1 ತಿಮೊತಿ 6:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಎನೈಸೊ ಕೆಟ್ಟ ಜ಼ನಾವೊಮಾ ವಾದವಿವಾದ ಹುಟ್ಟಸ. ತೆ ಮನಕ್ಹೊ ಕ್ಹರಿನೆ ಛೊಡಲವಾಲಾ ವ್ಹೈ. ಕ್ಹುದಾನಿ ಸೆವಾ ದೊಕಡಾ ಕಮಾವಾನಿ ಯಕ್ಕ ವಾಟ ವ್ಹೈ ಕೈನ ತ್ಯುನಿ ವಿಚಾರ ವ್ಹೈ.

1 ತಿಮೊತಿ 6:5 Iomraidhean Croise

ಮತ್ತಾಯ 12:33

ತುಮೊನೆ ಚೊ಼ಕು ಫಲ ಚಾ಼ಯೆ ಥಯಲ ರ‍್ಹಯಮ ತುಮೆ ಚೊ಼ಕು ಝಾಡ ಹೊಂದಿಲಿದಲ ರ‍್ಹೌ. ತುಮಾರು ಝಾಡ ಚೊ಼ಕು ನೈ ರ‍್ಹಯಲ ರ‍್ಹಯಮ ತೆ ಕೆಟ್ಟ ಫಲಜ ಛೊಡಸ. ಝಾಡನೆ ತಿಮಾ ಛೊಡಾನಾ ಫಲಕ್ಹುಜ಼ ತಿಳದಿಲಿವಾನೆ ಥಾವಸ.

ಮತ್ತಾಯ 21:13

ತೆ ತ್ಯುನೊನೆ, ‘ಮಾರು ಘರ ಪ್ರಾರ್ಥಾನು ಘರ ಥಯುಸ. ಕೈನ ಬರದಲ ಛೆ; ತೆನೈಸೊ ತುಮೆ ತಿನೆ ಚೊ಼ಟ್ಟಾವೊನು ಘರ ಕರಾಡ್ಯಾಸ ಕೈನ ಕದ್ಯೊ.

ಮತ್ತಾಯ 23:13

ಅಯ್ಯೊ ಕಪಟಿಯೊ ಶಾಸ್ತ್ರಯೊ, ಫರಿಸಾಯರೊ, ಪರಲೊಕ ರಾಜ್ಯ ನು ಬಾಕಲ ಮನಕ್ಹೊನಾ ಕ್ಹಾಮಾ ಝಾಕಿಪಾಡೊಸಿತುಮೆತೊ ಮ್ಹೈ ನೈ ಜಾ಼ತಾ. ಮ್ಹೈ ಜಾ಼ವಾಲಾವೊನೆಬಿ ಜಾ಼ವಾನೆ ದೆತಾ ನೈ.

1 ಕೊರಿಂಥ 11:16

ಇನಾಹುತಿ ಕುನತಬಿ ವಿವಾದ ಕರ‍್ಯೊಮ ತ್ಯವಾನೆ ಎ ಗ್ವತ್ತ ರ‍್ಹವಾದೆ; ಹೆವಿ ಪದ್ದತ ಅಪ್ನೊಮಾ ನತ್ತಿ; ವರಿ ಕಯಾಜ಼ ಸಭೆಮಾ ನತ್ತಿ.

2 ಥೆಸಲೊನಿಕ 3:6

ಹಮಾರಾ ಭಾಯೊ ಭೆನೊ, ಕಾಮ ನೈ ಕರಾಲಾ ವಿಸ್ವಾಸಿಯೊ ಅಪ್ನೊ ಪ್ರಭು ಥಯಲ ಯೆಸುನಿ ಅದಿಕಾರಕ್ಹು ತುಮೊನೆ ಕವಾಡ್ಯಾಸ ಹಮೆ ದಿದಲ ಕ್ಹಾರಾ ಉಪದೆಶ ಲಿಂಗತ ತುಮೆ ಚಾ಼ಲೊ.

1 ತಿಮೊತಿ 1:6

ದಕ್ಹಾ ಜ಼ನಾ ಎ ಗುರಿ ಚು಼ಕಿನ ನೈಸೊ ಕರಾನಾ ವಿಷಯಮಾ ಬೊಲ್ತಾ ರ‍್ಹವಸ.

1 ತಿಮೊತಿ 3:3

ತೆ ಪಿವಾನೆ ಆಸ ರ‍್ಹೌನೈ. ವರಿ ತ್ರಾಸ ಕರಾಲೊ ರ‍್ಹೌನೈ. ತೆ ಶಾಂತಿ ಸಮಾಧಾನವಾಲೊ ರ‍್ಹೌ; ದೊಕ್ಡಾವೊಪರ ಆಸ ರ‍್ಹೌನೈ.

1 ತಿಮೊತಿ 3:8

ಇನಾ ಲಿಂಗತಜ಼ ಸಭೆಮಾ ಚೊ಼ಕಾ ಸೆವಕೊ ಥಯಲವಾಲಾ ತ್ಯುನಿ ನಡತೆಕ್ಹು ಬಿಜಾ಼ವೊಕ್ಹು ಚೊ಼ಕು ಕವೈಲಿವಾನೆ ಯೊಗ್ಯ ವ್ಹೈ. ಮ್ಹೊಡು ದೆಕಿನ ಬೊಲ್ಯಾವಾಚಿ ರ‍್ಹೌ. ತ್ಯುನೆ ದಾರು ಪಿನ ಟೈಮ ಕಾಡಾಲಾ ರ‍್ಹೌ ನೈ. ವರಿ ಬಿಜಾ಼ವೊನೆ ಮೊಸ ಕರಿನ ಸೌಕಾರ ಥಾವಾನೆ ಕರುನೈ. ದೊಕಡಾನಿ ಆಸ ರ‍್ಹೌ ನೈ.

1 ತಿಮೊತಿ 4:7

ಕ್ಹುದಾ ಕ್ಹರಿಕ್ಹು ಮಳಾನಿ ಕಾನಿಯೊ ಮನಕ್ಹೊ ಕವಸ. ತೆ ಕಾನಿಯೊ ಲಿಂಗತ ಚ಼ಾಲು ನಕೊ. ಕ್ಹುದಾ ನೆ ಕ್ಹರಿ ಕ್ಹು ಸೆವೆ ಕರಾನು ತುಮಾರಾಕ್ಹು ತುಮೆ ತಿಳ್ದಿಲಿವೊ.

1 ತಿಮೊತಿ 4:8

ಶಾರಿರಿಕ ವ್ಯಾಯಾಮಕ್ಹು ಅಪ್ನೊನೆ ದಕ್ಹಿ ರಿತಿಮಾ ತುಮೊನೆ ಆಸ್ರೊ ಥಾವಸ. ತೆನೈಸೊ ಕ್ಹುದಾನಿ ಸೆವೆ ಕರಾನು ತುಮೊನೆ ಕ್ಹಾರಿ ತರಾ ಆಸ್ರೊ ಥಾವಸ. ಕ್ಹುದಾನಿ ಸೆವೆ ಕ್ಹಾರಾ ಲೊಕಮಾ ಆಶಿರ್ವಾದ ಥೈನ ರ‍್ಹವಸ. ಕಾಕದ್ಯಾಮ ಹಮ್ನಾನೊ ಟೈಮ್ಮ ವರಿ ಆವಾನೊ ಕಾಲಮ್ಮಾ ದಿದೆಲ ವಾಗ್ದಾನ ಮಳಲಿದ್ಯುಸ.

1 ತಿಮೊತಿ 6:6

ಕ್ಹುದಾನಿ ಸೆವಾ ಕರಾಲೊ ತಿಕನ ರ‍್ಹಯಲಮಾ ಖುಶ ರ‍್ಹವಸ, ತೆ ಮ್ಹೊಟೊ ಸೌಕಾರಜ಼ ವ್ಹೈ.

2 ತಿಮೊತಿ 3:5

ತೆ ಮನಕ್ಹೊ ತ್ಯುನೆ ಕ್ಹುದಾನಿ ಸೆವಾ ಕರಾಲಾ ವ್ಹೈ ಕೈನ ನಾಟಕ ಕರತಾ ರ‍್ಹವಸ. ತೆನೈಸೊ ತ್ಯುನೆ ಕ್ಹರಿಮಾಜ಼ ತಿನಿ ಕ್ಹರಿನಿ ತಾಕತನೆ ಇನ್ಕಾರ‍್ಯಾಸ. ತು, ತ್ಯವಾ ಮನಕ್ಹೊಕ್ಹು ದುರ ರ‍್ಹೆ.

2 ತಿಮೊತಿ 3:8

ಯನ್ನ ವರಿ ಯಂಬ್ರನೊನೆ ಮೊಶೆನೆ ವಿರೊಧ ಕರ‍್ಯಾ. ಎ ಮನಕ್ಹೊ ಇವ್ನಾ ಲಿಂಗತಜ಼ ವ್ಹೈ. ತ್ಯುನೆ ಕ್ಹರಿನೆ ವಿರೊಧ ಕರಸ. ತೆ ಮನಕ್ಹೊನಾ ವಿಚಾರೊ ಕ್ಹಾರಾ ಗಲಿಬಿಲಿ ಥೈ ಗಯಾಸ. ತ್ಯುನೆ ಬರೊಕ್ಹೊಮಾ ಚಾ಼ಲಾನಿ ತ್ಯುನಿ ಕೊಶಿಶಮಾ ಹಾರಿ ಗಯಾಸ.

ತಿತನೆ 1:11

ತೆ ಮನಕ್ಹೊನು ಬೊದನೆ ತಪ್ಪ ವ್ಹೈ ಕೈನ ದೆಕಾಡಿನ ದಿವಾನು ವರಿ ಉಪಯೊಗನೈಸೊ ಕಾಮೊ ವ್ಹೈ ಕೈನ ಸಬಾಪಾಲಕ ದೆಕಾಡಿನ ದಿವಾ ವರಕ್ಹೊ ರ‍್ಹೌ. ತ್ಯುನೆ ನೈಸೊ ಕರಾನು ಉಪದೆಶ ಸಂಗತಿಯೊ ಕರಿನ ಕ್ಹಾರು ಖಾಂದಾನ ಹಾಳ ಕರಿಪಾಡ್ಯಾಸ. ತ್ಯುನೆ ಮನಕ್ಹೊನೆ ಮೊಸ ಕರಿನ, ದೊಕ್ಡಾ ಗಳ್ಸಾನಾ ಹುತಿ ತೆ ಕ್ಹಾರಿಯೊ ವಾತೊ ಕವಸ.

2 ಪೆತ್ರಾ 2:15

ಎ ಸುಳ್ಳ ಬೊದಕೊ ಚೊ಼ಕಿವಾಟ ಛೊಡಿನ, ಕೆಟ್ಟ ವಾಟ ಧರ‍್ಯಾಸ. ಬಿಳಾಮನ ಬೆಯೊರನ್ನೊ ದಿಕ್ರೊ. ತಿನು ಧರಮನೆ ಛೊಡಿನ ಅಧರಮಕ್ಹು ಆಯಲ ಫೈದಾನೆ ಮಯಾ ಕರ‍್ಯೊ.

2 ಪೆತ್ರಾ 2:3

ಸುಳ್ಳ ಭೊದೊಕೊನೆ ಚಾ಼ಯೆಥಯಲ ಕ್ಹಾಲಿ ತುಮಾರಾ ದೊಕ್ಡಾ ವ್ಹೈ. ತಿನಾಹುತಿ ಕ್ಹರಿ ರ‍್ಹಯಲ ವಾತ ನೈ ಕೈನ ತುಮೊನೆ ಉಪಯೊಗ ಕರಲಿವಸ. ತೆನೈಸೊ ಘನ್ನಾ ದಿನ್ತೊತಿಬಿ ತೆ ಸುಳ್ಳ ಭೊದೊಕೊನಾ ವಿರುದ್ದ ಫೈಸಲೊ ತೈಯ್ಯಾರ ಥಯೊಸ. ತ್ಯುನೆ ಹಾಳ ಥಾವಾಲಾನಾ ಹತೆ (ಕ್ಹುದಾ) ತ್ಯುನೆ ಚು಼ಕೈಲಿವಾನೆ ಥಾತು ನೈ.

ಯುದ ಬರ್ದಲ ಪತ್ರ 1:11

ತ್ಯುನೊನೆ ಕೆಟ್ಟ ಪರಸ್ತಿಥಿ ಆವಸ. ಎ ಮನಕ್ಹೊ ಕಾಯಿನ ಚಾ಼ಲಲ ವಾಟ್ಮಾಜ಼ ಚಾ಼ಲಸ. ತ್ಯುನೆ ಆಸ್ತಿ ಗಳ್ಸಾನಾ ಹುತಿ ಬಿಳಾಮನನಿ ವಾಟ್ಮಾ ಚಾ಼ಲಾನೆ ತ್ಯುನಾಕ್ಹು ತ್ಯುನೊನೆ ವಪ್ಸಿನ ದಿದ್ಯಾಸ. ಕೊರಹನ ಕರಲಲಿಂಗತಜ಼ ಕ್ಹುದಾನಾ ವಿರುದ್ದ ಹೊರಾಡ್ಯಾಡ್ಯಾಸ. ತ್ಯುನೆ ಕ್ಹಾರಾ ಕೊರಹಲಿಂಗತ ಹಾಳಥಾವಸ.

ಪ್ರಕಟನೆ 18:13

ತೆ ವ್ಯಾಪರ ಕರಾಲಾ ದಾಲ್ಚಿನಿ, ಸಾಂಬರನೊ ಮಸಾಲೊ ಉದ, ಬಾಸ್ನು ತೆಲ, ಸಾಂಬ್ರಾಣಿ, ದ್ರಾಕ್ಕಷಾರಸ ವರಿ ಓಲಿವ ತೆಲ, ನರಮ ಲೊಟ, ಘೌ, ಢೊರೊ ಗೈಯ್ಯೊ, ಬಕ್ರಾ, ಘೊಡಾ, ರಥಾ, ಮನಕ್ಹೊನೆ ಗುಲಾಮೊ ಕರಿ ಇಕ್ಕಸ. ಇಕ್ಕಾಲಾ ಇಮ್ಮ ಕವಸ;

ಪ್ರಕಟನೆ 18:3

ಕ್ಹುದಾನಿ ಶಿಟ್ಟ ಕವಾನು ವರಿ ತಿನು ಲೈಂಗಿಕ ಪಾಪ ಕವಾನು ದ್ರಾಕ್ಷಾರಸ ಕವಾನು ದುನಿಯಾಮಾನಾ ಮನಕ್ಹೊ ಪಿನ ನಿಶಾ ಕರಲಿದ್ಯಾ. ಜಿಮಿನಪರ ರ‍್ಹಯಲ ರಾಜಾ಼ ಕ್ಹಾರಾ ತಿನಾ ಕ್ಹಾತೆ ವೈಭಿಚಾರ ಕರ‍್ಯಾಸ. ತಿನೆ ಸಾತ ದಿದಲವಾಲಾ ದುನಿಯಾಮಾನಾ ಘನ್ನಾ ಮನಕ್ಹೊ ತಿನಿ ಘನ್ನಿ ಸುಕಾಕ್ಹು ಸೌಕಾರ ಥಯಾ.