2 ತಿಮೊತಿ 1:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತಾರಾ ಹತ್ಮಾ ದಿದಲ ಕ್ಹರಿನೆ ಪವಿತ್ರ ಆತ್ಮಾನಿ ಮದತಕ್ಹು ಕೈದಿಲಿನ ಜಾ಼. ತೆ ಅಪೊಮಾ ರ‍್ಹವಾಡೊಸ.

2 ತಿಮೊತಿ 1:14 Iomraidhean Croise

ಲುಕ ಬರ್ದಲ ಸುವಾರ್ತಾ 16:11

ತಿನಾಹುತಿ ತುಮೆ ಮೊಸ ಕರಿನ ಆಸ್ತಿ ದಿದಲಮಾಜ಼ ಬರೊಕ್ಹೊ ನೈಸೊ ರ‍್ಹಯಾಮ ಮ್ಹೈನತ ಕರಲ ಕ್ಹರಿನಿ ಆಸ್ತಿ ತುಮೊನೆ ಕುನ್ನ ದಿಸವ?

ಯೊಹಾನ 14:17

ಕ್ಹರಿನೊ ಆತ್ಮಾಜ಼಼ ತೆ ಸಹಾಯಕ ವ್ಹೈ. ಎ ದುನಿಯಾ ತಿನೆ ಸ್ವಿಕಾರ ನೈ ಕರತು. ಕಾಕದ್ಯಾಮ ದುನಿಯಾ ತಿನೆ ದೆಕ್ತಾ ನೈ, ತಿಳ್ದಿಲೆತಾಬಿ ನೈ. ತೆನೈಸೊ ತುಮೆ ತಿನೆ ತಿಳ್ದಿಲಿದ್ಯಾಸ. ತಿನಾಹುತಿ ತೆ ತುಮಾರಾ ಕ್ಹಾತೆ ಜಿವ್ನಾ ಕರಸ ವರಿ ತುಮಾರಾಮಾ ರ‍್ಹವಸ.

ರೊಮಾಪೂರ 3:2

ಹೊ, ಯಹುದಿಯೊನೆ ಘನ್ನಾ ತರಾನು ಖಾಸ ಕವಾನು ಛೆ. ಕ್ಹಾರಾವೊತಿ ಘನ್ನು ಖಾಸ ಸು ವ್ಹೈ ಕದ್ಯಾಮ, ಕ್ಹುದಾ ಯೆಹುದಿಯೊಪರ ಬರೊಕ್ಹೊ ಮ್ಹೆಲಿನ ತಿನು ವಾಕ್ಯಾ ತ್ಯುನೊನೆ ದಿದ್ಯೊ.

ರೊಮಾಪೂರ 8:11

ಯೆಸುನೆ ಮೌತಕ್ಹು ಉಟಾಡಲ ಕ್ಹುದಾನಿ ಆತ್ಮಾ ತುಮೊಮಾ ರ‍್ಹಯಮ, ಕ್ರಿಸ್ತನೆ ಮೌತಕ್ಹು ಉಟಾಡಲವಾಲೊ ತುಮಾರಿ ಆತ್ಮಾ ಕಂತೊ ತುಮಾರಾ ಮರಲ ಅಂಗೊನೆ ಜ಼ಲಮ ದಿವಸ.

ರೊಮಾಪೂರ 8:13

ತುಮಾರಿ ಪಾಪ್ನಿ ಸ್ವಭಾವ ಛಾಳಿಯೊ ಆಸ ಕರಾನಿಯೊ ಕೆಟ್ಟ ಕಾಮೊ ಕರಾನಾಹುತಿ ತುಮೆ ತುಮಾರಿ ಜಿವಿತ ಉಪಯೊಗ ಕರ‍್ಯಾಮ, ತುಮೆ ಆತ್ಮಿಕಮಾ ಮರೊಸಿ. ತೆನೈಸೊ ತುಮೆ ತುಮಾರಿ ಅಂಗನಾ ಮುಕಾಂತರ ಕರಾನಾ ಕೆಟ್ಟ ಕಾಮೊ ಪವಿತ್ರ ಆತ್ಮಾನಿ ಸಹಾಯಾ ಕ್ಹು ಹುಬ್ರಾಡ್ಯಾಮ ಜಿವ್ತಾ ರ‍್ಹವೊಶಿ.

ರೊಮಾಪೂರ 8:9

ತೆನೈಸೊ ತುಮೆ ತುಮಾರಾ ಪಾಪೊನಾ ಸ್ವಭಾವ ಲಿಂಗತ ನತ್ತಿ. ಕ್ಹುದಾನಿ ಆತ್ಮಾ ತುಮೊಮಾ ಕ್ಹರಿಬಿ ರ‍್ಹಯಲ ರ‍್ಹಯುಮ, ತುಮೆ ಆತ್ಮಾನಾ ಹತ್ಮಾ ಛೆ. ಕಿನಾಮಾಬಿ ಕ್ರಿಸ್ತನಿ ಆತ್ಮಾ ನೈ ರ‍್ಹಯುಮ, ತೆ ಕ್ರಿಸ್ತಮಾ ರ‍್ಹಯಲವಾಲೊ ನ್ಹವೈ.

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

1 ಕೊರಿಂಥ 6:19

ಕ್ಹುದಾ ತುಮೊನೆ ದಿದಲ ಪವಿತ್ರ ಆತ್ಮಾನೆ ತುಮಾರು ಅಂಗ ಗರ್ಭಗುಡಿ ಥಯುಸ; ತೆ ಪವಿತ್ರ ಆತ್ಮಾ ತುಮಾರಾಮಾ ರ‍್ಹವಾಡೊಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತುಮೆ ತುಮಾರಾ ಕ್ಹುದ್ದನಾ ನ್ಹವೈ. ತೆನೈಸೊ ಕ್ಹುದಾನಾ ವ್ಹೈ.

1 ಕೊರಿಂಥ 9:17

ಮಿ ಸ್ವಂತ ಇಷ್ಟಾಕ್ಹು ಎ ಕಾಮ ಕರ‍ಲ ರ‍್ಹವತ್ತೊ ಕರೆಟ್ಟ ಇನಾಮ ದಿದ್ಯಾ. ತೆನೈಸೊ ಎ ಕಾಮ ಮನೆ ದಿದಲ ವ್ಹೈ ತಿನಾಹುತಿ ಕರತವ್ಯಕ್ಹು ಕರಾಡ್ಯೊಸ.

2 ಕೊರಿಂಥ 5:16

ಇಮ್ಮ ರ‍್ಹಯಲಹುತಿ ದುನಿಯಾ ಮನಕ್ಹೊನಾಹುತಿ ವಿಚಾರ ಕರಾನು ಆಜತಾ ಅಪೆ ಕಿನಾಜ ಹುತಿ ವಿಚಾರ ಕರ್ತಾ ನೈ. ದುನಿಯಾ ವಿಚಾರ ಕರಲಿಂಗತ ಪಾಚ಼ಲ್ಯಾ ಕಾಲಮಾ ಹಮೆ ಕ್ರಿಸ್ತನಾ ಹುತಿ ವಿಚಾರ ಕರ್xಯಾತಾ. ಹಮ್ನಾ ತಿಮ ಹಮೆ ವಿಚಾರ ಕರ್ತಾ ನೈ.

ಗಲಾತ್ಯ 2:7

ಖತ್ನಾ ಥಯಲವಾಲವೊನೆ ಅಪೊಸ್ತಲ ಕವಾನು ನಾಮ ಚಾ಼ಲಾನಾ ಹುತಿ ಪೆತ್ರಾನೆ ಕದಲವಾಲೊ ಬಿಜಾ಼ ಮನಕ್ಹೊನೆ ಕವಾನಾಹುತಿ ಮನೆ ಕದ್ಯೊ.

ಎಫೆಸ 2:22

ತುಮೆ ಕ್ರಿಸ್ತಮಾ ಬಿಜಾ಼ ಮನಕ್ಹೊನಾ ಕ್ಹಾತೆ (ಯೆಹುದಿಯೊನಾ ಕ್ಹಾತೆ) ಭಂದಾವಾಡಾಸ. ಕ್ಹುದಾ ತಿನಿ ಆತ್ಮಾನಾ ಮುಲಕ ರ‍್ಹವಾ ವರಕ್ಹು ರ‍್ಹವಾನಿ ಜ಼ಗಾ ಥೈನ ರ‍್ಹವಾಡಾಸ.

ಎಫೆಸ 5:18

ಪಿನ ನಿಶಾಮಾ ರ‍್ಹವೊ ನಕೊ, ತೆ ಪಾಪನಾ ಕಾಮೊಮಾ ಚ಼ಲಾವಸ, ತೆನೈಸೊ ಕೆಳಾಮಾಬಿ ಪವಿತ್ರ ಆತ್ಮಾಕ್ಹು ಭರಲ ರ‍್ಹವೊ.

ಕೊಲೆಸ್ಸೆ 4:11

ಯುಸ್ತನ ಕವಾಲೊ ಯೆಸು ತುಮೊನೆ ನಮಸ್ಕಾರ ಕರಸ. ಖತ್ನಾ ಕರಿಲಿದಲವಾಲಾ ಇವ್ನೆಜ ಕ್ಹುದಾನಿ ರಾಜ್ಯ ಭಾಂದಾನೆ ಸಾತ ದಿದಲವಾಲಾ ವ್ಹೈ, ಅವ್ನೊಖು ಮನೆ ಘನ್ನು ಚೊ಼ಕು ಥಯುಸ.

1 ಥೆಸಲೊನಿಕ 5:19

ಪವಿತ್ರ ಆತ್ಮಾನು ಆಗ ಇಜ್ಜಾವೊ ನಕೊ.

1 ತಿಮೊತಿ 1:11

ತೆ ಉಪದೆಶ ಮನಕ್ಹೊನೆ ತಿಳಸಾನಾ ಹುತಿ ಕ್ಹುದಾ ತುನೆ ದಿದಲ ಸುವಾರತೆನು ಯಕ್ಕ ಭಾಗ ಥಯುಸ. ನಸಿಬವಾಲೊ ಥಯಲ ಕ್ಹುದಾ ಕಂತು ಎ ಮಹಿಮಾನಿ ಸುವಾರ್ತೆ ಐಸ.

1 ತಿಮೊತಿ 6:20

ತಿಮೊತಿ, ತಾರಾ ಹತ್ತಮಾ ವಪ್ಸಿನ ದಿದಲ ಚೊ಼ಕಿ ಬೊಧನೆ ಚೊ಼ಕಿತರಾ ವಚಾ಼ಡ. ದುನಿಯಾನಿ ವಿಚಾರನಾ ಕೆಟ್ಟ ಸಂಗತಿಯೊ ಕವಾನಾ ಮನಕ್ಹೊ ಕ್ಹರಿನಾ ವಿರುದ್ದ ವಾದ ಕರಾಲಾ ಮನಕ್ಹೊಕ್ಹು ದುರ ರ‍್ಹೆ. ತ್ಯುನೆ ತಿನೆ ಗ್ಯಾನ ವ್ಹೈ ಕೈನ ಕದ್ಯಾತುಬಿ ತೆ ಕ್ಹರಿನು ಗ್ಯಾನ ನ್ಹವೈ.

2 ತಿಮೊತಿ 1:12

ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.

2 ತಿಮೊತಿ 2:2

ಮಿ ಉಪದೆಶಕರಲ ಸಂಗತಿಯೊ ತು ಐಕ್ಯೊಸ. ತೆ ಬಿಜಾ಼ ಘನ್ನಾ ಮನಕ್ಹೊ ಐಕ್ಯಾಸ. ತು ತೆ ಸಂಗತಿಯೊ ಉಪದೆಶ ಕರ. ತುನೆ ಬರೊಕ್ಹೊ ಮ್ಹೆಲಾಲಾ ದಕ್ಹಾ ಜ಼ನಾವೊನೆ ತೆ ಉಪದೆಶೊ ದೆ. ತೆಳಾಮಾ ತ್ಯುನೆ ತೆ ಸಂಗತಿಯೊನೆ ಬಿಜಾ಼ವೊನೆ ಉಪದೆಶ ಕರಾನೆ ಥಾವಸ.

1 ಪೆತ್ರಾ 1:22

ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ.