1 ಪೆತ್ರಾ 4:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತಿನಾಹುತಿ ಎ ಜಗತ್ಮಾ ಮನಕ್ಹೊನಿ ಮರ್ಜಿ ಲಿಂಗತ ಕೆಟ್ಟ ಕಾಮೊ ಕರ‍್ಯಾವಾಚಿ, ಕ್ಹುದಾನಿ ಮರ್ಜಿ ಲಿಂಗತ ಕಾಮೊ ಕರತಾ ಜಿವ್ನಾ ಕರತಾ ತುಮಾರಾ ಕ್ಹು ತುಮೆ ತಾಕತ ಭರಲಿವೊ.

1 ಪೆತ್ರಾ 4:2 Iomraidhean Croise

ಮತ್ತಾಯ 12:50

ಪರಲೊಕಮಾ ರ‍್ಹಯಲ ಮಾರಾ ಬಾನಾ ಚಿತ್ತನಾ ಪ್ರಕಾರ ಚಾಲಾಲೊಜ ಮನೆ ಭೈ ವ್ಹೈ, ಭೆನ ವ್ಹೈ ವರಿ ಯಾ ವ್ಹೈ” ಕೈನ ಕದ್ಯೊ.

ಮತ್ತಾಯ 20:4

ತ್ಯುನೊನೆ, ‘ ತುಮೆಬಿ ಮಾರಾ ದ್ರಾಕ್ಷಿಯೊನಾ ಮಳಾನೆ ಜಾವೊ; ತುಮೊನೆ ಕರೆಟ್ಟ ಪಗಾರ ದ್ಯುಸ’ ಕದ್ಯೊ. ತೆಳಾಮಾ ತ್ಯುನೆ ಕಾಮೆ ಗಯಾ.

ಮತ್ತಾಯ 21:31

ಎ ಭಂಬಿ ಜ಼ನಾವೊಮಾ ಬಾಪನಿ ವಾತನೆ ಕುನ್ನ ವಿಧೆಯ ಥಯು? ಕೈನ ಪುಚ್ತಾ಼ಮಾ ತ್ಯುನೆ ಪಸ್ಟಲ್ಯೊ ಕೈನ ಕದ್ಯಾ. ತೆಳಾಮಾ ಯೆಸು ತ್ಯುನೊನೆ ಸುಂಕವಾಲಾ, ವೈಭಿಚಾರ ಕರಾಲಿಯೊ ತುಮೊತಿ ಪೈಲಾ ಕ್ಹುದಾನಿ ರಾಜ್ಯಮಾ ಜಾ಼ವಸ ಕೈನ ತುಮೊನೆ ಕ್ಹರಿಮಾಜ಼ ಕೌಸ.

ಮತ್ತಾಯ 7:21

ಮಿ ಪ್ರಭುನೊ ವ್ಹೈ ಕೈನ ಕ್ಹಾಲಿ ಕದಲಕ್ಹು ಮನಕ್ಹ ಪರಲೊಕ ರಾಜ್ಯನೆ ಪ್ರವೆಶ ಕರಾನು ಸಾದ್ಯ ನತ್ತಿ. ಪರಲೊಕಮಾ ರ‍್ಹಯಲ ಮಾರಾ ಬಾನಾ ಮನಸನೆ ಚೊ಼ಕು ಲಾಗಲಿಂಗತ ಕರಾಲಾಜಾ ಪರಲೊಕ ರಾಜ್ಯನೆ ಪ್ರವೆಶ ಕರ ಸಕಸ.

ಮಾರ್ಕ 3:35

ಕ್ಹುದಾನಿ ಚಿ಼ತ್ತಲಿಂಗತ ಚಾ಼ಲಾಲಾ ಮಾರಿ ಯಾ ವರಿ ಮಾರಾ ಭಾಯೊ ಭೆನೊ ವ್ಹೈ ಕೈನ ಕದ್ಯೊ.

ಮಾರ್ಕ 7:21

ಯಕ್ಕ ಮನಕ್ಹನಾ ಮ್ಹೈತು ಕದ್ಯಾಮ ಮನಕ್ಹೊನಾ ಮನಸ ಮಾತು. ಜಾ಼ವಾನು ಕೈ ವ್ಹೈ ಕದ್ಯಾಮ ತೆ ತಿನೆ ಕೆಟ್ಟ ಕಾಮೊಮಾ ಚ಼ಲಾವಸ ತೆ ಕೈಯು ವ್ಹೈ ಕದ್ಯಾಮ ವೈಭಿಚಾರ ಕಾಮೊ ಚೊ಼ಟ್ಟಿತನಾ ಖಲಾಸ ಕರಾನು.

ಯೊಹಾನ 1:13

ಇವ್ನೆ ರಗತಕ್ಹು ರ‍್ಹೈನೆಕಾ ಅಂಗನಾ ಆಸಕ್ಹು ರ‍್ಹೈನೆಕಾ ದಾಣ್ಗಾನಾ ಆಸಕ್ಹು ರ‍್ಹೈನೆಕಾ ಹುಟ್ಟಲ ನ್ಹವೈ. ತೆ ಇವ್ನೆ ಕ್ಹುದಾಕ್ಹುಜ ಹುಟ್ಟಲ ವ್ಹೈ.

ಯೊಹಾನ 7:17

ಕ್ಹುದಾ ಆಸ ಕರಾನು ಕರಾಲಾನೆ ಮಾರು ಉಪದೆಶ ಕ್ಹುದಾತಿ ಆಯುಸ ತೆನೈಸೊ ಮಾರು ಸ್ವಂತ ನ್ಹವೈ ಕೈನ ಗ್ವತ್ತ ಥಾವಸ.

ರೊಮಾಪೂರ 12:2

ಎ ದುನಿಯಾ ರ‍್ಹಯಲಲಿಂಗತ ನೈ ರ‍್ಹಯಾವಾಚಿ ಮನಸ ಬದ್ಲಿ ಕರಲಿನ ನವು ಮನಸ ಕರಲಿನ ರ‍್ಹವೊ. ತೆಳಾಮಾ ತುಮೆ ಕ್ಹುದಾನಿ ಚಿತ್ತನಾ ಲಿಂಗತ ಕಯು ಚೊ಼ಕು ವ್ಹೈ, ಕಯು ಕೆಟ್ಟ ವ್ಹೈ ಕವಾನು ತಿಳ್ದಿಲಿವೊಸಿ.

ರೊಮಾಪೂರ 14:7

ಅಪ್ನೊಮಾ ಕುನ್ನಬಿ ಅಪ್ನಾ ಹುತಿ ಜಿವ್ನಾ ನೈ ಕರ‍್ತಾ ವರಿ ಅಪೆ ಅಪ್ನಾ ಹುತಿಜ಼ ನೈ ಮರ‍್ತಾ.

ರೊಮಾಪೂರ 6:11

ತಿನಾ ಲಿಂಗತಜ಼ ತುಮೆಬಿ ತುಮೊನೆ ಪಾಪನಿ ತಾಕತನಿ ಪಾಲೆ ಮರ‍್ಯಾಸ ಕೈನ ವರಿ ಪಾಪನಿ ಅದಿಕಾರಮಾ ನಕೊ ಚಾ಼ಲೊ ಕ್ರಿಸ್ತ ಯೆಸುನಾ ಮುಕಾಂತರ ಕ್ಹುದಾನಾ ಕ್ಹಾತೆ ಜಿವ್ನಾ ಕರಿಯೆಸ ಕೈನ ತಿಳ್ದಿಲಿವೊ.

ರೊಮಾಪೂರ 6:2

ಕ್ಹರಿಜ಼ ನೈ! ಅಪೆ ಅಪ್ನಾ ಪಾಚ಼ಲ್ಯಾ ಪಾಪನಿ ಜಿವ್ನಾನಾ ಪಾಲೆ ಮರಿ ಗಯಾಸ. ತಿಮ್ಮ ರ‍್ಹಯಾಮ, ಅಪೆ ಪಾಪಮಾಜ಼ ಜಿವ್ನಾ ಕರಾನು ಕಿಮ ಸಾದ್ಯ ಛೆ?

ರೊಮಾಪೂರ 7:4

ಮಾರಾ ಭಾಯೊ ಭೆನೊ, ಇನಾಲಿಂಗತಜ಼ ತುಮಾರಾ ಜು಼ನ್ನಿಯೊ ಚಾಳಿಯೊ ಮರಿ ಗಯ್ಯೊ; ತುಮೆ ಕ್ರಿಸ್ತನಾ ಅಂಗನಾ ಮುಲಕ ಧರಮಶಾಸ್ತ್ರಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ, ಮರಲ ಮನಕ್ಹೊಮಾತಾ ಜಿವ್ತೊ ಥೈನ ಉಟಿನ ಆಯಲವಾಲಾನೆ ಮಳಲವಾಲಾ ಥಯಾಸ. ಅಪೆ ಕ್ಹುದಾನಾ ಹುತಿ ಫಲ ದಿವಾನಾ ಹುತಿ ಕ್ರಿಸ್ತನೆ ಮಳಲವಾಲಾ ಥಯಾಸ.

2 ಕೊರಿಂಥ 5:15

ಜಿನ್ತಾ ರ‍್ಹವಾಲಾ ಇತ್ತುಪ್ಪರ ತ್ಯುನಾಹುತಿ ಜಿವ್ನಾ ಕರು ನೈ ಕೈನ ಕ್ರಿಸ್ತ ಕ್ಹಾರಾ ಮನಕ್ಹೊನಾ ಹುತಿ ಮರ್xಯೊ. ತೆ ಮನ್ಕಹೊ ತಿನಾಹುತಿ ಜಿವ್ನಾ ಕರು ಕೈನ ತೆ ತ್ಯುನಾಹುತಿ ಮರ್xಯೊ ವೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟ್ಯೊ.

ಎಫೆಸ 2:3

ಪೈಲಾ ಅಪೆ ಕ್ಹಾರಾ ತೆ ಮನಕ್ಹೊ ಲಿಂಗತ ಜಿವ್ಸಾಡಾತಾ. ಅಂಗನಾ ಅಪ್ನಾ ಆಸೊ ಪುರಾ ಕರಾನೆ ಅಪೆ ಕೊಶಿಶ ಕರಾಡಾತಾ. ಅಪ್ನು ಅಂಗ, ಮನಸ್ಸ ಆಸ ಕರಲ ಕ್ಹಾರು ಅಪೆ ಕರ‍್ಯಾ. ಅಪೆ ದುಷ್ಟ ಮನಕ್ಹೊ ಥಯಾತಾ. ಅಪ್ನಿ ತೆ ಜಿವಿತಕ್ಹು ಅಪೆ ತೆಳಾಮಾಜ಼ ಕ್ಹುದಾನಿ ಶಿಟ್ಟನೆ ಗುರಿ ಥಾವಾನು ವ್ಹತ್ತು. ಅಪೊನೆ ವರಿ ಬಿಜಾ಼ ಮನಕ್ಹೊನೆ ಕಯುಜ಼ ಫರಕಜ಼ ನ್ಹೊತು.

ಎಫೆಸ 4:17

ಪ್ರಭುನಾ ಹುತಿ ಮಿ ತುಮೊನೆ ಎ ಕೌಸ ವರಿ ಹುಶಾರಕಿ ದಿವ್ಸ. ಅವಿಶ್ವಾಸಿಯೊ ಲಿಂಗತ ಇತ್ತಿ ಉಪ್ಪರ ಜಿವ್ನಾ ಕರೊ ನಕೊ. ತ್ಯುನಾ ವಿಚಾರೊ ಉಪಯೊಗ ನೈಸೊ ಥಯಾಸ.

ಎಫೆಸ 5:17

ತುಮೆ ಪಿಸಾಳಾ ಥಯಾವಾಚಿ ಕ್ಹುದಾನಿ ಚಿತ್ತ ಸು ವ್ಹೈ ಕವಾನು ತಿಳ್ದಿಲಿವೊ.

ಎಫೆಸ 6:6

ತ್ಯುನಿ ಮಯಾ ಗಳಸಿಲ್ಯು ಕೈನ ತ್ಯುನೆ ದೆಕ್ತಾಮಾ ಸೆವಾ ಕರ‍್ಯಾವಾಚಿ ತುಮೆ ಕ್ರಿಸ್ತನೆ ವಿಧೆಯ ಥೈನ ರ‍್ಹಯಲ ಲಿಂಗತ ತ್ಯುನೊನೆಬಿ ವಿಧೆಯ ಥೈನ ರ‍್ಹೌ. ಕ್ಹುದಾನೆ ಪಸಂದ ರ‍್ಹಯಲ ತುಮೆ ಪುರಾ ಮನಸ್ಸಕ್ಹು ಕರು.

ಕೊಲೆಸ್ಸೆ 1:9

ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ

ಕೊಲೆಸ್ಸೆ 3:3

ಕಾಕದ್ಯಾಮ ತುಮೆ ಲೊಕನಾ ಪಾಲೆ ಮರಿನ ತುಮಾರೊ ಜು ಕ್ರಿಸ್ತನಾ ಕ್ಹಾತೆ ಕ್ಹುದಾಕನ ಛೆ.

ಕೊಲೆಸ್ಸೆ 4:12

ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

1 ಥೆಸಲೊನಿಕ 5:18

ಕ್ಹುದಾನೆ ಕ್ಹಾರಾ ದಿನೊಮಾ ಸ್ತೊತ್ರಾ ಕವೊ. ಎಜ಼ ತುಮಾರು ವಿಷಯನಾ ಹುತಿ ಯೆಸು ಕ್ರಿಸ್ತಮಾ ದಿಕ್ಹಿನ ಆಯಲ ಕ್ಹುದಾನಿ ಚಿತ್ತ ವ್ಹೈ.

ಇಬ್ರಿಯ 13:21

ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ.

ಯಾಕೊಬ 1:18

ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.

1 ಪೆತ್ರಾ 1:14

ತುಮೆ ಪೈಲಾ ಎ ಸಂಗತಿಯೊನಾ ಹುತಿ ನೈ ತಿಳದಿಲಿದಲ ಹುತಿ, ತುಮೆ ತುಮಾರಾ ಮನಸೆ ಆಯಲ ತಿಮ್ಮಜ಼ ಕೆಟ್ಟ ಕಾಮೊ ಕರ‍್ಯಾ. ಹಮ್ನಾ ತುಮೆ ವಿಧೆಯ ಥಯಲ ಕ್ಹುದಾನಾ ಬಚ್ಚಾ಼ ವ್ಹೈ. ತಿನಾಹುತಿ ತುಮೆ ಪೈಲಾ ಜಿವ್ನಾ ಕರಲ ತಿಮ್ಮಜ಼ ಹಮ್ನಾ ಕರೊ ನಕೊ.

1 ಪೆತ್ರಾ 2:1

ತಿನಾಹುತಿ ಬಿಜಾ಼ ಮನಕ್ಹೊನೆ ಕೆಟ್ಟ ಕರೊನಕೊ. ಸುಳ್ಳ ಬೊಲೊ ನಕೊ, ಮೊಸಕರೊ ನಕೊ, ಸಂಗಟ ಘಾಲ್ಲಿವೊನಕೊ, ಮನಕ್ಹೊನಾ ಹುತಿ ಕೆಟ್ಟವಾತೊ ಬೊಲೊ ನಕೊ. ಎ ಕ್ಹಾರು ತುಮಾರಿ ಜಿವಿತಮಾತಾ ಭಾರಾ ಘಾಲೊ.

1 ಯೊಹಾನ 2:17

ಎ ಜಗತ ವರಿ ಮನಕ್ಹೊ ಆಸ ಕರಾನು ಹಾಳ ಥೈಜಾ಼ವಸ. ತೆನೈಸೊ ಕ್ಹುದಾನಿ ಚಿ಼ತ್ತಲಿಂಗತ ಕರಾಲೊ ಹಮೆಶಾಬಿ ಜಿವ್ತೊ ರ‍್ಹವಸ.