2 ತಿಮೊತಿ 1:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಕ್ಹುದಾ ಅಪೊನೆ ದಿದಲ ಆತ್ಮಾ ಭುಚ್ಕಾನಿ ಆತ್ಮಾ ನ್ಹವ್ಹೈ. ಅಪೊನೆ ತಾಕತ ಭರಿನ, ಮಯಾ ವರಿ ಹತೊಟಿಮ ಮುಕ್ಕಾನಿ ಆತ್ಮಾ ತೆ ದಿದ್ಯೊಸ.

2 ತಿಮೊತಿ 1:7 Iomraidhean Croise

ಲುಕ ಬರ್ದಲ ಸುವಾರ್ತಾ 10:19

ಐಕೊ, ಕ್ಹಾಪೊ ವರಿ ಇಚ್ಚಿಯೊಪರ ಚಾ಼ಲಾನು ತುಮೊನೆ ಮಿ ಅದಿಕಾರ ದಿದ್ಯೊಸ. ವೈರಿಯೊನೆ (ಸೈತಾನ) ರ‍್ಹಯಲ ಅದಿಕಾರಿತೊಬಿ ಹೆಚ್ಕಿ ಅದಿಕಾರ ಮಿ ತುಮೊನೆ ದಿದ್ಯೊಸ ಕದ್ಯೊ. ತುಮೊನೆ ಸುಜ಼ ಕೆಡ ಕರತು ನೈ.

ಲುಕ ಬರ್ದಲ ಸುವಾರ್ತಾ 15:17

ತೆಳಾಮಾ ತೆ ಪಟ್ಟೊ ಗ್ಯಾನ ಐಯು ತೆ ಕಾಮ ಕರಲ ತಿನೆ ತಿಳದ್ಯು. ವರಿ ತಿನಾ ಮನಸ್ಮಾ ಕೈಲಿದ್ಯೊ. ಮಾರಾ ಬಾನಾ ಘರಮಾ ರ‍್ಹಯಲ ಆಳೊನೆ ಘನ್ನು ಅನ್ನ ರ‍್ಹವಸ ಮಿ ತೊ ನ್ಹ್ಯಾ ಭುಕ್ಕೊ ಮರಾಡ್ಯೊಸ.

ಲುಕ ಬರ್ದಲ ಸುವಾರ್ತಾ 24:49

ಐಕೊ! ಮಾರೊ, ಬಾ, ಕದಲಜ಼ ಮಿ ತುಮೊನೆ ತಿಳಸುಸ. ವರಿ ತುಮೆ ಸ್ವರಗನೆ ಶಕ್ತಿ ಮಳೆಲಕ್ಕಾ ಯೆರುಸೆಲೆಮಾಜ಼ ಕೈದಿನ ರ‍್ಹವೊ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 8:35

ತೆ ಗಾಮನಾ ಮನ್ಹಖೊ ಯೆಸುನೆ ದೆಕಾನೆ ಆಯಾ. ತೆ ಕೆಟ್ಟ ಆತ್ಮಾ ಧರಲ ಮನ್ಹಖ ಯೆಸುನಾ ಪಗೊಕನ ಬೈಟಲ ದೆಕ್ಯಾ. ತೆ ವಣ್ಣಾ ಘಾಲಿನ, ಅರಾಮ ಥೈನ ವರಿ ಶಾಣ್ಯೊ ಥೈನ,ಕೆಟ್ಟ ಆತ್ಮಾ ತಿನೆ ಛೊಡಿನ ಗಯಾತಾ. ಆ ದೆಕಿನ ಮನ್ಹಖೊನೆ ಭುಚ್ಕ ವಾಟ್ಯು.

ಯೊಹಾನ 14:27

"ಮಿ ಶಾಂತಿ ದಿವ್ಸ. ಮಾರಿ ಶಾಂತಿ ತುಮೊನೆ ದಿವ್ಸ. ಮಿ ಎ ದುನಿಯಾ ದಿದಲಲಿಂಗತ ತುಮೊನೆ ದೆತೊ ನೈ. ತಿನಾಹುತಿ ತುಮಾರು ಮನಸೊ ಕಳವಳ ಥೌ ನೈ ವರಿ ತುಮೆ ಭುಚ಼ಕೊ ನಕೊ.

ಅಪೊಸ್ತಲೊ 1:8

ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.

ಅಪೊಸ್ತಲೊ 10:38

ನಜರೆತನಾ ಯೆಸುನಾ ಹುತಿ ತುಮೊನೆ ಗ್ವತ್ತ ಛೆ. ಕ್ಹುದಾ ತಿನೆ ಪವಿತ್ರ ಆತ್ಮಾನೆ ತಾಕಾತನೆ ದಿವಾನಾ ಮುಲಕ ತಿನೆ ಅಭಿಶೆಕ ಕರ‍್ಯೊ. ತೆ ಕ್ಹಾರಿ ಜ಼ಗಾ ಮನಕ್ಹೊನೆ ಚೊ಼ಕು ವರಿ ಅರಾಮ ಕರ್ತೊ ಫರ‍್ಯೊ. ಭುತ್ಡಾವೊಕ್ಹು ತ್ರಾಸ ಖಾವಾಲಾವೊನೆ ಯೆಸು ಅರಾಮ ಕರ‍್ಯೊ. ಕ್ಹುದಾ ಯೆಸುನಾ ಕ್ಹಾತೆ ವ್ಹತ್ತೊ ಕವಾನು ತೆ ದೆಕಾಡಿನ ದಿದ್ಯು.

ಅಪೊಸ್ತಲೊ 20:24

ತೆನೈಸೊ ಜ಼ಲಮ ವಚಾ಼ಡಿಲಿವಾನು ಶ್ರೆಷ್ಠೆ ವ್ಹೈ ಕೈನ ಮಿ ವಿಚಾರ ಕರ್ತೊ ನೈ; ಕ್ಹುದಾನಿ ಮರ್ಗಾನಾ ಹುತಿ ಸುವಾರ್ತೆ ಆಸಕ್ತಿ ಕ್ಹು ಸಾಕ್ಷಿನಾ ರೊಪಮಾ ಕವಾನು ನಿಯೊಗ ಕರ್ತಾ ಥಯಲ ಯೆಸುಕ್ಹು ಮಿ ವ್ಹಂದ್ಯೊಸ. ಎಜ಼ ನಿಯೊಗ ಉಪಯೊಗ ಕರಾನು ಮಾರಿ ಆಸ ವ್ಹೈ.

ಅಪೊಸ್ತಲೊ 21:13

ತೆನೈಸೊ ಪೌಲಾ, ತುಮೆ ದುಖ ಕರಲಿನ ಕಾ ಮನೆ ಛಾತಿ ಪ್ಹುಟಾ ವರಕ್ಹು ಕರಾಡಾಸ? ಮಿ ಕರ್ತಾ ಥಯಲ ಯೆಸು ನಾಮ್ಮಹುತಿ ಯೆರುಸಲೆಮಾ ಬೆಡಿಯೊ ಘಲ್ಯಾನಾಹುತಿ ಎಕ ನೈ ಮರಾನೆಬಿ ತಯಾರ ಛೆ ಕದ್ಯೊ.

ಅಪೊಸ್ತಲೊ 26:11

ಕ್ಹಾರಿಯೊ ಸಬಾ ಮಂದಿರೊಮಾ, ಮಿ ತ್ಯುನೊನೆ ಘನ್ನಿ ಸಲಾ ತ್ಯುನೊನೆ ಶಿಕ್ಷಾ ದಿನ್ನ ತ್ಯುನೊಕ್ಹು ಕ್ಹುದಾನಾ ವಿರುದ್ದ ವಾತೊ ಬೊಲಾನಿಯೊ ಕೊಶಿಶ ಕರ‍್ಯೊ. ತೆನೈಸೊ ತ್ಯುನೊಪರ ಘನ್ನೊ ಶಿಟ್ಟ ಥೈನ ಬಿಜಾ಼ ಗಾಮ ಲಕ್ಕಾ ಗೈನ ತ್ಯುನೊನೆ ತ್ರಾಸ ಕರ‍್ಯೊ.

ಅಪೊಸ್ತಲೊ 26:25

ತಿನಾಹುತಿ ಪೌಲಾ ಮಹಾರಾಜಾ಼ ಥಯಲ ಫೆಸ್ತಾ. ಮಿ ಪಿಸಾಳೊ ನ್ಹೈವೈ ಮಿ ಕವಾನು ಕ್ಹರಿನಾ ವಾತೊ ಛೆ ಕದ್ಯೊ.

ಅಪೊಸ್ತಲೊ 6:8

ಸ್ತೆಫಾನ ಕ್ಹುದಾನಿ ಕೃಪೆ ವರಿ ತಾಕತಕ್ಹು ಭರಲವಾಲೊ ಥೈನ ಮನಕ್ಹೊನಾ ವಚ್ಮಾ ಅದ್ಬುತ ಕಾಮೊ ವರಿ ಸುಚಕ ಕಾಮೊ ಕರತೊ ವ್ಹತ್ತೊ.

ಅಪೊಸ್ತಲೊ 9:22

ಸೌಲಾ ವರಿ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಘನ್ನಾ ಬರೊಕ್ಹಾಕ್ಹು ಜೊ಼ರ-ಜೊ಼ರ ಕವಾಡೊತೊ. ತೆ ಕವಾನಾ ವಾತೊ ಕ್ಹರಿ ರ‍್ಹಯಲಕ್ಹು ದಮಸ್ಕಮಾ ರ‍್ಹಯಲ ಯೆಹುದಿಯೊ ತಿನೆ ಸುಜ಼ ಬೊಲ್ಯಾ ನೈ.

ರೊಮಾಪೂರ 5:5

ಎ ಆಸ ಅಪೊನೆ ಕೆಳಾಮಾಜ಼ ನಿರಾಶ ಕರತು ನೈ. ಕಾಕದ್ಯಾಮ ಕ್ಹುದಾ ಅಪೊನೆ ದಿದಲ ಗಿಫ್ಟ ಪವಿತ್ರ ಆತ್ಮಾನಾ ಮುಲಕ ತಿನಿ ಮಯಾ ಘನ್ನಿ ದೆಕಾಡ್ಯೊಸ.

ರೊಮಾಪೂರ 8:15

ಅಪೆ ಹೊಂದಿಲಿದಲ ಆತ್ಮಾ ವರಿ ಅಪೊನೆ ಗುಲಾಮೊ ಕರ‍್ತೊ ನೈ ವರಿ ಅಪೊಮಾ ಬೆ ಹುಟ್ಸಾತೊ ನೈ. ಅಪೆ ಹೊಂದಲಿದಲ ಪವಿತ್ರ ಆತ್ಮಾ ಅಪೊನೆ ಕ್ಹುದಾ ಬಚ್ಚಾಲಿಂಗತ ಕರಸ. ಎ ಆತ್ಮಾನಾ ಮುಲಕ ಅಪೆ ಕ್ಹುದಾನೆ ಬಾ ಬಲೈಯೆಸ.

1 ಕೊರಿಂಥ 2:4

ಮಾರಿ ಬೊಧನೆಮಾಬಿ ಪ್ರಸಂಗಮಾಬಿ ಮನಸ್ಸೆ ಆವಾನು ಮನಕ್ಹೊನಿ ಗ್ಯಾನನಾ ವಾಕ್ಯಾ ಮಿ ಉಪಯೊಗ ಕರ‍್ಯಾವಾಚಿ ಆತ್ಮಾನಿ ತಾಕತ ದೆಕಾಡಾನಿ ವಾಕ್ಯಾಜ಼ ಮಿ ಉಪಯೊಗ ಕರ‍್ಯೊ.

ಗಲಾತ್ಯ 5:22

ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ,

ಕೊಲೆಸ್ಸೆ 1:8

ಪವಿತ್ರ ಆತ್ಮಾನೆ ಪ್ರೆರಿತ ಥಯಲ ತುಮಾರಿ ಮಯಾನಾ ಹುತಿ ರ‍್ಹಯಲ ವಿಷಯ ಮನೆ ಕೈನ ದಿದಲ ತೆಜ಼ ವ್ಹೈ.

ಇಬ್ರಿಯ 2:15

ತ್ಯುನೊನೆ ಮರಾನಿ ಯಕ್ಕ ಭೆಂಕ್ಹು ಪುರಾ ಜಿಂದಗಿ ಆಳಥೈನ ರ‍್ಹಯಲವಾಲಾವೊನೆ ಛೊಡಾವಾನಾಹುತಿ ತ್ಯುನಾ ಲಿಂಗತ ಥೈನ ಆಯೊ

1 ಪೆತ್ರಾ 1:22

ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ.

1 ಯೊಹಾನ 4:18

ಮಯಾ ರ‍್ಹಯಲ ಜ಼ಗಾ ಭೆ ನತಿ. ಬುಚುಕ ರ‍್ಹಯಲ ಜ಼ಗಾ ಭೆ ರ‍್ಹವಸ. ತೆ ನೈಸೊ ಭೆ ನೆ ಮಾರಿಪಡಸ. ಬುಚಕಾಲೊ ಮಾಯಾಮ್ಮಾ ಪುರಾನೈ ಥಾತೊ ನೈ.