1 ಪೆತ್ರಾ 5:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ತುಮೆ ಜವ್ದಾರಿರ‍್ಹಯಲವಾಲಾ ತೆ ಹಿಂಡಪರ ಜ಼ಬರದಸ್ತಿ ಕರೊ ನಕೊ. ತುಮೆ ತ್ಯುನೊನೆ ಚೊ಼ಕಿ ಸಾಕ್ಷಿ ಥಾವೊ.

1 ಪೆತ್ರಾ 5:3 Iomraidhean Croise

ಯೊಹಾನ 13:15

ಎ ಕಾಮೊನೆ ಮಿಜ಼ ಸಾಕ್ಷಿ ಥಯೊಸ. ಕಾಕದ್ಯಾಮ ಮಿ ತುಮೊನೆ ಕರಲ ತಿಮ್ಮಜ಼ ತುಮೆಬಿ ಬಿಜಾ಼ವೊನಾ ಕ್ಹಾತೆ ಕರು.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

1 ಕೊರಿಂಥ 11:11

ರ‍್ಹೈತಬಿ ಪ್ರಭುನಾ ಇಸಾಬೆ ದಾಣಗೊ ನೈಸೊ ಬಾಕ್ಡಿ ನತ್ತಿ; ಬಾಕ್ಡಿ ನೈಸೊ ದಾಣಗೊ ನತ್ತಿ.

1 ಕೊರಿಂಥ 3:5

ತೆನೈಸೊ ಅಪೊಲೊಸ ಕುನ್ನ ವ್ಹೈ? ಪೌಲಾ ಕುನ್ನ ವ್ಹೈ? ತುಮೊನೆ ವಿಸ್ವಾಸಮಾ ಬಲೈ ಲಾಯಲ ಸೆವಕೊ ಹಮೆ ನ್ಹವೈ ಸು? ಹಮೊಮಾ ಹರಯಕ್ಲೊ ಪ್ರಭು ದಿದಲ ಕಾಮೊಜ಼ ಕರೆಸ.

1 ಕೊರಿಂಥ 3:9

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

2 ಕೊರಿಂಥ 1:24

ತುಮಾರೊ ಬರೊಕ್ಹೊ ಹತೊಟಿಮಾ ಮ್ಹೆಲ್ಲಿವಾನಾ ಹುತಿ ಹಮೆ ಕೊಶಿಸ ಕರಾಡ್ಯಾಸ ಕೈನ ಮಿ ಕವಾಡ್ಯೊ ನತ್ತಿ.ತುಮೆ ಬರೊಕ್ಹಾಮಾ ಘಟ್ಟ ಛೆ. ತೆ ನೈಸೊ ಹಮೆ ತುಮಾರಿ ಖುಶಿನಾ ಹುತಿ ತುಮಾ ಕ್ಹಾತೆ ಕಾಮ ಕರಾಲಾ ಥಯಾಸ.

2 ಕೊರಿಂಥ 4:5

ಅಪೆ ಅಪ್ನಾ ಹುತಿ ಭೊದನೆ ಕರ್ತಾ ನೈ. ತೆ ನೈಸೊ ಯೆಸು ಕ್ರಿಸ್ತಜ ವ್ಹೈ ಕೈನ ವರಿ ತಿನಾ ಸೆಕೊ ವ್ಹೈ ಕೈನ ಭೊದನೆ ಕರಿಯೆಸ.

ಫಿಲಿಪ್ಪಿ 3:17

ಭಾಯೊ ವರಿ ಭೆನೊ, ತುಮೆ ಮಾರಾಕ್ಹಾತೆ ಮಳಿನ ಮಾರಾ ಕ್ಹಾತೆ ಚಾಲಾವಾಲಾ ಥಾವೊ ಹಮೆ ದೆಕಾಡಾನಾ ತರಿಕಾಮ್ಮಾಜ ಚಾಲಾವಾಲಾವೊನೆ ಧ್ಯಾನ ಲಿವೊ.

ಫಿಲಿಪ್ಪಿ 4:9

ತುಮೆ ಮಾರಾಕ್ಹು ಶಿಕಲ ಕ್ಹಾರು. ಹೊಂದಿಲಿದೆಲ ಕ್ಹಾರು ಐಕಲ ವರಿ ಡೊಳೆ ದೆಕೆಲ ಕರೊ. ತೆಳಾಮಾ ಶಾಂತಿ ದಿವಾಲೊ ಕ್ಹುದಾ ತಮಾರಾ ಕ್ಹಾತೆ ರ‍್ಹವಸ.

1 ಥೆಸಲೊನಿಕ 1:7

ತಿನಾಹುತಿ ಮೆಕೆದೊನಿಯಾ ವರಿ ಅಖಾಯಾಮಾ ರ‍್ಹಯಲ ವಿಸ್ವಾಶಿಯೊನೆ ತುಮೆ ಉದಾಹರಣ ಥಯಾಸ.

2 ಥೆಸಲೊನಿಕ 3:9

"ಹಮೊನೆ ಮದದ ಕರೊ" ಕೈನ ತುಮೊನೆ ಪುಚ್ಚಾ಼ನೆ ಹಕ್ಕ ರ‍್ಹೈ. ತೆನೈಸೊ ಹಮೆ ಜ಼ತ್ತನ ಥಾವಾನಾ ಹುತಿ ಚಾ಼ಯೆ ಥಯಲ ಹಮೆಜ಼ ರಾಬ್ಯಾ, ಕಾಕದ್ಯಾಮ ತುಮೊನೆ ಹಮೆ ದೆಕಾಡಿನ ದಿದ್ಯಾಸ.

1 ತಿಮೊತಿ 4:12

ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.

ತಿತನೆ 2:7

ಕ್ಹಾರಾ ಕಾಮೊನೆ ತಾರಾಕ್ಹು ತುನೆ ಬಿಜಾ಼ವೊನಾ ಕ್ಹಾಮು ಉದಾಹರಣ ಥೈನ ರ‍್ಹೌ.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.