1 ತಿಮೊತಿ 4:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ತಿನಾಹುತಿ ಅಗಲ್ಯಾ ದಿನೊಮಾ ದಕ್ಹಾ ಮನಕ್ಹೊ ಮೊಸ ಕರಾನು ಆತ್ಮನಾ ವಾತೊಪರ, ಸೈತಾನನಾ ವಾತೊಪರ ಬರೊಕ್ಹೊ ಕರಿನ ಸುಳ್ಳನಾ ಆತ್ಮನಾ ಆಜ್ಞಾ ಐಕಿನ ಪಾಲ್ಸಸ,ವರಿ ಸೈತಾನನಾ ಶಿಕ್ಷಣ ನಿಂಗತ ಚಾಲಸ.

1 ತಿಮೊತಿ 4:1 Iomraidhean Croise

ಮತ್ತಾಯ 18:7

ಮನಕ್ಹೊನೆ ಪಾಪನೆ ಚಲಾವಾನೂ ಸಂಗತಿಯೊನಾ ಹುತಿ ಮಿ ಆ ಲೊಕನಾ ವಿಷಯಮಾ ದುಖ ಪಡ್ದುಸ. ತೆ ಕೆಳಾಮಾಬಿ ರ‍್ಹವಸ.ತೆನೈಸೊ ತಿನೆ ಕಾರಣ ಥಾವಾನೂ ಮನಕ್ಹನೆ ಘನ್ನು ತ್ರಾಸ ಥಾವಸ.

ಲುಕ ಬರ್ದಲ ಸುವಾರ್ತಾ 17:1

ಯೆಸು ತಿನಾ ಶಿಷ್ಯಾವೊನೆ"ಮನಕ್ಹೊನೆ ಪಾಪಮಾ ಚ಼ಲಾವಾನಿಯೊ ಸಂಗತಿಯೊ ಖರಿಮಾಜ ಆವಸ. ವರಿ ತೆ ಕಿಕ್ಹು ಆವಸ ತೆ ಮನಕ್ಹನಿ ಗತಿ ಮಿ ಸು ಕೌ!

ಯೊಹಾನ 16:13

ವರಿ ತೆ ಸತ್ಯನಿ ಆತ್ಮಾ ಆತಾಮಾ, ತುಮೊನೆ ತೆ ಹರಿ ಯಕ್ಕ ಟೈಮ್ಮಾ ಕ್ಹರಿಕ್ಹು ಅಗೊ ಚ಼ಲಾವಸ. ಸತ್ಯನಿ ಆತ್ಮಾ ಬೊಲಾನು ತಿನು ನ್ಹವೈ. ತೆ ಐಕಲಜ ತೆ ಕವಸ. ಥಾವಾನಿಯೊ ಸಂಗತಿಯೊಜ ತುಮೊನೆ ಕವಸ.

ಅಪೊಸ್ತಲೊ 13:2

ಇವ್ನೆ ಕ್ಹಾರಾ ಪ್ರಭುನಿ ಸೆವೆ ಕರಾಡಾತಾ ವರಿ ಉಪಾಸ ಕರಾಡಾತಾ. ಪವಿತ್ರ ಆತ್ಮಾ ತ್ಯುನೊನೆ"ಮಿ ಖಾಸ ರ‍್ಹಯಲ ಕಾಮೊನಾ ಹುತಿ ಬಾರ್ನಬ ವರಿ ಸೌಲಾನೆ ಇನಿಲಿದ್ಯೊ. ತೆ ಕಾಮೊನಾ ಹುತಿ ತ್ಯುನೊನೆ ಪ್ರೊತ್ಸಾಹ ಕರೊ "ಕೈನ ಕದ್ಯೊ.

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 20:23

ತುನೆ ಜೆಲಮಾ ಬೆಡಿಯೊ ವರಿ ತ್ರಾಸೊ ಕೈದಾಡ್ಯಾಸ. ಕೈನ ಪವಿತ್ರ ಆತ್ಮಾ ಹರಯಕ್ಕ ಗಾಮೊಮಾ ಮನೆ ಎಚ್ಚರಿಕೆ ದಿದ್ಯೊಸ ಕವಾನು ಮಿ ವಳಕ್ಯೊಸ.

ಅಪೊಸ್ತಲೊ 21:11

ತೆ ಹಮನೊ ಕನ ಐನ ಪೌಲಾನೊ ಕಂಬರ ಪಟ್ಟೊ ಕಾಡಿನ ತಿನಾ ಹತೊಪಗೊ ಭಾಂದಿನ ತೆ ಕಂಬರಪಟ್ಟೊ ಕಿನೊವೈ ತಿನೆ ತೆಜ಼ ರಿತಿಮಾ ಯೆರುಸಲೆಮಾ ಯೆಹುದಿಯೊ ನೈಸೊ ಮನಕ್ಹೊಕನಾ ಹತ್ತಮಾ ಒಪಸಿನ ದಿವಾನು ಕೈನ ಪವಿತ್ರಾತ್ಮ ಕವಾಡೊಸ ಕೈನ ಕದ್ಯೊ.

ಅಪೊಸ್ತಲೊ 28:25

ತ್ಯುನೆ ವಾದ ಕರಿನ ತ್ಯಾಂತಾ ಜ಼ಾವಾನೆ ತಯಾರ ಥಯಲ ಟೈಮಮಾ ಪೈಲಾ ತ್ಯುನೊನೆ ಅಮ್ಮ ಕದ್ಯೊ; ಪವಿತ್ರಾತ್ಮಾ ಪ್ರವಾದಿ ಥಯಲ ಯೆಶಾಯನಾ ಮ್ಹೊಡಾಕ್ಹು

1 ಕೊರಿಂಥ 10:20

ಮಿ ಕವಾನು ಸು ವ್ಹೈ ಕದ್ಯಾಮ; ಬಿಜಾ಼ ಮನಕ್ಹೊ ಬಲಿ ಭುತ್ಡಾವೊನೆ ಚ಼ಡಾವಸ ತೆನೈಸೊ ಕ್ಹುದಾನೆ ನ್ಹವೈ. ಇಮ್ಮ ತುಮೆ ಭುತ್ಡಾವೊನಾ ಕ್ಹಾತೆ ಪಾಲ ಲಿವಾನು ಮಿ ಕೆಳಾಮಾಜ಼ ಪಸಂದ ನೈ ಕರ‍್ತೊ.

1 ಕೊರಿಂಥ 11:19

ತುಮೊಮಾ ಭೆದ ಭಾವ ರ‍್ಹವಾನು ಸಹಜ ಛೆ. ತಿಮ್ಮ ರ‍್ಹವಾ ಹುತಿಜ಼ ಪ್ರಾಮಾಣಿಕ ಕುನ್ ವ್ಹೈ ಕೈನ ಗ್ವತ್ತ ಕರಾನೆ ಸಾಧ್ಯ ಛೆ.

1 ಕೊರಿಂಥ 12:11

ಎ ವರಾ ಕ್ಹಾರಾ ತೆ ಪವಿತ್ರ ಆತ್ಮಾ ಯಕ್ಕಜ಼ ತಿನಿ ಪಸಂದ ಲಿಂಗತ ಹರ ಯಕ್ಲಾನೆ ವಾಟಸ.

1 ಕೊರಿಂಥ 2:10

ತೆನೈಸೊ ಕ್ಹುದಾ ತಿನಿ ಪವಿತ್ರ ಆತ್ಮಾನಾ ಮುಲಕ ಅಪೊನೆ ಎ ಸಂಗತಿಯೊ ದೆಕಾಡ್ಯೊ. ಪವಿತ್ರ ಆತ್ಮಾ ಕ್ಹಾರುಜ಼ ಕ್ಹುದಾನಿ ಮ್ಹೊಟಿ ರಹಸ್ಯ ತಿಳದ್ಯೊಸ.

2 ಕೊರಿಂಥ 11:3

ಕುಯುಕ್ತಿ ಕ್ಹ ಕುಯುಕ್ತಿ ಕ್ಹ ಮೊಸ ಲಿಂಗತ ತಾರ ಹವ್ವ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.

ಕೊಲೆಸ್ಸೆ 2:18

ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.

2 ತಿಮೊತಿ 3:13

ಕೆಟ್ಟ ಮನಕ್ಹೊ ವರಿ ಸುಳ್ಳ ಬೊಧಕೊ ಬಿಜಾ಼ವೊನೆ ಮೊಸ ಕರತಾ ತ್ಯುನೊನೆಬಿ ಮೊಸ ಕರ‍್ಲೆತಾ ದಿನ್ನತಾ ದಿನ್ನೆ ಕಿಳಮಟ್ಟೆ ಉತರತಾ ಜಾ಼ವಸ.

2 ತಿಮೊತಿ 4:4

ಮನಕ್ಹೊ ಕ್ಹರಿನೆ ಧ್ಯಾನ ದಿದ್ಯಾವಾಚಿ ಸುಳ್ಳ ಕಾನಿಯೊ ಘೊರ ಕರಿನ ಐಕಸ.

ಯಾಕೊಬ 3:15

ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ.

1 ಪೆತ್ರಾ 1:20

ಎ ಜಗತ್ತ ರಡಿ ಥಾವಾತಿ ಅಗ್ದುರಜ಼ ಯೆಸು ಇನೈಲಿದ್ಯೊ. ತೆನೈಸೊ ಎ ಜಗತ ಅಂತೆ ಥಾವಾನಾ ಟೈಮ್ಮಾ ತುಮೊನೆ ದಿಕ್ಹ್ಯೊಯೊ.

2 ಪೆತ್ರಾ 2:1

ಪೈಲಾನಾ ಕಾಲ್ಮಾ, ಕ್ಹುದಾನಾ ಮನಕ್ಹೊಮಾ ಸುಳ್ಳ ಪ್ರಾದಿಯೊ ವ್ಹತ್ತಾ. ಹಮ್ನಾಬಿ ಛೆ ತುಮೊಮಾ ದಕ್ಹಾ ಸುಳ್ಳ ಪ್ರವಾದಿಯೊ ಛೆ. ಮನಕ್ಹೊನೆ ಹಾಳಮಾ ಚ಼ಲಾವಾನು ಸುಳ್ಳ ಭೊದನೆ ತ್ಯುನೆ ಕವಸ. ತ್ಯುನೆ ಸುಳ್ಳ ಭೊದನೆ ಕರಾಲಾ ನ್ಹವೈ ಕೈನ ತುಮೊನೆ ತೀಳದ್ಯಾವಾಚಿ ತ್ಯುನೆ ಭೊದನೆ ಕವಸ. ತ್ಯುನೆ, ತ್ಯುನೊನೆ ಬಿಡುಗಡೆ ಲೈನ ದಿದಲ ವಾಲಾನೆಜ಼ (ಯೆಸುನೆ) ನೈ ವಪ್ಪಿಲೆತಾ. ತಿನಾಹುತಿ ತ್ಯುನಾಕ್ಹು ತ್ಯುನೆಜ಼ ಹಾಳ ಕರಲಿವಸ.

2 ಪೆತ್ರಾ 3:3

ಲಾಸ್ಟನಾ ದಿನೊಮಾ ಸು ಥಾವಸ ಕವಾನು ತುಮೆ ತಿಳ್ದಿಲಿವಾನು ಘನ್ನು ಜ಼ರುರತ ಛೆ. ಮನಕ್ಹೊ ತುಮೊನೆ ದೆಕಿನ ಹಿನಾವಸ್. ತ್ಯುನೆ ತ್ಯುನಾ ಮನಸೆ ಆಯಲತಿಮ್ಮ ಕೆಟ್ಟ ಕಾಮೊ ಕರತಾ ಜಿವ್ನಾ ಕರತಾ ರ‍್ಹವಸ.

1 ಯೊಹಾನ 2:18

ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 4:6

ಹಮೆತೊ ಕ್ಹುದಾಕುತ ಆಯಲ ವ್ಹೈ. ತಿನಾಹುತಿ ಕ್ಹುದಾನೆ ವಳಕಲವಾಲಾ ಮನಕ್ಹೊ. ಹಮೆ ಕವಾನು ಐಕಸ. ತೆನೈಸೊ ಕ್ಹುದಾಕಂತಾ ನೈ. ಅಯಲ ಮನಕ್ಹೊ ಹಮೆ ಕವಾನು ಐಕ್ತಾ ನೈ. ಕಯು ಕ್ಹರಿ ಕವಾನು ಆತ್ಮ ಕಯು ಸುಳ್ಳ ಕವಾನಿ ಆತ್ಮ ಕವಾನು ಇಮ್ಮ ಕವಸ.

ಯುದ ಬರ್ದಲ ಪತ್ರ 1:18

ಅಪೊಸ್ತಲೊ ತುಮೊನೆ, ಅಂತ್ಯಕಾಲಮಾ ಕ್ಹುದಾನಾ ಹುತಿ ಅಕ್ಹಾಲಾ ಮನಕ್ಹೊ ರ‍್ಹವಸ ಕೈನ ಕದ್ಯಾ ಎ ಮನಕ್ಹೊ ತ್ಯುನಾ ಮನಸೆ ಆಯಲ ತಿಮ್ಮಜ ವರಿ ಕ್ಹುದಾನಾ ವಿರುದ್ದ ರ‍್ಹಯಲ ಕರಾಲಾ ಥಯಾಸ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.

ಪ್ರಕಟನೆ 13:14

ಎ ಬೆವಾ ಜಾನ್ವರ ಅದ್ಭುತ ಕರಾನೆ ತಿನೆ ದಿದಲ ತಾಕತ ಕ್ಹು ಜಿಮಿನಪರ ರ‍್ಹಯಲ ಮನಕ್ಹೊನೆ ಮಳ್ಳ ಕರಸ. ಪೈಲಾನಿ ಜಾನ್ವರ ಮನಕ್ಹೊ ತಿನಿ ಸೆವೆ ಕರು ಕೈನ ಮ್ಹೊಟು ಅದ್ಭುತ ಕರಸ. ತಲ್ವಾರ ಕ್ಹು ದುಖ ಕರಲಿದಲ ಮರಾನಿ ಕ್ಹು ವಾಚ಼ಲ ಜಾನ್ವರನೆ ಮರ್ಯಾದಿ ದೆಕಾಡಾನಾ ಹುತಿ ಮೊರತಿಯೊ ತಯ್ಯಾರ ಕರಾನಾ ಹುತಿ ಮನಕ್ಹೊನೆ ಕದ್ಯು.

ಪ್ರಕಟನೆ 16:14

ತೆ ಕೆಟ್ಟ ಆತ್ಮಾವೊ ಸೈತಾನಿನಿಯೊ ಆತ್ಮಾವೊ ವ್ಹತ್ತಿಯೊ. ತ್ಯುನೊನೆ ಮ್ಹೊಟು ಅದ್ಭುತ ಕಾರಾನಿ ತಾಕತ ಛೆ. ಎ ಅಶುದ್ಧ ಆತ್ಮಾವೊ ಕ್ಹಾರವೊತಿ ತಾಕವರ ರ‍್ಹಯಲ ಕ್ಹುದಾನಾ ಮ್ಹೊಟಾ ದಿನ್ನಾ ದಿನೆ ಥಾವಾನು ಯುದ್ದೊನೆ ಕ್ಕಹಾರಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಮಳಾವಾನೆ ಭಾರಿಯೊ ಜಾ಼ವಸ.

ಪ್ರಕಟನೆ 18:2

"ತೆ ಹಾಳ ಥೈ! ಬಾಬಿಲೊನ ಕವಾನು ಮ್ಹೊಟು ಗಾಮ ಹಾಳ ಥಯು! ತೆ ಭುತ್ಡಾ ರ‍್ಹವಾನಿ ಜ಼ಗಾ ಥೈ ಗೈ, ಕ್ಹಾರಿ ಅಶುದ್ಧ ಆತ್ಮಾ ತ್ಯಾಜ಼ ರ‍್ಹೈ ಗೈಯೊ. ಹಸೈ ವರಿ ಅಶುದ್ಧ ರ‍್ಹಯಲ ಪಕ್ಕಷಿಯೊನೆ ಆಸ್ರೊ ಥೈ"

ಪ್ರಕಟನೆ 18:23

ದಿವ್ವೊ ತುನೆ ಕೆಳಾಮಾಜ಼ ಉಜಾಲು ದೆತೊ ನೈ. ನೌರಾ ನೌರಿನು ಅವಾಜ಼ ಕೆಳಾಮಾಜ಼ ತುಕಂತು ಐಕು ಆತು ನೈ. ತಾರಾ ವ್ಯಾಪಾರಿಯೊ ದುನಿಯಾಮಾ ಮ್ಹೊಟಾ ಮನಕ್ಹೊ ಥಯಾ. ತು ಕರಾನು ಮಾಟಾ ಮಂತ್ರಾಕ್ಹು ತಾರಾ ಕ್ಹಾರಾ ಜಾ಼ತನಾ ಮನಕ್ಹೊ ಮಳ್ಳ ಥಯಾ.

ಪ್ರಕಟನೆ 19:20

ತೆನೈಸೊ ತೆ ಜಾನ್ವರನೆ ಸುಳ್ಳ ಪ್ರವಾದಿಯೊನೆ ಧರ‍್ಯಾ. ಎಜ಼ ಸುಳ್ಳ ಪ್ರವಾದಿ ಜಾನ್ವರನಾ ಹುತಿ ಅದ್ಭುತ ಕರಲವಾಲೊ. ಎ ಸುಳ್ಳ ಪ್ರವಾದಿ ಜಾನ್ವರನಿ ವಳಕ ಘಲೈಲಿದಲವಾಲೊ ವರಿ ತಿನಾ ಮೊರತಿಯೊನೆ ಆರಾಧನಾ ಕರಲ ಮನಕ್ಹೊನೆ ಮಳ್ಳ ಕರಾನಾಹುತಿ ಎ ಅದ್ಭುತ ಕರ‍್ಯೊ. ಎ ಸುಳ್ಳ ಪ್ರವಾದಿನೆ ಜಾನ್ವರನೆ, ಆಗನಿ ಇರಮಾ ಜಿವ್ತಾವೊನೆ ನಾಕಿಪಾಡ್ಯಾ.

ಪ್ರಕಟನೆ 2:11

"ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲಾ, ಧ್ಯಾನ ದಿನ್ನ ಐಕ. ಝಿತ್ತಾಲಾನೆ ಬೆವಾ ಮರಣಕ್ಹು ಸುಜ಼ ಹಾಳ ನೈ ಥಾತು.

ಪ್ರಕಟನೆ 2:17

"ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊಜ಼ ಮನಸ ದಿನ್ನ ಐಕ ಝಿತ್ತಾಲಗಾಡಲ ಹರಿ ಯಕ್ಕ ಮನಕ್ಹನೆ ಮಿ ಝಾಕಿನ ಮ್ಹೆಲಲ ಮನ್ನ ದ್ಯುಸ ತಿನೆ ಮಿ ಧೊಳೊ ರ‍್ಹಯಲ ದಗ್ಡೊ ದ್ಯುಸ ತೆ ದಗ್ಡಾಪರ ನೌ ನಾಮ ಬರ್ದ್ಯಾಸ ಎ ನೌ ನಾಮ ಕಿನೆಜ಼಼ ಗ್ವತ್ತ ನತ್ತಿ ಎ ದಗ್ಡೊ ಮಳಲವಾಲೊ ಯಕ್ಕಜ಼ ನೌ ನಾಮ ವಳಕಿಲಿವಸ.

ಪ್ರಕಟನೆ 2:29

ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊ ಧ್ಯಾನ ದಿನ್ನ ಐಕ.

ಪ್ರಕಟನೆ 2:7

ಪವಿತ್ರ ಆತ್ಮಾ ಸಬೆನೆ ಕತೊ ರ‍್ಹಯಲ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ. ಕಯೊ ಝಿತ್ತಸ ತಿನೆ ಜ಼ಲಮ ರ‍್ಹಯಲ ಝಾಡನು ಪ್ಹಲ ತಿನೆ ಖಾವಾನು ಹಕ್ಕ ದ್ಯುಸ. ಎ ಝಾಡ ಕ್ಹುದಾನಾ ಮಳಾಮಾ ಛೆ.

ಪ್ರಕಟನೆ 20:10

ಸೈತಾನನೆ ಬಳತಿ ರ‍್ಹಯಲ ಆಗನಿ ಇರಮಾ ನಕೈ ಗಯೊ. ತ್ಯಾ ಜಾನ್ವರಬಿ ವ್ಹತ್ತಿ, ಸುಳ್ಳ ಪ್ರವಾದಿಯೊಬಿ ವ್ಹತ್ತಾ. ತ್ಯಾ ತ್ಯುನೆ ಹಮೆಶಾಬಿ ದಿನ್ನ ರಾತ ತ್ರಾಸ ಖಾವಸ.

ಪ್ರಕಟನೆ 20:8

ಸೈತಾ ಗೊಗ ವರಿ ಮಾಗೊಗ ಜಾ಼ತವಲಾವೊನೆ ಮೊಸ ಕರಾನೆ ಬೊಲೊಕ್ಕಮಾ ಗೈನ ತೆ ಮನಕ್ಹೊನೆ ಯುದ್ದಕರಾನಾ ಹುತಿ ಮಳಾವಸ. ತ್ಯುನೆ ಕ್ಹಾರಾ ಸಮುಂದರನಿ ದಂಡಿಮಾ ರ‍್ಹಯಲ ಉಸುಕ ಲಿಂಗತ ಮೊಜಾ಼ನೆ ಔ ನೈಸೊ ಯಕ್ಲಾ ರ‍್ಹವಸ.

ಪ್ರಕಟನೆ 3:13

ಪವಿತ್ರ ಆತ್ಮಾ ಸಬೆನೆ ಕವಾನು ಎ ಕ್ಹಾರಿಯೊ ಸಂಗತಿಯೊ ಐಕಾಲೊ ಧ್ಯಾನ ದಿನ್ನ ಐಕ.

ಪ್ರಕಟನೆ 3:22

ಪವಿತ್ರ ಆತ್ಮಾ ಸಬೆನೆ ಕವಾನಿಯೊ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ"

ಪ್ರಕಟನೆ 3:6

ಪವಿತ್ರಆತ್ಮಾ ಸಬೆನೆ ಕವಾನಿಯೊ ಸಂಗತಿಯೊ ಐಕಾಲೊ, ಕಳೈಲೆ.

ಪ್ರಕಟನೆ 9:20

ಎ ತ್ರಾಸೊ ಕ್ಹು ಮರ‍್ಯಾವಾಚಿ ವಾಚ಼ಲ ಮನಕ್ಹೊ ತಿವ್ನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಪ್ಹರ‍್ಯಾ ನೈ. ತಿವ್ನಾ ಸ್ವಂತ ಹತೊಕ್ಹು ತಯ್ಯಾರ ಕರಲ ಮೊರತಿಯೊನೆ ಛೊಡಿಪಾಡ್ಯಾ ನೈ. ತ್ಯುನೆ ಭುತ್ಡಾವೊನೆ ಪುಜಾ ಕರಾನು ಛೊಡ್ಯಾ ನೈ. ಕ್ಹೊನು, ರುಪ್ಪು, ತಾಂಬು, ಡಗ್ಡಾಕ್ಹು ವರಿ ಝಾಡೊಕ್ಹು ಕರಲ ನೈ. ಚಾ಼ಲಾನು ನೈದೆಕಾನುವರಿ ನೈ ಐಕಾನು ಮೊರತಿಯೊನೆ ಪುಜಾ ಕರಾನು ತ್ಯುನೆ ಛೊಡ್ಯಾ ನೈ.