1 ತಿಮೊತಿ 4:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಕಾಕದ್ಯಾಮ ಕ್ಹುದಾನಿ ವಾಕ್ಯಾಕ್ಹು ವರಿ ಪ್ರಾಥನಾ ಕ್ಹು ತೆ ಅನ್ನ ಪವಿತ್ರ ಥಾವಸ.

1 ತಿಮೊತಿ 4:5 Iomraidhean Croise

ಲುಕ ಬರ್ದಲ ಸುವಾರ್ತಾ 11:41

ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ.

ಲುಕ ಬರ್ದಲ ಸುವಾರ್ತಾ 4:4

ತೆ ವಾತೆ ಯೆಸು, ಸೈತಾನನೆ "ಮನಕ್ಹ ರೊಕ್ಲೊ ಖಾದ್ಯಾಮಜ಼ ವಾಚ್ತೊ಼ ನೈ. (ಧರಮೊಪದೆಶ ಕಾಂಡ 8:3) ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ "ಕೈನ ಕದ್ಯೊ.

1 ಕೊರಿಂಥ 7:14

ಕಾಕದ್ಯಾಮ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲಲ ಮಾಟಿ ತಿನಾ ಬೈಕೊಕ್ಹು ಕ್ಹುದಾನಾ ಮನಕ್ಹೊಮಾ ಸಂಬಂದ ಪಡಲವಾಲೊ ಥಯೊ. ತಿನಾನಿಂಗತಜ಼ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲಲ ಬೈಕೊ ತಿನಾ ಮಾಟಿಕ್ಹು ಕ್ಹುದಾನಾ ಮನಕ್ಹೊಮಾ ಸಂಬಂದ ಪಡಲವಾಲಿ ಥೈ. ತಿಮ್ಮ ನೈ ರ‍್ಹಯಾಮ ತಿನಾ ಬಚ್ಚಾ ಅಪವಿತ್ರ ಥಾತಾತಾ. ಹಮ್ನಾ ತುಬಿ ತ್ಯುನೆ ಕ್ಹುದಾನಾ ಮನಕ್ಹೊಮಾ ಮಳಲವಾಲಾ ಥಯಾಸ.

1 ತಿಮೊತಿ 4:3

ತೆವಾ ಮನಕ್ಹೊ ಹಿವಾ ಕರಲ್ಯುನೈ ಕೈನ ವರಿ ದಕ್ಹು ಅನಾಜ಼ ಖೌನೈ ಕೈನ ತ್ಯುನೆ ಕವಸ. ತೆನೈಸೊ ಬರೊಕ್ಹೊ ರ‍್ಹಯಲವಾಲಾ ವರಿ ಕ್ಹರಿ ತಿಳದಿಲಿದಲವಾಲಾ ಸ್ತುತಿ ಕರಿನ ತೆ ಅನಾಜ಼ ಖಾವಾದೆ ಕಾಕದ್ಯಾಮ ತೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ.

ತಿತನೆ 1:15

ಪರಿಶುದ್ಧ ಥಯಲ ಮನಕ್ಹೊ ತ್ಯುನಾ ಕ್ಹಾರಾಜ಼ ಮನಕ್ಹೊ ಪರಿಶುದ್ಧ ಥಯಲ ರ‍್ಹವಸ. ತೆನೈಸೊ ಪಾಪಮಾಜ಼ ಭರಿಗಯಲ ವರಿ ಬರೊಕ್ಹೊ ನೈಸೊ ವಾಲಾ ಮನಕ್ಹೊ ತ್ಯುನೊಮಾ ಕಯುಜ಼ ಪರಿಶುದ್ಧ ರ‍್ಹತು ನೈ, ತ್ಯುನಿಯೊ ವಿಚಾರೊ ವರಿ ತ್ಯುನು ಮನಸ್ಸಬಿ ಪರಿಶುಧ್ದ ರ‍್ಹತು ನೈ.

ಇಬ್ರಿಯ 11:3

ಕ್ಹುದಾ ಕ್ಹಾಲಿ ತಿನಿಯೊ ವಾತಕ್ಹು ದುನಿಯಾ ತಯ್ಯಾರ ಕರ‍್ಯೊಸ ಕೈನ ತಿಳದಿಲಿವಾನೆ ಬರೊಕ್ಹೊಜ಼ ಅಪ್ನೊನೆ ಆಸರೊ ಕರಸ. ಕಿಮ್ಮ ಕದ್ಯಾಮ ಅಪ್ನಾ ಡೊಳೆ ದಿಕ್ಹಾನಾ ಸಾಮನಕ್ಹು ದುನಿಯಾ ತಯ್ಯಾರ ಥೈ ನೈ.