1 ಥೆಸಲೊನಿಕ 2:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಹಮೆ ತುಮೊನೆ ಪ್ರೊತ್ಸಾಹಿತ ಕರ‍್ಯಾ ವರಿ ತುಮೊನೆ ಮಯಾ ಕರ‍್ಯಾ. ವರಿ ಹಮೆ ತಮನೊನೆ ವಿಂತಿ ಕರ‍್ಯಾ ತುಮೊನೆ ತಿನಿ ರಾಜ್ಯನೆ ವರಿ ಮಹಿಮಾನೆ ಬಲಾಯಲ ಕ್ಹುದಾನಾ ಹುತಿ ಯೊಗ್ಯ ರ‍್ಹಯಲ ಜಿವ್ನಾ ಕರೊ ಕೈನ ತುಮೊನೆ ಕದ್ಯಾ. ತೆ ತುಮೊನೆ ತಿನಿ ರಾಜ್ಯಮ್ಮಾ ವರಿ ಮಹಿಮಾ ಪಾಲ ಲಿವಾನೆ ಬಲಾಯಾಸ.

1 ಥೆಸಲೊನಿಕ 2:12 Iomraidhean Croise

ರೊಮಾಪೂರ 8:28

ಕ್ಹುದಾ ತಿನೆ ಮಯಾ ಕರಾಲಾವೊನಾ ಹುತಿ ಚೊ಼ಕಾ ಕ್ಹು ಹರಿ ಯಕ್ಕ ಕಾಮ ಆಸಾನ ಕರಸ ಕೈನ ತುಮೊನೆ ಗ್ವತ್ತ ಛೆ. ತೆ ಮನಕ್ಹೊ ಕ್ಹುದಾಜ಼ ಇನಿಲಿದ್ಯೊಸ, ಕಾಕದ್ಯಾಮ ತೆ ತಿನು ಉದ್ದೆಶ ವ್ಹತ್ತು.

ರೊಮಾಪೂರ 8:30

ಇಮ್ಮ ರ‍್ಹತಾಮಾ ಕಿನೆ ತೆ ಬಲಾವಸ ತಿನೆ ಇನಿಲಿದ್ಯೊಸ ವರಿ ತ್ಯುನೊನೆ ತೆ ನಿತಿವಂತ ಥೈನ ಕರಸ ವರಿ ಮಹಿಮಾಮಾಬಿ ಬಲೈಲಿವಸ.

1 ಕೊರಿಂಥ 1:9

ಕ್ಹುದಾ ಬರೊಕ್ಹೊವಾಲೊ ಥಯೊಸ. ಕ್ಹುದಾನೊ ದಿಕ್ರೊ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಜ಼ಲಮಮಾ ವಾಟೊ ಲಿವಾಲಾ ಥೌ ಕೈನ ತುಮೊನೆ ಬಲಾಯಲವಾಲೊಜ಼ ಕ್ಹುದಾ ವ್ಹೈ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

ಗಲಾತ್ಯ 5:16

ತಿನಾಹುತಿ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಪವಿತ್ರ ಆತ್ಮಾನೆ ಚಾಲಿಂಜಾ಼ವಾಲಾ ಥಾವೊ. ತೆಳಾಮಾ, ತುಮಾರಾ ಅಂಗನಿ ಆಸ ವಿಚಾರ ಕರಾನು ಕೆಟ್ಟ ಸಂಗತಿಯೊ ತುಮೆ ಕರತಾ ನೈ.

ಎಫೆಸ 4:1

ಮಿ ಕ್ಹುದಾನೊ ರ‍್ಹಯಲ ಹುತಿ ಜೈಲಮಾ ಛೆ. ತುಮೆ ಕ್ಹುದಾಕ್ಹು ಬಲಾಯಲವಾಲಾ ವ್ಹೈ. ತಿನಾಹುತಿ ತುಮಾರಾ ಬಲಾಯನಾ ಹುತಿ ತಿನಾಲಿಂಗತ ಯೊಗ್ಯ ಥೈನ ಜಿವ್ನಾ ಕರು ಕೈನ ತುಮೊನೆ ಮಾಂಗಿಲ್ಯುಸ.

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಎಫೆಸ 5:8

ಕಾಕದ್ಯಾಮ ಪಾಚ಼ಲ್ಯಾ ಕಾಲಮಾ ತುಮೆ ಅಂದಾರು ಥಯಾತಾ. ಹಮ್ನಾ ತುಬಿ ತುಮೆ ಪ್ರಭುಮಾ ಪುರಾ ಉಜಾಲು ಥಯಾಸ. ತಿನಾಹುತಿ ಉಜಾಲಾನೆ ಮಳಲ ಬಚ್ಚಾ಼ ಲಿಂಗತ ಜಿವ್ನಾ ಕರೊ.

ಫಿಲಿಪ್ಪಿ 1:27

ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ.

ಕೊಲೆಸ್ಸೆ 1:10

ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ

ಕೊಲೆಸ್ಸೆ 2:6

ತುಮೆ ಯೆಸು ಸ್ವಾಮಿನೆ ಮಲೈಲಿಂಗತ ತಿನೆ ಮ್ಹೈ ಥೈನ ಜಿವಸೊ.

1 ಥೆಸಲೊನಿಕ 4:1

ಲಾಸ್ಟಮಾ ಕವಾನು ಸು ವ್ಹೈ ಕದ್ಯಾಮ ಭಾಯೊ ವರಿ ಭೆನೊ, ಹಮ್ನಾ ತುಮೊನೆ ಬಿಜಿ಼ಯೊ ದಕ್ಹಿಯೊ ವಿಚಾರೊ ತಿಳಸುಸ. ಕ್ಹುದಾನೆ ಕಿಮ ಮೆಚ಼ಸಾನೆ ಜಿವ್ನಾ ಕರು ಕೈನ ತುಮೊನೆ ಶಿಕ್ಲಾಯಾಸ. ತುಮೆ ತಿನಾಲಿಂಗತಜ಼ ಜಿವ್ನಾ ಕರಾಡಾಸ. ತಿನಾಲಿಂಗತಜ಼ ಹಜು಼ನ ಹೆಚ್ಕಿ ನಜಿ಼ಕ ರ‍್ಹೈನ ಜಿವ್ನಾ ಕರು ಕೈನ ಹಮೆ ತುಮ್ನೊನೆ ಯೆಸುನಾ ನಾಮಪರ ಮಾಂಗಿಲಿಯೆಸ ವರಿ ಪ್ರೊತ್ಸಾಹ ಕರಿಯೆಸ.

1 ಥೆಸಲೊನಿಕ 4:12

ತುಮೆ ಇಮ್ಮ ಕರ‍್ಯಾಮ, ವಿಸ್ವಾಶಿಯೊ ನೈ ರ‍್ಹಯಲವಾಲಾ ತುಮೆ ಜಿವ್ನಾ ಕರಾನೊ ತರಿಕೊ ದೆಕಿನ ತುಮೊನೆ ಮರ್ಯಾದಿ ದಿವಸ. ಕಿಪರಜ಼ ತುಮೆ ವಜ್ಜು ಥೈನ ರ‍್ಹತಾ ನೈ.

1 ಥೆಸಲೊನಿಕ 5:24

ತುಮೊನೆ ಬಲಾಯಲವಾಲೊ ತೆ ತಮಾರಾ ಹುತಿ ಕರಸ. ತೆ ಬರೊಕ್ಹಾವಾಲೊ ವ್ಹೈ.

2 ಥೆಸಲೊನಿಕ 1:10

ಪ್ರಭು ಥಯಲ ಯೆಸು ದಿಕ್ಹ್ತಾಮಾ ಎ ಕ್ಹಾರು ಥಾವಸ. ತೆ ತಿನೆ ಮಳಾನು ರ‍್ಹಯಲ ವೈಭವ ಸ್ವಿಕಾರ ಕರಾನೆ ತಿನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ದಿಕ್ಹಸ. ನಂಬಲ ಮನಕ್ಹೊ ತಿನೆ ದೆಕಿನ ಘಾಬ್ರಾ ಥಾವಸ. ಹಮೆ ಕದಲ ನಂಬಲವಾಲಾ ತುಮೆ ವಿಸ್ವಾಸಿಯೊನಾ ಕ್ಹಾತೆ ರ‍್ಹವೊಸಿ.

2 ತಿಮೊತಿ 1:9

ತೆ ಅಪೊನೆ ವಚಾ಼ಡಿನ, ತಿನಾ ಸ್ವಂತ ಮನಕ್ಹೊ ಥಾವಾಹುತಿ ಅಪೊನೆ ಬಲಾಯೊ. ಹಮೆ ಕರಾನಾ ಚೊ಼ಕಾ ಕಾಮೊಕ್ಹು ಎ ಕ್ಹಾರು ಥಯು ಕೈನ ನ್ಹವೈ. ತೆ ತಿನಿ ಚಿ಼ತ್ತಲಿಂಗತ ತೆ ಅಪೊನೆ ವಚಾ಼ಡಿನ ತಿನೊ ಆಶಿರ್ವಾದ ಲಿಂಗತ ಕರ‍್ಯೊ. ಹಮೆಶಾತೊಬಿ ರ‍್ಹವಾಲೊ ಎ ಮರಗಾ ಕ್ರಿಸ್ತ ಯೆಸುನಾ ಮುಲಕ ಅಪೊನೆ ಮಳ್ಯು.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.

1 ಪೆತ್ರಾ 3:9

ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ, ಮನಸ ದುಖ ಕರಲವಾನಲಾವೊನೆ ಮನಸ ದುಖ ಕರ‍್ಯಾವಚಿ, ತ್ಯುನೊನೆ ಆಶಿವ್ರಾದ ಕರಕೈನ ಕ್ಹುದಾಕನ ಮಾಂಗಿಲಿವೊ ಕಾಕದ್ಯಾಮ ಆಶಿವ್ರಾ ವ್ಹಂದಿಲಿವಾನೆ ತುಮೆ ಬಲೈಲಿದಲವಾಲಾ ಥಯಾಸ.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.

2 ಪೆತ್ರಾ 1:3

ಯೆಸುನೆ ಕ್ಹುದಾನಿ ತಾಕತ ಛೆ. ಜಿವ್ನಾ ಕರಾನೆ ವರಿ ಕ್ಹುದಾನಿ ಸೆವೆ ಕರಾನೆ ಚಾ಼ಯೆ ಥಯಲ ಹರಿ ಯಕ್ಕ ತಿನಿ ತಾಕತ ಅಪೊನೆ ದಿದ್ಯೊಸ. ಅಪೆ ತಿನೆ ತಿಳದಲ ಹುತಿಜ಼ ತೆ ಕ್ಹಾರು ಪಡ್ದಿಲಿದ್ಯಾಸ. ಯೆಸು ತಿನಿ ಪ್ರಭಾವಕ್ಹು ವರಿ ತಿನಿ ಗುಣಾಕ್ಹು ಅಪೊನೆ ಬಲಾಯೊ.

1 ಯೊಹಾನ 2:6

ಮಿ ಕ್ಹುದಾಮಾ ಛೆ ಕವಾಲೊ ಯೆಸು ಜಿವ್ನಾ ಕರಲಲಿಂಗತ ಜಿವ್ನಾ ಕರು.

3 ಯೊಹಾನ 1:6

ತ್ಯುನೆ ಸಭೆನಾ ಕ್ಹಾಮ್ಮಾ ತು ದೆಕ್ಲಾಡೆಲ ಮಯಾನಾ ಹುತಿ ಸಾಕ್ಷಿ ಕದ್ಯಾ. ತ್ಯುನೊನೆ ತು ಕ್ಹುದಾನಾ ಸೆವಕೊನೆ ಯೊಗ್ಯ ರ‍್ಹಯಲ ತರಿಕಾಮಾಜ ಅಗು ಬಡಾವಾನು ಚೊ಼ಕು ರ‍್ಹವಸ.