୧ ତିମଥି 3:6 - ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁶ ଆଡଃ ଇନିଃ ଖ୍ରୀଷ୍ଟ୍‌ ବିଶ୍ୱାସ୍‌ରେ ପକ୍‌ତାକାନ୍‌ଗି ତାଇନ୍‌ ଲାଗାତିଙ୍ଗ୍‌ୟାଁଃ, କା'ରେଦ ଇନିଃ ସାମାଗି ଆପାନ୍‌କେ ମାରାଙ୍ଗ୍‌ ମେନ୍ତେ କାଜିନ୍‌ତାନ୍‍ଲଃ ସାଏତାନ୍‌ ଲେକା ସାଜାଇରେ ଉୟୁଗଃଆ ।

ମୁଣ୍ଡା ନାୱା ନିୟାମ୍

⁶ ଇନିଃ ନାୱା ବିଶ୍ଵାସୀ କାତାଇନ୍ ଚାହି, କାରେଦୋ ଇନିଃ ମାରାଙ୍ଗେନ୍ ଲେକା ପାହୋମେୟାଏ ହାର୍ ଶାଏତାନ୍ ଲେକା ଶାଜାଇ ନାମେୟାଏ।

୧ ତିମଥି 3:6 Iomraidhean Croise

ଲୁକା 10:18

ଇନିଃ ମେତାଦ୍‌କଆଏ, “ଆଇଙ୍ଗ୍‌ ସାଏତାନ୍‌କେ ହିଚିର୍‌ ଲେକା ସିର୍ମାଏତେ ଉୟୁଗଃତାନ୍‌ତେୟାଃ ନେଲ୍‌କିୟାଇଙ୍ଗ୍‌ ।

୧ କରିନ୍ଥିୟ 3:1

ହେ ହାଗା ମିଶିକ, ଆଇଙ୍ଗ୍‌ ଆତ୍ମିକ୍‌ ହଡ଼କକେ କାଜିତାନ୍‌ ଲେକା ଆପେକେ କାଇଙ୍ଗ୍‌ କାଜିଦାଡ଼ି ତାନା, ମେନ୍‌ଦ ଅତେଦିଶୁମ୍‌ରେନ୍‌ ହଡ଼କକେ ଆଡଃ ଖ୍ରୀଷ୍ଟ୍‌ ବିଶ୍ୱାସ୍‌ରେନ୍‌ ହନ୍‌କକେ କାଜିତାନ୍‌ ଲେକା ଆପେକେଇଙ୍ଗ୍‌ କାଜିପେତାନା ।

୧ କରିନ୍ଥିୟ 8:1

ଆଇଙ୍ଗ୍‌ ମୁରୁତ୍‌କତାଃରେ ଦାଣେଁ ରାକାବାକାନ୍‌ ଜମେୟାଃଁ ବିଷାଏରେ ନେଆଁଁଇଙ୍ଗ୍‌ କାଜିତାନା, ଆବୁ ସବେନ୍‌କଆଃ ସେଣାଁଁ ମେନାଃ ମେନ୍ତେ ଆପେ କାଜିତାନ୍‌ତେୟାଃ ଆଲେ ସାରିତାନାଲେ । ଏନ୍‌ଲେକାନ୍‌ ସେଣାଁଁନ୍‌ ହଡ଼କ ହାଁକାରଃଆକ, ମେନ୍‌ଦ ଦୁଲାଡ଼୍‌, ହଡ଼କକେ ବାଇରୁହାଡ଼୍‌କଆ ।

୨ କରିନ୍ଥିୟ 12:7

ମେନ୍‌ଦ ଆଇଙ୍ଗ୍‌ ପାର୍‌ମେଶ୍ୱାର୍‌ତାଃଏତେ ଉଦୁବାକାନ୍‌ ନେ ଲେକାନ୍‌ ଆକ୍‌ଦାନ୍ଦାଅ କାମିକଇଙ୍ଗ୍‌ ନାମାକାଦ୍‌ରେୟ, ଆଇଙ୍ଗ୍‌ ଆପାନ୍‌କେ ମାରାଙ୍ଗ୍‌ ମେନ୍ତେ ଆଲକାଇଙ୍ଗ୍‌ କାଜିନ୍‌କା ମେନ୍ତେ ଆଇଁୟାଃ ହଡ଼୍‌ମରେ ହାସୁଇଙ୍ଗ୍‌ ନାଙ୍ଗ୍‌ ମିଆଁଦ୍‌ ଜାନୁମ୍‌ ଲେକା ଏମାକାନା, ନେଆଁଁ ଆଇଙ୍ଗ୍‌ରେ ସାଏତାନ୍‌ରାଃ କାଜିକୁଲ୍‌ନିଃ ଲେକାଏ କାମିୟା, ଜେ'ଲେକାଚି ଆଇଙ୍ଗ୍‌ ପୁରାଃଗି ଆପାନ୍‌କେ ମାରାଙ୍ଗ୍‌ ମେନ୍ତେ କାଜି କାଇଙ୍ଗ୍‌ ଦାଡ଼ିୟା ।

୧ ତିମଥି 3:7

ଇନିଃ ଆଲକାଏ ଗିହୁଗଃକା ଆଡଃ ସାଏତାନ୍‌ରାଃ ଫାଁସ୍‌ରିରେ ଆଲକାଏ ଉୟୁଗଃକା, ଏନାମେନ୍ତେ ଇନିଃକେ ବାହାରି କାଲିସିୟାରେନ୍‌ ହଡ଼କତାଃଏତେ ହଗି ମାଇନ୍ ନାମେଲେକାନ୍‌ନିଃ ହବାଅଃ ଲାଗାତିଙ୍ଗ୍‌ୟାଁଃ ।

୧ ତିମଥି 6:4

ଇନିଃ ଜେତ୍‌ନାଃ କା ସାରିକେଦ୍‌ତେ ଆପାନ୍‌କେ ମାରାଙ୍ଗ୍‌ ମେନ୍ତେ କାଜିନାଃ । ଇନିଃ ଏତ୍‌କାନ୍‌ ସାନାଙ୍ଗ୍‌, ଧାରାମ୍‌ପୁଥିରାଃ ବାଚାନ୍‌ ବିଷାଏରେ କାପ୍‌ଜି, ହିସ୍‌ଙ୍ଗା, ଏପ୍‌ରାଙ୍ଗ୍‌, ଏଟାଃକଆଃ ନିନ୍ଦାକାଜି, ଆଡଃ ଏତ୍‌କାନାଃକ ଉଡ଼ୁଗାଃଏ,

୨ ତିମଥି 3:4

ଇନ୍‌କୁ ବାଏମାନ୍‌କ, କା ଚେତ୍‌ଗାର୍‌କ ହବାଅଃଆ ଆଡଃ ପାର୍‌ମେଶ୍ୱାର୍‌କେ ଦୁଲାଡ଼୍‌ ବାଗିକେଦ୍‍ତେ ରିଜ୍‌ରାଙ୍ଗ୍‌ରେକ ତାଇନା ।

1 ପାତ୍ରାସ୍ 2:2

ନାୱାଜାନାମ୍‌ ହନ୍‌ଲେକା ହବାଅଃପେ । ସବେନ୍‌ ଇମ୍‌ତା ଫାର୍‌ଚି ଆତ୍ମିକ୍‌ ତଆ ନୁଁ ନାଗେନ୍ତେ ତେତାଙ୍ଗ୍‌ଅଃପେ, ଜେ'ଲେକାଚି ଆପେ ନୁଁକେଦ୍‌ତେ ହାରା ଦାଡ଼ିୟଃଆପେ ଆଡଃ ବାଞ୍ଚାଅପେ ନାମେୟା ।

1 ପାତ୍ରାସ୍ 5:5

ଏନ୍‌ଲେକାଗି, ଏ ସେପେଡ଼େଦ୍‌କ, ଆପେ ପ୍ରାଚିନ୍‌କଆଃ ଆକ୍‌ତେୟାର୍‌ରେ ତାଇନ୍‌ପେ । ଆପେ ସବେନ୍‌କ ମିହୁଡ଼୍‌ ଆଡଃମିହୁଡ଼୍‌କେ ସୁସାରି ନାଗେନ୍ତେ ଲେବେଃମନ୍‌ ଲେକାନ୍‌ ଲିଜାଃ ତୁସିୟେଁନ୍‌ପେ । ଚିୟାଃଚି ଧାରାମ୍‌ପୁଥିରେ ଅଲାକାନା, “ପାର୍‌ମେଶ୍ୱାର୍‌ ଆପାନ୍‌କେ ମାରାଙ୍ଗ୍‌ ମେନ୍ତେ କାଜିନ୍‌ ହଡ଼କଆଃ ସାୟାଦ୍‌ ହକାଏୟାଏ, ମେନ୍‌ଦ ଲେବେଃମନ୍‌ ହଡ଼କକେ ସାୟାଦ୍‌ ଏମାକଆଏ ।”

2 ପାତ୍ରାସ୍ 2:4

ପାର୍‌ମେଶ୍ୱାର୍‌ ପାପ୍‌କେଦ୍‌ ଦୁଁତ୍‌କକେ କା ଛାମାକେଦ୍‌ତେ ନାରାକ୍‌ରେ ହୁରାଙ୍ଗ୍‌କେଦ୍‌କଆ ଆଡଃ ମାରାଙ୍ଗ୍‌ ବିଚାର୍‌ ହୁଲାଙ୍ଗ୍‌ ଜାକେଦ୍‌ ନୁବାଃ ଗାଡ଼ାରେ ଦହକାଦ୍‌କଆ ।

ଯିହୁଦା 1:6

ଦୁଁତ୍‌କ ଆକଆଃ ମାରାଙ୍ଗ୍‌ ଠାୟାଦ୍‌ କା ଦହକେଦ୍‌ତେ ଆକଆଃ ତାଇନଃ ଠାୟାଦ୍‌ ବାଗିକେଦାକ । ପାର୍‌ମେଶ୍ୱାର୍‌ ଇନ୍‌କୁକେ ଏନ୍‌ ମାରାଙ୍ଗ୍‌ ସାଜାଇହୁଲାଙ୍ଗ୍‌ ଜାକେଦ୍‌ ଜାନାଅ ଜାନାଅରେୟାଃ ସିକ୍‌ଡ଼ି ତନଲ୍‌ରେ ତଲ୍‌କେଦ୍‌ତେ ନୁବାଗାକାନ୍‌ ଠାୟାଦ୍‌ରେ ଦହକାଦ୍‌କଆ, ଏନା ପାହାମେପେ ।