್ಳ ಬೊಲಾಲಾ ವರಿ ಮೊಸ ಕರಾಲಾ ಮನಕ್ಹೊ ಕಂತು ಆವಸ. ತ್ಯುನೆ ಕ್ಹರಿ ಸುವ್ಹೈ ವರಿ ಕೆಟ್ಟ ಸುವ್ಹೈ ವಳಕ್ಕತಾನೈ. ಉನ್ನು ಥಯಲ ಲ್ಹೊಡಾಕ್ಹು ಬಳಿನ ರಾಕ ಥಯಲ ಲಿಂಗತ ತ್ಯುನು ಗ್ಯಾನಬಿ ಹಾಳ ಥೈ ಜಾ಼ವಸ.

1 ತಿಮೊತಿ 6:5

ಎನೈಸೊ ಕೆಟ್ಟ ಜ಼ನಾವೊಮಾ ವಾದವಿವಾದ ಹುಟ್ಟಸ. ತೆ ಮನಕ್ಹೊ ಕ್ಹರಿನೆ ಛೊಡಲವಾಲಾ ವ್ಹೈ. ಕ್ಹುದಾನಿ ಸೆವಾ ದೊಕಡಾ ಕಮಾವಾನಿ ಯಕ್ಕ ವಾಟ ವ್ಹೈ ಕೈನ ತ್ಯುನಿ ವಿಚಾರ ವ್ಹೈ.

2 ತಿಮೊತಿ 4:15

ತೆ ತುನೆಬಿ ತ್ರಾಸ ದಿದ್ಯಾವಾಚಿ ತು ಹುಶಾರ ರ‍್ಹೆ. ತೆ ಅಪ್ನಾ ಉಪದೆಶನಾ ವಿರುದ್ದ ಘನ್ನೊ ಹೊರಾಡ್ಯೊ.

ತಿತನೆ 1:10

ಅವಿಧೆಯ ರ‍್ಹಯಲ ಮನಕ್ಹೊ ಘನ್ನಾ ಛೆ. ತ್ಯುನೆ ತ್ಯುನು ವಳಕೆವಾಚಿ ವರಿ ಬಿಜಾ಼ ಮನಕ್ಹೊನೆ ಕೆಟ್ಟ ವಾಟಪರ ಬಲೈಲಿನ ಜಾ಼ವಸ. ಯೆಹುದಿಯೊನೈಸೊ ಮನಕ್ಹೊನೆ ಸುನ್ನತಿ ಕರೈಲ್ಯು ಕೈನ ಕವಾಲಾ ಮನಕ್ಹೊನಾ ಹುತಿ ಮಿ ಕವಾಡ್ಯೊಸ.

ತಿತನೆ 1:16

ಕ್ಹುದಾನಾ ಹುತಿ ತ್ಯುನೊನೆ ಕಳ್ಯುಸ ಕೈನ ಕದ್ಯಾ. ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ ಕೈನ ತ್ಯುನಾ ಕೆಟ್ಟ ಕಾಮೊಕ್ಹು ದೆಕಾಡಿನ ದಿವಸ. ತ್ಯುನೆ ಘನ್ನಾ ಕೆಟ್ಟ ಮನಕ್ಹೊ ವ್ಹೈ. ವರಿ ತ್ಯುನೆ ಚೊ಼ಕಾ ಕಾಮೊ ಕರಾನೆ ಯೊಗ್ಯ ನ್ಹವೈ.

2 ಪೆತ್ರಾ 2:14

ತ್ಯುನೆ ಜಾರತ್ವಕ್ಹು ಭರಲ ವರಿ ಡೊಳಾ ಕರಾನಾ ಪಾಪೊ ನೈ ಛೊಡಲಹುತಿ

1 ಯೊಹಾನ 2:18

ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 4:1

ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.

ಪ್ರಕಟನೆ 2:20

ತೆನೈಸೊ ತಾರಾ ವಿರೊದ ಎ ಕ್ಹಾರು ಕವಾನು ವ್ಹತ್ತು. ಯೆಜೆಬೆಲ ಕವಾಲಿ ಬಾಕ್ಡಿ ತಿನಾ ಮನಸ ಲಿಂಗತ ಕರಾನೆ ಮೌಕೊ ದೊದ್ಯೊಸ. ತೆ ತಿನೆ ಪ್ರವಾದಿ ವ್ಹೈ ಕೈನ ಕೈಲಿನ ತೆ ಕವಾನಿ ಭೊದನೆನೆ ಮಾರಾ ಸೆವಕೊನೆ ಮುಕಂತೊ ದುರ ಕರಾಡಿಸ. ಲೈಂಗಿಕ ಪಾಪ ಕರಾನು ವರಿ ಮೊರ್ತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಹುತಿ ಮರಾ ಮನಕ್ಹೊನೆ ಸಿಕ್ಲಾವಾಡಿಸ.

ಪ್ರಕಟನೆ 2:6

ತೆನೈಸೊ ತು ಚೊ಼ಕು ರ‍್ಹಯಲ ಯಕತಬಿ ಕರಾಡ್ಯೊಸ ತೆ ಸು ವ್ಹೈ ಕದ್ಯಾಮ ನಿಕೊಲಾಯತ ಕವಾಲೊ ಯಕ್ಲೊ ಕರಾನಾ ಕಾಮೊನೆ ಶೆರತೊ ನೈ. ಮಿಬಿ ತ್ಯುನಾ ಕಾಮೊನೆ ಶೆರತೊ ನೈ.