1 ತಿಮೊತಿ 4:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ತೆವಾ ಮನಕ್ಹೊ ಹಿವಾ ಕರಲ್ಯುನೈ ಕೈನ ವರಿ ದಕ್ಹು ಅನಾಜ಼ ಖೌನೈ ಕೈನ ತ್ಯುನೆ ಕವಸ. ತೆನೈಸೊ ಬರೊಕ್ಹೊ ರ‍್ಹಯಲವಾಲಾ ವರಿ ಕ್ಹರಿ ತಿಳದಿಲಿದಲವಾಲಾ ಸ್ತುತಿ ಕರಿನ ತೆ ಅನಾಜ಼ ಖಾವಾದೆ ಕಾಕದ್ಯಾಮ ತೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ.

1 ತಿಮೊತಿ 4:3 Iomraidhean Croise

ಮತ್ತಾಯ 14:19

ತೆಳಾಮಾ ತೆ ಮನಕ್ಹೊನಾ ಗುಂಪನೆ ಚಾ಼ರಾಪರ ಬೈಟೊ ಕೈನ ತೆ ಪಾಂಚ಼ ರೊಕಲಾ ಬೆ ಮಚ್ಲಿಯೊ ಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕಲಾ ಭಾಗಿನ ಶಿಷ್ಯಾವೊಕನ ದಿದ್ಯೊ. ತ್ಯುನೆ ಮನಕ್ಹೊನೆ ವಾಟ್ಯಾ.

ಮತ್ತಾಯ 15:11

ಮ್ಹೊಡಾಮಾ ಜಾ಼ವಾನು ಮನಕ್ಹನೆ ಅಶುದ್ದ ನೈ ಕರ‍್ತು, ಮ್ಹೊಡಾತು ಭಾರಾ ಆವಾನಾ ವಾತೊಜ಼ ಮನಕ್ಹನೆ ಅಶುದ್ದ ಕರಸ ಕೈನ ಕದ್ಯೊ.

ಮತ್ತಾಯ 15:36

ತೆ ಕ್ಹಾತ ರೊಕ್ಲಾ ವರಿ ಮಚ್ಲಿ಼ಯೊ ಲಿನ ಕ್ಹುದಾನೆ ಸ್ತೊತ್ರ ಕರಿನ ತೆ ರೊಕ್ಲಾ ಭಾಗಿನ ಶಿಷ್ಯಾವೊನೆ ದಿದ್ಯೊ. ತೆ ಶಿಷ್ಯಾ ಮನಕ್ಹೊನೆ ವಾಟ್ಯಾ.

ಲುಕ ಬರ್ದಲ ಸುವಾರ್ತಾ 24:30

ಯೆಸು ತಿವ್ನಾ ಕ್ಹಾತೆ ರೊಕ್ಲೊ ಖಾವಾನೆ ಬೈಟ್ಯೊ. ತೆ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತ್ಯುನೊನೆ ದಿದ್ಯೊ.

ಯೊಹಾನ 6:23

ತೆಳಾಮಾ ಬಿಜಿಯೊ ಹಡಗಾ ತಿಬೆರಿಯಸ ಸಮುಂದರಮಾತಾ ಕರ್ತಾನೆ ಸ್ತೊತ್ರಾ ಕದಲ್ಪರ ದಿದಲ ರೊಕ್ಲಾ ಮನಕ್ಹೊನು ಗುಂಪ ಖಾದಲ ಜ಼ಗಾನಾ ನಜಿಕ ದಂಡಿಯೆ ಐನ ಮುಟ್ಯಾ.

ಅಪೊಸ್ತಲೊ 27:35

ಅಮ್ಮ ಕೈನ ಪೌಲಾ ರೊಕ್ಲೊ ಲಿನ ಕ್ಹಾರಾವೊನಾ ಕ್ಹಾಮೊ ಕ್ಹುದಾನೆ ಸ್ತೊತ್ರ ಕರಿನ ತೆ ತೊಡಿನ ಕ್ಹಾವಾನು ಶುರು ಕರ‍್ಯೊ.

ರೊಮಾಪೂರ 14:17

ತೆ ನೈಸು ಕ್ಹುದಾನಿ ರಾಜ್ಯಮಾ ಖಾವಾನು ರ‍್ಹೈನೆಕಾ ಪಿವಾನು ರ‍್ಹೈನೆಕಾ ಖಾಸ ನ್ಹವೈ. ನಿತಿ ಸಮಾಧಾನ ಪವಿತ್ರ ಆತ್ಮಾನು ಥಾವಾನಿ ಖುಶಿ ತ್ಯಾ ಖಾಸ ವ್ಹೈ.

ರೊಮಾಪೂರ 14:3

ಕೈ ತರಾನು ಅನ್ನ ಖೌ ಕೈನ ಬರೊಕ್ಹೊ ಕರಾನೊ ಮನಕ್ಹ ತರಕಾರಿ ಯಕ್ಕಜ಼ ಖಾವಾಲಾ ಮನಕ್ಹನೊ ಫೈಸಲೊ ಕರು ನೈ. ತಿನಾಲಿಂಗತಜ಼ ತರಕಾರಿಯೊ ಯಕ್ಕಜ಼ ಖಾವಾಲೊ ಮನಕ್ಹ ಕ್ಹಾರು ತರಾನು ಅನ್ನ ಖಾವಾಲೊ ಮನಕ್ಹನೆ ತಪ್ಪ ಕರ‍್ಯೊಸ ಕೈನ ಫೈಸಲೊ ಕರು ನೈ. ಕ್ಹುದಾ ತೆ ಮನಕ್ಹನೆ ವಪ್ಪಿಲಿದ್ಯೊಸ.

ರೊಮಾಪೂರ 14:6

ಕಯೊ ಮನಕ್ಹ ಬಿಜಾ಼ ದಿನ್ನೊತಿ ಯಕ್ಕ ದಿನ್ನ ಖಾಸ ವ್ಹೈ ಕೈನ ವಿಚಾರ ಕರಾಲೊ ಮನಕ್ಹ ಪ್ರಭುನೆ ಸನ್ಮಾನ ದಿವಾನಾ ಹುತಿ ಕರಾಲೊ ಥಯೊಸ. ತಿನಾ ಲಿಂಗತಜ಼ ಕ್ಹಾರಿ ತರಾಕ್ಹು ಅನ್ನ ಖಾವಾಲೊ ಮನಕ್ಹ ಪ್ರಭುನೆ ಸನ್ಮಾನ ದಿವಾನೆ ತೆ ಕ್ಹಾರು ಖಾವಸ. ಹೊ, ತೆ ತೆ ಅನ್ನನಾ ಹುತಿ ಕ್ಹುದಾನೆ ಸ್ತುತಿ ಕರಸ. ವರಿ ಕುನ ತರಕಾರಿಯೊ ಖಾವಸ ತೆಬಿ ಪ್ರಭುನೆ ಸನ್ಮಾನ ದಿನಾನೆಜ಼ ತಿಮ್ಮ ಕರಸ. ತೆಬಿ ಕ್ಹುದಾನೆ ಸ್ತುತಿ ಕರಾಲೊ ಥಯೊಸ.

1 ಕೊರಿಂಥ 6:13

ಅನ್ನ ಪೆಟನಾ ಹುತಿ ವ್ಹೈ, ಪೆಟ ಅನ್ನನಾ ಹುತಿ ವ್ಹೈ" ಕವಾನು ಛೆ. ಕ್ಹುದಾ ಭಂಬಿಬಿ ಹಾಳ ಕರಸ. ತೆನೈಸೊ ಅಂಗ ರ‍್ಹವಾನು ಲೈಂಗಿಕ ಕಾಮೊ ಕರಾನಾಹುತಿ ನ್ಹವೈ; ಪ್ರಭುನಿ ಸೆವಾನಾ ಹುತಿ ವ್ಹೈ. ಪ್ರಭುಜ಼ ಅಂಗನೆ ಚ಼ಲಾಡಾಲೊ ವ್ಹೈ.

1 ಕೊರಿಂಥ 7:28

ತಿಮ್ಮ ಸುತಬಿ ತು ಹಿವಾ ಕರಿಲಿದ್ಯೊಮ ತೆ ಪಾಪ ನ್ಹವೈ. ತಿನಾ ಲಿಂಗತಜ಼, ಹಿವಾ ನೈ ಕರಿಲಿದಲ ಯಕ್ಕ ಬಾಕ್ಡಿ ಹಿವಾ ಕರಿಲಿದಿಮ ತೆ ಪಾಪ ನ್ಹವೈ. ತೆನೈಸೊ ಹಿವಾ ಕರಿಲಿದಲ ವಾಲಾವೊನೆ ತ್ರಾಸೊ ಘನ್ನಾ ವ್ಹೈ. ತೆ ಕ್ಹಾರು ತುಮೊನೆ ತ್ರಾಸ ಕರು ನೈ ಕವಾನುಜ಼ ಮಾರು ಆಸ ವ್ಹೈ.

1 ಕೊರಿಂಥ 8:8

ಅಪೆ ಖಾವಾನು ಅನ್ನ ಅಪೊನೆ ಕ್ಹುದಾನೆ ನೈ ಮಳಾಸಕತು. ತೆ ನೈ ಖಾವಾಕ್ಹು ಅಪೊನೆ ನಷ್ಟ ಸು ನತ್ತಿ. ಖಾವಾಕ್ಹು ಕಯು ಫೈದೊ ನತ್ತಿ.

ಕೊಲೆಸ್ಸೆ 2:16

ತಿನಾಹುತಿ ಕ್ಹಾವಾಪಿವಾನಾ ಹುತಿ ರ್‍ಹೈನಕಾ ಸನ್ನ್ ಅಮಾಸ ವರಿ ಸಬ್ಬತ ದಿನ್ನನಾ ಹುತಿ ತುಮೆ ತಪ್ಪ ಕರಾಲಾ ವ್ಹೈ ಕೈನ ಕುನ್ನಜ ಫೈಸಲೊ ಕರ‍್ಯಾವಾಚಿ ರ‍್ಹವಾದೆ.

ಕೊಲೆಸ್ಸೆ 3:17

ತುಮೆ ತುಮಾರಾ ವಾತೊಖು ರ‍್ಹವಾದೆ,ತುಮಾರಾ ಚಾಳಿಯೊಖು ಸು ಕರಿತೊಬಿ ತೆ ಕ್ಹಾರು ಅಪ್ನೊ ಕರ್ತಾ ಥಯಲ ಯೆಸುನಾ ನಾಮಪರ ಕರೊ ವರಿ ಅಪ್ನೊ ಬಾ ಥಯಲ ಕ್ಹುದಾನೆ ಕ್ರಿಸ್ತನಾ ಮುಲಕ ಸ್ತುತಿ ಕರೊ.

1 ತಿಮೊತಿ 2:4

ಕ್ಹಾರಾ ಮನಕ್ಹೊನೆ ರಕ್ಷಣೆ ಮಳಾದೆ ಕೈನ, ಕ್ಹರಿ ವಳಕಾದೆ ಕೈನ ತಿನಿ ಆಸ ವ್ಹೈ.

1 ತಿಮೊತಿ 4:4

ಕಾ ಕದ್ಯಾಮ ಕ್ಹುದಾ ತೆ ತಯ್ಯಾರ ಕರಲ ಹರಿ ಯಕ್ಕ ಚೊ಼ಕು ರ‍್ಹವಸ ತಿನೆ ಸ್ತುತಿ ಕರಿನ ಲಿವಾನು ಸುಬಿ ರ‍್ಹೈನೆಕಾ ತಿರಸ್ಕಾರ ಕರುನೈ.

1 ತಿಮೊತಿ 5:14

ತಿನಾಹುತಿ ಜಾಂಜಿಮಾನ ಮಾಟಿ ಮರಲವಾಲಿಯೊ ಹಿವಾ ಕರಲಿನ ಬಚ್ಚಾ಼ ಜ಼ನ್ನಾದೆ ವರಿ ತ್ಯುನಾ ಘರೊ ದೆಕಿಲಿವಾದೆ. ತೆಳಾಮಾ ತ್ಯುನೊನೆ ಕೆಟ್ಟವಾತೊ ಕುನ್ನಜ಼ ಬೊಲತು ನೈ.

ಇಬ್ರಿಯ 13:4

ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ.

ಇಬ್ರಿಯ 13:9

ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ.