1 ಪೆತ್ರಾ 2:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಸ್ವತಂತ್ರ ಮಳಲವಾಲಾವೊಲಿಂಗತ ಜಿವ್ನಾ ಕರೊ. ತೆನೈಸೊ ತುಮೆ ಕರಾನು ಕೆಟ್ಟ ಕಾಮೊ ಝಾಕಾಹುತಿ ತೆ ಸ್ವತಂತ್ರ ಉಪಯೊಗ ಕರೊನಕೊ. ತುಮೆ ಕ್ಹುದಾನಿ ಸೆವೆ ಕರತಾ ಜಿವ್ತಾ ರ‍್ಹವೊ.

1 ಪೆತ್ರಾ 2:16 Iomraidhean Croise

ಮತ್ತಾಯ 23:13

ಅಯ್ಯೊ ಕಪಟಿಯೊ ಶಾಸ್ತ್ರಯೊ, ಫರಿಸಾಯರೊ, ಪರಲೊಕ ರಾಜ್ಯ ನು ಬಾಕಲ ಮನಕ್ಹೊನಾ ಕ್ಹಾಮಾ ಝಾಕಿಪಾಡೊಸಿತುಮೆತೊ ಮ್ಹೈ ನೈ ಜಾ಼ತಾ. ಮ್ಹೈ ಜಾ಼ವಾಲಾವೊನೆಬಿ ಜಾ಼ವಾನೆ ದೆತಾ ನೈ.

ಯೊಹಾನ 15:22

ಮಿ ಐನ ಎ ದುನಿಯಾನಾ ಮನಕ್ಹೊನೆ ನೈ ಬೊಲ್ಯಲ ರ‍್ಹವತ್ತೊ, ತ್ಯುನೊನೆ ತ್ಯುನೆ ಕಯಾಜ಼ ಪಾಪ ಕರಲವಾಲಾ ವ್ಹೈ ಕೈನ ಕವಾನೆ ಥಾತು ನ್ಹೊತು. ತೆನೈಸೊ ಮಿ ತ್ಯುನಾ ಕ್ಹಾತೆ ಬೊಲ್ಯೊಸ. ತಿನಾಹುತಿ ಹಮ್ನಾ ತ್ಯುನಾ ಪಾಪೊನೆ ತ್ಯುನೊನೆ ಕಯು ಅರು ನತ್ತಿ.

ರೊಮಾಪೂರ 6:18

ತುಮೆ ಪಾಪಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ ನಿತಿನೆ ಗುಲಾಮೊ ಥಯಾಸ.

ರೊಮಾಪೂರ 6:22

ತೆನೈಸೊ ಹಮ್ನಾ ತುಮೆ ಪಾಪಕ್ಹು ಬಿಡುಗಡೆ ಥೈನ ಕ್ಹುದಾನಾ ಗುಲಾಮೊ ಥಯಾಸ. ಇನಾಹುತಿ ತುಮೊನೆ ಪರಶುಧ್ದ ಜಿವನ ಹಮೆಶಾನು ಜ಼ಲಮ ಮಳಸ.

1 ಕೊರಿಂಥ 7:22

ಪ್ರಭು ಬಲಾಯಲವಾಲೊ ಗುಲಾಮ ರ‍್ಹಯೊ ತುಬಿ ಪ್ರಭುಮಾ ತೆ ಆಜಾ಼ದ ವ್ಹೈ. ತಿನಾಹುತಿ ಆಜಾ಼ದ ಥಯಲವಾಲಾನೆ ಕ್ರಿಸ್ತ ಯೆಸು ಬಲಾಯಲ ರ‍್ಹಯಮ ತೆ ಕ್ರಿಸ್ತ ಯೆಸುನೊ ಗುಲಾಮ ಥಾವಸ.

ಗಲಾತ್ಯ 5:1

ಹಮ್ನಾ ಅಪೊನೆ ಸ್ವತಂತ್ರ ಛೆ. ಕ್ರಿಸ್ತ ಅಪೊನೆ ಸ್ವತಂತ್ರ ಕರ‍್ಯೊ. ತಿನಾಹುತಿ ಘಟ್ಟ ಥೈನ ರ‍್ಹವೊ. ಮನಸ ಬದಲಿ ಕರಲಿನ ವರಿಬಿ ಗುಲಾಮ ಗಿರಿಮಾ ರ‍್ಹವೊ ನಕೊ.

ಗಲಾತ್ಯ 5:13

ಮಾರಾ ಭಾಯೊ ವರಿ ಭೆನೊ, ತುಮೆ ಸ್ವತಂತ್ರ ಥೌ ಕೈನ ಕ್ಹುದಾ ತುಮೊನೆ ಬಲಾಯೊಸ. ತೆನೈಸೊ ಪಾಪ ನೈ ರ‍್ಹಯಲ ತುಮಾರಿ ಚಾಳಿಯೊ ಮೆಚ್ಚಿಸಾನಾ ಹುತಿ ತುಮೊನೆ ರ‍್ಹಯಲ ಸ್ವತಂತ್ರನೆ ನ್ಯೆವಾ ಕರೊ ನಕೊ. ತೆನೈಸೊ ಮಯಾಕ್ಹು ಯಕ್ಲಾನಿ ಸೆವೆ ಯಕ್ಲೊ ಕರೊ.

ಎಫೆಸ 6:6

ತ್ಯುನಿ ಮಯಾ ಗಳಸಿಲ್ಯು ಕೈನ ತ್ಯುನೆ ದೆಕ್ತಾಮಾ ಸೆವಾ ಕರ‍್ಯಾವಾಚಿ ತುಮೆ ಕ್ರಿಸ್ತನೆ ವಿಧೆಯ ಥೈನ ರ‍್ಹಯಲ ಲಿಂಗತ ತ್ಯುನೊನೆಬಿ ವಿಧೆಯ ಥೈನ ರ‍್ಹೌ. ಕ್ಹುದಾನೆ ಪಸಂದ ರ‍್ಹಯಲ ತುಮೆ ಪುರಾ ಮನಸ್ಸಕ್ಹು ಕರು.

ಕೊಲೆಸ್ಸೆ 3:24

ಕರ್ತಾನಾ ಕ್ಹಾತೆ ಮಳಾನಿ ಫಲ ಮಲಸ ಕೈನ ತಿಲಿದಿಲಿನ ಅಪ್ನೊ ಕರ್ತಾ ಥಯಲ ಕ್ರಿಸ್ತ ಯೆಸುನಾ ವಾಟಮಾ ಚಾ಼ಲೊ.

1 ಥೆಸಲೊನಿಕ 2:5

ಹಮೆ ತುಮೊಕನ ಆಯಲ ತುಮೊನೆ ಚೊ಼ಕೊಜ಼ ಕೈನ ಸುಳ್ಳ ಕೈನ ತುಮೊನೆ ಮಳ್ಳ ಕರಲಿವಾನೆ ನವೈ ಕೈನ ತುಮೊನೆ ಗ್ವತ್ತ ಛೆ. ಹಮೆ ತುಮೊಕಂತಾ ದೊಕ್ಡಾ ಕಾಳ್ಳಿವಾನೆ ಕೊಶಿಶ ಕರ‍್ಯಾ ನೈ; ಹಮಾರಿ ಆಸ ಝಾಕಿಲಿನ ವೆಷ ಘಾಲ್ಲಿದ್ಯಾನ್ಹೊತಾ. ಎ ಕ್ಹರಿ ವ್ಹೈಕೈನ ಕ್ಹುದಾನೆ ಗ್ವತ್ತ ಛೆ.

ಯಾಕೊಬ 1:25

ತೆನೈಸೊ ಅಪೊನೆ ಬಿಡುಗಡೆ ಕರಾನಿ ವಾಕ್ಯಾನೆ ಧ್ಯಾನದಿನ ಒದಿನ, ಶೆಂ ಕರಿಲಿನ ತಿನಾ ಲಿಂಗತ ಚಾ಼ಲಾಲೊ, ವಾಕ್ಯಾ ಐಕಿನ ಇಕ್ಹರ‍್ಯಾ ಬಗರ ತಿನಾ ಲಿಂಗತ ಚಾ಼ಲ್ತೊ ತಿನಿ ನಡತೆಕ್ಹು, ವರಿ ತಿನಾ ಕಾಮೊಕ್ಹು ಧನ್ಯ ಥಾವಸ.

ಯಾಕೊಬ 2:12

ತುಮೆ ಅಪೊನೆ ವಚಾಡಾನಾ ಪವಿತ್ರ ಗ್ರಂಥನಾ ಲಿಂಗತ ಫೈಸಲೊ ವ್ಹಂದಿಲಿವಾಲಾವೊನೆ ತ್ಯುನಾ ಲಿಂಗತಜ಼ ಬೊಲೊ ವರಿ ವಿಧೆಯ ಥಾವೊ.

2 ಪೆತ್ರಾ 2:19

ಎ ಸುಳ್ಳ ಭೊದಕೊ ತೆ ಮನಕ್ಹೊನೆ ಬಂದನ್ಮಾತಾ ಛೊಡೈಸ ಕೈನ ವಾತ ದಿವಸ ತೆನೈಸೊ ಎ ಸುಳ್ಳಭೊದಕೊಜ಼ ಬಂದನಮಾ ರ‍್ಹೈನ ಹಾಳ ಥಾವಾನೆ ಸಂಗತಿಯೊನ ಗುಲಾಮೊ ಥೈನ ರ‍್ಹವಸ. ಯಕ್ಲೊ ಕಿಕ್ಹು ಹಾರ‍್ಯೊಸ ತಿನೆ ಗುಲಾಮ ಥಯೊಸ.

ಯುದ ಬರ್ದಲ ಪತ್ರ 1:4

ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.