1 ಥೆಸಲೊನಿಕ 3:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಅಪೆ ಅಪ್ನಾ ಕ್ರಿಸ್ತನಾ ಬರೊಕ್ಹೊಮ್ಮಾ ವರಿ ಕ್ಹುದಾನಾ ಹುತಿ ಹಮಾರೊ ಭೈ ವ್ಹೈ. ತೆ ಕ್ಹುದಾನಾ ಹುತಿ ಹಮಾರಾ ಕ್ಹಾತೆ ಕಾಮ ಕರಾಡ್ಯೊಸ. ಕ್ರಿಸ್ತನಾ ವಿಷಯನಿ ಸುವಾರ್ತೆ ಮನಕ್ಹೊನೆ ತಿಳ್ಸಾವಾನೆ ಹಮೊನೆ ಮದತ ಕರಾಡ್ಯೊಸ. ತುಮಾರೊ ಬರೊಕ್ಹೊನಾ ಘಟ್ಟ ಕರಾನೆ ವರಿ ತುಮೊನೆ ಖುಶಿ ಕರಾನೆ ತಿಮೊಥೆನೆ ವಳಾಯಾಸ.

1 ಥೆಸಲೊನಿಕ 3:2 Iomraidhean Croise

ಅಪೊಸ್ತಲೊ 16:1

ಪೌಲಾ ದರ್ಬೆ ವರಿ ಲುಸ್ತ್ರ ಗಾಮೊಯೆ ಗಯೊ. ತಿಮೊಥಿ ಕವಾಲೊ ಕ್ರಿಸ್ತನೊ ಶಿಷ್ಯೊ ತ್ಯಾ ವ್ಹತ್ತೊ. ತಿನಿ ಯಾಬಿ ವಿಸ್ವಾಸಿ ವ್ಹತ್ತಿ. ತಿನೊ ಬಾ ಗ್ರಿಕವಾಲಾ ವ್ಹತ್ತೊ.

ಅಪೊಸ್ತಲೊ 16:5

ಇನಾಹುತಿ ಸಭೆ ಬರೊಕ್ಹೊಮಾ ತಾಕತವರ ಥಯಾ ವರಿ ಸಂಖ್ಯಾಮಾ ದಿನೆ ದಿನೆ ಜಾಸ್ತಿ ಥಾವಾಡ್ಯಾ.

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

ರೊಮಾಪೂರ 16:21

ವರಿ ಮಾರಾ ಕ್ಹಾತೆ ಕಾಮ ಕರಾಲೊ ಥಯಲ ತಿಮೊಥೆಯನೆ ವರಿ ಮಾರಾ ಸಂಬಂದಿಕ ಥಯಲ ಲುಕ್ಕಯ, ಯಾಸೊನ ವರಿ ಸೊಸಿಪತ್ರ ತುಮೊನೆ ನಮಸ್ಕಾರ ಕದ್ಯಾಸ.

1 ಕೊರಿಂಥ 3:10

ಕ್ಹುದಾ ಮನೆ ದಿದಲ ವರಾ ಉಪಯೊಗ ಕರಿನ ಶಾಣ್ಯೊ ಶಿಲ್ಪಿ ಲಿಂಗತ ಮಿ ತೆ ಘರನೆ ಫಾಯಾ ಘಾಲ್ಯೊ. ಬಿಜಾ ಮನಕ್ಹೊ ತೆ ಫಾಯಾನಾ ಉಪ್ಪರ ಭಾಂದಾಡಾಸ. ತೆನೈಸೊ ಹರಯಕ್ಕ ಮನಕ್ಹ ತೆ ಕಿಮ್ಮ ಭಾಂದಾಡೊಸ ಕವಾನು ಹುಶಾರಕ್ಹು ರ‍್ಹೌ.

1 ಕೊರಿಂಥ 4:17

ತಿನಾಹುತಿಜ಼, ಮಿ ತುಮೊಕನ ತಿಮೊಥೆನೆ ವಳಾವಾಡೊಸ, ತೆ ಪ್ರಭುಮಾ ಮಾರೊ ದಿಕ್ರೊ ಥಯೊಸ. ಮಿ ತಿನೆ ಮಯಾ ಕರುಸ. ತೆ ಬರೊಕ್ಹಾವಾಲೊ ಥಯೊಸ. ಮಿ ಕ್ರಿಸ್ತ ಯೆಸುಮಾ ರ‍್ಹವಾನಾ ತರಿಕಾನೆ ತೆ ತುಮೊನೆ ಶೆ ಕರಾವಸ. ಹರಯಕ್ಕಬಿ ಕ್ಹಾರಾ ಸಭೆಮಾ ಮಿ ತಿನಾ ನಿಂಗತಜ಼ ಜಿವ್ನಾ ಉಪದೆಶ ಕರುಸ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

2 ಕೊರಿಂಥ 1:19

ಮಿ ವರಿ ಸಿಲ್ವಾನ, ತಿಮೊಥಿ ವರಿ ತುಮೊನೆ ಕ್ಹಾರವೊನೆ ಗ್ವತ್ತ ರ‍್ಹಯಲ ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತ ಹಮ್ನಾ ಹು ಕೈನ ಪಾಚಾ಼ತಾ ಫರಾಲೊ ನ್ಹವೈ. ಕೆಳಾಮಾಬಿ ಕ್ಹರಿನೆ ಕ್ಹರಿಜ ವ್ಹೈ ಕೈನ ಕವಾಲೊ ವ್ಹೈ ತೆ ಕೆಳಾಬಿ ಯಕ್ಕ ಸೆಮ ರ‍್ಹವಾಲೊ ವ್ಹೈ.

2 ಕೊರಿಂಥ 2:12

ಕ್ಹುದಾ ಮಾರಾ ಹುತಿ ಬಾಕಲ ಕಾಡ್ಯೊಸ ಕೈನ ವಿಚಾರ ಕರಲಿನ ಕ್ರಿಸ್ತನಿ ಸುವಾರ್ತೆ ಕವಾನೆ ಮಿ ತ್ರೊವಾ ಕವಾನಾ ಗಾಮೆ ಆಯೊ.

2 ಕೊರಿಂಥ 2:13

ರ‍್ಹೈತುಬಿ ತ್ಯಾ ಮಾರೊ ಭೈ ತಿತ ನೈ ಮಳಲಕ್ಹು ಮನೆ ಸಮಾದಾನ ಥಯು ನೈ ತಿನಾ ಹುತಿ ತ್ಯಾ ರ‍್ಹಯಲ ಕ್ಹಾರಾವೊನೆ ಮಳಿನ ತ್ಯಾಂತೊ ಮೆಕೆದ್ಯೊನೆ ಆಯೊ.

2 ಕೊರಿಂಥ 8:23

ತಿತ ಹುತ ಹುತಿ ಕೌ ಕದ್ಯಾಮ ತೆ ಮಾ ಮನೆ ವಾಟೊ ಲಿವಾಲೊ ವ್ಹೈ. ತಾರ ಹುತ ಹುತಿ ನೈ ಮನೆ ನೈ ಮದತ ಕರಸ ಥಯೊಸ. ತೆ ಮಾ ಭೈ ಹುತ ಹುತಿ ಕೌ ಕದ್ಯಾಮ ತ್ಯುನೆ ಸಭೆ ತರಕ್ಹ ವ್ಹತ್ತಾ ವ್ಹೈ ವರಿ ಕ್ರಿಸ್ತ ಮಹಿಮಾ ದೆಕಾಡ ಥಯಾಸ.

ಫಿಲಿಪ್ಪಿ 1:25

ತಿನಾಹುತಿ ತುಮೊನೆ ಕ್ರಿಸ್ತನೊ ಭರ‍ೊಕ್ಹೊ ಅಗು ಭಡಾನು ವರಿ ಕ್ಹುಶಿ ಥಾವಾನಾ ಹುತಿ ಮಿ ಜಿವ್ತೊ ಥೈನ ತುಮಾರಾ ಕ್ಹಾತೆ ರ‍್ಹೌಸ ಕೈನ ಘಟ್ಟ ಮನಸ್ಸಕ್ಹು ನಂಬ್ಯೊಸ.

ಕೊಲೆಸ್ಸೆ 1:1

ಕ್ಹುದಾ ತಿನಾ ಚಿತ್ತಾನಾ ಅನುಸಾರ ಯೆಸುಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿತಾ ಬರ್ದಲ ಪತ್ರ.

ಕೊಲೆಸ್ಸೆ 1:7

ತಮೆ ಎಪಫ್ರದಿಕ್ಹು ಕ್ಹುದಾನಿ ವರಗಾ ತಿಳ್ದಿಲಿದ್ಯಾಸ. ತೆ ಹಮಾರಾ ಕ್ಹಾತೆ ಸೆವೆ ಕರಾಡ್ಯೊಸ. ಹಮೆ ತಿನೆ ಮಯಾ ಕರೆಯೆಸ. ತೆ ಹಮಾರಾಹುತಿ ಕ್ರಿಸ್ತನೊ ಬರೊಕ್ಹೊವಾಲೊ ಸೆವಕ ಥಯೊಸ.

ಕೊಲೆಸ್ಸೆ 4:12

ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

ಕೊಲೆಸ್ಸೆ 4:9

ತಿನೆ ಬರೊಕ್ಹಾನೆ ಲಾಯಕ ರ‍್ಹಯಲ ವರಿ ಮಯಾನೊ ಭೈ ಥಯಲ ತುಮಾರಾ ಉರಿನನ ಥಯಲ ಓಸಿಮನ ಕ್ಹಾತೆ ವಲಾಯೊಸ. ತ್ಯುನೆ ಹೈ ಥಾವಾನು ಹರ ಯಕ್ಕ ತುಮೊನೆ ಕವಸ.

1 ಥೆಸಲೊನಿಕ 3:13

ತುಮಾರಾ ಮನಸೊಮಾ ಘಟ್ಟ ರ‍್ಹವಾದೆ ಕರಿನ ಇಮ್ಮ ಪ್ರಾಥನಾ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ತಿನಾ ಪವಿತ್ರ ಮನಕ್ಹೊನಾ ಕ್ಹಾತೆ ದಿಕ್ಹತಾಮಾ ತುಮೆ ಬಾ ಥಯಲ ಕ್ಹುದಾನಿ ಸನ್ನಿದಿಮಾ ಪರಿಶುದ್ಧ ವರಿ ತಪ್ಪ ನೈಸೊವಾಲಾಥೈನ ರ‍್ಹವೊಸಿ.

1 ಥೆಸಲೊನಿಕ 3:5

ತಿನಾಹುತಿ ಹಜು ತಡ್ದಿಲಿದೆ ವಾಚಿ ಯಕ್ಕ ಟೈಮ್ಮ ಸೈತಾನ ತಮನೊನೆ ಶೊದನೆ ಲಿದೆಲಕ್ಹು ಹಮೆ ಕರಲ ಕ್ಹಾರು ಹಾಳ ಥೈಗಯು ಸುನೈ ಕೈನ ತಮಾರಾ ಬರೊಕ್ಹೊನಾಹುತಿ ಮಿ ತಿಳ್ದಿಲಿವಾನಾಹುತಿ ತೆ ಮಿ ತುಮೊಕನ ವಳೈನ ದಿದ್ಯೊ.

2 ಥೆಸಲೊನಿಕ 2:17

ಚೊ಼ಕು ಕಾಮೊಮಾಬಿ ಹರ ಹಮೆಶಾಬಿ ತಮ್ಮಾರಾ ಕ್ಹಾತೆ ರ‍್ಹವಾಂದೆ.