2 ತಿಮೊತಿ 2:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ತಿನಾಹುತಿ ಮಿ ತಾಳ್ಮೆಕ್ಹು ಎ ತ್ರಾಸೊನೆ ಅಪನೈಲಿವಸ. ಕಾಕದ್ಯಾಮ ಕ್ಹುದಾ ಇನಿಲಿದ್ಯಲ ಮನಕ್ಹೊನೆ ಸಹಾಯ ಕರು ಕೈನ ಮಾರು ಆಸ ವ್ಹೈ. ತೆ ಮನಕ್ಹೊ ಕ್ರಿಸ್ತ ಯೆಸುಮಾ ರಕ್ಷಣೆ ಪಡ್ದಿಲ್ಯು ಕೈನ ಮಿ ಎ ಕ್ಹಾರಾ ತ್ರಾಸೊನೆ ಸ್ವಿಕಾರ ಕರಲಿದ್ಯೊಸ. ತೆ ರಕ್ಷಣೆನಾ ಕ್ಹಾತೆ ಹಮೆಶಾನು ಜ಼ಲಮ ಮಳಸ.

2 ತಿಮೊತಿ 2:10 Iomraidhean Croise

ಮತ್ತಾಯ 24:22

ಕರ್ತಾ ದಿನೊ ಕಮ್ಮ ನೈ ಕರ‍್ಯೊಮ ಯಕ್ಲೊಬಿ ಉಗರ್ತೊ ನೈ; ವರಿಬಿ ತೆ ಇನಿಲಿದಲವಾಲಾವೊನಾ ಹುತಿ ತೆ ದಿನೊ ಕಮ್ಮ ಕರಸ.

ಮತ್ತಾಯ 24:24

ಸುಳ್ಳ ಕ್ರಿಸ್ತೊ, ಸುಳ್ಳ ಪ್ರವಾದಿಯೊ ಉಟಿನ ಸಾಧ್ಯ ಥಯುಮ ಕ್ಹುದಾ ಇನಿಲಿದಲ ಮನಕ್ಹೊನೆ ಬಿ ಮೊಸ ಕರಾನಾ ಹುತಿ ಮ್ಹೊಟಾ ಸುಚಕ ಕಾಮೊ ಘಾಬ್ರಾ ಥಾವಾನಾ ಕಾಮೊ ಕರಿನೆ ದೆಕಾಡಸ.

ಮತ್ತಾಯ 24:31

ತೆ ತಿನಾ ದುತೊನೆ ಪೊಂಗಾವೊನಿ ಮ್ಹೊಟಿ ಅವಾಜ಼ನಾ ಕ್ಹಾತೆ ಮೊಕ್ಲಸ. ತ್ಯುನೆ ತೆ ಇನಿಲಿದಲವಾಲಾವೊನೆ ಹಬಾಳನಾ ಯಕ್ಕ ಬಗಲ್ತೊ ಚಾ಼ರೆ ದಿಕ್ಕ ಬಗಲ್ತೊ ಮಳಾವಸ.

ಲುಕ ಬರ್ದಲ ಸುವಾರ್ತಾ 18:7

ಕ್ಹುದಾನಾ ಮನಕ್ಹೊ ಕ್ಹುದಾನೆ ದಿನ್ನ ರಾತ ಪ್ರಾಥನಾ ಕರು. ಕ್ಹುದಾ ತಿನಾ ಮನಕ್ಹೊನೆ ಚೊ಼ಕು ರ‍್ಹಯಲಜ಼ ಕೆಳಾಮಾಬಿ ದಿವಸ, ಕ್ಹುದಾ ತಿನಾ ಮನಕ್ಹೊನಿ ಪ್ರಾಥನಾನೆ ಭೆಗಿನಜ಼ ಜವಾಬ ದಿವಸ.

ಲುಕ ಬರ್ದಲ ಸುವಾರ್ತಾ 22:57

ತೆಳಾಮಾ ಪೆತ್ರಾ. ಎ ಕ್ಹರಿ ನ್ಹವೈ ಕದ್ಯೊ. ತೆ ತಿನೆ ಯಾ ಮನೆ ತೆ ಗ್ವತ್ತ ನತ್ತಿ "ಕದ್ಯೊ.

ಯೊಹಾನ 11:52

ಹೊ, ಯೆಹುದಿಯೊನಾ ಹುತಿ ಕ್ಹಾರಿ ದುನಿಯಾಮಾ ಜುದಾ ಥಯಲ ಕ್ಹುದಾನಾ ಕ್ಹಾರಾ ಬಚ್ಚಾವೊನೆ ಮಳೌ ಕೈನ ತೆ ಮರಾಲೊ ವ್ಹತ್ತೊ.

ಯೊಹಾನ 17:24

"ಬಾ, ತು ಮನೆ ದಿದಲ ಇವ್ನೆ, ಮಿ ರ‍್ಹವಾನಿ ಕ್ಹಾರಿ ಜ಼ಗಾ ಮಾರಾ ಕ್ಹಾತೆ ರ‍್ಹೌ ಕೈನ ವರಿ ಮಾರಿ ಮಹಿಮಾ ದೆಕು ಕೈನ ಆಸ ಕರುಸ. ಎ ದುನಿಯಾ ತಯ್ಯಾರ ಥಾವಾತಿ ಅಗ್ದುರಜ಼ ತು ಮನೆ ಮಯಾ ಕರಲ ಹುತಿ ತುಜ಼಼ ಎ ಮಹಿಮಾ ದಿದ್ಯೊ.

ಯೊಹಾನ 17:9

ಮಿ ಇವ್ನಾ ಹುತಿ ಪ್ರಾಥನಾ ಕರುಸ. ಎ ದುನಿಯಾಮಾ ರ‍್ಹವಾನಾ ಮನಕ್ಹೊನಾ ಹುತಿ ಮಿ ಪ್ರಾಥನಾ ಕರಾಡೊ ನತ್ತಿ. ತೆನೈಸೊ ತು ಮನೆ ದಿದಲ ಇವ್ನಾ ಹುತಿ ಪ್ರಾಥನಾ ಕರಾಡ್ಯೊಸ. ಕಾಕದ್ಯಾಮ ಇವ್ನೆ ತಾರಾ ವ್ಹೈ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

ರೊಮಾಪೂರ 9:23

ಕ್ಹುದಾ ತಿನಿ ಮ್ಹೊಟಿ ಮಹಿಮಾ ದೆಕಾಡು ಕೈನ ಸಮಾದಾನಕ್ಹು ಕೈದಾಡೊತೊ. ತಿನಿ ಕರುಣಾ ಹೊಂದಿಲಿವಾನಾ ಮನಕ್ಹೊನೆ ಕ್ಹುದಾ ತೆ ಮಹಿಮಾ ದ್ಯು ಕೈನ ವ್ಹತ್ತೊ. ತಿನಿ ಮಹಿಮಾ ಹೊಂದಿಲ್ಯು ಕೈನ ಕ್ಹುದಾ ತೆ ಮನಕ್ಹೊನೆ ತಯ್ಯಾರ ಕರ‍್ಯೊ.

1 ಕೊರಿಂಥ 1:21

ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.

1 ಕೊರಿಂಥ 9:22

ಬರೊಕ್ಹಾಮಾ ಕಮ ಜೊ಼ರ ರ‍್ಹಯಲವಾಲಾವೊನೆ ರಕ್ಷಣೆ ಮಾರಗಮಾ ಲಾವಾನೆ ಮಿ ಕಮಜೊ಼ರ ಥಯೊ. ಕಿಮ್ಮ ತುಬಿ, ದಕ್ಹಾ ಜ಼ನಾವೊನೆ ತುಬಿ ಉದ್ದಾರ ಕರಾನೆ ಕ್ಹಾರಾವೊನೆ ಕ್ಹಾರುಜ಼ ಥಯೊ.

2 ಕೊರಿಂಥ 1:6

ಅಪೊನೆ ತ್ರಾಸ ರ‍್ಹಯಲಜ ರ‍್ಹಯೊಮ ತೆ ತ್ರಾಸೊ ತುಮೊನೆ ಆದರಣೆ ಥೈನ ವರಿ ರಕ್ಷಣೆನಾ ಹುತಿ ಅಪೊನೆ ಆದರಣೆ ರ‍್ಹಯುಮ ತೆ ತುಮೊನೆ ಆದರಣೆನಾ ಹುತಿ ಅಪೊನೆ ರ‍್ಹಯಲ ತ್ರಾಸೊ ತುಮೆ ತಡ್ದಿಲಿನ ವಪ್ಪಿಲಿವಾನೆ ಎ ತುಮೊನೆ ಮದದತ ಥಾವಸ.

2 ಕೊರಿಂಥ 12:15

ಮಿತೊ ಮನೆ ರ‍್ಹಯಲ ತುಮಾರಿ ಅತ್ಮ ರಕ್ಷಣೆನಾ ಹುತಿ ಖುಶಿಕ್ಹು ಖರ್ಚ ಕರುಸ, ಮನೆಜ ಖರ್ಚ ಕರಲ್ಯುಸ, ಮಿ ತುಮೊನೆ ಘನ್ನೊ ಮಯಾ ಕರ‍್ಯಾರೆ ತುಮೆ ಸು ಮನೆ ಕಮ್ಮ ಮಯಾ ಕರೊಶಿ?

2 ಕೊರಿಂಥ 4:15

ಎ ಕ್ಹಾರು ತುಮಾರಾಹುತಿಜ ಇಮ ಕ್ಹುದಾನಿ ಮರ್ಗಾ ಜಾಸ್ತಿ-ಜಾಸ್ತಿ ಮನಕ್ಹೊನೆ ಕ್ಹುದಾನೆ ಮಹಿಮಾ ಕರಸ.

2 ಕೊರಿಂಥ 4:17

ದಕ್ಹಾ ದಿನ್ನ ಅಪ್ನೊನೆ ಅಡ್ಚನ ರ‍್ಹವಸ. ವರಿಬಿ ಹಮೆಶಾನಿ ಮಹಿಮಾ ಹೊಂದಿಲಿವಾನೆ ತೆ ಅಪೊನೆ ಮದತ ಥಾವಸ.

ಎಫೆಸ 3:13

ಇಮ್ಮ ರ‍್ಹತಾಮಾ ಮಿ ತುಮಾರಾ ಹುತಿ ಆವಾನಾ ತ್ರಾಸೊ ದೆಕಿನ ದುಖಿ ಥೈನ ಧೈರ್ಯ ಜ಼ವೈಲಿವೊ ನಕೊ. ಮಾರಾ ತ್ರಾಸೊ ತುಮೊನೆ ಮರ್ಯಾದಿ ಲಾವಸ.

ಕೊಲೆಸ್ಸೆ 1:24

ಮಿ ಹಮ್ನಾ ತುಮಾರಾ ಹುತಿ ಅನುಭವಿಸ್ತೊ ರ‍್ಹಯಲ ತ್ರಾಸಮಾ ಖುಶಿ ರ‍್ಹೈನ ಕ್ರಿಸ್ತನಾ ತ್ರಾಸಮಾ ಹಜುಸನ ಉಗ್ರಲ ಸಭೆ ಕವಾನಿ ತಿನಾ ಅಂಗನಾ ಹುತಿ

ಕೊಲೆಸ್ಸೆ 1:27

ಎ ಮರ್ಮಾನಿ ಮಹಿಮಾ ಕೆಕ್ಲು ಛೆ ಕವಾನು ಬಿಜಾ಼ ಮನಕ್ಹೊನೆ ಕವಾನಾ ಹುತಿ ಕ್ಹುದಾ ಮನಸ ಕರ‍್ಯೊ.

1 ಥೆಸಲೊನಿಕ 5:9

ಕ್ಹುದಾ ಅಪೊನೆ ಇನಿಲಿದಲ ತಿನಿ ಶಿಟ್ಟನೆ ಗುರಿ ಥೌ ಕೈನ ನ್ಹವೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ರಕ್ಷಣೆ ಥೌ ಕೈನ ಕ್ಹುದಾ ಅಪೊನೆ ಇನಿಲಿದ್ಯೊ.

2 ಥೆಸಲೊನಿಕ 2:14

ತುಮೆ ರಕ್ಷಣೆನೆ ಹೊಂದಿಲಿದಲ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಮಹಿಮಾನಿ ಪಾಲ ಲಿವಾಲಾ ಥಾವೊ ಕೈನ, ಹಮೆ ಕದಲ ಸುವಾರ್ತೆನಾ ಮುಲಕ ಕ್ಹುದಾ ತುಮೊನೆ ಬಲಾಯೊಸ.

2 ತಿಮೊತಿ 1:1

ಯೆಸು ಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ತಿಮೊತಿನೆ ಬರ್ದಾನು ಬೆವಾ ಪತ್ರ. ಕ್ಹುದಾನಿ ಚಿ಼ತ್ತಲಿಂಗತ ಮಿ ಅಪೊಸ್ತಲ ಥಯೊ. ಕ್ರಿಸ್ತ ಯೆಸುಮಾ ರ‍್ಹಯಲ ಜ಼ಲಮನಿ ವಾಗ್ದಾನ ಮನಕ್ಹೊನೆ ಕವಾಹುತಿ ಕ್ಹುದಾ ಅಪೊನೆ ಮೊಕಲ್ಯೊ.

2 ತಿಮೊತಿ 2:1

ಕ್ರಿಸ್ತ ಯೆಸುನಾ ಮಯಾನಾ ದಿಕ್ರಾ ತಿಮೊತಿ, ತು ಮಾರೊ ದಿಕ್ರಾ. ಕ್ರಿಸ್ತ ಯೆಸುಮಾ ಘಟ್ಟ ಥೈನ ರ‍್ಹೆ.

2 ತಿಮೊತಿ 2:3

ಕ್ರಿಸ್ತ ಯೆಸುನೊ ಕ್ಹರಿನೊ ಚೊ಼ಕೊ ಸೈನಿಕ ಲಿಂಗತ ಹಮೊನೆ ರ‍್ಹವಾನು ತ್ರಾಸಮಾ ತು ವಾಟೊಲಿವಾಲೊ ಥಾ.

ತಿತನೆ 1:1

ಕ್ಹುದಾನೊ ಸೆವಕ ಥಯಲ ವರಿ ಯೆಸುನೊ ಅಪೊಸ್ತಲ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಇನಿಲಿನ ಮನಕ್ಹೊನೊ ಬರೊಕ್ಹೊ ಘಟ್ಟ ಕರಾಹುತಿ ವರಿ ಕ್ಹರಿ ಕವಾಹುತಿ ಮನೆ ಮೊಕಲ್ಯೊ. ಕ್ಹುದಾನಿ ಸೆವೆ ಕಿಮ ಕರು ಕೈನ ತೆ ಕ್ಹರಿ ದೆಕಾಡಿನ ದಿವಸ.

1 ಪೆತ್ರಾ 2:10

ಯಕ್ಕ ಕಾಲಮಾ, ತುಮೆ ಕ್ಹುದಾನಾ ಮನಕ್ಹೊ ನ್ಹೊತಾ. ತೆನೈಸೊ ಹಮ್ನಾ ತುಮೆ ಕ್ಹುದಾನಾ ಮನಕ್ಹೊ ಥಯಾಸ. ಪೈಲಾ ತುಮೆ ಮರಗಾ ಮಳಿ ನ್ಹೊತಿ. ತೆನೈಸೊ ಹಮ್ನಾ ತುಮೆ ಕ್ಹುದಾನಿ ಮರಗಾ ಮಳಿಸ್.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.