1 ತಿಮೊತಿ 2:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಅಪೊಮಾ ಶಾಂತಿ ಸಮಾಧಾನ ರ‍್ಹವಾದೆ ಕೈನ ಕ್ಹುದಾನೆ ಪುರಾ ಭಕ್ತಿಕ್ಹು ಮರ್ಯಾದಿಕ್ಹು ಆರಾಧನಾ ಕರಾ ಹುತಿ ಸಾಧ್ಯ ಥಯುಮ ರಾಜಾ಼ವೊನಾಹುತಿ ಅದಿಕಾರಿಯೊನಾಹುತಿ ಕ್ಹುದಾನೆ ಧನ್ಯವಾದ ಕವೊ.

1 ತಿಮೊತಿ 2:2 Iomraidhean Croise

ಲುಕ ಬರ್ದಲ ಸುವಾರ್ತಾ 1:6

ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ.

ಲುಕ ಬರ್ದಲ ಸುವಾರ್ತಾ 2:25

ತೆ ಕಾಲಮಾ ಸಿಮೊನ ಕವಾಲೊ ಯಕ್ಲೊ ಯೆರೊಸೆಲಿಮಾ ವ್ಹತ್ತೊ. ತೆ ಚೊ಼ಕೊ ವರಿ ಕ್ಹುದಾನೊ ಭಕ್ಕತ ವ್ಹತ್ತೊ. ಎ ಇಸ್ರಾಯೆಲನಾ ಮನಕ್ಹೊನೆ ರಕ್ಷಣೆ ದಿವಾಲೊ ಆವಸ ಕೈನ ದೆಕಾಡ್ಯೊತೊ. ವರಿ ಪವಿತ್ರ ಆತ್ಮಾ ತಿನಾ ಕ್ಹಾತೆ ವ್ಹತ್ತಿ.

ಅಪೊಸ್ತಲೊ 10:22

ತೆ ಮನಕ್ಹೊ "ಕೊರ್ನೆಲಿಯ ಕವಾನಾ ಯಕ್ಕ ಶತಾದಿಪತಿ ಛೆ. ತೆ ಧಾರ್ಮಿಕ ಮನಕ್ಹ ವ್ಹೈ. ತೆ ಕ್ಹುದಾನೆ ಆರಾಧನಾ ಕರಸ. ಯೆಹುದಿ ಮನಕ್ಹೊ ಕ್ಹಾರಾ ತಿನೆ ಮರ್ಯಾದಿ ದಿವಸ. ತುನೆ ತಿನಾ ಘರೆ ಬಲಾವಾನೆ ಕರಿನ ತು ಕವಾನಿಯೊ ಸಂಗತಿಯೊ ಐಕು ಕೈನ ಕ್ಹುದಾನೊ ದುತ ಯಕ್ಲೊ ಕೊರ್ನೆಲಿಯನೆ ಕದ್ಯೊಸ "ಕೈನ ಕದ್ಯಾ.

ಅಪೊಸ್ತಲೊ 24:16

ಇನಾಹುತಿ ಕ್ಹುದಾನಾ ಕ್ಹಾಮಾ ಶುದ್ಧ ಮನಸಕ್ಹು ರ‍್ಹವಾನೆ ಮನಸಾಕ್ಷಿಲಿಂಗತ ಮಿ ಕೆಳಾಮಾಬಿ ಮನೆ ಥಾವಾಕ್ಲು ಕೆಳಮ್ಮಾನಿ ಕೊಶಿಷ ಕರುಸ.

ರೊಮಾಪೂರ 12:18

ಕ್ಹಾರಾ ಮನಕ್ಹೊನಾ ಕ್ಹಾತೆ ಶಾಂತಕ್ಹು ರ‍್ಹವಾನೆ ತುಮೊನೆ ಥಾಯೆ ತೆಕ್ಲು ಕೊಶಿಶ ಕರೊ.

ಫಿಲಿಪ್ಪಿ 4:8

ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ.

1 ಥೆಸಲೊನಿಕ 4:11

ಶಾಂತಿಕ್ಹು ಜಿವ್ನಾ ಕರಾನೆ ತುಮೊಕನ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಕಾಮಕ್ಹು ಕಾಮ ಮ್ಹೆಲೊ ತುಮಾರಾ ಸ್ವಂತಾನಾ ಹುತಿ ಕಮಾವೊ ಇನಾಹುತಿ ಹಮೆ ತುಮೊನೆ ಪೈಲಾಜ ಕದ್ಯೊಸ.

ಇಬ್ರಿಯ 12:14

ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನಾಕ್ಹು ವರಿ ಪರಿಶುದ್ಧ ಥೈನ ಜಿವನಾ ಕರಾನೆ ಕೊಶಿಶ ಕರೊ. ಕಯಾನು ಜಿವ್ನಾ ಪರಿಶುದ್ಧ ರ‍್ಹತು ನೈ. ಪ್ರಭು ತಿನೆ ಕೆಳಾಮಾಜ಼ ದೆಕ್ತೊ ನೈ.