1 ಪೆತ್ರಾ 2:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಪೆತ್ರಾ 2:12 Iomraidhean Croise

ಮತ್ತಾಯ 10:25

ಶಿಷ್ಯೊ ತಿನಾ ಗುರು ಲಿಂಗತ ಥಯೊಮ ಬಸ್ಸ. ಆಳ ತಿನಾ ಮಾಲಕ ಲಿಂಗತ ಥಯೊಮ ಬಸ್ಸ. ಘರನಾ ಮ್ಹೊಟಾನೆ ಬೆಲ್ಜೆಬುಲ (ಭುತಡು) ಕೈನ ಬಲಾಯಾಮ, ತೆ ಘರವಾಲಾವೊನಾ ಬಿಜಾ಼ವೊನೆ ವರಿ ದಕ್ಹಾ ಕೆಟ್ಟ ನಾಮೊಕ್ಹು ಬಲಾತಾ ನೈ ಸು?

ಮತ್ತಾಯ 5:11

ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಕದ್ರಾಯಮ, ತ್ರಾಸ ಕರ‍್ಯಾಮ ವರಿ ತುಮಾರಾ ಉಪ್ಪರ ಕೆಟ್ಟ ವಿಶಯ ಸುಳ್ಳ ಘಾಲ್ಯಮ ತುಮೆ ಧನ್ಯ ವ್ಹೈ.

ಮತ್ತಾಯ 5:16

ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ‍್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.

ಮತ್ತಾಯ 9:8

ಮನಕ್ಹೊ ಎ ದೆಕಿನ ಘಾಬ್ರಾ ತಿಬ್ರ ಥಯಾ. ಮನಕ್ಹೊನೆ ಹೈ ಅದಿಕಾರ ದಿದಲಕ್ಹು ಮನಕ್ಹೊ ಕ್ಹುದಾನೆ ಸ್ತುತಿ ಕರ‍್ಯಾ

ಲುಕ ಬರ್ದಲ ಸುವಾರ್ತಾ 1:68

"ಇಸ್ರಾಯಲನಾ ಮನಕ್ಹೊನೊ ಕ್ಹುದಾ ಥಯಲ ಕರ್ತಾನೆ ಸ್ತೊತ್ರಾ ತೆ ತಿನಾ ಮನಕ್ಹೊನಾ ಹುತಿ ಆಯೊ ವರಿ ತೆ ಮನಕ್ಹೊನೆ ಛೊಡಾವಾನೆ ಆಯೊ.

ಲುಕ ಬರ್ದಲ ಸುವಾರ್ತಾ 19:44

ತುನೆ ಬಿ ತಾರಾ ಮನಕ್ಹೊನೆ ಬಿ ನಾಶ ಕರಸ ನ್ಯ್ಹಾ ದಗ್ಡಾಪರ ದಗ್ಡೊ ನೈ ಹುಬ್ರಾಡತಾ, ಕ್ಹುದಾ ತುನೆ ವಚಾ಼ಡಾನೆ ಆಯಲ ಟೈಮಾ ತು ನೈ ತಿಳದಿ ಲಿದ್ಯೊಮ ಎ ಕ್ಹಾರು ಥಾವಸ ಕದ್ಯೊ.

ಲುಕ ಬರ್ದಲ ಸುವಾರ್ತಾ 6:22

ಮನಕ್ಹನಾ ದಿಕ್ರಾನಾ ಹುತಿ ಮನಕ್ಹೊ ತುಮೊಪರ ಸಿಟ್ಟ ಮ್ಹೆಲಸ ತುಮೊನೆ ಕೆಟ್ಟ ವ್ಹೈ ಕವಸ ವರಿ ತುಮಾರಿ ಮರ್ಯಾದಿ ಕಾಡಸ ವರಿ ಎ ಕ್ಹಾರು ತಡ್ದಿಲಿವಾಲಾ ತುಮೆ ಧನೈ ವ್ಹೈ.

ಯೊಹಾನ 13:31

ಯುದ ಗಯಲ್ಪರ ಯೆಸು"ಹಮ್ನಾ ಮನಕ್ಹನಾ ದಿಕ್ರಾನೆ ಮಹಿಮಾ ಥೈ. ವರಿ ತಿನಾ ಮುಲಕ ಕ್ಹುದಾನೆ ಮಹಿಮಾ ಥೈಸ.

ಅಪೊಸ್ತಲೊ 15:14

ಯೆಹುದಿ ನೈಸೊ ಮನಕ್ಹೊ ಕ್ಹುದಾ ತಿನಿ ಮಯಾ ಕಿಮ್ಮ ದೆಕಲಾಡ್ಯೊ ಸಿಮೊನ ಹಮನೊನೆ ತಿಳಸಾಯೊ ಪೈಲಾಜ ಹಮನಾಜ, ಕ್ಹುದಾ ಯೆಹುದಿಯೊ ನೈಸೊ ಮನಕ್ಹೊನೆ ಮಳೆಲಿದ್ಯಾಸ. ತ್ಯುನೊನೆ ತ್ಯುನಾ ಮನಕ್ಹೊ ವ್ಹೈ ಕೈನ ಕರಲಿದ್ಯೊ.

ಅಪೊಸ್ತಲೊ 24:13

ಎನೈಸೊ ಇವ್ನೆ ಮಪರ ಘಾಲಾನು ತಪ್ಪೊ ಸಾಬಿತ ಕರಾನಾಹುತಿ ತಾರಾ ಕ್ಹಾಮಾ ತುನೆ ದೆಕಾಡಿನ ದೆತಾ ನೈ.

ಅಪೊಸ್ತಲೊ 25:7

ತೆ ಆತ್ತಾ ಟೆಮ್ಮಾ ಯೆರುಸಲೆಮಾತ್ತಾ ಆಯೆಲ ಯೆಹುದಿಯೊ, ತಿನಾ ಸುತ್ತೆ ಹುಬರೈನ ತ್ಯುನೆ ಸಾಬಿತ ನೈಥಯಲ ಘನ್ನಾ ಮ್ಹೊಟಾ ಮ್ಹೊಟಾ ತಪ್ಪೊ ಘಾಲತ್ತಾ ಟೆಮ್ಮಾ, ತ್ಯುನೊನೆ ತೆ ಯಕ್ಕಬಿ ಸಾಬಿತ ಕರಾನೆ ಥೈಯು ನೈ.

ಅಪೊಸ್ತಲೊ 28:22

ತೆನೈಸೊ, ತಾರಾ ವಿಚಾರಮಾ ತಾರಾಕ್ಹುಜ಼ ಐಕು ಕೈನ ಹಮೊನೆ ಚೊ಼ಕು ವ್ಹೈ ಕೈನ ದಿಕ್ಹಸ. ತೆ ಗುಂಪನಾ ವಿಷಯಮಾ ಮನಕ್ಹೊ ಕಜ಼ಾ ಕಜಾ಼ ಕಿಜ಼ ವಿರುದ್ದ ಥೈನ ಬೊಲಸ ಕರಿನ ಕೈನ ಯಕಜ಼ ಹಮೊನೆ ಗ್ವತ್ತ ಛೆ ಕದ್ಯಾ”.

ರೊಮಾಪೂರ 12:17

ಕುನ ತಬಿ ತುಮೊನೆ ಕೆಟ್ಟ ಕರ‍್ಯೊಮ, ತಿನಾ ಲಿಂಗತ ತಿನೆ ಕೆಟ್ಟ ಕರೊ ನಕೊ. ಕ್ಹಾರಾ ಮನಕ್ಹೊ ಚೊ಼ಕು ವ್ಹೈ ಕೈನ ವಿಚಾರ ಕರಾನಾ ಕಾಮೊ ಕರಾನೆ ಕೊಶಿಶ ಕರೊ.

ರೊಮಾಪೂರ 13:13

ದಿನ್ಮಾ ರ‍್ಹವಾನಾ ಮನಕ್ಹೊ ಲಿಂಗತ ಚೊ಼ಕಿತರಾ ಜಿವ್ನಾ ಕರಿಯೆ. ಕೆಟ್ಟ ರ‍್ಹಯಲ ವರಿ ವ್ಯರ್ಥ ರ‍್ಹಯಲ ಔತಣೊ ಅಪೆ ತಯ್ಯಾರ ಕರು ನೈ; ಪಿನ ನಿಷಾಮಾ ರ‍್ಹೌ ನೈ; ಅಪೆ ಲೈಂಗಿಕ ಪಾಪೊ ರ‍್ಹೈನೆಕಾ ವರಿ ಸರಮಾವಾನಾ ಕಾಮೊ ಕಯಾಜ಼ ಕರು ನೈ. ವಾದ ವಿವಾದ ರ‍್ಹೈನೆಕಾ ವರಿ ಲಡೈ ಲಗಾಡು ನೈ; ವರಿ ಸಂಗಟ ಘಾಲ್ಯು ನೈ.

ರೊಮಾಪೂರ 14:18

ಎ ತರಾಮಾ ಕ್ರಿಸ್ತನಿ ಸೆವೆ ಕರಾಲೊ ಕ್ಹುದಾನೆ ಖುಶಿ ಕರಾಲೊ ವ್ಹೈ. ಮನಕ್ಹೊ ತಿನೆ ಮಳೈ ಲಿವಸ.

ರೊಮಾಪೂರ 15:9

ಕ್ಹುದಾ ತ್ಯುನೊನೆ ದೆಕಾಡಾನಿ ಮರಗಾನಾ ಹುತಿ ಕ್ಹಾರಾ ಯೆಹುದಿಯೊತಿನೆ ಮಹಿಮಾ ಕರಾದೆ ಕೈನ ಕ್ರಿಸ್ತ ಯಹುದ್ಯೊನೊ ಸೆವಕ ಥಯೊ. ಪವಿತ್ರ ಗ್ರಂಥಮಾ ಇಮ್ಮ ಬರ್ದ್ಯಾಸ; "ತಿನಾಹುತಿ ಯಹುದ್ಯೊ ನೈಸೊವಾಲಾವೊನಾ ವಚ್ಮಾ಼ ಮಿ ತುನೆ ಸ್ತುತಿ ಕರುಸ. ಮಿ ತಾರು ನಾಮ ಉಚ್ಚು಼ ಕರುಸ" ಕಿರ್ತನೆ 18:49

1 ಕೊರಿಂಥ 14:25

ತೆ ಮನಕ್ಹನಾ ಮನಸ್ಸಮಾ ರ‍್ಹವಾನು ರಹಸ್ಯ ಸಂಗತಿಯೊ ಭಾರಾ ಆವಸ. ತಿನಾಹುತಿ ತೆ ಮನಕ್ಹ ಅಡ್ಡ ಪಡಿನ ಕ್ಹುದಾನೆ ಆರಾಧನಾ ಕರಸ" ಕ್ಹರಿಜ಼ ಕ್ಹುದಾ ತುಮಾರಾ ಕ್ಹಾತೆ ಛೆ" ಕೈನ ತೆ ಕವಸ.

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

2 ಕೊರಿಂಥ 13:7

ತುಮ ಕೆಟ್ಟ ಕರಾ ನೈ ಕೈನ ಅಪೆ ನೈ ಕ್ಹುದಾ ಪ್ರಾಥನಾ ಕರಾ. ಲಾಯ ಅಪೆ ಥಯಾಸ ಪಡೆ ಪಡಿ ಕವಾನು ದಿಕ್ಹ ಐನ ಕೈನ ಅಪ್ನ ಉದ್ದೆಶ ನೈ.

2 ಕೊರಿಂಥ 8:21

ತಿನಾಹುತಿ ಕದ್ಯಾಮ ಪ್ರಭು ಮಾ ನಜ಼ರಮಾ ಯಕ್ಕಜ಼ ನೈಸೊ ಮನಕ್ಹೊ ಮಾ ನಜ಼ರಮಾ ಚೊ಼ಕ ರ‍್ಹ ಕರಾ ಅಪ್ನ ಉದ್ದೆಶ ವ್ಹೈ.

ಎಫೆಸ 2:3

ಪೈಲಾ ಅಪೆ ಕ್ಹಾರಾ ತೆ ಮನಕ್ಹೊ ಲಿಂಗತ ಜಿವ್ಸಾಡಾತಾ. ಅಂಗನಾ ಅಪ್ನಾ ಆಸೊ ಪುರಾ ಕರಾನೆ ಅಪೆ ಕೊಶಿಶ ಕರಾಡಾತಾ. ಅಪ್ನು ಅಂಗ, ಮನಸ್ಸ ಆಸ ಕರಲ ಕ್ಹಾರು ಅಪೆ ಕರ‍್ಯಾ. ಅಪೆ ದುಷ್ಟ ಮನಕ್ಹೊ ಥಯಾತಾ. ಅಪ್ನಿ ತೆ ಜಿವಿತಕ್ಹು ಅಪೆ ತೆಳಾಮಾಜ಼ ಕ್ಹುದಾನಿ ಶಿಟ್ಟನೆ ಗುರಿ ಥಾವಾನು ವ್ಹತ್ತು. ಅಪೊನೆ ವರಿ ಬಿಜಾ಼ ಮನಕ್ಹೊನೆ ಕಯುಜ಼ ಫರಕಜ಼ ನ್ಹೊತು.

ಎಫೆಸ 4:22

ತುಮೆ ತುಮಾರಾ ಪಾಚ಼ಲ್ಯಾ ಕೆಟ್ಟ ಕಾಮೊ ಛೊಡು ಕವಾನು ಕದ್ಯಾಮ ತುಮಾರಿ ಜು಼ನ್ನಿ ಚಾಳಿಯೊ ಛೊಡಿ ಪಾಡು ಕೈನ ಶಿಕ್ಯಾ. ಮನಕ್ಹೊ ತ್ಯುನೆ ಕರು ಕೈನ ಆಸ ಕರಾನಾ ಕೆಟ್ಟ ಕಾಮೊಕ್ಹು ಜುಡಿನ ರ‍್ಹಯಲಕ್ಹು ತೆ ಜು಼ನ್ನಿ ಚಾಳಿಯೊ ದಿನ್ನತಾ ದಿನ್ನೆ ಹಜು಼ನ ಕೆಟ್ಟ ಥಾವಸ.

ಫಿಲಿಪ್ಪಿ 1:27

ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ.

ಫಿಲಿಪ್ಪಿ 4:8

ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ.

1 ಥೆಸಲೊನಿಕ 4:12

ತುಮೆ ಇಮ್ಮ ಕರ‍್ಯಾಮ, ವಿಸ್ವಾಶಿಯೊ ನೈ ರ‍್ಹಯಲವಾಲಾ ತುಮೆ ಜಿವ್ನಾ ಕರಾನೊ ತರಿಕೊ ದೆಕಿನ ತುಮೊನೆ ಮರ್ಯಾದಿ ದಿವಸ. ಕಿಪರಜ಼ ತುಮೆ ವಜ್ಜು ಥೈನ ರ‍್ಹತಾ ನೈ.

1 ತಿಮೊತಿ 2:2

ಅಪೊಮಾ ಶಾಂತಿ ಸಮಾಧಾನ ರ‍್ಹವಾದೆ ಕೈನ ಕ್ಹುದಾನೆ ಪುರಾ ಭಕ್ತಿಕ್ಹು ಮರ್ಯಾದಿಕ್ಹು ಆರಾಧನಾ ಕರಾ ಹುತಿ ಸಾಧ್ಯ ಥಯುಮ ರಾಜಾ಼ವೊನಾಹುತಿ ಅದಿಕಾರಿಯೊನಾಹುತಿ ಕ್ಹುದಾನೆ ಧನ್ಯವಾದ ಕವೊ.

1 ತಿಮೊತಿ 4:12

ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.

1 ತಿಮೊತಿ 5:10

ತೆ ಚೊ಼ಕಾ ಕಾಮೊ ಕರಸ ಕೈನ ಕವೈಲಿದಲ ರ‍್ಹೌ. ಕದ್ಯಾಮ ತೆ ತಿನಾ ಬಚ್ಚಾ಼ವೊನೆ ರಾಕಿನ, ಆಯಲ ಮನಕ್ಹೊನೆ ಮರ್ಯಾದಿ ದಿದಲ ವಾಲಿ, ಕ್ಹುದಾನಾ ಮನಕ್ಹೊನಾ ಪಗೊ ಧ್ವಯಲವಾಲಿ, ತ್ರಾಸಮಾ ರ‍್ಹಯಲ ಮನಕ್ಹೊನೆ ಆಸ್ರೊ ಕರಲವಾಲಿ ವರಿ ತಿನಾ ಹತೆ ಥಯಲ ತೆಕ್ಲು ಚೊ಼ಕಾ ಕಾಮೊ ಕರಲವಾಲಿ ರ‍್ಹೌ.

ಇಬ್ರಿಯ 13:18

ಹಮಾರಾ ಹುತಿ ಪ್ರಾಥನಾ ಕರೊ. ಹಮೆ ಕ್ಹಾರಿಯೊ ವಿಷಯನಾ ಹುತಿ ಚೊ಼ಕಿತರಾ ಚಾ಼ಲಿಲಿನ ಜೌ಼ ಕೈನ ಚೊ಼ಕಿ ಮನಸನಿ ಸಾಕ್ಷಿ ವ್ಹಂದಿಲಿದ್ಯಾಸ ಕೈನ ಫೈಸಲೊ ಕರಿಲಿದ್ಯಾಸ.

ಇಬ್ರಿಯ 13:5

ದೊಕ್ಡಾನಾ ಉಪ್ಪರ ತುಮೊನೆ ರ‍್ಹಯಲ ಆಸಕ್ಹು ದುರ ರ‍್ಹವೊ. ತುಮೊನೆ ರ‍್ಹಯಲ ತೆಕ್ಲಾಮಾ ತ್ರಪ್ತಿಕ್ಹು ರ‍್ಹವೊ. ಮಿ ತುಮೊನೆ ಕೆಳಾಮಾಜ಼ ಹತ್ತ ನೈ ಛೊಡತೊ, ಕೆಳಾಮಾಜ಼ ಛೊಡತೊ ನೈ ಕೈನ ಕ್ಹುದಾಜ಼ ಕದ್ಯೊಸ.

ಯಾಕೊಬ 3:13

ಅಪ್ನಾಮಾ ಶಾಣ್ಯೊ ವರಿ ಗ್ಯಾನಿ ಕುನ್ನ ವ್ಹೈ? ಕುನ್ನಬಿ ರ‍್ಹಯಾಮ ತೆ ತಿನಾ ಚಾಳಿಯೊಕ್ಹು ದೆಕಾಡಾದೆ. ಸಮಾದಾನ ಶಾಂತಿಕ್ಹು ನ್ಹಾನೊ ಥೈನ ಜಾ಼ವಾನುಜ಼ ಶಾಣ್ಯಾನಿ ಚಾಳಿ ವ್ಹೈ.

1 ಪೆತ್ರಾ 2:15

ತುಮೆ ಚೊ಼ಕು ಕರತಾಮಾ ತುಮಾರಾಹುತಿ ಕೆಟ್ಟ ವಾತೊ ಬೊಲಾಲಾವೊನೆ ಥಾತು ನೈ. ಕ್ಹುದನಿ ಮರ್ಜಿ ಎಜ಼ ವ್ಹೈ.

1 ಪೆತ್ರಾ 3:16

ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.

2 ಪೆತ್ರಾ 3:11

ಮಿ ತುಮೊನೆ ಕದಲ ತಿಮ್ಮ ತರಿಕಾಕ್ಹು ಕ್ಹಾರು ಹಾಳ ಥೈಜಾ಼ವಸ. ತಿನಾಹುತಿ ತುಮೆ ಕೆವಾ ಮನಕ್ಹೊ ಥೌ? ತುಮೆ ಪರಿಶುದ್ಧ ಥೈನ ರ‍್ಹೌ ವರಿ ಭಕ್ತಿವಾಲಾ ರ‍್ಹೌ.