1 ತಿಮೊತಿ 1:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಲೈಂಗಿಕ ಪಾಪ ಕರಾಲಾವೊನೆ, ಸುಳ್ಳ ಕವಾಲಾವೊನೆ, ದಿದಲ ವಾತೊ ಚುಕಾಲಾ ಮನಕ್ಹೊನೆ, ಕ್ಹುದಾನಿ ಕ್ಹರಿನಿ ಉಪದೆಶನಾ ವಿರೊದ ಥೈನ ಸುಚಾ಼ಯೆ ತೆ ಕರಾಲಾವೊನೆ ತಿನೆ ತಯ್ಯಾರ ಕರ‍್ಯಾಸ.

1 ತಿಮೊತಿ 1:10 Iomraidhean Croise

ಯೊಹಾನ 8:44

ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ.

ರೊಮಾಪೂರ 1:26

ತ್ಯುನೆ ಇಮ್ಮ ಕರಲ ಹುತಿಜ಼, ಕ್ಹುದಾ ತ್ಯುನೊನೆ ಸರಮಾವಾನಾ ಕಾಮ್ಮಾಜ಼ ಛೊಡಿನ ದಿದ್ಯೊ. ತ್ಯುನೆ ಬಾಕ್ಡಿಯೊ ದಾಣಗಾವೊನಾ ಕ್ಹಾತೆ ಮಳಿನ ಕರಾನಾ ಲೈಂಗಿಕ ಕಾಮೊನೆ ಹುಬ್ರಾಡಿನ, ತ್ಯುನೊ ತ್ಯುನೊಮಾಜ಼ ಸಂಭಂಧ ಮ್ಹೆಲ್ಲಿದಿಯೊ.

1 ತಿಮೊತಿ 4:6

ತ್ಯಾ ರ‍್ಹಯಲ ಭಾಯೊ ಭೆನೊ ಎ ಕ್ಹಾರು ಕದ್ಯಾಮ, ತು ಕ್ರಿಸ್ತ ಯೆಸುನೊ ಚೊ಼ಕೊ ಸೆವಕ ಥಾಸಿ ಕವಾನು ಬರೊಕ್ಹಾನಿಯೊ ವಾತೊ ವರಿ ಚೊ಼ಕು ಉಪದೆಶ ಕರಿನ ಚಾ಼ಲಲ ಹುತಿ ತಾಕತವಾಲೊ ವ್ಹೈ ಕೈನ ದೆಕಾಡಿನ ದೆಶಿ.

1 ತಿಮೊತಿ 6:3

ದಕ್ಹಾ ಮನಕ್ಹೊ ಸುಳ್ಳ ಸಂಗತಿಯೊ ಕವಸ. ತೆ ಮನಕ್ಹೊ ಅಪ್ನೊ ಪ್ರಭು ಥಯಲ ಯೆಸುನಿ ಕ್ಹರಿನಿಯೊ ವಾತೊ ನೈ ವಪ್ಪಿಲೆತಾ. ಕ್ಹುದಾನಿ ಸೆವಾನೆ ಕ್ಹರಿಜ಼ ಕರು ಕವಾನಿ ಉಪದೆಶ ತ್ಯುನೆ ನೈ ಸ್ವಿಕಾರ ಕರತಾ.

2 ತಿಮೊತಿ 1:13

ಮಕ್ಹು ಐಕಲ ಕ್ಹರಿನಿಯೊ ವಾತೊ ಐಕಿನ ಚಾ಼ಲ. ತು ಸು-ಸು ಉಪದೆಶ ಕರು ಕವಾನು ತೆ ವಾತೊಜ಼ ಸಾಕ್ಷಿ ಥಯುಸ. ಯೆಸು ಕ್ರಿಸ್ತಮಾ ರ‍್ಹಯಲ ಅಪ್ನಾ ಬರೊಕ್ಹಾಮಾ ವರಿ ಮಯಾಮಾ ರ‍್ಹೈನ ಯಕ್ಕ ಉದಾಹರಣೆ ಥೈನ

2 ತಿಮೊತಿ 4:3

ಮನಕ್ಹೊ ಕ್ಹರಿನು ಶಿಕ್ಕಲಾವಾನು ನೈ ಐಕಾನೊ ದಿನ್ನ ಆವಾನೊ ಛೆ. ಮನಕ್ಹೊ ತ್ಯುನೊನೆ ಚೊ಼ಕಾ ಲಾಗಾನಾ ಬೊಧಕೊನೆ ವರಿ ತ್ಯುನಾ ಕಾನೊನೆ ಚೊ಼ಕಿಲಾಗಾನಿ ಬೊಧನಾ ಕರಾಲಾ ಬೊಧಕೊ ಹುಡ್ಕಸ್.

ತಿತನೆ 1:13

ಪ್ರವಾದಿಯೊ ಕದಲ ವಾತೊ ಕ್ಹರಿನಿಯೊಜ಼ ವ್ಹೈ. ತಿನಾಹುತಿ ತ್ಯುನೆ ಕರಾನಾ ತಪ್ಪೊ ತ್ಯುನೊನೆ ಕೆ. ತು ತ್ಯುನಾ ಹುತಿ ಸಿಸ್ತ ರ‍್ಹೌ, ತೆಳಾಮಾ ತ್ಯುನೆ ಬರೊಕ್ಹಾ ಪರ ಘಟ್ಟ ಥೈನ,

ತಿತನೆ 1:9

ಅಪೆ ಕವಾನಿ ಸುವಾರ್ತೆ ತೆ ಬರೊಕ್ಹಾ ಕ್ಹು ವಪ್ಪಿಲಿದಲ ರ‍್ಹೌ, ವರಿ ತೆ ಕ್ಹರಿ ಕ್ಹು ವರಿ ಯೊಗ್ಯ ಕ್ಹು ಮನಕ್ಹೊನೆ ಭೊದನೆ ಕರತೊ ರ‍್ಹೌ. ತೆ ಕ್ಹರಿನಿ ಬೊಧನೆನಾ ವಿರುದ್ದ ಮನಕ್ಹೊನು ತಪ್ಪ ದೆಕಾಡಿನ ದಿವಾ ವರಕ್ಹೊ ರ‍್ಹೌ.

ಇಬ್ರಿಯ 13:4

ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ.

ಯುದ ಬರ್ದಲ ಪತ್ರ 1:7

ಸೊದಮ ವರಿ ಗೊಮುರ ಗಾಮೊನೆ ತ್ಯುನಾ ಆಜು಼ ಬಾಜು಼ ರ‍್ಹಯಲ ಗಾಮನೆ ಶೆ ಕರ್ಲಿವೊ. ತೆ ಕ್ಹಾರು ತೆ ದೆವದುತನಿಂಗತ ಥಯಾ. ತೆ ಗಾಮೊಮಾ ಲೈಂಗಿಕ ಪಾಪೊ ವರಿ ಕೆಟ್ಟ ಕಾಮೊ ಭರಿಗಯಾತಾ. ತ್ಯುನೆ ಹಮೆಶಾನಿ ಆಗಮಾ ತ್ರಾಸ ಖಾತಾ ರ‍್ಹವಸ. ತ್ಯುನೊನೆ ದಿದಲ ಶಿಕ್ಷಾ ಅಪೊನೆ ಅಪೆ ಶಿಕ್ಕಿಯೆಸ.

ಪ್ರಕಟನೆ 18:13

ತೆ ವ್ಯಾಪರ ಕರಾಲಾ ದಾಲ್ಚಿನಿ, ಸಾಂಬರನೊ ಮಸಾಲೊ ಉದ, ಬಾಸ್ನು ತೆಲ, ಸಾಂಬ್ರಾಣಿ, ದ್ರಾಕ್ಕಷಾರಸ ವರಿ ಓಲಿವ ತೆಲ, ನರಮ ಲೊಟ, ಘೌ, ಢೊರೊ ಗೈಯ್ಯೊ, ಬಕ್ರಾ, ಘೊಡಾ, ರಥಾ, ಮನಕ್ಹೊನೆ ಗುಲಾಮೊ ಕರಿ ಇಕ್ಕಸ. ಇಕ್ಕಾಲಾ ಇಮ್ಮ ಕವಸ;

ಪ್ರಕಟನೆ 21:27

ಪರಿಶುದ್ಧ ನೈ ರ‍್ಹಯಲ ಗಾಮೊ ತೆ ಗಾಮ್ಮಾ ಆತುಜ಼಼ ನೈ. ಮರ್ಯಾದಿ ಕಾಡಾನಾ ಕಾಮೊ ಕರಾಲೊ ರ‍್ಹೈನೆಕಾ ಸುಳ್ಳ ಬೊಲಾಲೊ ರ‍್ಹೈನೆಕಾ ತೆ ಗಾಮ್ಮಾ ಕೆಳಾಮಾಜ಼ ಆತೊಜ಼ ನೈ. ಬಕ್ರಾನು ಬಚ್ಚು಼ ಥಯಲವಾಲೊ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದ್ಯೊಸ ತ್ಯುನೆ ಯಕ್ಕಜ಼ ತೆ ಗಾಮ್ಮಾ ಆ ಸಕಸ.

ಪ್ರಕಟನೆ 21:8

ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.

ಪ್ರಕಟನೆ 22:15

ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.