1 ಪೆತ್ರಾ 1:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ತುಮೆ ಕ್ರಿಸ್ತನೆ ನೈ ದೆಕ್ಯಾತಬಿ ತುಮೆ ತಿನೆ ಮಯಾ ಕರೊಶಿ. ಹಮ್ನಾ ತುಮೆ ತಿನೆ ನೈ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾಸ. ತುಮೊಮಾ ನೈ ಕವಾನಾ ಯಕ್ಕಲಿ ಖುಶಿ ಛೆ. ತೆ ಖುಶಿ ದೆಕಾಡಾನೆ ವ್ಹೈ.

1 ಪೆತ್ರಾ 1:8 Iomraidhean Croise

ಮತ್ತಾಯ 10:37

ಬಾಪನಾ ಉಪ್ಪರ ರ‍್ಹವಾದೆ ಮಾನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ; ದಿಕ್ರಾನಾ ಉಪ್ಪರ ರ‍್ಹವಾದೆ ದಿಕ್ರಿನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ.

ಯೊಹಾನ 14:15

"ಯಕ್ಕೆಳೆ ತುಮೆ ಮನೆ ಮಯಾ ಕರಾಲಾ ಥಯಲ ರ‍್ಹಯಮ, ಮಾರಾ ಆಗನ್ಯಾನೆ ವಿಧೆಯ ಥೈನ ಚಾಲೊಶಿ.

ಯೊಹಾನ 14:21

ಯಕ್ಲೊ ಮಾರಿ ಆಗನ್ಯಾವೊನೆ ಸ್ವಿಕಾರ ಕರಿನ ತಿನಾ ಲಿಂಗತ ಚಾಲ್ಯೊಮ, ತೆ ಮನೆ ಮಯಾ ಕರಾಲೊ ಥಯೊಸ. ಕುನ್ನ ಮನೆ ಮಯಾ ಕರಸ ತಿನೆ ಮಾರೊ ಬಾ ಬಿ ಮಯಾ ಕರಸ ವರಿ ಮಿ ತಿನೆ ಮಯಾ ಕರುಸ. ವರಿ ಮಿ ತಿನೆ ಮನೆಜ ದೆಕಾಡಿನ ದಿವ್ಸ" ಕೈನ ಉತ್ತರ ದಿದ್ಯೊ.

ಯೊಹಾನ 14:24

ಕುನ್ನ ಮನೆ ನೈ ಮಯಾ ಕರ‍್ತೊ, ತೆ ಮಾರಿ ಉಪದೆಶನೆ ವಿಧೆಯ ನೈ ಥಾತೊ. ತುಮೆ ಐಕಾನಿ ಎ ಉಪದೆಶ ಮಾರಿ ನ್ಹವೈ, ಮನೆ ವಳಾಯಲ ಮಾರಾ ಬಾನು ವ್ಹೈ.

ಯೊಹಾನ 16:22

ಎ ತುಮೊನೆಬಿ ಲಾಗು ಥಾವಸ. ಹಮ್ನಾ ತುಮೆ ದುಖಮಾ ಛೆ. ತೆನೈಸೊ ತುಮೆ ನೆ ವರಿ ದೆಕಲ್ಪರ ಖುಶಿ ಥಾವೊಶಿ. ತೆ ಖುಶಿನೆ ಕುನ್ನಜ ತುಮೊ ಕಂತು ನೈ ಕಾಳೆತು.

ಯೊಹಾನ 20:29

ಯೆಸು ತುತೊ ಮನೆ ತು ದೆಕಿನ ನಂಬ್ಯೊ ಮನೆ ದೆಕ್ಯಾವಾಚಿ ನಂಬಾಲಾ ‍ಕ್ಹರಿಮಾಜ಼ ಧನೈ ವ್ಹೈ. ಕೈನ ಕದ್ಯೊ.

ಯೊಹಾನ 8:42

ಯೆಸು ತೆ ಯಹುದಿಯೊನೆ"ಕ್ಹುದಾ ಕ್ಹರಿಮಾಜ಼ ತುಮಾರೊ ಬಾ ರ‍್ಹಯೊಮ, ತುಮೆ ಮನೆ ಮಯಾ ಕರ್ತಾತಾ. ಕಾಕದ್ಯಾಮ, ಮಿ ಕ್ಹುದಾ ಕಂತೊ ಆಯೊಸ ವರಿ ಮಿ ನ್ಹ್ಯಾ ಛೆ. ಮಿ ಆಯಲ ಮಾರು ಸ್ವಂತ ಅದಿಕಾರಕ್ಹು ನ್ಹವೈ. ಕ್ಹುದಾಜ ಮನೆ ಮೊಕ್ಲ್ಯೊಸ.

ಅಪೊಸ್ತಲೊ 16:34

ತೆಳಾಮಾ ತ್ಯುನೊನೆ ತಿನಾ ಘರೆ ಬಲೈಲಿನ ಗೈನ ಅನ್ನ ಕ್ಹಲಾಯೊ ತೆ ವರಿ ತಿನಾ ಘರವಾಲಾವೊನಾ ಕ್ಹಾತೆ ಕ್ಹುದಾನೆ ನಂಬಿನ ಕ್ಹುಶಿ ಥಯಾ.

ರೊಮಾಪೂರ 14:17

ತೆ ನೈಸು ಕ್ಹುದಾನಿ ರಾಜ್ಯಮಾ ಖಾವಾನು ರ‍್ಹೈನೆಕಾ ಪಿವಾನು ರ‍್ಹೈನೆಕಾ ಖಾಸ ನ್ಹವೈ. ನಿತಿ ಸಮಾಧಾನ ಪವಿತ್ರ ಆತ್ಮಾನು ಥಾವಾನಿ ಖುಶಿ ತ್ಯಾ ಖಾಸ ವ್ಹೈ.

ರೊಮಾಪೂರ 15:13

ಆಸ ದಿವಾಲೊ ಕ್ಹುದಾ ಬರೊಕ್ಹಾಕ್ಹು ಥಾವಾನಿ ಖುಶಿ ಸಮಾಧಾನ ಪುರಾ ದಿವಾದೆ ಕೈನ ತೆಳಾಮಾ ಪವಿತ್ರ ಆತ್ಮಾನಿ ತಾಕತಕ್ಹು ತುಮೊಮಾ ಭರಾದೆ

1 ಕೊರಿಂಥ 16:22

ಕುನ್ನತಬಿ ಕರ್ತಾನೆ ನೈ ಮಯಾ ಕರ‍್ಯಮ ತೆ ಶ್ರಾಪವಾಲೊ ಥಾವಾದೆ. ಹಮಾರಾ ಕರ್ತಾ ಆ!

2 ಕೊರಿಂಥ 1:22

ಅಪೆ ತಿನಾ ವ್ಹೈ ಕೈನ ದೆಕಾಡಾನಾ ಹುತಿ ತೆ ಅಪೊಪರ ಶಿಕ್ಕೊ ಘಾಲ್ಯೊಸ. ತೆ ತಿನಿ ಪವಿತ್ರ ಆತ್ಮಾ ಅಪ್ನಾ ಮನಸ್ಮಾ ಮ್ಹೆಲ್ಯೊಸ. ತೆ ಅಪೊನೆ ದಿದಲ ವಾಗ್ದಾನ ಪುರಾಕರಸ ಕವಾನು ಪವಿತ್ರ ಆತ್ಮಾಜ಼ ಅಪೊನೆ ಸಾಕ್ಷಿ ಥೈಸ.

2 ಕೊರಿಂಥ 12:4

ಮಿ ಕಮ ಗ್ಯಾನ ರ‍್ಹ ತುಮ ಮಾರ ಹುತ ಹುತಿ ತಡ್ದಿಲಿನ ರ‍್ಹೌ ಕೈನ ಮನಸ ಕರುಸ ತುಮ. ತೆನೈಸೊ ತುಮ ಯಕ್ ಮಾರ ಹುತ ಹುತಿ ತಡ್ದಿಲಿನ ರ‍್ಹ.

2 ಕೊರಿಂಥ 4:18

ತಿನಾಹುತಿ ಅಪೊನೆ ದಿಕ್ಹಾನು ಕ್ಹಾನಾ ಕ್ಹಾರಾನಾಹುತಿ ವಿಚಾರ ಕರ್xಯಾವಾಚಿ ಅಪೊನೆ ನೈ ದಿಕ್ಹಾನಾವೊನಾ ಹುತಿ ವಿಚಾರ ಕರಿಯೆಸ.ವರಿ ಅಪೊನೆ ದಿಕ್ಹಾನು ಕ್ಹಾರುಜ ದಕ್ಹಾ ದಿನ್ನ ರ‍್ಹವಸ ನೈಸೊ ದಿಕ್ಹಾನು ಹಮೆಶಾಬಿ ರ‍್ಹವಸ.

2 ಕೊರಿಂಥ 5:7

ಅಪೆ ಸು ದೆಕಾಡ್ಯಾಸ ತಿನಾ ಹುತಿ ಅಪೆ ಜಿವ್ತಾ ನತ್ತಿ. ವರಿಬಿ ಅಪೆ ಕಿಪರ ಬರೊಕ್ಹೊ ಮ್ಹೆಲ್ಯಾಸ ತಿನಾಹುತಿ ಜಿವ್ತಾ ಛೆ.

2 ಕೊರಿಂಥ 9:15

ಕ್ಹುದಾ ದಿದ ಮೊಜ಼ ಕೈನ ನೈಸೊ ದಿವ ಹುತ ಹುತಿ ನೈ ತಿನೆ ಸ್ತುತ ಕೈನ.

ಗಲಾತ್ಯ 5:22

ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ,

ಗಲಾತ್ಯ 5:6

ಯಕ್ಲೊ ಕ್ರಿಸ್ತ ಯೆಸುಮಾ ರ‍್ಹತಾಮಾ ಸುನ್ನತಿ ಥೈಸು ನತ್ತಿ ಕೈನ ಕವಾನು ಖಾಸ ನ್ಹವೈ. ಖಾಸ ಸುವೈ ಕದ್ಯಾಮ ಮಯಾಕ್ಹು ಕರಾನೊ ಬರೊಕ್ಹೊ.

ಎಫೆಸ 3:19

ಕ್ರಿಸ್ತನಿ ಮಯಾ ಮನಕ್ಹೊ ತಿಳ್ದಿಲಿವಾನೆ ಸಾಧ್ಯ ನತ್ತಿ. ತೆನೈಸೊ ತೆ ಮಯಾನೆ ತುಮೆ ತಿಳ್ದಿಲಿವಾಲಾ ಥೌ ಕೈನ ಪ್ರಾಥನಾ ಕರುಸ. ತೆಳಾಮಾ ತುಮೆ ಕ್ಹುದಾನೆ ಪುರಾ ಮನಸ್ಸಕ್ಹು ಭರಲವಾಲಾ ಥಾವಾನೆ ಸಾಧ್ಯ ಥಾವಸ.

ಎಫೆಸ 6:24

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಹಮೆಶಾನಿ ಮಯಾಕ್ಹು ಮಯಾ ಕರಾಲಾ ತುಮೊಪರ ಕ್ಹುದಾನಿ ಕೃಪಾ ಹಮೆಶಾಬಿ ರ‍್ಹವಾದೆ.

ಫಿಲಿಪ್ಪಿ 1:25

ತಿನಾಹುತಿ ತುಮೊನೆ ಕ್ರಿಸ್ತನೊ ಭರ‍ೊಕ್ಹೊ ಅಗು ಭಡಾನು ವರಿ ಕ್ಹುಶಿ ಥಾವಾನಾ ಹುತಿ ಮಿ ಜಿವ್ತೊ ಥೈನ ತುಮಾರಾ ಕ್ಹಾತೆ ರ‍್ಹೌಸ ಕೈನ ಘಟ್ಟ ಮನಸ್ಸಕ್ಹು ನಂಬ್ಯೊಸ.

ಫಿಲಿಪ್ಪಿ 3:3

ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ.

ಫಿಲಿಪ್ಪಿ 4:4

ಹಮೆಶಾಬಿ ಪ್ರಭುಮ್ಮಾ ಖುಶಿ ಕರೊ;ಖುಶಿ ಕರೊ ಕೈನ ವರಿ ಕೌಸ.

ಇಬ್ರಿಯ 11:1

ವಿಸ್ವಾಸ ಕದ್ಯಾಮ ಅಪೆ ಆಸ ಕರಲ ಕಾಮೊ ಬರೊಕ್ಹಾಕ್ಹು ರ‍್ಹಯಲ ಅಪ್ನಾ ಡೊಳೆ ನೈ ದಿಕ್ಹಲಜ಼ ಕ್ಹರಿ ವ್ಹೈ ಕೈನ ಕಳೈಲಿವಾನು ವ್ಹೈ.

ಇಬ್ರಿಯ 11:27

ತೆ ಇಜಿಪ್ತ ಬರೊಕ್ಹಾಕ್ಹುಜ಼ ಛೊಡಿನ ಗಯೊತೊ. ಫರೊಹನನಿ ಶಿಟ್ಟಕ್ಹು ತೆ ಭುಚ಼ಕ್ಯೊ ನೈ. ಕಿನೆಜ಼಼ ನೈ ದಿಕ್ಹಾನೊ ಕ್ಹುದಾ ತಿನೆ ದಿಕ್ಹಾಡೊಸ ಕೈನ ತೆ ಖಚಿತ ಕರಲಿದ್ಯೊ.

1 ಪೆತ್ರಾ 1:6

ಎ ತುಮೊನೆ ಘನ್ನಿ ಖುಶಿ ದಿವಸ. ತೆನೈಸೊ ತುಮೊನೆ ದಕ್ಹಾದಿನ್ನ ಘನ್ನಿತರಾನಿಯೊ ತ್ರಾಸೊ ಆವಸ ವರಿ ತೆ ತುಮೊನೆ ಘನ್ನು ದುಖ ದಿವಸ.

1 ಪೆತ್ರಾ 2:7

ಬರೊಕ್ಹೊ ರ‍್ಹಯಲ ಮನಕ್ಹೊ ಥಯಲ ತುಮೊನೆ ತೆ ದಗ್ಡೊ (ಯೆಸು) ಘನ್ನೊ ಮೊಗಾನೊ ವ್ಹೈ. ತೆನೈಸೊ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ತೆ ಅಮ ಕದ್ಯೊಸ; "ಭಾಂದಾವಾಲಾ ನಕೊ ಕೈನ ಛೊಡಲ ದಗ್ಡೊಜ಼ ಮುಲಾನೊ ದಗ್ಡೊ ಥಯೊ" ಕಿರ್ತನೆ. 118:22

1 ಪೆತ್ರಾ 5:4

ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹತಾಮಾ, ತುಮೊನೆ ಮಾತಾಪರ ಕಿರಿಟ ಮಳಸ. ಮ್ಹೊಟಿ ತಾಕತಮಾ ರ‍್ಹಯಲ ತೆ ಕಿರಿಟ ತಿನೆ ಕಳಾ ಜ಼ವೈಲಿತಿಜ಼ ನೈ.