रोमियों 15:26 - परमेस्वर को सच्चो वचन

²⁶ काहैकि मकिदुनिया और अखाया कलीसिया के आदमिन कै अच्छो लगो, कि यरूसलेम नगर के परमेस्वर के पवित्र लोगन के कंगालन की सहभागिता मैं कछु चन्दा देमैं।

राना थारु नयाँ नियम

²⁶ काहेकी माकेडोनिया परदेश और अखैया परदेशके आदमी अइसे करन एक अच्छी बात सम्झीं, कि जो यरूशलेम सहरमे पबित्र आदमी हएं और जो गरीब हएं उनके भेँटी देमएं।

रोमियों 15:26 Iomraidhean Croise

मत्ती 25:40

तौ राजा उनकै जबाब देगो, ‘मैं तुमसे सच कहथौं, कि तुम जो मेरे जे छोटे से छोटे भईय्यन मैं से कोई एक के संग करे, बौ मेरिये संग करे!’”

मत्ती 26:11

गरीब तुमरे संग हमेसा रैहथैं, पर मैं तुमरे संग हमेसा नाय रैहंगो।

लूका 14:13

पर जब तैं हटकना करै, तौ गरीबन कै, अपंगन कै, लंगड़न कै और अंधरन कै बुला;

लूका 6:20

फिर ईसु अपने चेलन के घाँईं देखी और कही, खुसनसीब हौ तुम, जो दीन हौ, काहैकि परमेस्वर को राज्य तुम्हारो है!

प्रेरित 16:12

हूँना से हम फिलिप्पी मैं गै, जो मकिदुनिया जिला को खास सहर, और रोमन की बस्ती रहै; हम बौ सहर मैं कुछ दिन तक रहे;

प्रेरित 16:9

हूँना पौलुस रात कै एक दर्सन देखी कि एक मकिदुनी आदमी ठाड़ो भौ, बासे नहोरे करकै कहथै, “मकिदुनिया मैं आ और हमरी मदद कर!”

प्रेरित 18:12

जब गल्लियो कै अखाया देस को राज्यपाल बनाओ गौ, तौ हुँआँ के यहूदि जुराने, और पौलुस कै पकड़ लईं और बाकै न्याय करन बारी जघा मैं लैगै।

प्रेरित 19:21

जे बात होन के बाद, पौलुस मन मैं ठान लई कि मकिदुनिया और अखाया से हुईकै यरूसलेम कै जामौं। और कही, “हूँना जान के बाद मोकै रोम कै भी देखनो चाहिए।”

प्रेरित 9:13

हनन्याह जबाब दई, “प्रभु, मैं जहे आदमी के बारे मैं निरेन से सुनो हौं कि जौ यरूसलेम मैं तेरे पवित्र आदमिन के ताहीं करो गौ सबै भयानक कामन के बारे मैं बताई है।

1 कोरिन्थी 16:15

मैं तुमसे, मेरे भईय्यौ और बहेनियौ, नहोरे करथौं की तुम स्तिफनास के घराने कै तौ जानतै हौ, कि बे अखाया की फसल के पहले फरा हैं, और पवित्र लोग की सेवकाई के ताहीं समरे रहथैं।

1 कोरिन्थी 16:5

और मैं मकिदुनिया होत भौ तुमरे झोने आंगो; काहैकि मोकै मकिदुनिया हुईकै जानेई है।

2 कोरिन्थी 1:16

और तुमरे झोने से हुईकै मकिदुनिया कै जामौं, और फिर मकिदुनिया से तुमरे झोने आमौं और तुम मोकै यहूदिया के घाँईं थोड़ी दूर ले पुगाबौ।

2 कोरिन्थी 11:9

और जब मैं तुमरे संग रहौं और मोकै घटी पड़ी, तौ मैं कोई के ऊपर बोझ नाय डारो, भईय्या मकिदुनिया से आयकै मेरी घटी कै पूरो करीं; और मैं हर बातन मैं अपने आपकै तुमरे ऊपर बोझ बनन से रोको: और रोके रखांगो!

2 कोरिन्थी 2:13

हुँआँ अपने भईय्या तीतुस कै नाय पान से मेरे मन मैं बेचैनी हुई गई, इसलै उनसे बिदाई लैकै मैं मकिदुनिया कै चले गौ।

2 कोरिन्थी 7:5

जब हम मकिदुनिया मैं आए, तहुँओं हमरे सरीर कै सुकून नाय मिलो, और हमकै सब घाँईं से कलेस मिले करत रहै; बाहर लड़ाई रहैं, और भीतर भैंकर डर रहैं।

2 कोरिन्थी 9:12

जौ सेवा कै पूरो करन से ना खाली पवित्र आदमिन की जरूरत पूरी होथै, बल्किन आदमिन के घाँईं से परमेस्वर को भी गजब धन्यवाद होथै।

2 कोरिन्थी 9:2

मोकै पता है, कि तुम मदत करन ताहीं समरे हौ, और मैं मकिदुनिया के आदमिन के अग्गु तुमरे ऊपर घमंड दिखाथौं, “कि भईय्यौ और बहेनियौ अखाया के भईय्यौ और बहेनियौ एक साल से समरे हैं, और तुमरी धुन और गजबन कै भी उभारी है।”

2 कोरिन्थी 9:4

ऐसो नाय होबै कि अगर कोई मकिदुनिया मैं रहन बारे मेरे संग आमै, और तुमकै समरे भै नाय पामैं, तौ हुई सकथै कि जौ भरोसे कि बजह से हमकै सरम लगै, अपनी सरम कि बात करन के ताहीं ना, ऐसो महसूस करन के ताहीं!

फिलिप्पी 4:15

तुम फिलिप्पियन कै अच्छी तरह से पता है, कि जब मैं सुसमाचार के प्रचार के सुरुवाती दिनन मैं मकिदुनिया छोड़ दौ रहौं, तौ तुम मेरी मदत करन बारे इकलौती कलीसिया रहौ; तुम्हईं मेरे फायदा और नुकसान कै साझा करन बारे रहौ।

1 थेसलोनिकी 1:7

इसलै तुम मकिदुनिया और अखाया के सब विस्वासिन के ताहीं तुम आदर्स बने।

1 थेसलोनिकी 1:8

तुमरे हिंयाँ से ना खाली मकिदुनिया और अखाया मैं प्रभु को बचन सुनाओ गौ, पर तुमरो बिस्वास जो परमेस्वर के ऊपर है, जौ खबर हर जघा ऐसी फैल गई है, कि हमकै कहेन कि जरूरतै ना है।

1 थेसलोनिकी 4:10

और पूरे मकिदुनिया के सब भईय्यन के संग ऐसो व्यवहार करथैं। तौ भईय्यौ और बहेनियौ, हम तुमसे नहोरे करथैं, कि और भी जाधे प्रेम करत जाबौ।

1 तिमोथी 1:3

जैसे मैं मकिदुनिया कै जान पोती तोकै समझाओ रहौं, कि इफिसुस मैं रहकै कुछ लोगन कै समझईये कि बे गलत सिक्छा ना देमैं।

फिलेमोन 1:5

तेरो बिस्वास जो प्रभु ईसु मैं है और तेरो प्रेम परमेस्वर के पवित्र लोगन मैं है बाके बारे मैं सुन रौ हौं।