1 ಪೆತ್ರಾ 2:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಪವಿತ್ರ ಗ್ರಂಥ ಸು ಕವಸ ಕದ್ಯಾಮ"ಮಿ ಚೊ಼ಕು ರ‍್ಹಯಲ ಮುಲಾಮಾ ಪಡ್ಯಲ ದಗ್ಡಾನೆ ಇನಿಲಿದ್ಯೊಸ. ಮಿ ತೆ ದಗಡಾನೆ ಚಿಯೊನಮಾ ಮ್ಹೆಲ್ಯೊಸ; ತುನೆ ಬರೊಕ್ಹೊ ಕರಾಲೊ ಕೆಳಾಮಾಬಿ ನಿರಾಸ ನೈ ಥಾತೊ "ಯೆಶಾಯ 28:16

1 ಪೆತ್ರಾ 2:6 Iomraidhean Croise

ಮತ್ತಾಯ 12:18

ದೆಕೊ, ಎ ಮಾರೊ ಸೆವಕ ವ್ಹೈ; ಇನೆ ಮಿ ಇನಿಲಿದ್ಯೊಸ; ಎ ಮನೆ ಪಸಂದ ಛೆ; ಮಾರೊ ಮಯಾನೊ ವ್ಹೈ. ಇನಾಮಾ ಮಾರಿ ಆತ್ಮಾ ಭರುಸ; ಎ ಬಿಜಾ ಮನಕ್ಹೊನೆಬಿ ನ್ಯಾಯನೊ ಫೈಸಲೊ ಕವಸ.

ಮಾರ್ಕ 12:10

ತುಮೆ ಗ್ರOಥಮಾ ಒದ್ಯಾವಸೆತೊ ಘರ ಭಾಂದಾಲಾವೊನೆ ನಕೊ ಚಾ಼ಯೆ ಕೈನ ಭಿರಕಾಯಲ ದಗ್ಡೊಜ಼ ಚಾ಼ಯೆಥಯಲ ಮುಲಾನೊ ದಗ್ಡೊ ಥಯೊ.

ಲುಕ ಬರ್ದಲ ಸುವಾರ್ತಾ 20:17

ವರಿ ಯೆಸು ತ್ಯುನೊನೆ ದೆಕಿನ ತಿಮ್ಮ ರ‍್ಹಯುಮ, ಘರ ಭಾಂದಾಲಾವೊನೆ ನೈ ಚಾ಼ಯೆ ಥಯಲ ಭಿರಕೈ ಪಾಡಲ ದಗ್ಡೊ ಮೆನ ಮುಲಾನೊ ದಗ್ಡೊ ಥಯೊ. ಎ ವಚನೊ ಮತ್ಲಬ ಸುವೈ?

ಲುಕ ಬರ್ದಲ ಸುವಾರ್ತಾ 23:35

ಮನಕ್ಹೊ ದೆಕತಾ ತ್ಯಾ ಹುಬ್ರಯಾತಾ. ಯೆಹುದಿಯೊನಾ ಮ್ಹೊಟಾ ಮನಕ್ಹೊ ಯೆಸುನೆ ಕದ್ರಾಯಾ. ತ್ಯುನೆ ಯೆಸುನೆ ತು ಕ್ಹುದಾ ಇನಿಲಿದಲ ಕ್ರಿಸ್ತ ರ‍್ಹಯೊಮ ತಿನಾಕ್ಹು ತೆ ವಚಾ಼ಡಿಲಿವಾದೆ. ಎ ಬಿಜಾ಼ವೊನೆ ವಚಾ಼ಡಲ ವಾಲೊ ನ್ಹವೈಸು? ಕದ್ಯಾ.

ಯೊಹಾನ 7:38

ಮಾರಾ ಉಪ್ಪರ ಬರೊಕ್ಹೊ ಮ್ಹೆಲಲವಾಲಾನಾ ಪೆಟಮಾತು ಜ಼ಲಮನು ಪಾನಿನಿ ಝರಿಯೊ ವೈನ ಜಾ಼ವಸ. ಪವಿತ್ರ ಗ್ರಂಥ ತಿಳ್ಸಾವಾನು ಎಜ಼ ವ್ಹೈ "ಕೈನ ಜೊ಼ರ ವದ್ರಿನ ಕದ್ಯೊ.

ಅಪೊಸ್ತಲೊ 1:16

"ಭಾಯೊ ಭೆನೊ, ಪವಿತ್ರ ಆತ್ಮಾ ದಾವಿದನಾ ಮುಲಕ ಪವಿತ್ರ ಗ್ರಂಥಮಾ ಪೈಲಾಜ಼ ಕದಲ ಸಂಗತಿಯೊ ಪುರಾ ಥಾವಾನು ವ್ಹತ್ತು. ಅಪ್ನಾ ಸ್ವಂತ ಗುಂಪಮಾನೊ ಯುದನ ಹುತಿ ದಾವಿದ ಕದ್ಯೊಸ.

ರೊಮಾಪೂರ 10:11

ತಿನಾ ಉಪ್ಪರ ಬರೊಕ್ಹೊ ಮ್ಹೆಳವಾಲೊ ಕಯೊಬಿ ನಿರಾಶ ಥಾತೊ ನೈ ಕೈನ ಶಾಸ್ತ್ರ ಕವಸ್ತೊ.

ಎಫೆಸ 1:4

ಜಗತ್ತ ಸೃಷ್ಟಿ ಥಾವಾತಿ ಪೈಲಾಜ಼ ಕ್ಹುದಾ ಅಪೊನೆ ಕ್ರಿಸ್ತಮಾ ಇನಿಲಿದ್ಯೊ. ತಿನಿ ಸನ್ನಿಧಿಮಾ ಅಪೆ ಮಯಾಕ್ಹು ರ‍್ಹೈನ ಪರಿಶುದ್ಧ ನಿರದೊಷಿಯೊ ರ‍್ಹಯಲ ರ‍್ಹೌಕೈನ ತಿನು ಉದ್ದೆಶ ವ್ಹತ್ತು.

ಎಫೆಸ 2:20

ವಿಶ್ವಾಸಿಯೊ ಥಯಲ ತುಮೆ ಕ್ಹುದಾನು ಸ್ವಂತ ಘರ ಥಯಾಸ. ಅಪೊಸ್ತಲೊ ಪ್ರವಾದಿಯೊ ಕವಾನಿ ಫಾಯಾನಾ ಉಪ್ಪರ ತೆ ಘರ ಭಾಂದಲ ಛೆ. ಕ್ರಿಸ್ತಜ಼ ತೆ ಘರನೊ ಮುಲಾಮಾನೊ ದಗ್ಡೊ ಥಯೊಸ.

2 ತಿಮೊತಿ 3:16

ಕ್ಹಾರಿ ವಾಕ್ಯಾ ಕ್ಹುದಾನಿ ಪ್ರೆರಣಾಕ್ಹುಜ಼ ಥಯುಸ. ಉಪದೆಶ ಕರಾನಾ ಹುತಿ ದೆಕ್ಲಾಡಿನ ದಿವಾನೆಬಿ ತಿದ್ದಿಲಿವಾನೆಬಿ ಚೊ಼ಕಿ ಬೊಧನೆನೆ ತೆ ಉಪಯೊಗ ಥೈಯುಸ.

1 ಪೆತ್ರಾ 2:4

ಪ್ರಭು ಥಯಲ ಯೆಸುನೆ ಜ಼ಲಮ ರ‍್ಹಯಲ "ದಗ್ಡೊ ವ್ಹೈ" ಎ ಜಗತ್ನಾ ಮನಕ್ಹೊ ತ್ಯುನೊನೆ ತೆ "ದಗ್ಡೊ" ನಕೊ ಕೈನ ಫೈಸಲೊ ಕರ‍್ಯಾ. ತೆನೈಸೊ ತೆ ಕ್ಹುದಾ ಇನಿಲಿದಲ "ದಗ್ಡೊ" ವ್ಹೈ ತೆ ಕ್ಹುದಾನಿ ನಜ಼ರಮಾ ಚೊ಼ಕೊ ವ್ಹೈ. ತಿನಾಹುತಿ ತಿನಾ ನಜಿಕ ಆವೊ.

1 ಪೆತ್ರಾ 2:8

ನೈ ಬರೊಕ್ಹೊ ಕರಾಲಾವೊನೆ ತೆ; "ಮನಕ್ಹೊನೆ ಟೆಕ್ಹ ಲಾಗಾನೊ ದಗ್ಡೊ ಮನಕ್ಹೊನೆ ಪಾಡಾನೊ ದಗ್ಡೊ ಥಯೊಸ" ಯೆಶಾಯ 8:14 ಕ್ಹುದಾನಿ ವಾತ ನೈ ಐಕಾಕ್ಹು ಮನಕ್ಹೊ ಟೆಕ್ಹ ಲಗಾಡ್ಲಿನ್ ಪಡಸ. ತೆ ಮನಕ್ಹೊನೆ ಇಮ್ಮಥೌ ಕೈನ ಕ್ಹುದಾನಿ ವಿಚಾ಼ರ ವ್ಹತ್ತಿ.

2 ಪೆತ್ರಾ 1:20

ತುಮೆ ಪೈಲಾ ತಿಳ್ದಿಲ್ಯು ಕದ್ಯಾಮ ತೆ ಸು ವ್ಹೈ ಕದ್ಯಾಮ, ಪವಿತ್ರ ಗ್ರಂಥಮಾ ರ‍್ಹಯಲ ಕೈ ಮ್ಹೊಟಿ ವಾಕ್ಯಾ ಯಕ್ಕಜ಼ ಮನಕ್ಹನಾ ಹುತಿ ನತ್ತಿ ಐ.

2 ಪೆತ್ರಾ 3:16

ಪೌಲಾ ತಿನಾ ಕ್ಹಾರಾ ಪತ್ರಮಾ ಇನಾಹುತಿ ವರಿ ಇನಾಲಿಂಗತಜ಼ ಬರದಸ್. ದಕ್ಹಾ ಟೈಮ್ಮಾ ಪೌಲಾ ಪತ್ರಮಾ ರ‍್ಹಯಲ ತಿಳದಿಲಿವಾನೆ ತ್ರಾಸ ಥಾವಸ. ದಕ್ಹಾಜ಼಼ನಾ ಎ ಕ್ಹಾರು ಚೈ಼ ಕರಿನ ತಪ್ಪ ಮತ್ಲಬ ದಿವಸ. ತ್ಯುನೆ ಪಿಸಾಳಾ ವ್ಹೈ. ವರಿ ಬರೊಕ್ಹಾಮಾ ಕಡ್ಮಿ ಛೆ. ತ್ಯುನೆ ಪವಿತ್ರ ಗ್ರಂಥಮಾ ರ‍್ಹಯಲ ತಪ್ಪ ಕೈನ ದಿವಸ. ಇನಾಲಿಂಗತಜ಼ ತ್ಯುನಾಕ್ಹು ತ್ಯುನೆಜ಼ ಹಾಳ ಕರಲಿವಸ.