1 ಪೆತ್ರಾ 3:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.

1 ಪೆತ್ರಾ 3:16 Iomraidhean Croise

ಮತ್ತಾಯ 5:11

ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಕದ್ರಾಯಮ, ತ್ರಾಸ ಕರ‍್ಯಾಮ ವರಿ ತುಮಾರಾ ಉಪ್ಪರ ಕೆಟ್ಟ ವಿಶಯ ಸುಳ್ಳ ಘಾಲ್ಯಮ ತುಮೆ ಧನ್ಯ ವ್ಹೈ.

ಅಪೊಸ್ತಲೊ 24:16

ಇನಾಹುತಿ ಕ್ಹುದಾನಾ ಕ್ಹಾಮಾ ಶುದ್ಧ ಮನಸಕ್ಹು ರ‍್ಹವಾನೆ ಮನಸಾಕ್ಷಿಲಿಂಗತ ಮಿ ಕೆಳಾಮಾಬಿ ಮನೆ ಥಾವಾಕ್ಲು ಕೆಳಮ್ಮಾನಿ ಕೊಶಿಷ ಕರುಸ.

ಅಪೊಸ್ತಲೊ 28:22

ತೆನೈಸೊ, ತಾರಾ ವಿಚಾರಮಾ ತಾರಾಕ್ಹುಜ಼ ಐಕು ಕೈನ ಹಮೊನೆ ಚೊ಼ಕು ವ್ಹೈ ಕೈನ ದಿಕ್ಹಸ. ತೆ ಗುಂಪನಾ ವಿಷಯಮಾ ಮನಕ್ಹೊ ಕಜ಼ಾ ಕಜಾ಼ ಕಿಜ಼ ವಿರುದ್ದ ಥೈನ ಬೊಲಸ ಕರಿನ ಕೈನ ಯಕಜ಼ ಹಮೊನೆ ಗ್ವತ್ತ ಛೆ ಕದ್ಯಾ”.

ರೊಮಾಪೂರ 9:1

ಮಿ ಕ್ರಿಸ್ತಮಾ ಛೆ ವರಿ ತುಮೊನೆ ಕ್ಹರಿಜ಼ ಕವಾಡ್ಯೊಸ. ಮಿ ಸುಳ್ಳ ನೈ ಬೊಲ್ತೊ. ಮಾರಿಯೊ ವಿಚಾರೊ ಪವಿತ್ರ ಆತ್ಮಾನಿ ಅದಿಕಾರಮಾ ಛೆ. ಎಜ಼ ಅನೆ ಸಾಕ್ಷಿ ವ್ಹೈ.

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

2 ಕೊರಿಂಥ 4:2

ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.

1 ತಿಮೊತಿ 1:19

ತಾರಾಮಾ ಬರೊಕ್ಹೊ ಘಟ್ಟ ಥೈನ ರ‍್ಹವಾದೆ, ತುನೆ ಚೊ಼ಕು ಲಾಗಲಜ಼ ಕರ. ದಕ್ಹಾಜ಼಼ನಾ ಇಮ್ಮ ಕರ‍್ಯಾನೈ. ತ್ಯುನೊ ಬರೊಕ್ಹೊ ಕ್ಹಾರೊ ಹಾಳ ಥೈ ಗಯೊ.

1 ತಿಮೊತಿ 1:5

ಮಯಾಜ಼ ತೆ ಆಗ್ನ್ಯಾನಿ ಗುರಿ ವ್ಹೈ. ತೆ ಮಯಾ ಮಳು ಕದ್ಯಾಮ ಮನಕ್ಹೊ ಚೊ಼ಕಾ ಮನಸೆ ರ‍್ಹಯಲವಾಲಾ ರ‍್ಹೌ; ಯೊಗ್ಯ ಥಯಲ ಕಾಮಜ಼ ಕರಾಲಾ ರ‍್ಹೌ; ವರಿ ಕಪಟ ನೈಸೊ ಬರೊಕ್ಹೊ ರ‍್ಹಯಲವಾಲಾ ರ‍್ಹೌ.

2 ತಿಮೊತಿ 1:3

ಮಿ ರಾತ ದಿನ್ನ ಮಾರಿ ಪ್ರಾಥನಾಮಾ ಚು಼ಕಾಯಾವಾಚಿ ತುನೆ ಶೆ ಕರಿನ ತಾರಿ ವಿಷಯಮಾ ಕ್ಹುದಾನೆ ಸ್ತುತಿ ಕರುಸ. ಮಾರಾ ಶಾನಾ ಸೆವೆ ಕರಲ ತಿನೆಜ಼ ವ್ಹೈ ಪುರಾ ಮನಸಾಕ್ಷಿಕ್ಹು ಮನೆ ಕಳಲ ಲಿಂಗತ ತಿನಿ ಸೆವೆ ಕರುಸ.

ತಿತನೆ 2:8

ಶಿಕ್ಲಾತಾಮಾ ಚೊ಼ಕಿಯೊವಾತೊ ಉಪಯೊಗ ಕರಿನ ಇಮ್ಮ ರ‍್ಹತಾಮಾ ತಾರಾ ವಿರೊದಿಯೊ ರ‍್ಹಯಲವಾಲಾವೊನೆ ತಾರಾ ವಿರೊದಥೈನ ಬೊಲ್ಯವಾಚಿ ರ‍್ಹಯಾಮಾ ತ್ಯುನಾಕ್ಹು ತ್ಯುನೆಜ಼ ಸರ್ಮಾವಸ.

ಇಬ್ರಿಯ 13:18

ಹಮಾರಾ ಹುತಿ ಪ್ರಾಥನಾ ಕರೊ. ಹಮೆ ಕ್ಹಾರಿಯೊ ವಿಷಯನಾ ಹುತಿ ಚೊ಼ಕಿತರಾ ಚಾ಼ಲಿಲಿನ ಜೌ಼ ಕೈನ ಚೊ಼ಕಿ ಮನಸನಿ ಸಾಕ್ಷಿ ವ್ಹಂದಿಲಿದ್ಯಾಸ ಕೈನ ಫೈಸಲೊ ಕರಿಲಿದ್ಯಾಸ.

ಇಬ್ರಿಯ 9:14

ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.

1 ಪೆತ್ರಾ 2:12

ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಪೆತ್ರಾ 2:15

ತುಮೆ ಚೊ಼ಕು ಕರತಾಮಾ ತುಮಾರಾಹುತಿ ಕೆಟ್ಟ ವಾತೊ ಬೊಲಾಲಾವೊನೆ ಥಾತು ನೈ. ಕ್ಹುದನಿ ಮರ್ಜಿ ಎಜ಼ ವ್ಹೈ.

1 ಪೆತ್ರಾ 2:19

ಯಕ್ಲಾನೆ ಅನ್ಯಾಯಾ ಥಾತಿ ರ‍್ಹೈಮ ಕ್ಹುದಾನಾಹುತಿ ತಡ್ದಿಲಿನ ಗಯೊಮ ಕ್ಹುದಾ ತಿನೆ ಮೆಚ್ಚೆಸ.

1 ಪೆತ್ರಾ 3:21

ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.

1 ಪೆತ್ರಾ 4:4

ತುಮೆ ಹಸೈ ರ‍್ಹಯಲ ವರಿ ನೈಸೊ ಕರಾನಾ ಕಾರ‍್ಯೊ ನೈಕಾರುನು ದೆಕಿನ ಬರೊಕ್ಹೊ ನೈಸೊವಾಲಾ ತುಮಾರಾ ಹುತಿ ಘಾಬ್ರಾಥಾವಸ. ತಿನಾಹುತಿಜ಼ ತ್ಯುನೆ ತುಮೊನೆ ಕೆಟ್ಟವಾತೊ ಕವಸ.