1 ಪೆತ್ರಾ 1:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ತುಮಾರೊ ಬರೊಕ್ಹೊ ಘನ್ನೊ ಶುದ್ಧ ಛೆ ಕೈನ ದೆಕಾಡಾನಾ ಹುತಿ ತೆ ತ್ರಾಸ ಆವಸ. ತುಮಾರೊ ಬರೊಕ್ಹೊ ಚೊ಼ಕಾ ಕ್ಹೊನಾತಿ ಘನ್ನು ಮೊಗು ವ್ಹೈ. ಕ್ಹೊನು ಹಾಳ ಥೈ ಜಾ಼ವಸ ರ‍್ಹೈತಬಿ ತಿನೆ ಆಗ್ಮಾ ಕರಗೈನ ತಿನೆ ಸುಂದರತಾ ದೆಕಾಡಸ. ಯೆಸು ಕ್ರಿಸ್ತ ಅಪೊನೆ ದಿಖ್ತಾಮಾ, ತುಮಾರೊ ಬರೊಕ್ಹೊ ತುಮೊನೆ ಮರ್ಯಾದಿ ದಿಲಾವಸ.

1 ಪೆತ್ರಾ 1:7 Iomraidhean Croise

ಮತ್ತಾಯ 19:28

ಯೆಸು ತ್ಯುನೊನೆ, ತುಮೊನೆ ಕ್ಹರಿಜ಼ ಕೌಸ, ನಯಿ ಸೃಷ್ಟಿಮಾ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಾ ಸಿಂಹಾಸನಪರ ಬೈಟತಾಮಾ, ಮಾರಾ ಪಾಚಾ಼ ಆಯಲವಾಲಾ ತುಮೆಬಿ ಬಾರಾ ಸಿಂಹಾಸನೊನಾ ಉಪ್ಪರ ಬೈಟಿನ, ಇಸ್ರಾಯೆಲನಾ ಬಾರಾ ಘರ್ದಾನೊನೆ ನ್ಯಾಯ ತಿರಿಸೊಶಿ.

ಮತ್ತಾಯ 25:21

ತಿನೊ ಮಾಲಕ ತಿನೆ, ಹೊ ಬೊರೊಕ್ಹೊ ರ‍್ಹಯಲ ಚೊ಼ಕಾ ಸೆವಕ; ತು ನಕ್ಕರ ಕಾಮ್ಮಾ ಕ್ಹರಿನೊ ವ್ಹೈ; ಮ್ಹೊಟಾ ಕಾಂಪರ ತುನೆ ಮ್ಹೆಲುಸ; ತಾರಾ ಮಾಲಕನಾ ಖುಶಿಮಾ ತು ಮಳ ಕದ್ಯೊ.

ಮತ್ತಾಯ 25:23

ತಿನೊ ಮಾಲಕ ತಿನೆ ಹೊ, ಬರೊಕ್ಹೊ ರ‍್ಹಯಲ ಚೊ಼ಕಾ ಸೆವಕ ತುಬಿ ದಕ್ಹಾಜ಼ ರ‍್ಹಯಲ ಕಾಮ್ಮಾ ಕ್ಹರಿಕ್ಹು ರ‍್ಹಯೊಸ, ಮ್ಹೊಟಾ ಕಾಂಪರ ತುನೆ ಮ್ಹೆಲುಸ; ತಾರಾ ಮಾಲಕನಾ ಖುಶಿಮಾ ತು ಮಳ. ಕದ್ಯೊ.

ಲುಕ ಬರ್ದಲ ಸುವಾರ್ತಾ 12:33

ತುಮೊಕನ ರ‍್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ‍್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ‍್ಹತಿ ನೈ. ತಿನಾಹುತಿ ಹಮೆಶಾ ರ‍್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ.

ಲುಕ ಬರ್ದಲ ಸುವಾರ್ತಾ 17:30

ಮನಕ್ಹನೊ ದಿಕ್ರೊ ಫರಿನ ಆತಾಮಾ ಜಗತ್ನಿ ಸ್ತಿತಿ ಇಮ್ಮಜ಼ ಥಾವಸ.

ಯೊಹಾನ 12:26

ಕುನ್ನ ಮಾರಿ ಸೆವೆ ಕರು ಕೈನ ಛೆ ತೆ ಮಾರಾ ಪಾಚೊ಼ ಔ. ವರಿ ಮಿ ಕಿಜಾ಼ ರ‍್ಹೌಸ ತ್ಯಾ ಮಾರಾ ಸೆವಕೊಬಿ ರ‍್ಹವಸ ವರಿ ಮಾರೊ ಬಾ ಮಾರಿ ಸೆವಾ ಕುನ್ನ ಕರಸ ತ್ಯುನೊನೆ ಮರ್ಯಾದಿ ದಿವಸ ಕದ್ಯೊ.

ಯೊಹಾನ 5:44

ತುಮೆ ಯಕ್ನೆ ಯಕ್ಕ ಸನ್ಮಾನ ದ್ಯು ಕೈನ ಆಸ ಕರೊಶಿ. ತೆನೈಸೊ ಯಕ್ಕಜ಼ ಕ್ಹುದಾತಿ ಆವಾನಿ ಸನ್ಮಾನ ಲಿವಾನೆ ತುಮೆ ಕೆಳಾಮಾಜ ಕೊಶಿಶ ನೈ ಕರ‍್ತಾ. ಇಮ್ಮ ರ‍್ಹಯುಮ ತುಮೆ ಮನೆ ಕಿಮ್ಮ ಬರೊಕ್ಹೊ ಕರೊಶಿ?

ಅಪೊಸ್ತಲೊ 8:20

ತೆಳಾಮಾ ಪೆತ್ರಾ ತಿನೆ, ತಾರು ರುಪ್ಪು ತಾರಾ ಕ್ಹಾತೆಜ಼ ಹಾಳ ಥೈನ ಜಾ಼ವಾದೆ. ಕ್ಹುದಾ ದಿವಾನಿ ವರಾ ದೊಕ್ಡಾ ದಿನ್ನ ಇಕ್ಕಾತು ಲಿವಾನು ವ್ಹೈ ಕೈನ ತಿಳ್ದಿಲಿದ್ಯೊಸ?

ರೊಮಾಪೂರ 2:10

ತೆನೈಸೊ ಚೊ಼ಕುಜ಼ ಕರಾಲಾ ಹರಿ ಯಕ್ಲಾನೆ ಕದ್ಯಾಮ ಪೈಲಾ ಯಹುದಿಯೊನೆ, ಪಾಚಲ್ತೊ ಯಹುದ್ಯೊ ನೈಸೊವಾಲಾವೊನೆ ಕ್ಹುದಾ ಮಹಿಮಾ, ಮರ್ಯಾದಿ ವರಿ ಶಾಂತಿ ದಿವಸ.

ರೊಮಾಪೂರ 2:29

ಮನಸ್ಮಾ ಯೆಹುದಿ ರ‍್ಹಯಲವಾಲೊಜ಼ ಕ್ಹರಿನೊ ಯೆಹುದಿ ವ್ಹೈ. ಮನಸ್ಮಾ ಥಯಲ ಸುನ್ನತಿ ಕ್ಹರಿನಿ ಸುನ್ನತಿ ವ್ಹೈ. ಎ ಸುನ್ನತಿ ಥಯಲ ಕ್ಹುದಾನಿ ಆತ್ಮಾಕ್ಹುಜ಼ ಥಯಲ ವ್ಹೈ ತೆನೈಸೊ ಬರ್ದಲ ಧರಮಶಾಸ್ತ್ರ ಕ್ಹು ನ್ಹವೈ. ಕ್ಹುದಾನಿ ಆತ್ಮಾಕ್ಹು ಮನಸ್ಮಾ ಸುನ್ನತಿ ಥಯಲ ಮನಕ್ಹ ವ್ಹೈ ಕೈನ ಕವೈಲಿವಾನು ಕ್ಹುದಾಕ್ಹು ವ್ಹೈ ತೆನೈಸೊ ಮನಕ್ಹೊ ಕ್ಹು ನ್ಹವೈ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

ರೊಮಾಪೂರ 8:19

ಕ್ಹುದಾ ತಿನಾ ಬಚ್ಚಾ಼ವೊನೆ ದೆಕಾಡಾನಾ ದಿನೊಮಾ ಕ್ಹುದಾನಿ ಕ್ಹಾರಿ ಸೃಷ್ಟಿ ಉತ್ಸಾಹಕ್ಹು ಆಸ ಕರಾಡ್ಯುಸ.

1 ಕೊರಿಂಥ 3:13

ತೆನೈಸೊ ಹರ ಯಕ್ಲಾನು ಕಾಮ ಕರೆಟ್ಟ ದಿಕ್ಹಸ; ಕಾಕದ್ಯಾಮ, ಕ್ರಿಸ್ತ ಆವಾನು ಫೈಸ್ಲಾನೊ ದಿನ್ನ ತೆ ದೆಕಾಡಸ. ತೆ ದಿನ್ನ ಆಗನಾ ಕ್ಹಾತೆ ಹುಟ್ಟಸ. ತೆ ಆಗ ಹರಯಕ್ಕ ಮನಕ್ಹನಾ ಕಾಮೊ ಪರಿಕ್ಷಾ ಕರಸ. ವರಿ ಚೊ಼ಕು ಗುಣಮಟ್ಟ ದೆಕಾಡಿನ ದಿವಸ.

1 ಕೊರಿಂಥ 4:5

ತಿನಾಹುತಿ ಕರೆಟ್ಟ ಟೈಮತಿ ಪೈಲಾ ಪೈಸ್ಲೊ ಕರೊ ನಕೊ. ಅಂದಾರಾಮಾ ದಡಿರ‍್ಹಯಲ ಕ್ಹಾರಾವೊನಾ ಉಪ್ಪರ ತೆ ಉಜಾಲು ದಿವಸ. ಮನಕ್ಹೊನಾ ಮನಸೊ ರಹಸ್ಯ ರ‍್ಹಯಲ ಉದ್ದೆಶೊ ತೆ ದೆಕಾಡಿನ ದಿವಸ. ತೆಳಾಮಾ ಹರ ಯಕ್ಲಾನೆ ಆವಾನು ಹೊಗಳಿಕೆ ಕ್ಹುದಾಕ್ಹುಜ಼ ಆವಸ.

ಯಾಕೊಬ 1:12

ಕುನ್ನ ಕಷ್ಟ ತಡ್ದಿಲಿವಸ ಕ್ಹಾವಸ ತೆ ಆಶಿರ್ವಾದ ವ್ಹಂದಿಲಿದಲವಾಲೊ ವ್ಹೈ. ತೆ ಪರಿಕ್ಷಾಮಾತೊ ಬ್ಹಾರೊ ಆಯಲ್ಪರ ಕರ್ತಾ ತಿನೆ ಮಯಾ ಕರಲವಾಲಾವೊನೆ ಕದಲ ಲಿಂಗತಜ಼ ಹಮೆಶಾನು ಜ಼ಲಮನು ಕಿರಿಟ ವ್ಹಂದಿಲಿವಸ.

1 ಪೆತ್ರಾ 1:13

ತಿನಾಹುತಿ ತುಮೆ ತುಮಾರು ಮನಸ ಸೆವೆನಾ ಹುತಿ ತಯ್ಯಾರ ಕರಿಲಿವೊ. ತೆನೈಸೊ ತುಮೊನೆ ತುಮಾರಿ ಹತೊಟಿಮಾ ಮ್ಹೆಲ್ಲಿವೊ. ಯೆಸು ಕ್ರಿಸ್ತ ಅಪೊನೆ ದಿಕ್ಹಾನಾ ಟೈಮ್ಮಾ ತುಮೊನೆ ಮಳಾನಿ ಮರಗಾ ವರಿ ಮಳಾನಿ ವರಾ ಪರ ತುಮಾರಿ ಆಸ ಪುರಾ ರ‍್ಹೌ.

1 ಪೆತ್ರಾ 1:5

ಕ್ಹುದಾನಿ ತಾಕತ ತುಮಾರಾ ಬರೊಕ್ಹಾನಾ ಹುತಿ ಕೈದಸ. ತುಮೊನೆ ರಕ್ಷಣೆ ಥಾಯೆ ಲಕ್ಕಾ ತುಮೊನೆ ಚೊ಼ಕಿತರಾ ಮುಕ್ಕಸ. ತಯ್ಯಾರ ರ‍್ಹಯಲ ಲಾಸ್ಟನಾ ದಿನ್ಮಾ ತುಮೊನೆ ಮಳಸ.

1 ಪೆತ್ರಾ 2:4

ಪ್ರಭು ಥಯಲ ಯೆಸುನೆ ಜ಼ಲಮ ರ‍್ಹಯಲ "ದಗ್ಡೊ ವ್ಹೈ" ಎ ಜಗತ್ನಾ ಮನಕ್ಹೊ ತ್ಯುನೊನೆ ತೆ "ದಗ್ಡೊ" ನಕೊ ಕೈನ ಫೈಸಲೊ ಕರ‍್ಯಾ. ತೆನೈಸೊ ತೆ ಕ್ಹುದಾ ಇನಿಲಿದಲ "ದಗ್ಡೊ" ವ್ಹೈ ತೆ ಕ್ಹುದಾನಿ ನಜ಼ರಮಾ ಚೊ಼ಕೊ ವ್ಹೈ. ತಿನಾಹುತಿ ತಿನಾ ನಜಿಕ ಆವೊ.

1 ಪೆತ್ರಾ 2:7

ಬರೊಕ್ಹೊ ರ‍್ಹಯಲ ಮನಕ್ಹೊ ಥಯಲ ತುಮೊನೆ ತೆ ದಗ್ಡೊ (ಯೆಸು) ಘನ್ನೊ ಮೊಗಾನೊ ವ್ಹೈ. ತೆನೈಸೊ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ತೆ ಅಮ ಕದ್ಯೊಸ; "ಭಾಂದಾವಾಲಾ ನಕೊ ಕೈನ ಛೊಡಲ ದಗ್ಡೊಜ಼ ಮುಲಾನೊ ದಗ್ಡೊ ಥಯೊ" ಕಿರ್ತನೆ. 118:22

1 ಪೆತ್ರಾ 4:12

ಮಾರಾ ಮಯಾನ ದೊಸ್ತೊ, ತುಮೆ ಹಮ್ನಾ ಅನುಭವಿಸಾನು ಕಷ್ಟನಾ ಹುತಿ ಘಾಬ್ರಾ ಥಾವೊನಕೊ. ತೆ ತುಮಾರಾ ಬರೊಕ್ಹೊ ಪರಿಕ್ಷಾ ಕರಾಹುತಿ ಆವಸ. ಘನ್ನೊ ತ್ರಾಸ ಆವಸ ಕೈನ ತುಮೆ ವಿಚಾರ ಕರೊನಕೊ.

1 ಪೆತ್ರಾ 4:13

ತೆನೈಸೊ ತುಮೆ ಕ್ರಿಸ್ತನೊ ತ್ರಾಸ ವಾಟಿಲಿವಾಡ್ಯಾಸ ಕೈನ ತುಮೆ ಖುಶಿಕ್ಹು ರ‍್ಹವೊ. ಕ್ರಿಸ್ತ ತಿನಿ ಮಹಿಮಾ ದೆಕಾಡಾನಾ ಹುತಿ ತುಮೆ ಖುಶಿ ಕರೊಶಿ.

1 ಪೆತ್ರಾ 5:1

ತುಮಾರಿ ಸಬೆಮಾ ಮ್ಹೊಟಾ ರ‍್ಹಯಲವಾಲಾವೊನಾ ಮಿ ದಕ್ಹಿಯೊ ವಾತೊ ಕೌ ಕೈನ ಛೆ. ಮಿ ಯಕ್ಲೊ ಮ್ಹೊಟೊ ಥಯೊಸ. ಮಿ ಕ್ರಿಸ್ತನೆ ತ್ರಾಸ ದಿವಾನು ಡೊಳೆ ದೆಕ್ಯೊಸ. ಹಮೊನೆ ದಿಕ್ಹಾನಾ ಟೈಮ್ಮಾ ಮಿ ತಿಮಾ ಭಾಗಿದಾರ ಥಯೊಸ.

2 ಪೆತ್ರಾ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಸಿಮೆಯೊನ ಪೆತ್ರಾ ಅಪ್ನಾ ಕ್ಹಾತೆ ಘನ್ನಾ ಮ್ಹೊಟಾ ಬರೊಕ್ಹಾಮಾ ರ‍್ಹಯಲ ಮನಕ್ಹೊನೆ ಬರ್ದಾನು ಪತ್ರ. ಅಪ್ನೊ ಕ್ಹುದಾ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತ ಕ್ಹರಿನೊ ರ‍್ಹಯಲ ಹುತಿ ತೆ ಬರೊಕ್ಹೊ ತುಮೊನೆ ಮಳ್ಯೊಸ. ತೆ ಯೊಗ್ಯ ರ‍್ಹಯಲಜ಼ ಕರಸ.

2 ಪೆತ್ರಾ 1:4

ಯೆಸು ತೆ ಕರಲ ವಾಗ್ದಾನಕ್ಹು, ತಿನಾ ಪ್ರಭಾವಕ್ಹು ವರಿ ಗುಣಾವೊಕ್ಹು ಅಪೊನೆ ಮ್ಹೊಟು ರ‍್ಹಯಲ ವರಿ ಚೊ಼ಕು ರ‍್ಹಯಲ ವರಾ ದಿದ್ಯೊಸ. ತೆ ವರಾಕ್ಹು ತುಮೆ ಕ್ಹುದಾನಿ ಗುಣಾವೊಮಾ ಹಿಸ್ಸೊ ಲಿವಾಲಾಥಾವಾನೆ ಸಾದ್ಯ ಛೆ. ಇಮ್ಮ ರ‍್ಹತಾಮಾ ತುಮೆ ಎ ಲೊಕಮಾ ಕೆಟ್ಟ ಆಸಕ್ಹು ಆವಾನು ಕೆಟ್ಟಕ್ಹು ಚು಼ಕೈಲಿದಲವಾಲ ಥಯಾಸ.

2 ಪೆತ್ರಾ 3:14

ಮಯಾನಾ ದೊಸ್ತೊ, ಇನಾಹುತಿ ಅಪೆ ಕ್ಹಾಮಾ ದೆಕಾಡ್ಯಾಸ. ತಿನಾಹುತಿ ತುಮೆ ಪಾಪ ನೈಸೊವಾಲಾ ಥೈನ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ಕ್ಹುದಾನಾ ಕ್ಹಾತೆ ಸಮಾಧಾನಕ್ಹು ರ‍್ಹವಾನು ಕರೊ.

ಯುದ ಬರ್ದಲ ಪತ್ರ 1:24

ತೆ ತಾಕತವರ ಥಯೊಸ. ತುಮೆ ಪಡೆನೈಸೊ ತೆ ತುಮೊನೆ ಮದದತ ಕರಸ. ತೆ ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ತಿನಿ ಮಹಿಮಾನಿ ಸನ್ನಿಧಿಮಾ ಲಾವಾನೆ ತುಮೊನೆ ಘನ್ನಿ ಮ್ಹೊಟಿ ಖುಶಿ ದಿವಾನೆ ಶಕ್ತ ಥಯೊಸ.

ಪ್ರಕಟನೆ 1:7

ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ"

ಪ್ರಕಟನೆ 2:10

ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.

ಪ್ರಕಟನೆ 3:10

ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.

ಪ್ರಕಟನೆ 3:18

ಆಗ್ಮಾ ಘಾಲಿನ ಹಸಾ ಕರಲ ಕ್ಹೊನಾ ಲಿಂಗತ ಥೌ ಕೈನ ಮಾರಾಕ್ಹು ತುನೆ ಗ್ವತ್ತ ಥಾವಾದೆ ಕೈನ ತಿಳಸೈನ ದ್ಯುಸ. ತೆಳಾಮಾ ತು ಕ್ಹರಿಮಾಜ಼ ಸೌಕಾರ ಥಾಸಿ. ಮಿ ತುನೆ ಕವಾನು ಸು ವ್ಹೈ ಕದ್ಯಾಮ; ಧೊಳಾ ವಣ್ಣಾ ಇಕ್ಕಾತೊ ಲೆ. ತೆಳಾಮಾ ತು ಹಸೈಲಾಗಾನು ತಾರು ಭೊಗಳು ಅಂಗ ಝಾಕಿಲಿವಾನೆ ಥಾವಸ. ತು ತಾರಾ ಡೊಳಾನೆ ಲಗಾಡಾನೆ ವಕ್ಹಡ ಇಕ್ಕಾತೊ ಲ್ಯು ಕೈನ ಮಿ ತುನೆ ಕೌಸ. ತೆಳಾಮಾ ತುನೆ ಕ್ಹರಿನಾ ಡೊಳಾ ದಿಕ್ಹಸ.