2 ತಿಮೊತಿ 2:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ಎ ಕಾರಣಕ್ಹು ತ್ರಾಸ ಖಾವಾಡೊಸ. ಕೆಟ್ಟ ಮನಕ್ಹ ಲಿಂಗತ ಬೆಡಿಯೊಕ್ಹು ಭಂದೈ ಗಯೊಸ. ರ‍್ಹೈತುಬಿ ಕ್ಹುದಾನಾ ವಾಕ್ಯಾನೆ ಬಂಧನ ನತ್ತಿ.

2 ತಿಮೊತಿ 2:9 Iomraidhean Croise

ಲುಕ ಬರ್ದಲ ಸುವಾರ್ತಾ 23:32

ಯೆಸುನಾ ಕ್ಹಾತೆ ಬೆ ಚ್ವಟ್ಟಾವೊನೆ ಮರವಾನಿ ಶಿಕ್ಕಶಯಾ ದಿದ್ಯಾತಾ.

ಅಪೊಸ್ತಲೊ 21:33

ತೆ ಸೆನಾದಿಪತಿ ತಿನಾ ನಜಿಕ ಐನ ತಿನೆ ಧರಿನ ಬೆಡಿಯೊ ಘಾಲೊ ಕೈನ ಅಪ್ಪಣೆ ದಿದ್ಯೊ; ವರಿ ಎ ಕುನ ವ್ಹೈ? ಸು ಕರ‍್ಯೊಸ? ಕೈನ ಕದ್ಯೊ.

ಅಪೊಸ್ತಲೊ 28:31

ಕೈಜ಼ ಅಡ್ಡಿ ನೈಸೊ, ಘನೊ ಧೈರ್ಯಕ್ಹು ಕ್ಹುದಾನಿ ರಾಜ್ಯನಾ ಹುತಿ ಬೊದನೆ ಕರತೊ, ಕರ್ತಾ ಥಯಲ ಯೆಸುಕ್ರಿಸ್ತನಾ ವಿಷಯಮ್ಮಾ ಉಪದೆಶ ಕರತೊ ವ್ಹತ್ತೊ.

ಅಪೊಸ್ತಲೊ 9:16

ತೆ ಮಾರಾ ನಾಮಪರ ಕೆಕ್ಲೊ ತ್ರಾಸ ಖೌ ಕೈನ ತಿನೆ ಮಿಜ಼ ದೆಕಾಡಿನ ದ್ಯುಸ ಕೈನ ಕದ್ಯೊ.

ಎಫೆಸ 3:1

ಪೌಲಾ ಕವಾಲೊ ಮಿ ಕ್ರಿಸ್ತ ಯೆಸುನೊ ಸೆರೆ ಆಳ ವ್ಹೈ. ಯಹುದ್ಯೊ ನೈಸೊ ತುಮಾರಾ ಹುತಿ ಮಿ ಸೆರೆ ಆಳ ಥಯೊಸ.

ಫಿಲಿಪ್ಪಿ 1:17

ತೆ ಬಿಜಾ಼ ತರಾನಾ ರ‍್ಹಯೆಲ ಮನಕ್ಹೊ ಮಿ ಬೆಡಿಯೊಕ್ಹು ಭಂದಾಯಲ ರ‍್ಹತಾಮಾಬಿ ಮನೆ ತ್ರಾಸ ದ್ಯುಕೈನ ವಿಚಾರ ಕರಿನ, ಕ್ಹರಿ ನೈ ರ‍್ಹಯೆಲ ಖುದ್ದನಾ ಉದ್ದೆಶ ಕ್ಹು ಕ್ರಿಸ್ತನೆ ಪ್ರಸಿದ್ದ ಕರಸ.

ಫಿಲಿಪ್ಪಿ 1:7

ತುಮೊಮ್ಮಾ ರ‍್ಹಯೆಲ ಮನೆ ಗ್ವತ್ತ ತಾವಾನು ಚೊಕ್ಹು ವ್ಹೈ. ಮಿ ಭಂದನಮ್ಮಾ ರ‍್ಹತಾಮ್ಮಾಬಿ ಸುವಾರ್ತೆ ನಾಹುತಿ ವಾದ ವಿವಾದಮಾ ತುಮೆ ಕ್ಹಾರಾ ಮಾರಾ ಕ್ಹಾತೆ ಕ್ಹುದಾನಿ ಮರ್ಗಾಮಾ ವಾಟೊ ಲಿವಾಲಾ ಥಯಾಸ ತುಮೊನೆ ಮಾರಾ ಮನಸ್ಸಮ್ಮಾ ಮ್ಹೆಲ್ಯುಸ.

ಕೊಲೆಸ್ಸೆ 4:18

ಆ ಕ್ಹಾರೊ ಪೌಲ ಥಯಲ ಮಿಜ಼ ಮಾರಾ ಹತೆ ಲಿಕ್ಯೊಸ. ಮಿ ಜೆಲಮಾ ಶೆ ಕವಾನು ತುಮೊನೆ ಶೆ ರ‍್ಹವಾದೆ. ಕೃಪೆ ತುಮಾರಾ ಕ್ಹಾತೆ ರ‍್ಹವಾದೆ.

ಕೊಲೆಸ್ಸೆ 4:3

ಕ್ರಿಸ್ತನಿ ಅಸಲಿ ಅರ್ಥ ಕದ್ಯಾಮ ಕ್ಹಾರಾ ಮನಕ್ಹೊನೆ ಹಮೆ ಸುವಾರ್ತಾ ಕವಾನೆ ಕ್ಹುದಾ ಬಾಕಲ ಕಾಡು ಕೈನ ಪ್ರಾರ್ಥನಾ ಕರೊ. ಆ ಸುವಾರ್ತಾನಾ ಹುತಿಜ ಮಿ ಜೆಲಮಾ ಶೆ.

1 ಥೆಸಲೊನಿಕ 1:8

ಪ್ರಭುನು ಉಪದೆಶ ಮೆಕೆದೊನಿಯಾವಾಲಾವೊನೆ ವರಿ ಅಖಾಯಾಮಾ ರ‍್ಹಯಲ ಮನಕ್ಹೊನೆ ತುಮಾರಾಕ್ಹು ಫೈಲಿ ಗಯು. ಎನೈಸೊ ಕ್ಹುದಾಪರ ರ‍್ಹಯಲ ತುಮಾರೊ ಬರೊಕ್ಹೊ ಕ್ಹಾರಿ ಜ಼ಗಾನಾ ಮನಕ್ಹೊ ತಿಳದಿಲಿದ್ಯಾ ತಿನಾಹುತಿ ತುಮೆ ಕರಲ ಬರೊಕ್ಹನಾ ಹುತಿ ಸುಜ಼ ಕವಾನು ನತ್ತಿ.

2 ಥೆಸಲೊನಿಕ 3:1

ಲಾಸ್ಟಮಾ ಹಮಾರಾ ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ. ಪ್ರಭುನಿ ಉಪದೆಶ ಘನಿ ಫೈಲಿಜೌ಼ ಕೈನ ಪ್ರಾಥನಾ ಕರೊ. ತುಮಾರಾ ಲಿಂಗತ ಬಿಜಾ಼ ಮನಕ್ಹೊ ಎ ಉಪದೆಶ ಮರ್ಯಾದಿ ದ್ಯು ಕೈನ.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 1:16

ಪ್ರಭು ಒನೆಸಿಫ್ರೊನ ಖಾಂದಾನನೆ ಮರಗಾ ದೆಕಾಡಾದೆ. ತೆ ಘನ್ನಿ ಟೈಮ್ಮಾ ಮನೆ ಪ್ರೊತ್ಸಾಹ ಕರ‍್ಯೊಸ. ಮಿ ಜೆಲ್ಮಾ ರ‍್ಹತಾಮಾಬಿ ತೆ ಸರಮ್ಯೊ ನೈ.

2 ತಿಮೊತಿ 1:8

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳ್ಸಾನಾ ಹುತಿ ಪ್ರಭುನಾ ಹುತಿ ಜೆಲ್ಮಾ ರ‍್ಹಯಲ ಮಾರಾ ಹುತಿ ಸರಮಾವೊ ನಕೊ. ತಿನಾ ಬದಲ ಸುವಾರ್ತೆನಾ ಹುತಿ ಮಾರಾ ಕ್ಹಾತೆ ತ್ರಾಸ ಅನಭವಿಸು, ತಿನಾಹುತಿ ಚಾ಼ಯೆ ಥಯಲ ತಾಕತ ಕ್ಹುದಾಜ಼ ತುನೆ ದಿವಸ.

2 ತಿಮೊತಿ 2:3

ಕ್ರಿಸ್ತ ಯೆಸುನೊ ಕ್ಹರಿನೊ ಚೊ಼ಕೊ ಸೈನಿಕ ಲಿಂಗತ ಹಮೊನೆ ರ‍್ಹವಾನು ತ್ರಾಸಮಾ ತು ವಾಟೊಲಿವಾಲೊ ಥಾ.

2 ತಿಮೊತಿ 4:17

ವರಿ ಕ್ಹುದಾ ಮಾರಾ ಕ್ಹಾತೆ ವ್ಹತ್ತೊ. ಮಿ ಸುವಾರ್ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನೆ ಕ್ಹುದಾ ಮನೆ ತಾಕತ ದಿದ್ಯೊ. ತೆ ಮನೆ ಮರಣಮಾತೊ ವಚಾ಼ಡ್ಯೊ.

1 ಪೆತ್ರಾ 2:12

ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಪೆತ್ರಾ 2:14

ರಾಜೊ಼ ಮೊಕ್ಲಾನಾ ಅದಿಕಾರಿಯೊನೆ ವಿಧೆಯ ಥಾವೊ. ತಪ್ಪ ಕರಾಲಾವೊನೆ ಶಿಕ್ಷಾ ದಿವಾನೆ ಚೊ಼ಕು ಕರಾಲಾವೊನೆ ಚೊ಼ಕಾ ವ್ಹೈ ಕೈನ ಕವಾಹುತಿ ತ್ಯುನೊನೆ ವಳಾಯೊಸ.

1 ಪೆತ್ರಾ 3:16

ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.

1 ಪೆತ್ರಾ 4:15

ತುಮೆ ಕೆಟ್ಟ ಮನಕ್ಹೊ ಥೌ ನೈ. ಮನಕ್ಹೊನೆ ಖಲಾಸ ಕರಾಲಾ ಥೌ ನೈ, ಚ್ವಟ್ಟಾ ಥೌ ನೈ, ವರಿ ಬಿಜಾ಼ವೊನೆ ತ್ರಾಸ ಕರು ನೈ. ಹೆವು ಕರಾಲಾ ತ್ರಾಸಮಾ ಪಡಸ.