1 ಪೆತ್ರಾ 2:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತುಮೆಬಿ ಜ಼ಲಮ ರ‍್ಹಯಲ ಮಂಗಾಳಾ ವ್ಹೈ. ಆತ್ಮಾನೆ ಸಂಬಂದ ಥಯಲ ದೆವಾಲಯ ಥಾವಾಹುತಿ ತುಮೆಜ಼ ತಯ್ಯಾರ ಥಾವಾಡ್ಯಾಸ; ಕ್ಹುದಾಕ್ಹು ಒಪ್ಪಿಲಿದ್ಯಲ ಆತ್ಮಿಕಕ್ಹು ಬಲಿಯೊ ದಿವಾನೆ ಯೆಸು ಕ್ರಿಸ್ತಕ್ಹು ಕ್ಹುದಾನೆ ದಿವಾನು ಪವಿತ್ರ ಯಾಜಕೊ ಥಯಾಸ.

1 ಪೆತ್ರಾ 2:5 Iomraidhean Croise

ರೊಮಾಪೂರ 12:1

ತಿನಾಹುತಿ ಭಾಯೊ, ಭೆನೊ, ಕ್ಹುದಾ ಘನ್ನೊ ಮರಗಾಲೊ ವ್ಹೈ ತುಮೊನೆ ಶೆ ಕರಲಿನ ತುಮೊಕನ ಸು ಮಾಂಗಿಲ್ಯುಸ ಕದ್ಯಾಮ, ತುಮೊನೆಜ಼ ಕ್ಹುದಾನೆ ಒಪ್ಸಿನ, ಮೆಚ್ಚಿಗೆ ರ‍್ಹಯಲ ಖುದ್ದನೆ ಒಪ್ಸಿನ ದಿವೊ. ಎಜ಼ ತುಮೆ ಕರಾನಿ ಕ್ಹರಿನಿ ಆರಾಧನಾ ವ್ಹೈ.

ರೊಮಾಪೂರ 15:16

ಯಹುದಿ ನೈ ರ‍್ಹಯಲ ಪವಿತ್ರ ಆತ್ಮಾನಾ ಮುಲಕ ಪವಿತ್ರ ಥಯಾ. ಮನಕ್ಹೊನೆ ಮದದ ಕರಾನಾ ಹುತಿ ಕ್ಹುದಾ ಮನೆ ಯಾಜಕನಿ ಸೆವಾ ವ್ಹೈ ಕೈ ಕರಲ್ದಯ. ಕ್ಹುದಾನೆ ಸುವಾರ್ತೆ ಕೈನ ಉಪದೆಶ ಕರಿನ ಮಿ ತಿನೆ ಸೆವಕ ಥಾವಾ ವರಕ್ಹು ಕರ‍್ಯೊ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಕ್ಹುದಾಕನ ಔ ಕೈನ ಮಿ ಸೆವೆ ಕರಾ ವರಕ್ಹು ಥಯೊ. ತೆ ಮನಕ್ಹೊ ಕ್ಹುದಾನಾ ಹುತಿ

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

1 ಕೊರಿಂಥ 3:9

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

1 ಕೊರಿಂಥ 6:19

ಕ್ಹುದಾ ತುಮೊನೆ ದಿದಲ ಪವಿತ್ರ ಆತ್ಮಾನೆ ತುಮಾರು ಅಂಗ ಗರ್ಭಗುಡಿ ಥಯುಸ; ತೆ ಪವಿತ್ರ ಆತ್ಮಾ ತುಮಾರಾಮಾ ರ‍್ಹವಾಡೊಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತುಮೆ ತುಮಾರಾ ಕ್ಹುದ್ದನಾ ನ್ಹವೈ. ತೆನೈಸೊ ಕ್ಹುದಾನಾ ವ್ಹೈ.

2 ಕೊರಿಂಥ 6:16

ಕ್ಹುದಾನಿ ಸಭಾಮಂದಿರ ವರಿ ಮೊರತಿಯೊನೆ ಸು ಇಜಾಜ಼ತ ವ್ಹೈ? ಅಪೆ ಕ್ಹುದಾ ಕದ್ಯೊ ಎ ತಿಮ್ಮ ಜಿವ್ತೊ ರ‍್ಹಯಲ ಕ್ಹುದಾನಿ ಸಭಾಮಂದಿರ ಕುನ ವ್ಹತ್ತಾ. ಮಾರ ಮಿ ಘರಮಾ ಕರುಸ ತುಮ. ತ್ಯುನೊನೆ ತುಮೊಮಾ ಮಿ. ಮಿ ನೈ ತ್ಯುನೊನೆ ಕ್ಹುದಾ ತಯ್ಯಾರ. ತ್ಯುನೆ ಮಾರ ಮನಕ್ಹೊ ಥಯಾಸ. ಕೈನ ಕದ್ಯೊ.

ಗಲಾತ್ಯ 6:10

ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ಲಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.

ಫಿಲಿಪ್ಪಿ 1:11

ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.

ಫಿಲಿಪ್ಪಿ 2:17

ತಮಾರೊ ಭರೊಕ್ಹೊ ಕವಾನು ಯಜ್ಞ ಕ್ಹುದಾನೆ ಚ಼ಡಾವಾನು ಸೆವಾಮ್ಮಾ ಮಿಜ಼ ಬಲಿಥೈನ ಅರ್ಪಿತ ಥೈವು ಕೈನ ಮನೆ ಖುಶಿ ವ್ಹೈ,ತಮಾರಾ ಕ್ಹಾತೆಬಿ ಷಿ ಕರುಸ,

ಫಿಲಿಪ್ಪಿ 4:18

ಎಪೆಫ್ರೊದಿತ ತುಮೆ ದಿದಲ ಮನೆ ಲೈನ ದಿದಲ ಹುತಿ ಚಾ಼ಯೆ ಥಯಲಮ ತೆಕ್ಲು ಘನ್ನು ಛೆ. ತುಮೆ ದಿದಲ ಕ್ಹಾರು ಕ್ಹುದಾನೆ ಛಡಾಯಲ ಪರಿಮಳ ರ‍್ಹಯಲ ಬಲಿ ಥೈಸ. ಎ ಕ್ಹುದಾನೆ ಪಸಂದ ಥೈಸ.

ಕೊಲೆಸ್ಸೆ 3:17

ತುಮೆ ತುಮಾರಾ ವಾತೊಖು ರ‍್ಹವಾದೆ,ತುಮಾರಾ ಚಾಳಿಯೊಖು ಸು ಕರಿತೊಬಿ ತೆ ಕ್ಹಾರು ಅಪ್ನೊ ಕರ್ತಾ ಥಯಲ ಯೆಸುನಾ ನಾಮಪರ ಕರೊ ವರಿ ಅಪ್ನೊ ಬಾ ಥಯಲ ಕ್ಹುದಾನೆ ಕ್ರಿಸ್ತನಾ ಮುಲಕ ಸ್ತುತಿ ಕರೊ.

1 ತಿಮೊತಿ 3:15

ಪಾಚಲ್ತೊ ಮಿ ತುಕನ ಭೆಗಿನ ನೈ ಆಯೊತಬಿ ಕ್ಹುದಾನಾ ಘರಮಾ ಕರಾನಾ ಕಾಮೊ ತುನೆ ಗ್ವತ್ತ ಛೆ. ತೆ ಘರ ಜಿವ್ತೊ ರ‍್ಹಯಲ ಕ್ಹುದಾನು ಸಬೆ ವ್ಹೈ. ತೆ ಕ್ಹರಿನಿ ಫಾಯಾ ವರಿ ಆಸ್ರೊ ವ್ಹೈ.

ಇಬ್ರಿಯ 3:6

ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.

1 ಪೆತ್ರಾ 4:17

ತುಮಾರೊ ಫೈಸಲಾನೊ ದಿನ್ನ ಆಯೊಸ. ತೆ ಕ್ಹುದಾನಾ ಘರತು ಶುರು ಥಾವಸ. ತುಮೊಮಾಜ಼ ತೆ ಶುರು ಥಯುಮ್, ಕ್ಹುದಾನಿ ಸುವಾರತಾನೆ ವಿಧೆಯ ನೈ ಥಾವಾನಾ ಮನಕ್ಹೊನೆ ಸು ಥಾಸ?

ಪ್ರಕಟನೆ 1:6

ಅಪೊನೆ ಯಕ್ಕ ರಾಜ್ಯ ಕರಿನ ಅಪೊನೆ ತಿನೊ ಬಾ ಥಯಲ ಕ್ಹುದಾನೆ ಸೆವೆ ಕರಾಲಾ ಯಾಜಕೊ ಕರ‍್ಯೊ. ಯೆಸುನೆ ಹಮೆಶಾಬಿ ಮಹಿಮಾ ವರಿ ಅದಿಕಾರ ರ‍್ಹವಾದೆ! ತಿಮ್ಮ ಥಾವಾದೆ.

ಪ್ರಕಟನೆ 20:6

ಪೈಲಾನಾ ಪುನರುತ್ಥಾನಮಾ ಮಳಾಲಾ ಪವಿತ್ರ ವರಿ ಧನೈ ಥಯಾಸ. ಎ ಮನಕ್ಹೊಪರ ಬೆವಾ ಮರಣನೊ ಅದಿಕಾರ ನತ್ತಿ. ತೆ ಮನಕ್ಹೊ ಕ್ಹುದಾನೆ ವರಿ ಕ್ರಿಸ್ತನೆ ಯಾಜಕೊ ಥೈನ ರ‍್ಹವಸ. ತ್ಯುನೆ ತ್ಯುನಾ ಕ್ಹಾತೆ ಹಜಾ಼ರ ವರಕ್ಹ ರಾಜ಼ ಕರಸ.

ಪ್ರಕಟನೆ 3:12

ಝಿತ್ತಲ ಮನಕ್ಹನೆ ಮಿ ಮಾರಾ ಕ್ಹುದಾನಿ ಆಲಯಮಾ ಆಧಾರಸ್ತಂಭ ಕರುಸ. ತೆ ಕ್ಹುದಾನಿ ಆಲಯ ಕೆಳಾಮಾಜ಼ ಛೊಡಿನ ಜಾ಼ವಾನಿ ಜ಼ರುರತ್ತ ನತ್ತಿ. ಮಾರಾ ಕ್ಹುದಾನು ನಾಮ ವರಿ ಮಾರಾ ಕ್ಹುದಾನು ಗಾಮನು ನಾಮ ತಿಪರ ಬರದುಸ. ನವು ಯರುಸೆಲಿಮಜ಼ ತೆ ಗಾಮನು ನಾಮ ವ್ಹೈ. ತೆ ಗಾಮ ಮಾರಾ ಕ್ಹುದಾಕಂತು ಸ್ವರಗತು ಉತ್ರಿನ ಆವಸ. ಮಾರು ನವು ನಾಮ ತಿಪರ ಬರದುಸ.

ಪ್ರಕಟನೆ 5:10

ತ್ಯುನೊನೆ ಯಕ್ಕ ರಾಜ್ಯ ಲಿಂಗತ ಕರ‍್ಯೊ; ಕ್ಹುದಾನಾ ಹುತಿ ಯಾಜಕೊ ಕರ‍್ಯೊ; ತ್ಯುನೆ ದುನಿಯಾಮಾ ಆಳಸ"