1 ಥೆಸಲೊನಿಕ 1:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಹಮೆ ತುಮೊಕನ ಸುವಾರ್ತೆ ಲಾಯಾ ತೆ ಕ್ಹಾಲಿ ವಾತೊ ನ್ಹವೈ. ತಾಕತಕ್ಹು ವರಿ ವರಿ ಪವಿತ್ರ ಆತ್ಮಾನಾ ಕ್ಹಾತೆ ಲಾಯಾಸ. ಇಮಾ ಕ್ಹಾರು ಕ್ಹರಿ ಛೆ. ಎನೈಸೊ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ತುಮಾರಾ ಹುತಿ ಕಿಮ ಜಿವ್ನಾ ಕರ‍್ಯಾ ತುಮೆ ತಿಳ್ದಿಲಿದ್ಯಾಸ. ಎ ಕ್ಹಾರು ತುಮಾರಾ ಚೊ಼ಕಾನಾ ಹುತಿ ಥಯುಸ.

1 ಥೆಸಲೊನಿಕ 1:5 Iomraidhean Croise

ಮಾರ್ಕ 16:20

ಶಿಷ್ಯಾ ಕ್ಹಾರಿ ಜ಼ಗಾ ಗೈನ ತೆ ವಾತೊ ಕತಾ ಗಯಾ;ವರಿ ಕರತಾ ತ್ಯುನಾ ಕ್ಹಾತೆ ರ‍್ಹೈನ ಮ್ಹೊಟಾ-ಮ್ಹೊಟಾ ಕಾಮೊ ಅದ್ಭುತ ಕರತೊ ತಿನಾ ಹುತಿ ತ್ಯುನೆ ಕವಾನಿ ಸುವಾರ್ತೆ ಘಟ್ಟ ಕರತೊ ವ್ಹತ್ತೊ)

ಲುಕ ಬರ್ದಲ ಸುವಾರ್ತಾ 1:1

ಸನ್ಮಾನ್ಯ ಥೆಯೊಫಿಲನ, ಹಮಾರಾ ವಚ್ಮಾ಼ ಥಯಲ ಸಂಗತಿಯೊ ವರಿ ಚರಿತ್ರೆ ತಿಳಸಾನಾಹುತಿ ಘನ್ನಾ ಜ಼ನಾ ಕೊಶಿಶ ಕರ‍್ಯಾಸ.

ಅಪೊಸ್ತಲೊ 11:21

ಪ್ರಭು ವಿಶ್ವಾಸಿಯೊನೆ ಮದತ ಕರಾಡೊತೊ. ಮನಕ್ಹೊ ಘನ್ನಾ ಸಂಖ್ಯೆಮಾ ಪ್ರಭುನೆ ಬರೊಕ್ಹೊ ಕರಿನ ಚಾ಼ಲಾನು ಶುರು ಕರ‍್ಯಾ.

ಅಪೊಸ್ತಲೊ 16:14

ಹಮಾರಿಯೊ ವಾತೊ ಐಕಲವಾಲಾವೊಮಾ ಲುದ್ಯ ಕವಾಲಿ ಬಾಕ್ಡಿ ವ್ಹತ್ತಿ. ತೆ ಜಾ಼ಂಬ್ಳಾನೊ ಕಲರ್ನು ವಣ್ಣಾ ಇಕ್ಕಾಲಿ ಥುವತೈರ ಕವಾನಿ ಗಾಮವಾಲಿ ಕ್ಹುದಾನಿ ಪೌಲಾ ಕವಾನಿಯೊ ವಾತೊನೆ ಧ್ಯಾನ ದಿವಾಹುತಿ ಕರ್ತಾ ತಿನೆ ಮನಸ ಖುಲ್ಲಾ ಕರ‍್ಯೊ.

ಅಪೊಸ್ತಲೊ 2:33

ಯೆಸು ಸ್ವರ್ಗನೆ ಗಯೊ. ಹಮ್ನಾ ಯೆಸು ಕ್ಹುದಾನಾ ಕ್ಹಾತೆ ಛೆ, ಕ್ಹುದಾನಾ ಸಿದಾ ಬಗಲ ಛೆ. ಹಮ್ನಾ ಬಾ (ಕ್ಹುದಾ) ಪವಿತ್ರ ಆತ್ಮಾ ಯೆಸುನೆ ದಿದ್ಯೊಸ. ಪವಿತ್ರ ಆತ್ಮಾ ದಿವ್ಸ ಕೈನ ಕ್ಹುದಾ ವಾಗ್ದಾನ ಕರ‍್ಯೊತೊ. ತಿನಾಹುತಿ ಯೆಸು ಹಮ್ನಾ ತೆ ಆತ್ಮಾನೆ ದಿದ್ಯೊಸ. ತುಮೆ ದೆಕಾನು ವರಿ ಐಕಾನು ಆಜ ವ್ಹೈ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 15:13

ಆಸ ದಿವಾಲೊ ಕ್ಹುದಾ ಬರೊಕ್ಹಾಕ್ಹು ಥಾವಾನಿ ಖುಶಿ ಸಮಾಧಾನ ಪುರಾ ದಿವಾದೆ ಕೈನ ತೆಳಾಮಾ ಪವಿತ್ರ ಆತ್ಮಾನಿ ತಾಕತಕ್ಹು ತುಮೊಮಾ ಭರಾದೆ

ರೊಮಾಪೂರ 2:16

ಮನಕ್ಹೊನು ಮನಸ್ಮಾ ದಡಿ ರ‍್ಹಯಲ ಸಂಗತಿಯೊನೆ ಕ್ಹುದಾ ಫೈಸಲೊ ಕರಾನಾ ದಿನ್ನೆ ಎ ಕ್ಹಾರು ಥಾವಸ. ಕ್ಹುದಾ ಯೆಸು ಕ್ರಿಸ್ತನಾ ಮುಲಕ ಮನಕ್ಹೊನೆ ಫೈಸಲೊ ಕರಸ ಕವಾನು ಸುವಾರ್ತೆ ಕೈನ ದಿವಸ. ಮಿ ಮನಕ್ಹೊನೆ ಕವಾನು ತೆಜ಼ ಸುವಾರ್ತೆ ವ್ಹೈ.

1 ಕೊರಿಂಥ 1:24

ಕ್ಹುದಾಕ್ಹು ಬಲಾಯಲ ಮನಕ್ಹೊ ಯೆಹುದಿಯೊಬಿ ಯಹುದ್ಯೊ ನೈ ರ‍್ಹಯಲವಾಲಾಬಿ ತ್ಯುನೊನೆ ಕ್ರಿಸ್ತ ಕ್ಹುದಾನಿ ತಾಕತ ಥಯೊಸ; ವರಿ ಕ್ಹುದಾನಿ ಗ್ಯಾನ ಥಯೊಸ.

1 ಕೊರಿಂಥ 10:33

ಮಿ ತಬಿ ಮಾರಾ ಸ್ವಂತ ಚೊ಼ಕಾನಾ ಹುತಿ ವಿಚಾರ ಕರ‍್ಯಾವಾಚಿ ಕ್ಹಾರಾ ಜ಼ನಾವೊನಾ ಉದ್ಧಾರನಾ ಹುತಿ ತ್ಯುನು ಚೊ಼ಕು ಆಸ ಕರಿನ, ಕ್ಹಾರಾವೊನೆ ಕ್ಹಾರಾಮಾ ಮೆಚ್ಚಿಸಾನೆ ಕೊಶಿಶ ಕರುಸ.

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

1 ಕೊರಿಂಥ 3:6

ಮಿ ಬಿಯ್ಯಾ ಬಿತ್ಯೊ; ಅಪೊಲೊಸ ಪಾನಿ ಘಾಲ್ಯೊ; ತೆನೈಸೊ ತಿನೆ ಬೆಳಸಾಯಲ ಕ್ಹುದಾಜ಼ ವ್ಹೈ.

1 ಕೊರಿಂಥ 4:20

ಕಾಕದ್ಯಾಮ ಕ್ಹುದಾನಿ ರಾಜ್ಯ ಕ್ಹಾಲಿ ವಾತ ನ್ಹವ್ಹೈ ತೆ ತಾಕತ ಥಯುಸ.

1 ಕೊರಿಂಥ 9:14

ತಿನಾ ಲಿಂಗತ ಸುವಾರ್ತೆ ಪ್ರಚಾರ ಕರಾಲಾ ಸುವಾರ್ತೆ ಪ್ರಚಾರನಾ ಆದಾಯಕ್ಹು ಜಿವ್ನಾ ಕರು ಕೈನ ಪ್ರಭುಜ಼ ಆಗನ್ಯಾ ದಿದ್ಯೊಸ.

2 ಕೊರಿಂಥ 3:6

ತೆ ನೌ ವಡಂಬಡಿಕೆನಾ ಸೆವಕೊ ಥಾವಾನೆ ತಾಕತ ಹಮೊನೆ ದಿದ್ಯೊಸ. ಆ ನೌ ವಡಂಬಡಿಕೆ ಲಿಖಿತ ರುಪನಾ ಲಿಂಗತ ನತ್ತಿ ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲವಾಲೊ ವ್ಹೈ. ಲಿಖಿತ ರುಪಮಾ ರ‍್ಹಯಲ ವಡಂಬಡಿಕೆ ಮೌತ ಲಾವಸ. ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲ ವಡಂಬಡಿಕೆ ಜುವ ದಿವಸ.

ಗಲಾತ್ಯ 2:2

ಮಿ ಜೌ಼ಸ ಕೈನ ಕ್ಹುದಾ ಮನೆ ಕದಲ ಹುತಿ ವಿಸ್ವಾಸಿಯೊಪರ ಮ್ಹೊಟಾ ರ‍್ಹಯಲ ವಾಲಾ ತೆ ಮನಕ್ಹೊಕನ ಗಯೊ. ಹಮೆ ಯಕ್ಲಾಜ಼ ರ‍್ಹತಾಮಾ, ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನಿ ಸುವಾರ್ತೆ ಇವ್ನೊನೆ ಕದ್ಯೊ. ಮಿ ಪೈಲಾ ಕರಲ ಸೆವೆ ವರಿ ಹಮ್ನಾ ಕರಾನಿ ಸೆವೆ ಹಾಳ ಥೌ ನೈ ಕವಾನಾ ಉದ್ದೆಶಕ್ಹು ಇವ್ನೊನೆ ಕಳಲ ಲಿಂಗತ ಮಾರಿ ಸೆವೆನಾ ಹುತಿ ಕದ್ಯೊ.

ಗಲಾತ್ಯ 5:5

ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.

ಎಫೆಸ 2:10

ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.

ಎಫೆಸ 3:20

ಅಪ್ನೊಮಾ ಕಾಮ ಕರಾನು ತಿನಿ ತಾಕತಕ್ಹು ಅಪೆ ಪುಚ್ಚಾತಿಬಿ ವಿಚಾರ ಕರಾತಿಬಿ ಕೆಕ್ಲೊಕಿ ಘನ್ನು ಘನ್ನು ಕ್ಹುದಾ ಕರಸ.

ಫಿಲಿಪ್ಪಿ 2:13

ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ.

ಫಿಲಿಪ್ಪಿ 4:9

ತುಮೆ ಮಾರಾಕ್ಹು ಶಿಕಲ ಕ್ಹಾರು. ಹೊಂದಿಲಿದೆಲ ಕ್ಹಾರು ಐಕಲ ವರಿ ಡೊಳೆ ದೆಕೆಲ ಕರೊ. ತೆಳಾಮಾ ಶಾಂತಿ ದಿವಾಲೊ ಕ್ಹುದಾ ತಮಾರಾ ಕ್ಹಾತೆ ರ‍್ಹವಸ.

ಕೊಲೆಸ್ಸೆ 2:2

ತ್ಯುನೆ ಅಂತರ್ಯಮಾ ಆಸಕ್ತಿವಾಲಾ ಮಯಾಮಾ ಯಕ್ಕ ಥೈನ ರ‍್ಹೌ ಕೈನ

1 ಥೆಸಲೊನಿಕ 2:13

ತುಮೆ ಕ್ಹುದಾನು ಸಂದೆಶ ವಪ್ಪಿಲಿದಲಹುತಿ ಹಮೆ ಕ್ಹುದಾನೆ ಹಮೆಶಾಬಿ ಸ್ತುತಿ ಕರಿಯೆಸ. ಹಮೊಕ್ಹು ತೆ ಸಂದೆಶ ಐಕಿನ, ತೆ ಕ್ಹುದಾನಿ ವಾಕ್ಯಾ ವ್ಹೈ ಕೈನಜ಼ ವಪ್ಪಿಲಿದ್ಯಾಸ ತೆನೈಸೊ ಮನಕ್ಹೊ ಕದಲ ವಾಕ್ಯಾಕ್ಹು ನ್ಹವೈ. ಎ ಕ್ಹರಿಮಾಜ಼ ಕ್ಹುದಾನು ಸಂದೆಶ ವ್ಹೈ. ತೆ ಸಂದೆಶಪರ ಬರೊಕ್ಹೊ ಕರಲ ಹುತಿಜ಼ ತುಮೊಮಾ ತೆ ಕಾಮ ಕರಸ.

2 ಥೆಸಲೊನಿಕ 2:14

ತುಮೆ ರಕ್ಷಣೆನೆ ಹೊಂದಿಲಿದಲ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಮಹಿಮಾನಿ ಪಾಲ ಲಿವಾಲಾ ಥಾವೊ ಕೈನ, ಹಮೆ ಕದಲ ಸುವಾರ್ತೆನಾ ಮುಲಕ ಕ್ಹುದಾ ತುಮೊನೆ ಬಲಾಯೊಸ.

2 ತಿಮೊತಿ 2:10

ತಿನಾಹುತಿ ಮಿ ತಾಳ್ಮೆಕ್ಹು ಎ ತ್ರಾಸೊನೆ ಅಪನೈಲಿವಸ. ಕಾಕದ್ಯಾಮ ಕ್ಹುದಾ ಇನಿಲಿದ್ಯಲ ಮನಕ್ಹೊನೆ ಸಹಾಯ ಕರು ಕೈನ ಮಾರು ಆಸ ವ್ಹೈ. ತೆ ಮನಕ್ಹೊ ಕ್ರಿಸ್ತ ಯೆಸುಮಾ ರಕ್ಷಣೆ ಪಡ್ದಿಲ್ಯು ಕೈನ ಮಿ ಎ ಕ್ಹಾರಾ ತ್ರಾಸೊನೆ ಸ್ವಿಕಾರ ಕರಲಿದ್ಯೊಸ. ತೆ ರಕ್ಷಣೆನಾ ಕ್ಹಾತೆ ಹಮೆಶಾನು ಜ಼ಲಮ ಮಳಸ.

2 ತಿಮೊತಿ 2:8

ಯೆಸು ಕ್ರಿಸ್ತನೆ ಶೆ ಕರಲೆ. ತೆ ದಾವಿದನಾ ಕ್ಹಾಂದಾನನೊ ವ್ಹೈ. ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಎ ಸುವಾರ್ತೆಜ಼ ಮಿ ಮನಕ್ಹೊನೆ ತಿಳಸೌಸ.

ಇಬ್ರಿಯ 10:22

ತಿನಾಹುತಿ ಕೆಟ್ಟ ಮನಸಾಕ್ಷಿನೆ ವಳಕಿನ ಶುದ್ಧ ಕರಲಿನ, ಪಾತಳಾ ಪಾನಿಕ್ಹು ಧ್ವೈಲಿದಲ ಅಂಗಕ್ಹು, ಯಕ್ಕಜ಼ ಮನಸಕ್ಹು, ಬರೊಕ್ಹಾಕ್ಹು ಪುರಾ ಚಿತ್ತಕ್ಹು, ಕ್ಹುದಾನಾ ನಜಿಕ ಐಯೆ.

ಇಬ್ರಿಯ 6:11

ತುಮೆ ವ್ಹಂದಿಲಿದಲ ಆಸ ಪುರಾ ಥಾಯೆಲಕ್ಕಾ ತುಮೊಮಾ ಹರಿ ಯಕ್ಲೊ ಪೈಲಾನಿ ಆಸಕ್ತಿ ರ‍್ಹಯಲ ಲಾಸ್ಟ ಲಕ್ಕಾಬಿ ದೆಕಾಡಿನ ದ್ಯು ಕೈನ ಆಸ ಕರುಸ.

1 ಪೆತ್ರಾ 1:12

ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.

1 ಪೆತ್ರಾ 1:3

ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.

1 ಪೆತ್ರಾ 5:3

ತುಮೆ ಜವ್ದಾರಿರ‍್ಹಯಲವಾಲಾ ತೆ ಹಿಂಡಪರ ಜ಼ಬರದಸ್ತಿ ಕರೊ ನಕೊ. ತುಮೆ ತ್ಯುನೊನೆ ಚೊ಼ಕಿ ಸಾಕ್ಷಿ ಥಾವೊ.

2 ಪೆತ್ರಾ 1:10

ಮಾರಾ ಭಾಯೊ ಭೆನೊ, ಕ್ಹುದಾಕಂತಾ ಕ್ಹರಿಮಾಜ಼ ಇನಿಲಿದಲವಾಲಾ ವರಿ ಬಲಾಯಲವಾಲಾ ವ್ಹೈ ಕೈನ ದೆಕಾಡಾನಾ ಹುತಿ ಘನ್ನಾ ಕೊಶಿಶ ಕರೊ. ಇಮ್ಮ ತುಮೆ ಕರ‍್ಯಾಮ ಕೆಳಾಮಾಜ಼ ತುಮೆ ಪಡ್ತಾ ನೈ.

2 ಪೆತ್ರಾ 1:19

ಪ್ರವಾದಿಯೊ ಕದಲ ಎ ಸಂಗತಿಯೊ ಐಕಿನ ವರಿ ಘನ್ನು ಕ್ಹರಿ ಲಾಗ್ಯು. ತ್ಯುನೆ ಕದಲ ಕ್ಹಾರುಜ಼ ಐಕಿನ ವರಿ ತಿನಾನಿಂಗ ಚಾ಼ಲಾನು ಚೊ಼ಕು ವ್ಹೈ. ತ್ಯುನೆ ಕದಲ ಸಂಗತಿಯೊ ಅಂದಾರಾಮಾ ಉಜಾಲು ದಿವಸ. ತುಮಾರಾ ಮನಸ್ಮಾ ದಿನ್ನ ನಿಕ್ಹಳಿನ, ಪಾಟ್ಲ್ಯೊ ಉಜಾಲು ಥಾಯೆಲಕ್ಕಾ ತೆ ಉಜಾಲು ರ‍್ಹವಸ.