2 ತಿಮೊತಿ 2:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಮಿ ಕವಾನು ಎ ಸಂಗತಿಯೊನಾ ಹುತಿ ವಿಚಾರ ಕರ. ಎ ಕ್ಹಾರಾ ಸಂಗತಿಯೊ ತಿಳ್ದಿಲಿವಾನು ಗ್ಯಾನ ಪ್ರಭು ತುನೆ ದಿವಸ.

2 ತಿಮೊತಿ 2:7 Iomraidhean Croise

ಲುಕ ಬರ್ದಲ ಸುವಾರ್ತಾ 21:15

ಕಾಕದ್ಯಾಮ ಮಿಜ಼ ತುಮೊನೆ ಬೊಲಾನು ಗ್ಯಾನ ದ್ಯುಸ. ತಿನಾಹುತಿ ತುಮಾರಾ ದುಶ್ಮನೊ ತುಮೆ ಪುಚ಼್ಚಲ ವಾತನೆ ಜ಼ವಾಬ ದೆತಾ ನೈ.

ಲುಕ ಬರ್ದಲ ಸುವಾರ್ತಾ 24:45

ಪಾಚಲ್ತೊ ಯೆಸು ಪವಿತ್ರ ಗ್ರಂಥಮಾ ರ‍್ಹಯಲ ತಿನಾ ಹುತಿ ಬರ್ದಲ ಶಿಷ್ಯಾವೊನೆ ತಿಳಶ್ಯೊ.

ಲುಕ ಬರ್ದಲ ಸುವಾರ್ತಾ 9:44

"ಮನಕ್ಹನಾ ದಿಕ್ರಾನೆ ದಕ್ಹಾ ಜ಼ನಾವೊನಾ ಅದಿಕಾರಮಾ ವಪ್ಸಸ್ ಎ ತುಮೆ ಇಕ್ಹರು ನೈ ಕದ್ಯೊ.

ಯೊಹಾನ 14:26

ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ.

ಯೊಹಾನ 16:13

ವರಿ ತೆ ಸತ್ಯನಿ ಆತ್ಮಾ ಆತಾಮಾ, ತುಮೊನೆ ತೆ ಹರಿ ಯಕ್ಕ ಟೈಮ್ಮಾ ಕ್ಹರಿಕ್ಹು ಅಗೊ ಚ಼ಲಾವಸ. ಸತ್ಯನಿ ಆತ್ಮಾ ಬೊಲಾನು ತಿನು ನ್ಹವೈ. ತೆ ಐಕಲಜ ತೆ ಕವಸ. ಥಾವಾನಿಯೊ ಸಂಗತಿಯೊಜ ತುಮೊನೆ ಕವಸ.

ಅಪೊಸ್ತಲೊ 7:10

ಯೊಸೆಫನೆ ತ್ಯಾ ಘನ್ನೊ ತ್ರಾಸ ಆಯೊ. ವರಿಬಿ ಕ್ಹುದಾ ತೆ ಕ್ಹಾರಾ ತ್ರಾಸೊಕ್ಹು ತಿನೆ ವಚಾ಼ಡ್ಯೊ. ತೆಳಾಮಾ ಫರೊಹನ ಇಜಿಪ್ತನೊ ರಾಜೊ಼ ವ್ಹತ್ತೊ. ಕ್ಹುದಾ ಯೊಸೆಫನೆ ದಿದಲ ಗ್ಯಾನಕ್ಹು ಫರೊಹನ ಯೊಸೆಫನೆ ತಿನಾ ರಾಜ್ಯಪರ ಅದಿಕಾರಿ ವರಿ ಘರನಾ ಮನಕ್ಹೊಪರಬಿ ಅದಿಕಾರಿ ಕರ‍್ಯೊ.

1 ಕೊರಿಂಥ 12:8

ಪವಿತ್ರ ಆತ್ಮಾನಾ ಮುಲಕ ಯಕ್ಲಾನೆ ಗ್ಯಾನನಾ ವಾತೊ, ಬಿಜೆ಼ಕ್ಲಾನೆ ತಿನಾ ಮುಲಕ ಶಾಣಾನಿಯೊ ವಾತೊ ಬೊಲಾನು ಮಳಸ;

ಫಿಲಿಪ್ಪಿ 4:8

ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ.

ಕೊಲೆಸ್ಸೆ 1:9

ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ

1 ತಿಮೊತಿ 4:15

ಎ ಕಾಮೊ ಕರತೊಜ಼ ರ‍್ಹೆ. ಎ ಕಾಮೊ ಕರಾನೆಜ಼ ತುಮಾರಿ ಜಿವಿತ ವಪ್ಸಿನ‍ ದ್ಯು. ತೆಳಾಮಾ ತಾರು ಕಾಮ ಅಭಿವೃದ್ದಿ ಥಾವಾನು ಕ್ಹಾರಾ ಮನಕ್ಹೊ ದೆಕಸ.

2 ತಿಮೊತಿ 2:6

ಮ್ಹೈನತಕ್ಹು ಕಾಮ ಕರಾಲಾ ರೈತನೆ ಬೆಳಿಮಾ ಪೈಲಾ ಪಾಲ ಮಳು.

2 ತಿಮೊತಿ 2:8

ಯೆಸು ಕ್ರಿಸ್ತನೆ ಶೆ ಕರಲೆ. ತೆ ದಾವಿದನಾ ಕ್ಹಾಂದಾನನೊ ವ್ಹೈ. ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಎ ಸುವಾರ್ತೆಜ಼ ಮಿ ಮನಕ್ಹೊನೆ ತಿಳಸೌಸ.

ಇಬ್ರಿಯ 12:3

ಯೆಸುನಾ ಹುತಿ ತುಮೆ ವಿಚಾರ ಕರೊ. ಪಾಪಮಾಜ಼ ರ‍್ಹಯಲ ಮನಕ್ಹೊ ತಿನಾ ವಿರುದ್ದ ಕೆಟ್ಟ ಕರ‍್ತಾಮಾ ತೆ ದಡ್ದಿಲಿನ ವ್ಹತ್ತೊ. ತಿನಾಲಿಂಗತಜ಼ ತುಮೆಬಿ ತಡ್ದಿಲಿನ ರ‍್ಹೌ ವರಿ ಧೈರ್ಯ ಛೊಡು ನೈ.

ಇಬ್ರಿಯ 13:7

ತುಮೊನೆ ಕ್ಹುದಾನಿ ವಾಕ್ಯಾ ಕದಲ ತುಮಾರಾ ಸಬೆನಾ ಭೊದಕನೆ ಶೆಂ ಕರಿಲಿವೊ. ತ್ಯುನೆ ತ್ಯುನಿ ಜಿವನಮಾ ಕಿಮ್ಮ ಚಾ಼ಲಿನ ಗಯಾ ಕೈನ ತುಮೆ ಶೆಂ ಕರಿಲಿನ ತ್ಯುನಾ ಬರೊಕ್ಹಾನಾ ಲಿಂಗತ ಚಾ಼ಲಿನ ಜಾ಼ವೊ.

ಇಬ್ರಿಯ 3:1

ತಿನಾಹುತಿ ಮಾರಾ ಭಾಯೊ ಭೆನೊ, ಪರಿಶುದ್ಧ ರ‍್ಹವಾನಾ ಹುತಿ ಕ್ಹುದಾಕ್ಹು ಬಲೈ ಲಿದಲವಾಲಾ ಥಯಲ ತುಮೆ ಯೆಸುನಾ ಹುತಿಜ಼ ವಿಚಾರ ಕರೊ. ಕ್ಹುದಾ ತಿನೆ ಅಪೊಕನ ವಳಾಯೊ. ತೆ ಅಪೆ ಬರೊಕ್ಹೊ ಮ್ಹೆಲಲ ಖಾಸ ಯಾಜಕ ವ್ಹೈ.

ಇಬ್ರಿಯ 7:4

ಮೆಲ್ಕಿಜೆದೆಕ ಕೆಕ್ಲೊ ಮ್ಹೊಟೊ ವ್ಹೈ ಕವಾನು ತುಮೆ ದೆಕೊಶಿ. ಅಪ್ನೊ ಮೂಲ ಪಿತೃ ಥಯಲ ಅಬ್ರಹಾಮ, ಯುದ್ದಮಾ ಝಿತ್ತಲಮಾನು ದಕ್ಹವಾ ಯಕ್ಕ ಭಾಗ ತಿನೆ ದಿದ್ಯೊ.

ಯಾಕೊಬ 1:5

ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.

ಯಾಕೊಬ 3:15

ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ.

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.