1 ಥೆಸಲೊನಿಕ 1:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಅಪ್ನೊ ಬಾ ಥಯಲ ಕ್ಹುದಾಮಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕ ಸಬೆವಾಲಾವೊನೆ ಪೌಲ, ಸಿಲ್ವಾನ ವರಿ ತಿಮೊಥೆ ಬರ್ದಾನು ಪತ್ರ. ಕ್ಹುದಾನಿ ಕೃಪಾ ಶಾಂತಿ ತುಮೊನೆ ರ‍್ಹವಾದೆ.

1 ಥೆಸಲೊನಿಕ 1:1 Iomraidhean Croise

ಅಪೊಸ್ತಲೊ 15:22

ತೆಳಾಮಾ ಅಪೊಸ್ತಲೊ, ಸಭೆನಾ ಮ್ಹೊಟಾ ಮನಕ್ಹೊ ವರಿ ಕ್ಹಾರಿ ಸಬೆನಿ ಇಜಾಜತ ಲಿನ ತ್ಯುನಾಮಾ ದಕ್ಹಾಜ಼಼ನಾ ವೊನೆ ಇನಿಲಿನ ಪೌಲಾ ವರಿ ಬಾರ್ನಬನಾ ಕ್ಹಾತೆ ದಕ್ಹಾ ಮನಕ್ಹೊ ಅಂತಿಯೊಕ್ಯನೆ ವಳಾವಾನು ಚೊ಼ಕು ವ್ಹೈ ಕೈನ ನಿರ್ದಾರ ಕರ‍್ಯಾ. ತಿನಾಹುತಿ ಭಾಯೊಮಾ ಖಾಸ ವ್ಹೈ ಕೈನ ಕವೈಲಿವಾಲೊ ಬಾರಬನ ಕೈನ ಕವೈಲಿವಾಲಾ ಯುದನೆ ವರಿ ಶಿಲಾನೆ ಇನಿಲಿನ

ಅಪೊಸ್ತಲೊ 15:27

ತಿನಾಹುತಿ ಹಮೆ ಯುದಾನೆ ವರಿ ಸಿಲನೆ ತ್ಯುನಾ ಕ್ಹಾತೆ ವಳಾಯೊಸ. ಹೆಟ್ಟಾ ಮ್ಹೆಲೆಲ ಸಂಗತಿಯೊ ಕ್ಹಾರಾ ತ್ಯುನೆ ತಮನೊನೆ ತಿಳಸಾವಸ.

ಅಪೊಸ್ತಲೊ 15:40

ಪೌಲಾ ಸಿಲಾನೆ ಇನಲಿನ ಭಾಯೊಕ್ಹು ಕರ್ತಾನಾ ಕೃಪಾ ಆಶ್ರಮನೆ ವಳೈ ಲಿವಾಲೊ ಥೈನ ತ್ಯಾತ್ಯಾ

ಅಪೊಸ್ತಲೊ 16:19

ತಿನಾ ಮಾಟಿಯೊ ತ್ಯುನಿ ಆಸ್ತಿನು ಕೈದಾನು ತಪ್ಪೆಲ ನ್ಹವೈ ಕೈನ ತಿಳ್ದಿನ ಪೌಲಾನೆ ವರಿ ಸಿಲಾನೆ ಧರಿನ ಬಾಜಾರಮಾ ಅದಿಕಾರಿಯೊ ಕನ ಯಳದಿಲಿನ ಗಯಾ.

ಅಪೊಸ್ತಲೊ 16:25

ಅರದಿ ರಾತೆ ಪೌಲ ವರಿ ಸಿಲಾ ಪ್ರಾರ್ಥನಾ ಕರ್ತಾಮಾ ಕ್ಹುದಾನೆ ಸ್ತುತಿನಾ ಗಿದ್ದೊ ಕವಾಡ್ಯಾತಾ; ಜೆಲಮಾ ರ‍್ಹಹೆಲವಾಲಾ ಕ್ಹಾರಾ ಲಕ್ಷ ದಿನ ಐಕಾಡಾತ್ತಾ.

ಅಪೊಸ್ತಲೊ 16:29

ತೆಳಾಮಾ ತೆ; ದಿವೊ ಲೌವು ಕೈನ ಅಡ್ಡಿನ ಮ್ಹೈ ಉಡಿನ ಬುಚುಕ್ಹು ಕಾಪತ್ತೊ ಪೌಲ ವರಿ ಸಿಲನಾ ಕ್ಹಾಮೊ ಅಡ್ಡ ಪಾಡ್ಯೊ.

ಅಪೊಸ್ತಲೊ 17:11

ತೆ ಸಬೆವಾಲಾ ಕ್ಹುದಾನಿ ವಾಕ್ಯನೆ ಸ್ವಚ್ಚ ಮನಸೆ ಒಪಿಲಿನ ತ್ಯುನೆ ಕದಲ ವಾತೊ ವ್ಹೈಸು ನ್ಹವೈ ಕೈನ ವಪಿಲಿವಾನಹುತಿ ದಿನ್ನೆಬಿ ಪವಿತ್ರ ಗ್ರಂಥ ಪರಿಕ್ಷಾ ಕರಾನಾ ಹುತಿ ತುನೆ ಥೆಸೆಲೊನಿಕ ಸಬೆವಾಲೊತಿ ಚೊ಼ಕಾ ವ್ಹತಾ.

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

ಅಪೊಸ್ತಲೊ 19:22

ತೆನೈಸೊ ತೆ ತಿನಾಮಾ ಸೆವೆ ಕರಾವಾಲಾ ಬೆ ಜ಼ನಾ ತಿಮೊಥಿ ವರಿ ಎರಸ್ತನ ಮಕೆದೊನ್ಯನೆ ವಳೈನ ತೆ ಆಸ್ಯಸಿಮೆಮಾ ದಕ್ಹಾ ದಿನ್ನ ವ್ಹತ್ತಾ.

ಅಪೊಸ್ತಲೊ 20:4

ಪುರ್ರನೊ ದಿಕ್ರೊ ಥಯಲ ಬೆರೊಯೊ ಗಾಮವಾಲೊ ಸೊಪತ್ರನು, ಥೆಸಲೊನಿಕ ಅರಿಸ್ತಾರ್ಕ, ಸೆಕುಂದನದೆರ್ಬೆ ಥೆಸಲೊನಿಕ ಗಾಮವಾಲೊ ಗಾಯೊಸನೊ,ತಿಮೊಥಿಯೊನ, ಆಸ್ಯಸಿಮೆಮಾ ರ‍್ಹಯಲವಾಲಾ ಮನಕ್ಹೊ ತುಖಿಕನ, ತ್ರೊಫಿಮನೊ, ಆಸ್ಯಸಿಮೆ ಲಕ್ಕಾ ತಿನಾ ಕ್ಹಾತೆ ಗಯಾ.

ರೊಮಾಪೂರ 1:7

ರೊಮಮಾ ರ‍್ಹಯಲವಾಲಾ ಕ್ಹುದಾನಾ ಸ್ವಂತ ಮನಕ್ಹೊ ಥಾವಾನಾ ಹುತಿ ಕ್ಹುದಾಜ಼ ಬಲಾಯಲವಾಲಾ ಥಯಲ ತುಮೊನೆ ಕ್ಹಾರಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ. ತುಮೆ ಕ್ಹುದಾನೆ ಮಯಾನಾ ಮನಕ್ಹೊ ಥಯಾಸ. ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.

1 ಕೊರಿಂಥ 1:2

ಕ್ರಿಸ್ತ ಯೆಸುಮಾ ಪವಿತ್ರ ಥೈನ ಕರಲ ಕೊರಿಂಥನಾ ಕ್ಹುದಾನಾ ಸಬೆವಾಲಾವೊನೆ ಎ ಪತ್ರ ಬರ್ದಾಡೊಸ. ತುಮೆ ಕ್ಹುದಾನಾ ಪವಿತ್ರ ಮನಕ್ಹೊ ಥಾವಾನೆ ಬಲಾಯಲವಾಲಾ ವ್ಹೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನಾ ಕ್ಹಾತೆ ತುಮೆಬಿ ಬಲಾಯಲವಾಲಾ ಥಯಾಸ. ಯೆಸು ಕ್ರಿಸ್ತ ತ್ಯುನೊನೆಬಿ ವರಿ ಅಪೊನೆಬಿ ಪ್ರಭು ಥಯೊಸ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

2 ಕೊರಿಂಥ 1:19

ಮಿ ವರಿ ಸಿಲ್ವಾನ, ತಿಮೊಥಿ ವರಿ ತುಮೊನೆ ಕ್ಹಾರವೊನೆ ಗ್ವತ್ತ ರ‍್ಹಯಲ ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತ ಹಮ್ನಾ ಹು ಕೈನ ಪಾಚಾ಼ತಾ ಫರಾಲೊ ನ್ಹವೈ. ಕೆಳಾಮಾಬಿ ಕ್ಹರಿನೆ ಕ್ಹರಿಜ ವ್ಹೈ ಕೈನ ಕವಾಲೊ ವ್ಹೈ ತೆ ಕೆಳಾಬಿ ಯಕ್ಕ ಸೆಮ ರ‍್ಹವಾಲೊ ವ್ಹೈ.

ಗಲಾತ್ಯ 1:2

ಮಿ ವರಿ ಮಾರಾ ಕ್ಹಾತೆ ರ‍್ಹಯಲ ಕ್ಹಾರಾ ಭಾಯೊ ಎ ಪತ್ರ ಗಲಾತ್ಯಮಾ ರ‍್ಹಯಲ ಸಬೆವಾಲಾವೊನೆ ಸು ಬರ್ದಾಡ್ಯೊಸ ಕದ್ಯಾಮ;

ಗಲಾತ್ಯ 1:22

ತೆನೈಸೊ ಯೆಸು ಕ್ರಿಸ್ತಮಾ ರ‍್ಹಯಲ ಜುದೆಯಮಾ ರ‍್ಹಯಲ ಸಭೆವಾಲಾ ಮನೆ ಕೆಳಾಮಾಜ಼ ಮಳ್ಯಾನ್ಹೊತಾ.

ಎಫೆಸ 1:2

ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತ ತುಮೊನೆ ಮರಗಾ ಶಾಂತಿ ದಿವಾದೆ.

ಫಿಲಿಪ್ಪಿ 1:1

ಯೆಸು ಕ್ರಿಸ್ತನೊ ಆಳ ಥಯಲ ಪೌಲಾ ತಿಮೊಥಿ ಫಿಲಿಪ್ಪಿವಾಲಾವೊನೆ ಬರ್ದಾನು ಪತ್ರ. ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪರಿಶುದ್ಧ ರ‍್ಹಯಲ ಮನಕ್ಹೊನೆ ಕ್ಹಾರಾ ಮ್ಹೊಟಾ ಮನಕ್ಹೊನೆ ಸಭೆಮಾ ಸೆವೆ ಕರಾಲಾವೊನೆ ಹಮೆ ಎ ಪತ್ರ ಬರ್ದಾಡ್ಯಾಸ.

ಕೊಲೆಸ್ಸೆ 1:1

ಕ್ಹುದಾ ತಿನಾ ಚಿತ್ತಾನಾ ಅನುಸಾರ ಯೆಸುಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿತಾ ಬರ್ದಲ ಪತ್ರ.

2 ಥೆಸಲೊನಿಕ 1:1

ಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕವಾಲಾವೊನಿ ಸಬೆನೆ ಪೌಲಾ, ಸಿಲ್ವಾನ ವರಿ ತಿಮೊತಿ ಬರ್ದಾನು ಪತ್ರ.

1 ತಿಮೊತಿ 1:2

ತು ಬರೊಕ್ಹೊ ರ‍್ಹಯಲವಾಲೊ ಥಯಲಕ್ಹು ಮನೆ ಕ್ಹರಿನೊ ದಿಕ್ರಾ ಲಿಂಗತ ಛೆ. ಬಾ ಥಯಲ ಕ್ಹುದಾಕ್ಹು ವರಿ ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಕ್ಹು ಕೃಪಾ ಮರಗಾ ಶಾಂತಿ ತುನೆ ಮಳಾದೆ.

2 ತಿಮೊತಿ 1:2

ತಿಮೊತಿ, ತು ಮಾರೊ ಮಯಾನೊ ದಿಕ್ರೊ ರ‍್ಹಯಲಲಿಂಗತ ವ್ಹೈ. ಬಾ ಥಯಲ ಕ್ಹುದಾಕಂತು ವರಿ ಪ್ರಭು ಥಯಲ ಯೆಸು ಕ್ರಿಸ್ತನಿ ತುನೆ ಆಶಿರ್ವಾದ ಮರಗಾ ಶಾಂತಿ ಮಳಾದೆ.

ಇಬ್ರಿಯ 13:23

ಮಾರೊ ಭೈ ಥಯಲ ತಿಮೊಥಿನೆ ಬಿಡುಗಡೆ ಥೈಸ ಕೈನ ತುಮೊನೆ ಗೊತ್ತ ರ‍್ಹವಾದೆ. ತೆ ಜಲ್ದಿ ಆಯೊಮ ಮಿ ತಿನಾ ಕ್ಹಾತೆ ಐನ ತುಮೊನೆ ದಿಕ್ಹುಸ.

1 ಪೆತ್ರಾ 5:12

ಮಿ ಆ ನ್ಹಾನು ಪತ್ರ ಸಿಲ್ವಾನನಾ ಆಸ್ರಾಕ್ಹು ಬರ್ದ್ಯೊ. ತೆ ಕ್ರಿಸ್ತಮಾ ರ‍್ಹೈನ ಬರೊಕ್ಹಾವಾಲೊ ಭೈ ವ್ಹೈ ಕವಾನು ತುನೆ ಗ್ವತ್ತ ಛೆ. ಮಿ ತುನೆ ಪೊಕ್ಹಾಲಾವಾನೆ ವರಿ ಅಗೊ ಬಡಾನೆ ಎ ಪತ್ರ ಬರ್ದ್ಯೊಸ. ಎಜ಼ ಕ್ಹುದಾನಿ ಕ್ಹರಿನಿ ಮರಗಾ ಕವಾನು ತುಮೊನೆ ಕೌ ಕೈನಜ಼ ಮಾರಿ ಆಸ ವ್ಹತಿ. ತೆ ಮರಗಾಮಾ ಘಟ್ಟ ಥೈ ರ‍್ಹವೊ.

1 ಯೊಹಾನ 1:3

ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕವಾಡ್ಯಾಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲ ಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ‍್ಹವಾನು ವ್ಹೈ.

ಯುದ ಬರ್ದಲ ಪತ್ರ 1:1

ಯೆಸು ಕ್ರಿಸ್ತನೊ ಸೆವಕ ಯಾಕೊಬ್ನೊ ಭೈ ಥಯಲ ಯುದನ ಕ್ಹುದಾಕ್ಹು ಬಲಾಯಲವಾಲಾ ಬಾ ಥಯಲ ಕ್ಹುದಾನೆ ಮಯಾನಾ ಥಯಲ ಯೆಸು ಕ್ರಿಸ್ತಮಾ ಚೊ಼ಕಿತರಾ ರ‍್ಹಯಲವಾಲಾವೊನಾ ಹುತಿ ಬರ್ದಾನು ಪತ್ರ.