1 ತಿಮೊತಿ 5:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ತು ವಿಚಾರ ಕರಾತಿ ಪೈಲಾ ತಪ್ಪ ಘಾಲ್ಯಾವಾಚಿ, ಪಕ್ಷಪಾತಕ್ಹು ಸು ಕರ‍್ಯಾವಾಚಿ, ಮಿ ಕದಲ ವಾತೊನಾ ಪ್ರಕಾರ ಚಾ಼ಲು ಕೈನ ಕ್ಹುದಾನಾ ಕ್ಹಾಮಾ, ಕ್ರಿಸ್ತ ಯೆಸುನಾ ಕ್ಹಾಮೊ, ಇನಿಲಿದಲ ದೆವದುತೊನಾ ಕ್ಹಾಮಾ ಕ್ಹರಿ ಕವಸ.

1 ತಿಮೊತಿ 5:21 Iomraidhean Croise

ಮತ್ತಾಯ 16:27

ಮನಕ್ಹನೊ ದಿಕ್ರೊ ತಿನಾ ಬಾನಿ ಮಹಿಮಾನಾ ಕ್ಹಾತೆ ತಿನಾ ದುತೊನಾ ಕ್ಹಾತೆ ಆವಸ. ತೆಳಾಮಾ ತೆ ಯಕೆಕ್ಲಾವೊನೆ ತೆ ಕರಲ ಕಾಮ ನಿಂಗತ ಪ್ರತಿ ಫಲ ದಿವಸ.

ಮತ್ತಾಯ 25:41

ಪಾಚಾ಼ತೊ ಡಾವಾಬಗಲ ರ‍್ಹಯಲವಾಲಾವೊನೆ, ಶ್ರಾಪ ಹೊಂದಲವಾಲಾ ಮನೆ ಛೊಡಿನ ಪಿಶಾಚಿನೆ ತಿನಾ ದುತೊನೆ ತಯ್ಯಾರ ಕರಲ ಹಮೆಶಾನಿ ಆಗ್ಮಾ ಜಾ಼ವೊ.

ಮತ್ತಾಯ 28:20

ಮಿ ತುಮೊನೆ ಆಗನ್ಯಾ ದಿದ್ಯಲ ಕ್ಹಾರಾವೊನೆ ವಿದೆಲ ಥಾಯೆಲಿಂಗತ ಮನಕ್ಹೊನೆ ಉಪದೆಶ ಕರೊ, ಜಗತ್ತನು ಅಂತ್ಯ ಥಯೆಲಕ್ಕಾ ಹಮೆಶಾಬಿ ಮಿ ತುಮಾರಾ ಕ್ಹಾತೆ ರ‍್ಹೌಸ” ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 20:21

ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಶಿಕಲೈನ ಮೊಕ್ಕಲಲ ಮನಕ್ಹೊ ಯೆಸುನೆ ಉಪದೆಶ ಕರಾಲಾ ಗುರು ತು ಕ್ಹರಿನೊಜ಼ ವ್ಹೈ ತು ಮ್ಹೊಡು ದೆಕಿನ ಬೊಲಾಲೊ ನ್ಹವೈ ತು ಕ್ಹುದಾನಿ ಕ್ಹರಿನಿ ವಾಟಮಾ ಚ಼ಲಾವಾಲೊ ವ್ಹೈ!

ಲುಕ ಬರ್ದಲ ಸುವಾರ್ತಾ 9:26

ಕಯೊಬಿ ಮಕ್ಹು ವರಿ ಮಾರಿಯೊ ವಾತೊಕ್ಹು ಸರಮಾವಸ ಮಿ ಮಹಿಮಾನಾ ಕ್ಹಾತೆ ಬಾ ನಿ ಮಹಿಮಾನಾ ಕ್ಹಾತೆ ವರಿ ಸ್ವರಗನಾ ಪರಿಶುದ್ಧ ದುತೊನಾ ಮಹಿಮಾನಾ ಕ್ಹಾತೆ ಆತಾಮಾ ತಿನೆ ದೆಕಿನ ಮಿ ಸರಮಾವುಸ.

2 ಕೊರಿಂಥ 5:16

ಇಮ್ಮ ರ‍್ಹಯಲಹುತಿ ದುನಿಯಾ ಮನಕ್ಹೊನಾಹುತಿ ವಿಚಾರ ಕರಾನು ಆಜತಾ ಅಪೆ ಕಿನಾಜ ಹುತಿ ವಿಚಾರ ಕರ್ತಾ ನೈ. ದುನಿಯಾ ವಿಚಾರ ಕರಲಿಂಗತ ಪಾಚ಼ಲ್ಯಾ ಕಾಲಮಾ ಹಮೆ ಕ್ರಿಸ್ತನಾ ಹುತಿ ವಿಚಾರ ಕರ್xಯಾತಾ. ಹಮ್ನಾ ತಿಮ ಹಮೆ ವಿಚಾರ ಕರ್ತಾ ನೈ.

1 ಥೆಸಲೊನಿಕ 5:27

ಎ ಪತ್ರ ಭಾಯೊ ಭೆನೊನೆ ಒದಿನ ತಿಳ್ಸೊ ಕೈನ ಮಿ ತುಮೊನೆ ಪ್ರಭುನಿ ಅದಿಕಾರಕ್ಹು ಮಾಂಗಿಲಿವಾಡೊಸ.

1 ತಿಮೊತಿ 6:13

ಪೊಂತ್ಯ ಪಿಲಾತನನಾ ಕ್ಹಾಮೊ ಸಾಕ್ಷಿ ದಿದಲ ಕ್ರಿಸ್ತ ಯೆಸುನಾ ಸನ್ನಿಧಾನಮಾಬಿ ಕ್ಹಾರಿ ಸೃಷ್ಟಿನೆ ಜ಼ಲಮ ದಿದಲವಾಲಾ ಕ್ಹುದಾನಿ ಸನ್ನಿಧಿಮಾಬಿ ಮಿ ತುನೆ ಕವಾನು ಸುವೈ ಕದ್ಯಾಮ,

2 ತಿಮೊತಿ 2:14

ಮನಕ್ಹೊನೆ ಎ ಸಂಗತಿಯೊ ತಿಳಸ್ತೊ ರ‍್ಹೆ. ವಾತೊನಾಹುತಿ ವಾದ ಕರು ನೈ ಕೈನ ತ್ಯುನೊನೆ ಕ್ಹುದಾನಿ ಸನ್ನಿದಾನಮಾ ಹುಶಾರ ಕರ. ವಾದ-ವಿವಾದಕ್ಹು ಕಿನೆಜ಼ ಚೊ಼ಕು ನೈ ಥಾತು. ವಾದ-ವಿವಾದ ಐಕಾಲಾ ಮನಕ್ಹೊ ನಾಶ ಥಾವಸ.

2 ತಿಮೊತಿ 4:1

ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.

2 ಪೆತ್ರಾ 2:4

ದೆವದುತೊ ಪಾಪೊ ಕರತಾಮಾ, ತ್ಯುನೊನೆ ಶಿಕ್ಷಾದಿದ್ಯಾವಾಚಿ಼ ಛೊಡ್ಯೊನೈ. ತೆ ತ್ಯುನೊನೆ ಬೆಡಿಯೊ ಭಾಂದಿನ ನರಕ್ಕಮಾ ಢಕ್ಕಲ್ಯೊ. ಅಂದಾರು ರ‍್ಹಯಲ ಖಾಡಿಮಾ ಘಾಲ್ಯೊ. ತ್ಯುನೊನೆ ಫೈಸಲೊ ಥಾಯೆಲಕ್ಕಾ ತ್ಯಾಜ಼ ರ‍್ಹವಸ.

ಯುದ ಬರ್ದಲ ಪತ್ರ 1:6

ದೆವದುತೊ ಅದಿಕಾರ ವ್ಹಂದ್ಯಾತಬಿ ತೆ ವಚಾ಼ಡಿಲಿದ್ಯಾವಾಚಿ ಸ್ವಂತ ರ‍್ಹಯಲ ಜ಼ಗಾ ‍ಚೊಡಿನ ಗಯಲ ಶೆ ಕರೊ. ತಿನಾಹುತಿ ಪ್ರಭು ತೆ ದೆವದೊತೊನೆ ಅಂದಕಾರಮಾ ಮ್ಹೆಲ್ಯೊ. ತ್ಯುನೊನೆ ಹಮೆಶಾಬಿ ಬೆಡಿಯೊಮಾ ಭಾಂದಿನ ಮ್ಹೆಲ್ಯೊ.ಮ್ಹೊಟಾ ದಿನ್ನ ದಿನ್ನೆ ತ್ಯೊನೊನೆ ಫಸ್ಒ ಥಾವಾನಾ ಹುತಿ ತ್ಯಾ ಮ್ಹೆಲ್ಯೊ.

ಪ್ರಕಟನೆ 14:10

ತೆ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿವಸ. ಕ್ಹುದಾನಿ ಶಿಟ್ಟ ಕವಾನಾ ಕುಂಡಾಮಾ ಎ ದ್ರಾಕ್ಷಿಯೊನು ರಕ್ಹ ತಿನಿ ಪುರಾ ತಾಕತಕ್ಹು ತಯ್ಯಾರ ಕರ‍್ಯಾಸ. ತಿನೆ ಪರಿಶುದ್ಧ ರ‍್ಹಯಲ ಕ್ಹುದಾನಾ ದುತೊನಾ ವರಿ ಬಕ್ರಾನು ಬಚ್ಚು಼ ರ‍್ಹಯಲವಾಲಾನಾ ಕ್ಹಾಮಾ ಆಗನಾ ಲಾಲ ಕೆಂಡಾವೊಕ್ಹು ತ್ರಾಸ ದಿವಸ.